ആയിരം കണ്ണുമായി 2

Aayiram Kannumayi Part 2 | Author : Fang leng

[ Previous Part ] [ www.kambi.pw ]

---

 

അഖിൽ : എന്റെ ദൈവമേ ഞാൻ എന്താ ഈ കാണുന്നത്… ഇത്ര വലിയ ബിസ്സിനെസ്സ് ഒക്കെ ഉള്ള ആളായിരുന്നോ നീ…

 

ശ്രുതി : നീ… നീ..എങ്ങനെയാ ഇവിടെ

 

അഖിൽ : അല്ല ഉപ്പ് മാങ്ങയൊക്കെ ഉണ്ടല്ലോ… വമ്പൻ സെറ്റപ്പ് ആണല്ലോ

 

ശ്രുതി : മര്യാദക്ക്‌ എന്റെ കച്ചവട സ്ഥലത്ത് നിന്ന് പോകാൻ നോക്ക്… നീ എന്താ എന്നെ ഫോളോ ചെയ്യുവാണോ

 

അഖിൽ : പോകാനോ പറയുന്നത് കേട്ടാൽ ഈ ബീച്ച് നിനക്ക് ആരോ പതിച്ചു തന്നിട്ടുണ്ടെന്ന് തോന്നുമല്ലോ…

 

ശ്രുതി : എന്നാൽ മാറി നിൽക്ക് നീ കാരണം കട മറയുവാ😡

 

അഖിൽ : കടയോ ഇതോ എന്റെ ദൈവമേ… അല്ല ബിസിനെസ്സ് ഒക്കെ എങ്ങനെയുണ്ട് ഈ കാല് കാണുമ്പോൾ വാങ്ങാത്തവർ കൂടി വന്നു വാങ്ങുമല്ലേ… അപ്പോൾ പിന്നെ നല്ല കളക്ഷൻ ആയിരിക്കും

 

ശ്രുതി : അഖിലെ എന്റെ ക്ഷമ പരീക്ഷിക്കരുത് കുറേ ആയി നീ എന്റെ കാലിനെ പറയുന്നു ഇതുകൊണ്ട് എനിക്ക് ഒരു പ്രശ്നവുമില്ല ഇനി എങ്ങാൻ എന്നെ കളിയാക്കിയാൽ

 

അഖിൽ : ആക്കിയാൽ എന്താ വീണ്ടും hod യോട് പറയുമോ… അല്ലെങ്കിൽ വികലാംഗ കമ്മീഷനിൽ പോകുമോ

 

ശ്രുതി : അതൊന്നും വേണ്ടി വരില്ല നല്ല ചൂട് ചട്ടുകമാ എന്റെ കയ്യിൽ ഇരിക്കുന്നെ 😡

 

അഖിൽ : ഓഹ് ഞാൻ അങ്ങ് പേടിച്ചു പോയി…അല്ല കപ്പലണ്ടി എന്താ വില

 

ശ്രുതി : നിനക്ക് തരാൻ ഇവിടെ കപ്പലണ്ടി ഇല്ല

 

ഓഹ് അങ്ങനെയാണോ ഇത്രയും പറഞ്ഞു അഖിൽ അവിടെ ഇരുന്ന പാത്രത്തിൽ നിന്നും വരുത്തിട്ട ഒരു പിടി കപ്പലണ്ടി വാരിയെടുത്തു

 

ശ്രുതി : അവിടെ വെക്കെടാ തോന്ന്യാസം കാണിക്കരുത്

 

അഖിൽ : പിടക്കാതെ പ്രസിഡന്റെ കാശ് തരാം…അല്ല കോളേജിൽ വച്ചുള്ള നിന്റെ പെർഫോമൻസ് ഒക്കെ കണ്ടപ്പോൾ ഞാൻ കരുതിയത് നീ ഏതോ കൊമ്പത്തെ മോളായിരിക്കുമെന്നാ ഇതിപ്പോൾ…കപ്പലണ്ടിയും വരുത്തുകൊണ്ട് നിൽക്കുന്നു

 

ശ്രുതി : അതിനെന്താടാ കുഴപ്പം ഞാൻ നല്ല അന്തസ്സായി പണിയെടുത്താ ജീവിക്കുന്നെ അല്ലാതെ കട്ടും മോഷ്ടിച്ചും അല്ല… ഒരു പണിയും ഇല്ലാതെ വീട്ടുകാരുടെ കാശും കളഞ്ഞു നടക്കുന്ന നിനക്കൊകെ ഇത് പുച്ഛമായി തോന്നും ആളുകളെ കളിയാക്കുവാനും തെമ്മാടിതരം കാണിക്കാനും അല്ലാതെ നിന്നെ പോലുള്ളവർക്ക് മറ്റെന്തെങ്കിലും കഴിവുണ്ടോ… നീ സ്വന്തമായി രണ്ട് കാശ് സമ്പാദിച്ചിട്ടുണ്ടോ നിന്നെ പോലെയുള്ളവർ നാടിനു മാത്രമല്ല വീട്ടുകാർക്കും ശാപമായിരിക്കും വീട്ടിൽ ചെന്ന് ചോദിച്ചു നോക്ക് അവർ തന്നെ പറയും

 

അഖിൽ : നിർത്തെടി… ഇനി എന്തെങ്കിലും മിണ്ടിയാൽ 😡

 

ശ്രുതി : എന്താ നോവുന്നുണ്ടോ ഇത് പോലെ തന്നെയാ മറ്റുള്ളവർക്കും…

 

അഖിൽ : മോളെ ഈ അഖിലിനെ നിനക്ക് ശരിക്ക്‌ അറിയില്ല നീ വിചാരിക്കുന്നതിനേക്കാകൾ വലിയ തൊട്ടിയാടി ഞാൻ… നിന്റെ കാല് കണ്ടിട്ടാ ഞാൻ വേണ്ടാ വേണ്ടാ എന്ന് വെക്കുന്നെ ഇനി അത് ഉണ്ടാകില്ല… സൂക്ഷിച്ചോ

 

ഇത്രയും പറഞ്ഞു അഖിൽ പോകാൻ ഒരുങ്ങി

 

ശ്രുതി : എടുത്ത സാധനത്തിന് കാശ് വച്ചിട്ട് പോടാ

 

ഇത് കേട്ട അഖിൽ ശ്രുതിയെ ഒന്നുകൂടി തടപ്പിച്ചു നോക്കിയ ശേഷം ഒരു 50 തിന്റെ നോട്ട് അവിടെ വച്ച ശേഷം അവിടെ നിന്നും നടന്നു പോയി

 

പിറ്റേന്ന് അഖിൽ ക്ലാസ്സിൽ

 

റോണി : ഇന്നലെ പിന്നെ വിളിയൊന്നും ഇല്ലായിരുന്നല്ലോ അഖിലെ ബീച്ചിൽ പോയിട്ട് എന്തായി കളക്ഷൻ വല്ലതും ഉണ്ടായിരുന്നോ

 

അരുൺ : അപ്പോൾ അളിയൻ ബീച്ചിലൊക്കെ പോയോ ഒരു വാക്ക് പറയണ്ടേ ഞങ്ങളും വന്നേനെ… അല്ല റോണി പറഞ്ഞത് പോലെ പോയിട്ട് എന്തായി

 

അഖിൽ : എന്താവാൻ അവിടെ ആ മറ്റേ മോള് ഉണ്ടായിരുന്നു

 

രോഹിത്ത് : ഏത് മോള് അളിയൻ ഒന്നു തെളിയിച്ചു പറ

 

അഖിൽ : ആ ശ്രുതി… അവൾക്ക് ബീച്ചിൽ കപ്പലണ്ടി കച്ചവടമാടാ

 

റോണി : അവൾക്കല്ലല്ലോ അവളുടെ അച്ഛനല്ലേ കച്ചവടം

 

അഖിൽ : അപ്പോൾ നിങ്ങൾക്കൊക്കെ അറിയാമായിരുന്നോ