പ്രിയം പ്രിയതരം 3

Priyam Priyatharam Part 3 | Freddy Nicholas

[ Previous Part ] [ www.kambi.pw ]

---

 

അന്ന് എന്റെ ജീവിതത്തിൽ സംഭവിച്ച ആ സംഭവത്തിന്‌ ശേഷം എന്റെ മനസ്സിൽ റഫീഖ് കുറെ നാൾ തങ്ങി നിന്നിരുന്നു.

പക്ഷെ റഫീഖിനെ വീണ്ടും കാണാനോ, സംസാരിക്കാനോ ഒരു കൂടിക്കാഴ്ചയ്ക്കോ വകയുണ്ടായില്ല.

അപ്പോഴേക്കും അവരുടെ ഫാമിലി മറ്റൊരു അപ്പാർട്മെന്റിലേക്ക് മാറിപ്പോയി എന്ന് കുറെ നാൾക്ക് ശേഷമാണ് ഞാൻ അറിഞ്ഞത്.

ഞാൻ വീണ്ടും പഴയ സ്ഥിതിയിലേക്ക് തന്നെ പോയി. മൂഷിക സ്ത്രീ വീണ്ടും മൂഷിക സ്ത്രീ തന്നെയായി.

അതിനിടെ സുരേട്ടൻ ഒഫീഷ്യൽ ടൂർ എന്നും പറഞ്ഞു മുങ്ങുകയും ചെയ്തു… കുറെ നാൾ എന്റെ ഫ്ലാട്ടിലെ ഒറ്റപ്പെട്ട ജീവിതം, കടുത്ത മാനസിക സംഘർഷം എന്നെ വല്ലാതെ അലട്ടി.

സത്യം പറഞ്ഞാൽ എനിക്ക് കുവൈറ്റ്‌ മടുത്തു. കെട്ട്യോനെ കൊണ്ടു പ്രത്യേകിച്ചൊരു ഉപകാരവുമില്ല. പിന്നെ ജോലിയുള്ളത് കൊണ്ട് അവിടെ പിടിച്ചു നിന്നു എന്ന് മാത്രം.

നാട്ടിലായാൽ എനിക്ക് എന്റെ വീട്ടിലെ എല്ലാവരെയും, ബന്ധുക്കളെയും കാണാം… ഞാൻ നാട്ടിൽ ഹാപ്പിയാണ്.

താൽക്കാലികമായി ഒരു ജോലി ഉള്ളത് കൊണ്ട് മാത്രം ഞാൻ കുറച്ചു നാൾ അവിടെ നിന്നു എന്നല്ലാതെ, സുരേട്ടനെ കൊണ്ട് വലിയ കാര്യമൊന്നുമില്ല.

രണ്ടാമത് അയാളുടെ കാര്യലാഭത്തിന് വേണ്ടി അയാൾ ചിരിച്ചും കളിച്ചും ഒക്കെ എന്നോട് പെരുമാറും,

ഈ അഭിനയവും ഒക്കെ കണ്ട് നിൽക്കാനുള്ള ശേഷിയും മനസ്സാന്നിധ്യവും എനിക്കില്ലായിരുന്നു. ഏറെക്കുറെ കാര്യങ്ങളുടെ പോക്ക് തിരിച്ചറിഞ്ഞശേഷം എനിക്കിതൊക്കെ ഒരു നാടകമായിട്ട് തോന്നി.

നാട്ടിലേക്ക് തിരിച്ചു പോയാലോ എന്ന ചിന്ത എനിക്ക് അന്നാണ് ജനിച്ചത്.

വല്ലപ്പോഴും ഒരു ആശ്വാസം വാക്കെങ്കിലും പറയാൻ, അഥവാ എന്റെ സങ്കടങ്ങൾ പങ്കുവയ്ക്കാൻ ആരുമില്ല, തികച്ചും ഒറ്റപ്പെട്ട ഒരവസ്ഥയിൽ എനിക്ക് ജീവിക്കണ്ട എന്ന് പോലും തോന്നിപ്പോയ നാളുകൾ.

അങ്ങനെ ഇരിക്കുമ്പോഴാണ് എന്റെ അമ്മയുടെ രോഗം മൂർച്ഛിച്ചു എന്ന വിവരം വന്നത്.

തക്കതായ കാരണം പറഞ്ഞ്, മാനേജറുമായി ഒരു ചെറിയ അണ്ടർസ്റ്റാൻഡ്ൽ നീക്കി പോക്ക് നടത്തി ഞാൻ നാട്ടിലേക്ക് തിരിച്ചു.

♦️♦️2

എന്റെ കമ്പനിയുടെ മാനേജർ ഒരു വായ് നോക്കിയാണെങ്കിലും സങ്കടം പറഞ്ഞാൽ മനസ്സലിവ് ഉള്ളയാളാണ്, എന്നത് കൊണ്ട് ഞാൻ പുള്ളീടെ കൈയ്യിൽ കൊടുത്ത റിസൈൻ ലെറ്റർ പുള്ളി ഒരു മൂന്നു മാസത്തെ ലീവാക്കി മാറ്റി തന്നു.

ഗൾഫിൽ നിന്നും വന്നയുടനെ ഒന്ന് രണ്ടു ദിവസം എനിക്ക് അൽപ്പം മൂഡോഫ് ആയിരുന്നുവെങ്കിലും പിന്നെ ക്രമേണ ശരിയായി.

എന്റെ വീട് വലിയ വീടൊന്നുമല്ലങ്കിലും തെറ്റില്ലാത്ത സൗകര്യങ്ങളൊക്കെ ഉണ്ട് താനും. നാട്ടിലേക്ക് വന്നാൽ സുരേട്ടന്റെ ബംഗ്ലാവ് പോലത്തെ വീട്ടിൽ ഞാൻ വളരെ കുറച്ച് ദിവസം മാത്രമേ താമസിക്കാറുള്ളു.

എനിക്ക് എന്റെ വീട്ടിൽ തങ്ങുന്നതാണ് ഏറെ ഇഷ്ട്ടം. കാരണം എനിക്ക് വേണ്ടപ്പെട്ടവരൊക്കെ ഇവിടെയാണുള്ളത്. എല്ലാം കൊണ്ടും ഞങ്ങളുടെ കുടുംബാഗങ്ങൾ നല്ല ഉറച്ച ബന്ധത്തിലാണ്.

ഇവിടെ നാട്ടിലും, വീട്ടിലും ഒക്കെ എനിക്ക് എന്റെ അഭിയേട്ടനും (വല്ലപ്പോഴുമേ വരാറുള്ളൂ ) ബിജുവേട്ടനും, ജോജോ ചേട്ടന്റെ സിനിച്ചേച്ചിയും, ത്രേസ്യാമ്മ ആന്റിയും , സ്കറിയ അങ്കിളും ഒക്കെ നല്ല സുഹൃത്തുക്കളെ പോലെയും ഒരു കുടുംബം പോലെയുമാണ്.

എന്റെ ഏതാഗ്രഹവും സാധിപ്പിച്ചു തരുന്ന കാര്യത്തിൽ ഈ രണ്ടു ചേട്ടന്മാർക്കും വേർതിരിവില്ല എന്നതാണ് എന്റെ വിജയം.

അഭിയേട്ടനേക്കാൾ എന്റെ സ്വന്തം ഏട്ടൻ ബിജുവേട്ടൻ ആണോന്നു ചോദിച്ചാൽ “അല്ല”… പക്ഷെ “അല്ലേ”എന്ന് ചോദിച്ചാൽ “ആണ്” എന്നേ ഞാൻ പറയൂ. അതാണ് ഞങ്ങളുടെ കുടുംബപരമായ ബന്ധം.

നാട്ടിലുള്ളപ്പോൾ എനിക്ക് എന്ത് പറയാനുള്ള സ്വാതന്ത്ര്യവും നല്ലൊരു ശ്രോതാവൊക്കെ ആയി ഒരേ ഒരു കൂട്ടുകാരി ത്രേസ്യാമ്മ ആന്റിയുടെ മരുമകൾ സിനിമോൾ ആയിരുന്നു.

എന്നെക്കാൾ മൂന്നാല് വയസ്സിനു മൂത്തതാണ് സിനിമോളെങ്കിലും ചേച്ചി എന്ന് റെസ്‌പെക്ട്ടോടെ മാത്രമേ ഞാൻ അവളെ സംബോധന ചെയ്യാറുള്ളു.