പേരില്ലാത്ത സ്വപ്നങ്ങളിൽ ലയിച്ചു 2.6
Perillatha Swapnangalil Layichu 2.6 | Author : Malini Krishnan
[ Previous Part ] [ www.kambi.pw ]
നാട്ടിൽ ആഷികയുടെ വീട്ടിൽ
ഠപ്പേ…
“ഇത്രയൊക്കെ ഒക്കെ ഒപ്പിച്ചിട്ടും എന്നോട് ധിക്കാരം പറയുന്നോടി” അയാൾ പറഞ്ഞു.
ആഷികയുടെ കവിളത് ഒരു കൈ പതിയുന്നു, മറ്റാരുടെയും അല്ല അവളുടെ അച്ഛന്റെ ആയിരുന്നു അത്, കാളിദാസ്. നാട്ടിലും വിദേശത്തുമായി പല ബിസിനസ് അയാൾക്ക് ഉണ്ടായിരുന്നു, എല്ലാം നോക്കി നടത്താൻ കൂടെ ഭാര്യയായ പദ്മിനിയും ഉണ്ടായിരുന്നു.
“ഒരു പെണ്കുട്ടിയെ ആ ഇങ്ങനെ കൈ നീട്ടി ഒക്കെ അടിക്കുന്നെ, എന്താ ഇപ്പൊ പ്രെശ്നം ഉണ്ടായത്” അവളുടെ ഇവിടുത്തെ ഒച്ചപ്പാട് കേട്ട് വേഗം വന്ന് ചോദിച്ചു, ഒപ്പം റാഷികയും.
“എന്റെ ഒഫീഷ്യൽ മെയിലിൽ നിന്നും ആരും അറിയാതെ ഏതോ കമ്പനിക്ക് മെയിൽ അയച്ചിരിക്കുന്നു. എന്നിട്ട് ഇവൾ എന്തൊക്കെ ആണ് ചെയ്തത് എന്ന് അറിയോ” അച്ഛൻ പറഞ്ഞു. ശേഷം അയാൾ അവൾ ചെയ്തത് എല്ലാം പറഞ്ഞു.
“ഇപ്പൊ നമ്മുടെ കമ്പനിക്ക് പ്രെശ്നം ഒന്നും ഉണ്ടായില്ല, പക്ഷെ അവൾ അയച്ച് കൊടുത്ത ആ കമ്പനിക്ക് എന്തൊക്കെ പ്രെശ്നം ഉണ്ടാവും എന്ന് അറിയോ. ചിലപ്പോ ആ പൊസിഷനിൽ ഇരുന്ന് ഇതൊക്കെ ഹാൻഡിലെ ചെയുന്ന ആൾക്കാരുടെ ജോലി വരെ പോയേക്കാം” അയാൾ തുടർന്നു. അത് കേട്ടപ്പോ അവളുടെ മുഖത്ത് ചെറിയ ഒരു ചിരി വിരിഞ്ഞു, പെട്ടന് തന്നെ സാഹചര്യം ബോധം വന്നപ്പോ അത് മായുകയും ചെയ്തു.
“എന്നിട്ടും കിടക്കാൻ ചിരിക്കുന്നത് കണ്ടില്ലേ, ഇവൾ ഇന്ന് ഞാൻ…” എന്നും പറഞ്ഞ് അയാൾ അവളുടെ അടുത്തേക്ക് കൈ ഓങ്ങി വന്നു.
“അച്ഛാ… വേണ്ട അച്ഛാ, ഇതവണത്തേക്ക് ഒന്ന് ക്ഷേമിച്ചേർ…” അച്ഛന്റെ മുന്നിലേക്ക് ചാടി കൊണ്ട് റാഷിക പറഞ്ഞു. അപ്പോഴേക്ക് അവളുടെ അമ്മയും വന്ന് അയാളെ വിളിച്ചോണ്ട് പോയി. മുഖത്ത് നാൾ വിരലിന്റെയും പാടുമായി ആഷിക അവിടെ തന്നെ നിന്നു. റാഷിക അവളെയും കൂട്ടി റൂമിലേക്ക് പോയി, കൈയിൽ ഉണ്ടായിരുന്ന ഐസ് പാക്ക് എടുത്ത് അവളുടെ മുഖത്ത് വെച്ചു.
“വേദന ഉണ്ടോ” റാഷിക ചോദിച്ചു. ഇല്ല എന്ന് അവൾ തലയാട്ടി.
“ഛെ, എന്ത് ചോദ്യം ആണ് അല്ലെ… അല്ല നീ പുണെ എന്തിനാ പോയത് എന്ന് പറഞ്ഞില്ലാലോ” റാഷിക തുടർന്നു.
“ഒരാളെ കാണാൻ ഉണ്ടായിരുന്നു”
“ആഹാ കണ്ടോ എന്നിട്ട്. സുഖം ആണോ ആൾക്ക് ? നിന്റെ കൂടെ പഠിച്ചത് ആണോ”
“നിർത്തി നിർത്തി ചോദിക്കടി… ഒരു ഫ്രണ്ട് ആണ്. ഇത്രയും കാലം സുഖം ആയിരുന്നു എന്ന് എനിക്ക് അറിയില്ല ഇനിയങ്ങോട്ട് എന്തായാലും സുഖമായിരിക്കും”
“ഒഹോഹ്… നിന്റെ കാമുകനെ കാണാൻ പോയത് ആയിരുന്നോ, നീ ഇതുവരെ പറഞ്ഞില്ലാട്ടോ, ഞാൻ എന്റെത് ഒക്കെ പറഞ്ഞിട്ട് ഉള്ളത് അല്ലെ നിന്നോട്. അത് പോട്ടെ എന്തൊക്കെ നടന്നു എന്നിട്ട്” കുറച്ച് ആവേശത്തോട് കൂടി റാഷിക ചോദിച്ചു. അത് കേട്ടതും മുഖത്ത് വെച്ച ഐസ് പാക്ക് എടുത്ത് ആഷിക മറ്റവളുടെ കഴുത്തിൽ വെച്ചു. പെട്ടന് തണുപ്പ് കുളിർന്ന് പോയ അവൾ ബെഡിൽ ഇരുന്ന് പിടഞ്ഞു.
“അങ്ങനെ അല്ലെടി പോത്തേ… ആ ഒരു ചിന്ത മാത്രമേ ഉള്ളു” എന്നും പറഞ്ഞ് ആഷിക അവളെ നോക്കി ചിരിച്ചു. റാഷിക തിരിച്ചു നോക്കി ചിരിച്ചു. രണ്ട് പേര് പിന്നെയും കുറച്ച് നേരം സംസാരിച്ച് ഇരുന്ന ശേഷം റാഷിക കിടന്നു, ആഷിക ഒരു പേപ്പറും പേനുമായി പോയി ടേബിളിൽ ഇരുന്നു. ഒരു ലാംപിന്റെ വെട്ടത്തിൽ പേന കടിച്ച് ഇരുന്നു കൂറേ ചിന്തിച്ചിരുന്ന ശേഷം പേപ്പറിൽ കുത്തിക്കുറിക്കാൻ തുടങ്ങി.
“ലൈറ്റ് ഓഫ് ചെയ്ത പെട്ടന് ഉറങ്ങാമായിരുന്നു” കട്ടിലിൽ കിടന്ന് കൊണ്ട് റാഷിക പറഞ്ഞു.
“എന്ന കുറച്ച് കഴിഞ്ഞിട്ട് ഉറങ്ങിക്കോ”
“കോളേജിൽ ഒന്നും കേറാൻ ഇല്ലാത്ത നീ എന്താടി ഈ പാതിരാത്രി ഇരുന്ന് എഴുതുന്നത്, ലൗ ലെറ്റെറോ…” തല വഴി പുതപ്പ് ഇട്ട ശേഷം ബെഡിൽ ഇരുന്ന്കൊണ്ട് റാഷിക ചോദിച്ചു.
“അതൊന്നും അല്ല. വേണമെകിൽ ഒരു ഹേറ്റ് ലെറ്റർ ആയിട്ട് കൂട്ടിക്കോ” ആഷിക് എഴുതികൊണ്ട് പറഞ്ഞു. റാഷികക്ക് ഒന്നും മനസിലായിട്ടുണ്ടാവില്ല എന്നും, ഒന്നുടെ കുഴപ്പിക്കാം എന്നും കരുതി ആഷിക വീണ്ടും തുടർന്നു.