🐝🐝തേനമൃതം – 4🐝🐝 Likeഅടിപൊളി  

“എന്താ പറഞ്ഞോണ്ടിരുന്നേ?”

ഞാൻ രണ്ടുപേരെയും മാറിമാറി നോക്കിയ ശേഷം ചോദിച്ചു. രാധു ഒന്നുമില്ല എന്നുപറഞ്ഞ് എന്നെനോക്കി കണ്ണിറുക്കികാട്ടി. ലച്ചുവാണെങ്കിൽ ചോരവാർന്നുപോയത് പോലെ നിൽപ്പ് തുടർന്നു. കാര്യം ഏകദേശം പിടികിട്ടിയെങ്കിലും ഞാൻ അറിയാത്ത മട്ടിൽ നിന്നു.

“ചായ ആയില്ലേ ലച്ചൂ?”

വിളറി നിക്കുന്ന ലച്ചുവിനോട് ഞാൻ ചോദിച്ചു,

“അ…ആ ആയി… ഇപ്പൊ എടുക്കാം.” ലച്ചു വിക്കി വിക്കി അതിന് മറുപടി പറഞ്ഞു.

രാധു ഇതിന് ചിരിക്കുകയാണ് ചെയ്തത്. അങ്ങനെ ചായകുടിയൊക്കെ കഴിഞ്ഞ് ഞങ്ങൾ വേഗം ഇറങ്ങി. അച്ഛമ്മയെ ആദ്യം തന്നെ ചെറിയച്ഛൻ്റെ വീട്ടിലിറക്കി. പക്ഷെ അവർ ഞങ്ങളെ വേഗം ഒന്നും വിട്ടില്ല. നിർബന്ധിച്ച് ചായയൊക്കെ തന്ന് കുറച്ചുനേരം പിടിച്ചിരുത്തിയ ശേഷമാണ് ഞങ്ങളെ പോകാനനുവദിച്ചത്‌. അവിടുന്നിറങ്ങിയ ഞങ്ങൾ നേരെ മാളിലേക്ക് വച്ചുപിടിച്ചു.

കുറച്ചധികം നേരം ഷോപ്പിങ്ങും കാര്യങ്ങളുമായി ചിലവഴിച്ച് ഫുഡും കഴിച്ച ശേഷം ഞങ്ങൾ മൂവരും വീട്ടിലേക്ക് തിരിച്ചു. രാത്രി ഞങ്ങൾ തിരിച്ചെത്തിയപ്പോൾ വളരെ വൈകിയിരുന്നു. ആഹാരമൊക്കെ മാളിൽ നിന്ന് കഴിച്ചതിനാൽ ഇനി അങ്ങനെയൊരു ചടങ്ങില്ല.

പതിയെ വാതിൽ തുറന്ന് ഞങ്ങൾ അകത്തേക്ക് കയറി. ഞാൻ രണ്ടുപേരോടും പറഞ്ഞിട്ട് മുകളിലെ ഞങ്ങളുടെ റൂമിലേക്ക് പോയി.

ഹോ! വല്ലാതെ മുഷിഞ്ഞിരുന്നു. ഒന്ന് കുളിക്കണം. ഞാനങ്ങനെ കുളിച്ച് റെഡി ആയി പുറത്തിറങ്ങിയപ്പോൾ രാധു മുറിയിലുണ്ട്.

“വിനൂ, ഞാൻ പറഞ്ഞത് ഓർമയുണ്ടല്ലോ? ഇന്ന് ലച്ചുവാണ് നിൻ്റെകൂടെ. ഇപ്പൊ ഞാൻ പറഞ്ഞുവിടും.”

അപ്പോഴേക്കും ഞാൻ അവളെ ചെന്ന് ചേർത്ത് പിടിച്ചിരുന്നു.

“അപ്പൊ എനിക്ക് രാധുവിനെ മിസ്സ് ചെയ്യും😕”

“എനിക്കും അങ്ങനെ തന്നെയാടാ… പക്ഷെ നീ ഞാൻ പറയണതൊന്ന് കേക്ക്..”

ഞാനങ്ങനെ അതിന് സമ്മതം മൂളി.

“നല്ല കുട്ടി😍😘😘”

ഇതുംപറഞ്ഞ് അവളെൻ്റെ ഇരുകവിളുകളിലും മാറിമാറി ചുംബിച്ചു. ശേഷം താഴേക്ക് പോയി.

***

കുറച്ചധികം നേരം കാത്തുനിന്നതും ഡോർ തുറക്കുന്നത് കണ്ടു. പക്ഷെ ലച്ചുവിനെ പ്രതീക്ഷിച്ച എൻ്റെ മുന്നിലേക്ക് രാധുവാണ് വന്നത്. എന്താണ് കാര്യം എന്നറിയാതെ ഞാൻ അവളോട് തിരക്കി.

“എന്താ രാധൂ? ലച്ചു എവിടെ?”

അവളെന്നെ ഒരു പ്രത്യേക രീതിയിൽ നോക്കി ചിരിച്ച ശേഷം എൻ്റെ കവിളിൽ പിച്ചിക്കൊണ്ട് പറഞ്ഞു…

“കള്ളൻ! കൊതിയായി തുടങ്ങിയല്ലേ? കുറച്ചുനേരം കൂടി കാത്തുനിക്ക് ചെക്കാ… നീ കുളിച്ചതല്ലേ? അപ്പൊ ദാ ഈ ഷർട്ടും മുണ്ടും ഉടുത്ത് വേഗം താഴേക്ക് വാ…”

“എന്തിനാ?”

“ഹ! ധൃതി പിടിക്കല്ലേ. വേഗം പോയി ഡ്രസ് മാറി വായോ.”

ഞാനവളെ അനുസരിച്ച് വേഷം മാറി താഴേക്ക് ചെന്നു. ഹാളിൽ കിടന്ന് തിരിഞ്ഞു കളിച്ച എന്നെ രാധു പിടിച്ചുവലിച്ച് പൂജാമുറിയിലേക്ക് കൊണ്ടു പോയി. എന്തിനാണെന്നറിയില്ലെങ്കിലും ഞാൻ അവളുടെ ഒപ്പം ചെന്നു. അവിടെ എത്തിയപ്പോ വിളക്കൊക്കെ അവൾ കത്തിച്ചു വച്ചിരിക്കുന്നു. എന്തിനാണാവോ?

കുറച്ചുനേരം കൂടി നിന്നപ്പോഴേക്കും രാധു വീണ്ടും അകത്തേക്ക് പോയി ലച്ചുവുമായി വന്നു. ലച്ചുവിനെ കണ്ടതും അക്ഷരാർത്ഥത്തിൽ ഞാൻ ഞെട്ടിപ്പോയി.

ഒരു ചുവപ്പ് പട്ടുസാരിയൊക്കെ ഉടുത്ത് തലയിൽ മുല്ലപ്പൂവും ചൂടി ഒരു കല്യാണപ്പെണ്ണിൻ്റെ വേഷത്തിൽ മന്ദം മന്ദം രാധുവിൻ്റെ കയ്യും പിടിച്ച് എൻ്റെ അരികിൽ വന്നുനിന്നു. ഒപ്പം തന്നെ രാധു ഒരു താലത്തിൽ ഒരു താലിമാലയും ഒരു ചെപ്പിൽ കുങ്കുമവും ഞങ്ങൾക്ക് മുന്നിൽ വച്ചു. നടക്കുന്നതൊന്നും എനിക്ക് വിശ്വസിക്കാൻ സാധിക്കുന്നുണ്ടായിരുന്നില്ല.

രാധു എന്നെക്കൊണ്ട് ലച്ചുവിൻ്റെ കഴുത്തിൽ താലി കെട്ടിക്കാനാണ് ഈ നെട്ടോട്ടമോടുന്നത്.

ഉള്ളിൻ്റെയുള്ളിൽ ഒത്തിരി സന്തോഷം തോന്നി. രാധു ഞങ്ങളെ രണ്ടുപേരെയും നന്നായി തന്നെ മനസ്സിലാക്കിയിരിക്കുന്നു. അവൾ താലി എടുത്ത് എൻ്റെ നേരെ നീട്ടി. ഞാൻ അവിടെയെങ്ങും അല്ലാതിരുന്നതിനാൽ അവളെന്നെ കുലുക്കി വിളിച്ച് അതെൻ്റെ കയ്യിൽ പിടിപ്പിച്ചു.

“ഇത് ഒരു ക്ഷേത്രത്തിൽ പൂജിച്ചതാ. ശരിക്കും ഏതേലും ക്ഷേത്രത്തിൽ വച്ച് താലി കെട്ടേണ്ടതായിരുന്നു. തൽക്കാലം രണ്ടുപേരും ഇതുവച്ച് അഡ്ജസ്റ്റ് ചെയ്യ്..”