💞ആയിരം കണ്ണുമായി – 2 7

 

രോഹിത്ത് : അറിയാമോന്നോ… അവൾക്ക് കപ്പലണ്ടി ശ്രുതി എന്ന ഒരു പേരു കൂടി ഉണ്ട്

 

റോണി : എന്താ അഖിലെ ബീച്ചിൽ വെച്ച് വല്ല പ്രശ്നവും ഉണ്ടായോ

 

റോണി : നൂറായിസാ കൊപ്പത്തിക്ക് ദാ വരുന്നുണ്ട്…

 

അപ്പോൾ ക്ലാസ്സിലേക്ക് എത്തിയ ശ്രുതി അവരെ ഒന്ന് നോക്കിയ ശേഷം തന്റെ സീറ്റിൽ ചെന്നിരുന്നു

 

അജ്മൽ : ആ നോട്ടം അത്ര ശെരിയല്ലല്ലോ

 

അഖിൽ : അവളുടെ കാര്യം വിട് കൊപ്പത്തി എന്തെങ്കിലും ചെയ്യട്ടെ

 

******************

 

കുറച്ച് സമയത്തിനുള്ളിൽ ക്ലാസ്സിലേക്ക് ദേവി മിസ്സ്‌ എത്തി ശേഷം ക്ലാസ്സ്‌ തുടങ്ങി

 

ദേവി : എല്ലാവരും നോട്ട് ചെയ്തല്ലോ അല്ലേ…അഖിൽ എന്താ എഴുതിയോ

 

അഖിൽ : എഴുതി മിസ്സ്‌

 

ദേവി : താൻ നോട്ട്സ് ഒക്കെ കംപ്ലീറ്റ് ആക്കാൻ തുടങ്ങിയോ

 

അഖിൽ : അത് പിന്നെ…

 

ദേവി : ശ്രുതി താൻ അഖിലിനു നോട്ട്സ് കൊടുത്തില്ലേ

 

ശ്രുതി : അഖിൽ ചോദിച്ചില്ല മിസ്സ്‌

 

ദേവി : എന്താ ശ്രുതി ഇത് തന്നോട് നോട്ട് കൊടുക്കാൻ ഞാൻ പറഞ്ഞിരുന്നതല്ലേ

 

ശ്രുതി : സോറി മിസ്സ്‌

 

ദേവി : ശരി ഏതാ വേണ്ടതെന്ന് ചോദിച്ച് ഇന്നു തന്നെ കൊടുത്തേക്ക്

 

ആ ക്ലാസ്സിനു ശേഷം രണ്ട് മൂന്നു നോട്ട് ബുക്കുകളുമായി ശ്രുതി അഖിലിന്റെ അടുത്തേക്ക് എത്തി

 

ശ്രുതി : നോട്ട്സ് വേണമെങ്കിൽ ചോദിക്കണം വെറുതെ മിസ്സിന്റെ മുന്നിൽ ഞാൻ മോശക്കാരി ആയി

 

അഖിൽ : എങ്ങോട്ട് ചോദിക്കണമെന്ന്.. നോട്ട്സ് വേണോ എന്ന് ചോദിക്കേണ്ടത് നിന്റെ ഡ്യൂട്ടി ആയിരുന്നു നീ അല്ലേ ക്ലാസ്സ്‌ പ്രസിഡന്റ് അതെങ്ങനെ നിനക്ക്‌ റൂൾസ്‌ പഠിപ്പിക്കാനല്ലേ നേരം ഡ്യൂട്ടി കറക്ടായി ചെയ്യാൻ പറ്റില്ലെങ്കിൽ കളഞ്ഞിട്ട് പോണം ലീഡർ ആകാൻ ഇവിടെ വേറെ ആൺ പിള്ളേര് ഉണ്ട് അല്ലേടാ റോണി

 

റോണി : പിന്നല്ലാതെ

 

ശ്രുതി : ദേ അനാവശ്യം പറയരുത്… ഞാൻ… ഞാൻ എന്റെ ഡ്യൂട്ടി കറക്ടായി തന്നെയാ ചെയ്യുന്നെ നോട്ട്സ് ചോദിക്കേണ്ടത് അത് ആവശ്യമുള്ള ആളാണ് അല്ലതെ…

 

അഖിൽ : അല്ല എന്ത് കണ്ടിട്ടാ നീ ലീഡർ ആയെ ക്ലാസ്സിൽ സാറോ മറ്റോ വന്നില്ലെങ്കിൽ നീ അല്ലേ പോയി വിളിക്കേണ്ട നീ നൊണ്ടി നൊണ്ടി സ്റ്റാഫ്‌ റൂമിൽ എത്തുമ്പോൾ ആ പിരിയട് കഴിയില്ലേ

 

ശ്രുതി : എന്നെ അങ്ങനെ പറയരുത് എന്ന് പറഞ്ഞിട്ടുള്ളതല്ലേ…

 

അഖിൽ : എന്താ ഞാൻ സത്യമല്ലേ പറഞ്ഞെ

 

ശ്രുതിയുടെ കണ്ണുകൾ പതിയെ നിറഞ്ഞു

 

രോഹിത്ത് : ടാ നോക്കിയെ ഇവളിപ്പോൾ കരയും..

 

ശ്രുതി വേഗം തിരിഞ്ഞു പോകാൻ തുടങ്ങി

 

അഖിൽ : എങ്ങോട്ടാ ബുക്ക്‌ തന്നിട്ട് പോ

 

ഇത് കേട്ട ശ്രുതി കണ്ണ് തുടച്ച ശേഷം വീണ്ടും തിരിഞ്ഞു

 

ശ്രുതി : ഏത് നോട്ടാ വേണ്ടേ…

 

അഖിൽ : എല്ലാം ഇരിക്കട്ടെ

 

ശ്രുതി : അപ്പോൾ പിന്നെ എനിക്ക് എഴുതണ്ടേ ഇന്ന് ഇല്ലാത്ത വിഷയങ്ങൾ തരാം പറ്റുന്ന അത്ര ഇന്ന് രാത്രി ഇരുന്നു എഴുതിക്കോ നാളെ ഇത് തിരിച്ചു തരുമ്പോൾ വേറെ തരാം

 

ഇത്രയും പറഞ്ഞു ശ്രുതി ബുക്കുകൾ ബെഞ്ചിൽ വച്ചു

 

അഖിൽ : എന്നാൽ ശെരി വിട്ടോ

 

ശ്രുതി : കുറച്ച് കാര്യങ്ങൾ കൂടി പറയാൻ ഉണ്ട്

 

അഖിൽ : ഇനി എന്താ

 

ശ്രുതി : ഞാൻ 3 നോട്ട്സ് തന്നിട്ടുണ്ട് അത് മൂന്നും കൃത്യമായി തിരിച്ച് ഏൽപ്പിക്കണം.. ബുക്ക്‌ ബൈണ്ട് ചെയ്തിരിക്കുന്നത് കീറാതെ നോക്കണം.. പേജുകൾ ചുളുക്കരുത്… പേജുകൾ കീറരുത്… ഞാൻ എഴുതിയതിൽ മാറ്റം വരുത്തരുത്… നോട്ടിൽ വരക്കുകയോ മറ്റോ ചെയ്യരുത്

 

അഖിൽ : മതിയാക്കെടി… ലിസ്റ്റും കൊണ്ട് ഇറങ്ങിയേക്കുകയാ ഇതിലും ഭേദം നീ നോട്ട് തരാതിരിക്കുന്നതാ

 

ശ്രുതി : പറയേണ്ട കാര്യങ്ങൾ പിന്നെ പറയണ്ടേ

 

അഖിൽ : ഇത്രയും പറഞ്ഞത് മതി.. നിന്റെ ബുക്ക്‌ ഞാൻ എടുത്ത് വിഴുങ്ങത്തൊന്നുമില്ല

 

ശ്രുതി :ഉം… പിന്നെ…

 

അഖിൽ : ഇനി എന്താടി

 

ഇത് കേട്ട ശ്രുതി പതിയെ 20 ന്റെ രണ്ട് നോട്ടുകൾ അഖിലിന്റെ മുന്നിൽ വച്ചു