💞ആയിരം കണ്ണുമായി – 2 7

ലക്ഷ്മി : പോത്തിനോടാണല്ലോ ദൈവമേ ഞാൻ വേദമോതാൻ നോക്കിയത്…

ഇതേ സമയം അഖിൽ

റോണി : എന്താ അഖിലെ അവളുമായി എന്തായിരുന്നു

അഖിൽ : ഹേയ് ഒന്നുമില്ല

ലഞ്ച് ടൈം

അഖിൽ : ടാ ഞാൻ പോകുവാ ഇന്നിനി ക്ലാസ്സിൽ ഇരിക്കാം വയ്യ ഒരു മൂടില്ല

രോഹിത്ത്‌ : കഴിച്ചിട്ട് പോകാടാ

അഖിൽ : ഞാൻ പുറത്ത് നിന്ന് കഴിച്ചോളാം… റോണി ഞാൻ ഇറങ്ങുവാ

ഇത്രയും പറഞ്ഞു അഖിൽ ക്ലാസ്സിനു പുറത്തേക്ക് ഇറങ്ങി മുന്നോട്ട് നടന്നു

“അഖിൽ ഒന്ന് നിക്കാവോ ”

പെട്ടെന്നാണ് ലക്ഷ്മി അവന്റെ മുന്നിലേക്ക് വന്നത്

ലക്ഷ്മി : ഒരു കാര്യം പറയാനുണ്ടായിരുന്നു

അഖിൽ : എന്ത് കാര്യം

ലക്ഷ്മി : അത് പിന്നെ… ശ്രുതിയെ ഇനി ഉപദ്രവിക്കരുത്

അഖിൽ : ഭീഷണിയാണോ

ലക്ഷ്മി : അല്ല അപേക്ഷയാ… അവളൊരു പാവമാണ്…

അഖിൽ : പാവമോ അവളോ

ലക്ഷ്മി : അത് അഖിലിന് അവളെ അറിയാത്തത് കൊണ്ടാ…ഒരുപാട് കഷ്ടപ്പെട്ടാ അവൾ പഠിക്കാനൊക്കെ വരുന്നെ… പിന്നെ അഖിലിന്റെ ബൈക്ക് കേടാക്കിയത് അവളാകാൻ ഒരു സാധ്യതയും ഇല്ല അവളങ്ങനെ അധികം ക്ലാസ്സിനു പുറത്തേക്ക് ഇറങ്ങാറ് പോലുമില്ല.. അവൾ അത് ചെയ്യത്തില്ല എനിക്കറിയാം…അവൾ അമ്മയില്ലാതെ വളർന്നതാ ദയവ് ചെയ്ത് ഇന്ന് പറഞ്ഞതൊന്നും മസ്സിൽ വച്ച് വീണ്ടും അവളെ ഉപദ്രവിക്കരുത്.. നിങ്ങളോടൊന്നും പിടിച്ചു നിൽക്കാൻ അവൾക്ക്‌ പറ്റില്ല…

ഇത്രയും പറഞ്ഞു ലക്ഷ്മി പോകാൻ ഒരുങ്ങി

അഖിൽ : അവളുടെ അമ്മയ്ക്ക് എന്താ പറ്റിയെ

ലക്ഷ്മി : അവളുടെ കുഞ്ഞിലെ തന്നെ മരിച്ചു പോയതാ

ഇതും പറഞ്ഞു ലക്ഷ്മി അവിടെ നിന്നും പോയി..

എന്തോ ആലോചിച്ച ശേഷം അഖിൽ വേഗം തന്നെ ക്ലാസ്സ്‌ ലക്ഷ്യമാക്കി തിരിഞ്ഞു നടന്നു…

അജ്മൽ : ടാ റോണി പോയവൻ ദേ തിരിച്ചു വരുന്നു…

അരുൺ : ശ്രുതിയുടെ അടുത്തേക്കാണല്ലോ അവൻ പോകുന്നെ…

അഖിൽ ശ്രുതിയുടെ അടുത്തേക്ക് എത്തി

ശ്രുതി : എന്താ… ഇനി എന്നെ എന്തെങ്കിലും ചെയ്താൽ…

അപ്പോഴേക്കും അഖിൽ ബാഗിൽ നിന്നും ശ്രുതിക്ക്‌ വേണ്ടി എഴുതിയ ഇംഗ്ലീഷ് നോട്ട് പുറത്തേക്ക് എടുത്തു

അഖിൽ : ഇതാ പിടിക്ക്

ശ്രുതി : വേണ്ടാന്ന് എത്ര തവണ പറയണം

ഉടൻ തന്നെ അഖിൽ ശ്രുതിയുടെ കൈ പിടിച്ച ശേഷം അതിലേക്ക് ബുക്ക്‌ വച്ചു…

അഖിൽ : സോറി… എന്താ പോരെ…

ഇത് കേട്ട ശ്രുതി വിശ്വാസം വരാത്തത് പോലെ അഖിലിനെ നോക്കി

അഖിൽ : എന്താ നോക്കുന്നെ നീ തന്നെയല്ലേ പറഞ്ഞെ സോറി പറഞ്ഞാലേ വാങ്ങു എന്ന്.. ഇപ്പോൾ സമാധാനമായില്ലേ… പിന്നെ ഇനി പ്രശ്നത്തിനൊന്നും വന്നേക്കരുത്…

ശ്രുതി : നീ വരാതിരുന്നാൽ മതി…

ഇത് കേട്ട അഖിൽ തന്റെ സീറ്റിൽ ചെന്നിരുന്നു

രോഹിത്ത് : നീ പോകുന്നില്ലേ

അഖിൽ : ഇല്ല… ഇനി കോളേജ് കഴിഞ്ഞിട്ട് പോകാം

അപ്പോഴേക്കും ലക്ഷ്മി ക്ലാസ്സിലേക്ക് തിരികെയെത്തി

ലക്ഷ്മി : അടുത്ത പിരിയിട് ഗ്രാമർ അല്ലേ…

ശ്രുതി : അതെ…

പെട്ടെന്നാണ് ശ്രുതിയുടെ കയ്യിലിരിക്കുന്ന നോട്ട് ലക്ഷ്മി ശ്രദ്ധിച്ചത്

ലക്ഷ്മി : ഇത് ആ അഖില് ഇന്ന് കൊണ്ടുവന്ന നോട്ടല്ലേ നീ അപ്പോൾ ഇത് വാങ്ങിയോ…

ശ്രുതി : അവൻ സോറി പറഞ്ഞു… വലിയ ആത്മാർത്ഥയൊന്നും ഇല്ലായിരുന്നു എങ്കിലും പറഞ്ഞല്ലോ അതുകൊണ്ട് വാങ്ങി..

ലക്ഷ്മി : എന്തായാലും നന്നായി… പിന്നെ ഇനി അവനുമായി ഒന്നും വേണ്ട സംസാരിക്കുക പോലും ചെയ്യണ്ട മനസ്സിലായോ

ശ്രുതി : ഉം… അവൻ ഇങ്ങോട്ട് വരാതിരുന്നാൽ മതി…

ലക്ഷ്മി : ആ നോട്ട് ഇങ്ങ് താ നോക്കട്ടെ

ഇത്രയും പറഞ്ഞു ലക്ഷ്മി നോട്ട് വാങ്ങി തുറന്നു

ലക്ഷ്മി : എടി.. ഇത് അവൻ എഴുതിയാതാണോ

ശ്രുതി : ആണെന്നാ പറഞ്ഞെ… എന്താ

ലക്ഷ്മി : നീ ഇത് നോക്കിയെ… നല്ല കയ്യക്ഷരം അല്ലേ…

ശ്രുതി പതിയെ ബുക്കിലേക്ക് നോക്കി

ശ്രുതി : ഉം കുഴപ്പമില്ല…

ലക്ഷ്മി : അങ്ങനെ കുഴപ്പമില്ലയിൽ ഒതുക്കണ്ട ഒരു ദിവസം കൊണ്ട് ഇത്രയും നന്നായി എഴുതണം എങ്കിൽ അവൻ നന്നായി കഷ്ടപെട്ടിട്ടുണ്ട്

ശ്രുതി : ഞാൻ കംപ്ലയിന്റ് ചെയ്യുമോ എന്ന് പേടിച്ചിട്ടാ ഇവിടുന്നു കൂടി പുറത്താക്കിയാൽ അവനെ വേറെ ഒരിടത്തും എടുക്കില്ല അതുകൊണ്ടാ ബുക്കും കൊണ്ട് വന്നെ പിന്നെ മണ്ടമ്മാർക്കാ നല്ല കയ്യക്ഷരം എന്ന് ഞാൻ കേട്ടിട്ടുണ്ട്