തേജാത്മികം 3

Thejathmikam Part 3 | Author : Nishinoya

[ Previous Part ] [ www.kambi.pw ]

---

 

ശ്വാസം കിട്ടാതായപ്പോ ഞങ്ങൾ അടർന്നു മാറി. ഞാനും അവളും ഒരുപോലെ കിതച്ചു. സാരി തുമ്പ് കൊണ്ട് തനു തന്റെ ചുണ്ട് തുടച്ചു കടലിൽ നോക്കിയിരുന്നു ഞാനും കൈകൊണ്ട് എന്റെ ചുണ്ട് തുടച്ചു കടൽ നോക്കി. രണ്ടുപേർക്കും പരസ്പരം മുഖത്ത് നോക്കാൻ ഒരു ചളിപ്പ് ഉണ്ടായിരുന്നു. കൈയിലെ ഐസ്ക്രീം ഇപ്പോഴും തീർന്നിട്ടില്ല ഞങ്ങൾ കടലിൽ നോക്കി അത് കഴിക്കാൻ തുടങ്ങി.

 

 

 

“…ദേ വീണ്ടും മുഖത്ത് ഐസ്ക്രീം ആയല്ലോ…”അവളുടെ ചുണ്ടിൽ തൊടാൻ പോയതും പെണ്ണിന് കാര്യം പിടികിട്ടി

 

 

 

“…പോ അവിടെന്ന് …” ചിണുങ്ങികൊണ്ട് എന്റെ കൈ തട്ടിമറ്റി തോളിൽ രണ്ട് കൈകൾ കൊണ്ടും മാറി മാറി തല്ലിക്കൊണ്ടിരുന്നു. ഞാനും അത് ചിരിയോടെ ആസ്വദിച്ചു ശേഷം ഞാൻ അവളുടെ രണ്ട് കൈകളും ലോക്ക് ചെയ്ത് എന്നോട് ചേർത്തിരുത്തി ആ നെറുകയിൽ ചുംബിച്ചു. അപ്പോഴേക്കും പെണ്ണ് ഒന്ന് അടങ്ങി പിന്നെ എന്റെ ചൂടും പറ്റി കടൽ കാറ്റും ആസ്വദിച്ച് അങ്ങനെ ഇരുന്നു.

 

 

 

“… ദുഷ്ടൻ ചുണ്ട് പൊട്ടിയെന്ന തോന്നുന്നേ…” തിരികെ ബൈക്കിന് അരികിൽ എത്തിയപ്പോ മിററിൽ നോക്കി അവൾ പറഞ്ഞു.

 

 

 

“…എനിക്ക് ഇതിൽ എക്സ്പീരിയൻസ് ഇല്ലല്ലോ. അടുത്ത തവണ നമുക്ക് ശെരിയാക്കാം…” കളിയാക്കികൊണ്ട് ഞാൻ പറഞ്ഞു.

 

 

 

“… അടുത്ത തവണ ഇങ്ങോട്ട് വാ ഞാൻ കാണിച്ചു തരാം…”ബൈക്കിലേക്ക് കേറവേ തനു പറഞ്ഞു.

 

 

 

“… ഇത്രപെട്ടെന്ന് കാണിച്ചു തരോ…”

 

 

 

“… അയ്യേ വഷളൻ എന്തൊക്കെയാ പറയുന്നേ. വേഗം വണ്ടിയെടുക്ക്. ഇപ്പൊത്തന്നെ ലേറ്റ് ആയി…” എന്റെ തോളിൽ അടിച്ചോണ്ട് പറഞ്ഞു.നേരെ അവൾ പറഞ്ഞ വഴികളിലൂടെ തനുവിന്റെ വീട്ടിലേക്ക് എത്തി.

 

 

 

“… ഇതാണോ നിന്റെ വീട്…” അവൾ പറഞ്ഞ ഒരു വലിയ ഗേറ്റിന് മുന്നിൽ വണ്ടി നിർത്തി ഞാൻ ചോദിച്ചു.

 

 

 

“… എന്റെ വീട് അല്ല. ഞാൻ പറഞ്ഞില്ലേ കസിൻ അവന്റെ വീടാ. എന്റെ അച്ഛനും അമ്മയും പുറത്ത് അല്ലെ അപ്പൊ അങ്കിളിന്റെയും ആന്റിയുടെയും കൂടെയ ഞാൻ നിക്കുന്നെ…”ബൈക്കിൽ നിന്നും ഇറങ്ങി അവൾ പറഞ്ഞു.

 

 

 

“… വാ ഏട്ടാ കേറിയിട്ട് പോവാം…” തനു എന്നെ ഉള്ളിലേക്ക് ക്ഷണിച്ചു.

 

 

 

“… ഇല്ല. പിന്നൊരിക്കൽ ആവാം…” അവൾ ഗേറ്റ് തുറന്ന് ഉള്ളിൽ കയറുന്നവരെ ഞാൻ അവടെ നിന്നും ശേഷം വീട്ടിലേക്ക് തിരിച്ചു.

 

 

 

രാത്രി ഉറങ്ങാൻ കിടക്കുമ്പോൾ മനസ്സ് മുഴുവൻ അതായിരുന്നു ചിന്ത. കൊട്ടാരം പോലുള്ള വീട്ടിലെ പെണ്ണ് കാലിതൊഴുത്ത് പോലുള്ള വീട്ടിലെ പയ്യനെ സ്നേഹിക്കുന്നു. അവരുടെ വീട്ടിലെ ഹാളിന്റെ അത്രയേ വരത്തുള്ളു എന്റെ മുഴുവൻ വീട്. ഈ ഓട് മേഞ്ഞ വീട് തനുവിന് ഇഷ്ട്ടമാകുവോ. അങ്ങനെ കുഴപ്പിക്കുന്ന ഓരോ ചിന്തകൾ ഉള്ളിലൂടെ കടന്നു പോയി. പെട്ടെന്നാണ് ഫോണിൽ നോട്ടിഫിക്കേഷൻ ടോൺ കേട്ടത്. നോക്കുമ്പോൾ ഇന്ന് ഞാനും തനുവും കോളേജ് ഊഞ്ഞാലിൽ ഇരിക്കുന്ന കുറച്ചു ഫോട്ടോസ് അജു എടുത്തിരുന്നു അത് അയച്ചത. ഞാൻ ഓരോ ഫോട്ടോസ് നോക്കി.

 

 

 

രണ്ടുപേരെയും കാണാൻ നല്ല ചന്തം ഉണ്ട്. സാരിയിൽ പെണ്ണിനെ കാണുമ്പോൾ ഉള്ളിൽ വല്ലാത്ത സുഖ. മുല്ലമൊട്ടുപോലുള്ള പല്ലുകൾ കാട്ടി ചിരിക്കുന്നത് കാണാൻ തന്നെ എന്ത് ഭംഗിയാ. ഇത് എന്റെ റൂമിൽ ഫ്രെയിം ചെയ്ത് വയ്ക്കാം. കൂട്ടത്തിൽ ഞാനും തനുവും നിക്കുന്ന കൊള്ളാവുന്ന ഒരു ഫോട്ടോ സെലക്ട്‌ ചെയ്തും. ഫോട്ടോസ് എല്ലാം തനുവിനും അയച്ചു കൊടുത്തു. കക്ഷി ഓൺലൈൻ ഇല്ല ഇന്നത്തെ ക്ഷീണം കാരണം ഉറങ്ങുവായിരിക്കും.

 

 

 

ഓണാവധിക്ക് തനുവിനെ വല്ലാണ്ട് മിസ്സ്‌ ചെയ്തു. പെണ്ണിന് എന്നെ കാണണം എന്ന് തോന്നുമ്പോഴെല്ലാം അവൾ ഓരോ കാരണങ്ങൾ ഉണ്ടാക്കി വീട്ടിൽ നിന്നും ചാടും അന്നത്തെ ദിവസം മുഴുവൻ എന്റെ തോളിൽ തൂങ്ങി നടപ്പായിരിക്കും. രാവിലെ എന്റെ കൂടെ വന്നാൽ പിന്നെ രാത്രി മാത്രമേ തിരിച്ച് വീട്ടിൽ കേറത്തുള്ളു.എന്നും അവളോടൊപ്പം വീട്ടിലേക്ക് ചെല്ലാൻ എന്നെ നിർബദ്ധിക്കും എന്നാൽ ഞാൻ ഓരോ കാരങ്ങൾ പറഞ്ഞ് ഒഴിവാകും.അങ്ങനെ ഇരിക്കെ ഒരുദിവസം എന്നെ നിർബന്ധിച്ച് അവളുടെ വീട്ടിൽ കൊണ്ട് പോയി.