💞ആയിരം കണ്ണുമായി – 2 7

അഖിൽ : ഞാൻ പറഞ്ഞില്ലേ പെട്ടെന്ന് ദേഷ്യം വന്നപ്പോൾ… ആ കൊപ്പത്തിക്ക് എന്തെങ്കിലും പറ്റിയോ

രോഹിത്ത് : ഒന്നും പറ്റിയില്ല എന്നാ തോന്നുന്നെ… പിന്നെ അവൾ ഇതുവരെ കംപ്ലയിന്റ് ഒന്നും കൊടുത്തിട്ടില്ല

അഖിൽ : കൊടുത്തില്ലേ

രോഹിത്ത് : ഇതുവരെ ഇല്ല ചിലപ്പോൾ നാളെ കൊടുക്കും എന്തായാലും നീ നാളെ കോളേജിലേക്ക് വാ എന്നിട്ട് അവളോട് ഒരു സോറി പറഞ്ഞു നോക്ക്

അഖിൽ : എന്റെ പട്ടി പറയും അവളോട് പോകാൻ പറ…എന്റെ ബൈക്കും തുലച്ചിട്ട്… കാറ്റ് മാത്രമല്ല ഊരി വിട്ടത് ടയർറും കുത്തി കീറിയിരുന്നു… എത്ര ദൂരം ഞാൻ ബൈക്കും തള്ളി നടന്നെന്നോ…

രോഹിത്ത് : അഖിലെ… അവളല്ലെങ്കിലോ അത് ചെയ്തത്

അഖിൽ : അവൾ അല്ലാതെ വേറെ ആര് ചെയ്യാനാ അവളുമായിട്ടേ എനിക്ക് കോളേജിൽ പ്രശ്നമുള്ളു അവള് തന്നെയാ

രോഹിത്ത് : ( നാശം ഇവനോട് സത്യം പറഞ്ഞാൽ റോണി എന്നെ കൊല്ലും ) അല്ല നീ ഇപ്പോൾ വിളിക്കാനുള്ള യഥാർത്ഥ കാരണം എന്താ നിനക്കെന്താ ഉറങ്ങാൻ പറ്റാത്തെ…

അഖിൽ : അറിയില്ല… ഞാൻ ഒരുപാട് ചെറ്റത്തരങ്ങൾ ചെയ്തിട്ടുണ്ട് പക്ഷെ അപ്പോഴൊന്നും തോന്നാത്ത ഒരു കുറ്റബോധം ഇപ്പോൾ തോന്നുവാ… ഞാൻ രണ്ടെണ്ണം അടിച്ചിരുന്നു ഇനി അത് കൊണ്ടാണോ എന്ന് അറിയില്ല..

രോഹിത്ത് : അതാ പറഞ്ഞേ സോറി പറയാൻ…

അഖിൽ : നിന്റെ കയ്യിൽ ഇംഗ്ലീഷ് നോട്ട്സ് ഉണ്ടോ

രോഹിത്ത് : ഉണ്ട് എന്താ…

അഖിൽ : അതിന്റെ ഫോട്ടോ എടുത്ത് അയച്ചു താ

രോഹിത്ത് : ഈ രാത്രിയോ

അഖിൽ : അതെ…

*****************

പിറ്റേന്ന് രാവിലെ ബെഞ്ചിലിരിക്കുകയായിരുന്ന ശ്രുതിയുടെ അടുത്തേക്ക് ലക്ഷ്മി എത്തി

ലക്ഷ്മി : ടീ സ്റ്റിക്കിന്റെ കാര്യം എന്തായി

ശ്രുതി : ടേപ്പ് വച്ച് ഒട്ടിച്ചിട്ടുണ്ട്… എത്ര നാൾ ഇരിക്കുമെന്ന് അറിയില്ല..ഉടനെ പുതിയത് വാങ്ങണം

ലക്ഷ്മി : പിന്നെ ശ്രുതി… ആ അഖിലിന്റെ…

ശ്രുതി : വേണ്ട അവനെപ്പറ്റി ഒന്നും പറയണ്ട നീ പറഞ്ഞത് പോലെ ഞാൻ വിട്ടു എന്തോ ആയിക്കോട്ടെ… ഒന്നും കണ്ടില്ല എന്ന് വെക്കാം

ലക്ഷ്മി : അതല്ലടി… ഇന്നലെ അവന്റെ ബൈക്കിനെ ആരോ കേടാക്കിയെന്ന് അത് നീയാണെന്ന് കരുതിയാ അവൻ… അല്ല ഇനി നീ എങ്ങാനും…

ശ്രുതി : ഒന്ന് പൊടി എനിക്ക് അതല്ലേ പണി…

ലക്ഷ്മി : പിന്നെ ആരായിരിക്കും…

ഇത് കേട്ട ശ്രുതി പതിയെ പുറക് ബെഞ്ചിലിരിക്കുന്ന റോണിയേയും കൂട്ടുകാരെയും ഒന്ന് തിരിഞ്ഞു നോക്കി…

പെട്ടെന്നാണ് ക്ലാസ്സിലേക്ക് അഖിൽ എത്തിയത്

ലക്ഷ്മി : ടി ദേ അവൻ….

അഖിൽ പതിയെ ശ്രുതിയുടെ അടുത്തേക്ക് എത്തി

അഖിൽ : ഇന്നലെ വേണോന്ന് കരുതി ചെയ്തതല്ല പക്ഷെ അങ്ങനെ പറ്റിപ്പോയി… അതിന്റെ പേരിൽ മാപ്പൊന്നും പറയാൻ പറ്റില്ല.. പിന്നെ നീ എന്റെ ബൈക്കും കുത്തി കീറിയല്ലോ.. ഇനി നോട്ടിന്റെ കാര്യം നിന്റെ നോട്ട് ഞാൻ മനഃപൂർവം എടുത്ത് മാറ്റിയിട്ടൊന്നും ഇല്ല അത് സത്യമായും കാണാനില്ല… പകരം ഇത് വച്ചോ

ഇത്രയും പറഞ്ഞു അഖിൽ ബാഗിൽ നിന്നും നന്നായി ബൈണ്ട് ചെയ്ത ഒരു ബുക്ക്‌ പുറത്തേക്ക് എടുത്തു

അഖിൽ : മുഴുവൻ നോട്ട്സും എഴുതിയിട്ടുണ്ട് ഇതാ പിടിക്ക്…

എന്നാൽ ശ്രുതി ഒന്നും മിണ്ടിയില്ല

അഖിൽ : എടി എന്തെങ്കിലും ഒന്ന് പറയ് ഇല്ലെങ്കിൽ ഇത് വാങ്ങ്…

ശ്രുതി : സോറി ചോദിക്ക്

അഖിൽ : എന്താ

ശ്രുതി : ആദ്യം എന്നോട് സോറി ചോദിക്ക് എനിക്ക് അത് മാത്രം കേട്ടാൽ മതി

അഖിൽ : അത് പറ്റില്ല എന്ന് ഞാൻ പറഞ്ഞില്ലേ…

ശ്രുതി : എന്നാൽ ഇത് കൊണ്ട് പൊക്കോ എനിക്ക് വേണ്ട…

അഖിൽ : ടീ.. നീ… ഇന്നലെ രാത്രി മുഴുവൻ ഉറക്കമണച്ചിരുന്നു എഴുതിയതാ ഞാൻ എനിക്ക് വേണ്ടി പോലും ഇത്രയും കഷ്ടപ്പെട്ടിട്ടില്ല നീ ഇത് പിടിച്ചേ

ലക്ഷ്മി : ശ്രുതി വാങ്ങിക്ക്

ശ്രുതി : എനിക്ക് വേണ്ട എന്ന് പറഞ്ഞില്ലേ..

അഖിൽ : വേണ്ടെങ്കിൽ വേണ്ട… വയ്യാത്തതല്ലേ എന്നു കരുതി അല്പം താഴ്ന്നു തന്നപ്പോൾ…

ശ്രുതി : അതെ എനിക്ക് വയ്യായികയുണ്ട് പക്ഷെ നിന്റെ മനസ്സിന് ഉള്ള അത്രയും ഇല്ല.

ഇത് കേട്ട അഖിൽ ദേഷ്യത്തോടെ ബുക്കുമായി തന്റെ സീറ്റിലേക്ക് പോയി

ലക്ഷ്മി : എന്താടി ഇത്…

ശ്രുതി : പറ്റുന്നില്ലെടി അവന് ഒരു കുറ്റബോധവും ഇല്ല… പ്രശ്നമാകാതിരിക്കാൻ ബുക്കും കൊണ്ട് വന്നേക്കുവാ എനിക്ക് വേണ്ട…