💞ആയിരം കണ്ണുമായി – 2 7

 

റോണി : എന്നാലും ഇതല്പം കൂടി പോയി…

 

ഇത് കേട്ട അഖിൽ ശക്തമായ കൈ മുറുക്കി ബൈക്കിന്റെ സീറ്റിൽ ഇടിച്ചു…

 

അഖിൽ : ഒന്നും വേണ്ട വേണ്ട.. എന്ന് വെക്കുമ്പോൾ ആ മൈരത്തി… അവളുടെ കഴപ്പ് ഇന്നത്തോടെ തീർത്തു കൊടുക്കാം

 

ഇത്രയും പറഞ്ഞു അഖിൽ വേഗത്തിൽ തിരിഞ്ഞു നടന്നു..

 

രോഹിത്ത്‌ : ടാ നീയൊക്കെയാണോ ഇത് ചെയ്തെ… കോപ്പ് നിന്നെയൊക്കെ ഉണ്ടല്ലോ…

 

ഇതേ സമയം ക്ലാസ്സിൽ ബ്ലാക്ക്‌ ബോർഡ് തുടച്ച് വൃത്തിയാക്കുകയായിരുന്നു ശ്രുതി പെട്ടെന്നാണ് അഖിൽ ക്ലാസ്സിലേക്ക് കയറി വന്നത് അവനെ കണ്ടയുടനെ ശ്രുതി അവനടുത്തേക്ക് എത്തി

 

ശ്രുതി : എന്റെ നോട്ട് എവിടെ.. ക്ലാസ്സിൽ കയറാതെ നടന്നാൽ രക്ഷപ്പെടാം എന്നാണോ വിചാരം… ഇനി നീ നോട്ട് തന്നിട്ട് പോയാൽ മതി

 

ഇത്രയും പറഞ്ഞു ശ്രുതി അഖിലിന്റെ ഷർട്ടിൽ കുത്തി പിടിച്ചു അടുത്ത നിമിഷം ശ്രുതിയുടെ കയ്യിൽ പിടുത്തമിട്ട അഖിൽ അവളുടെ കൈ തന്റെ ഷർട്ടിൽ നിന്നും വിടൂവിച്ചു…

 

ശ്രുതി : ആ.. കൈ വിട് എനിക്ക് നോവുന്നുണ്ട്…

 

അഖിൽ : നോട്ട് ഞാൻ തരാമെന്ന് പറഞ്ഞതെല്ലെടി മൈരേ പിന്നെ എന്തിനാടി എന്റെ ബൈക്കിൽ തൊട്ടെ 😡

 

ശ്രുതി : ദേ… ചീത്ത വിളിച്ചാൽ ഉണ്ടല്ലോ…

 

ശ്രുതി വീണ്ടും അഖിലിന്റെ ഷർട്ടിൽ കുത്തിപിടിച്ചു

 

ശ്രുതി : എന്ത്‌ ബൈക്ക് ഞാൻ എന്ത് ചെയ്തെന്നാടാ…

 

ഇത് കേട്ട അഖിൽ വർദ്ധിച്ച ദേഷ്യത്തോടെ ശ്രുതിയുടെ മുഖത്തേക്ക് നോക്കി

 

ശ്രുതി :പേടിപ്പിക്കണ്ട… എന്റെ നോട്ട്…

 

ശ്രുതി പറഞ്ഞു തീരുന്നതിന് മുൻപ് തന്നെ അവൾ നിലത്ത് കുത്തി നിന്നിരുന്ന സ്റ്റിക്ക് അഖിൽ ചവിട്ടി തെറിപ്പിച്ചു…

 

“അമ്മാ…”

 

ശ്രുതി അടിതെറ്റി നിലത്തേക്ക് വീണു..

 

അഖിൽ : ഒന്നും അറിയാത്ത പോലെ അഭിനയിക്കുന്നോ മൈരേ… ഞാൻ നിന്നോട് പറഞ്ഞതല്ലേടി കൂടുതൽ ഉണ്ടാക്കാൻ വരരുതെന്ന് … ഇനി നോട്ടുമില്ല ഒരു മൈരുമില്ല നീ എന്താന്ന് വച്ചാൽ ചെയ്യ്… ഇനി എങ്ങാൻ നീ ഷോയും ഇറക്കികൊണ്ട് വന്നാൽ നിന്റെ മറ്റേ കാല് കൂടി ഞാൻ ചവിട്ടി ഒടിക്കും

 

ഇത്രയും പറഞ്ഞു അഖിൽ ശ്രുതിക്ക് നേരെ കാല് ഉയർത്തി

 

“അഖിലെ വേണ്ട ”

 

അവിടേക്ക് എത്തിയ രോഹിത്ത് വേഗം തന്നെ അഖിലിനെ പിടിച്ചു മാറ്റി ബെഞ്ചിൽ ഇരുന്നിരുന്ന ലക്ഷ്മി വേഗം തന്നെ ശ്രുതിയുടെ അടുത്തേക്ക് എത്തി…

 

“വിടാടാ ”

 

രോഹിത്തിനെ തട്ടി മാറ്റി ശ്രുതിയെ ഒന്നുകൂടി നോക്കിയ ശേഷം അഖിൽ അവിടെ നിന്നും പുറത്തേക്ക് പോയി…

 

ലക്ഷ്മി : ശ്രുതി… എന്തെങ്കിലും പറ്റിയോ…

 

ശ്രുതി : സ്റ്റിക്ക്…

 

ശ്രുതി തന്റെ വാക്കിങ് സ്റ്റിക്ക് എവിടെയെന്നറിയാതെ ചുറ്റും നോക്കി..

 

ലക്ഷ്മി വേഗം തന്നെ അല്പം മാറി കിടന്ന സ്റ്റിക്ക് എടുത്ത് ശ്രുതിയുടെ കയ്യിലേക്ക് നൽകി അത് ചെറുതായി ഒടിഞ്ഞിരുന്നു ശ്രുതിയുടെ കണ്ണുകൾ പതിയെ നിറഞ്ഞു…

 

ശ്രുതി : ലക്ഷ്മി എന്നെ ഓഫീസ് റൂം വരെ ഒന്നു കൊണ്ടുപോകുമോ…

 

ലക്ഷ്മി : ആദ്യം നീ എഴുനേൽക്ക്… വാ ഞാൻ പിടിക്കാം

 

ലക്ഷ്മി പതിയെ ശ്രുതിയെ ബെഞ്ചിലേക്ക് ഇരുത്തി

 

ലക്ഷ്മി : ഇതാ ഈ വെള്ളം കുടിക്ക്

 

ശ്രുതി : വേണ്ട വാ നമുക്ക് ഓഫിസിൽ പോകാം

 

ലക്ഷ്മി : എന്തിനാ

 

ശ്രുതി : അവൻ ചെയ്തത് നീയും കണ്ടതല്ലേ… എനിക്ക് കംപ്ലയിന്റ് കൊടുക്കണം

 

ലക്ഷ്മി : നിനക്ക് എന്താ ശ്രുതി ഇത്രയൊന്നും ഉണ്ടായത് പോരെ… നീ കംപ്ലയിന്റ് കൊടുത്താൽ ഉടനെ അവനെ ഇവിടുന്ന് പുറത്താക്കും എന്ന് നിനക്ക് തോന്നുണ്ടോ

 

ശ്രുതി : ആക്കിയില്ലെങ്കിൽ ഞാൻ പോലീസിൽ കംപ്ലയിന്റ് ചെയ്യും…സ്റ്റിക്ക് ഒടിഞ്ഞത്കൊണ്ടാ നിന്നോട് ഒന്നു കൊണ്ടുപോകാൻ പറഞ്ഞെ നിനക്ക് പറ്റില്ലെങ്കിൽ സാരമില്ല ഞാൻ പൊക്കോളാം അല്പം വൈകും എന്നല്ലേ ഉള്ളു സാരമില്ല

 

ലക്ഷ്മി : അവിടെ ഇരിക്ക്‌ ശ്രുതി… പോലീസ് മണ്ണാങ്കട്ട അവരൊക്കെ കാശുള്ളവരുടെ കൂടെ നിക്കു വയ്യാത്ത അച്ഛനെയും കൊണ്ട് പോലീസ് സ്റ്റേഷനും മറ്റും കയറി ഇറങ്ങാനാണോ നിന്റെ ഉദ്ദേശം ഇനിയിപ്പോൾ അവനെതിരെ എന്തെങ്കിലും നടപടി ഉണ്ടായാൽ അതും മനസ്സിൽ വച്ച് അവൻ വീണ്ടും ഉപദ്രവിക്കും ഇപ്പോൾ തന്നെ കണ്ടില്ലേ.. അല്പം മനസാക്ഷി ഉണ്ടായിരുന്നെങ്കിൽ അവൻ നിന്നെ തള്ളിയിടുവായിരുന്നോ അങ്ങനെയുള്ളവൻ എന്തിനും മടിക്കില്ല…