“… അങ്ങനെ ആണോ ഞാൻ പറഞ്ഞതിന്റെ അർത്ഥം. എന്റെ ചെക്കൻ തന്ന സർപ്രൈസ് ഈ ജൻമ്മത്ത് എനിക്ക് ആരും തന്നിട്ടില്ല…” അത് കേട്ടതും എന്റെ മുഖം ഒന്ന് തെളിഞ്ഞു.
“… ഈ കള്ളന് നാണം ഒക്കെ വരോ…” അങ്ങനെ ഓരോന്ന് പറഞ്ഞ് തനു എന്നെ കളിയാക്കാൻ തുടങ്ങി.
“…ഇതാ എന്റെ പിറന്നാൾ സമ്മാനം…” എന്റെ പിന്നിലായി ഒളിപ്പിച്ചു വച്ച വർണകടലാസ്സിൽ പൊതിഞ്ഞ സമ്മാനം അവൾക്ക് നേരെ നീട്ടി.
“… എന്താ ഇത്…” ആകാംഷയോടെ എന്റെ കാലിൽ നിന്നും ഇറങ്ങി എന്റെ കൈയിലെ സമ്മാനപൊതി പൊട്ടിച്ചു നോക്കാൻ തുടങ്ങി.
“…ഇത് ഏട്ടൻ വരച്ചതാണോ…” ഞാൻ പെൻസിൽ ഡ്രോയിങ് ചെയ്ത അവളുടെ ഫ്രെയിം ചെയ്ത ചിത്രം കണ്ട് അവൾ ആകാംഷയോടെ ചോദിച്ചു. അതെന്ന് മൂളിയതും എന്നെ കെട്ടിപിടിച്ച് പിന്നെയും കവിൾ ഒരു ഉമ്മ തന്നു.
“…ഇത് ഇപ്പൊ എവിടെയാ വയ്ക്ക…” റൂമിലെ എല്ലായിടവും നോക്കി അവസാനം അവൾ തന്നെ ഒരു സ്ഥലം കണ്ടെത്തി അവിടെ ഉണ്ടായിരുന്ന ഫോട്ടോ മാറ്റി ഞാൻ കൊടുത്ത ഫോട്ടോ വച്ചു.
“…കൊള്ളാം അല്ലെ…” ഒരു നാലഞ്ചു അടി പിന്നിലേക്ക് വന്ന് ആ ഫോട്ടോ നോക്കി അവൾ ചോദിച്ചു.ഞാൻ തനുവിന്റെ പിന്നിലൂടെ കെട്ടിപിടിച്ച് ചെവിക്ക് പിന്നിലായി ഒരുമ്മ കൊടുത്തു.
“… എന്താ മോനെ ഉദ്ദേശം…” അവളുടെ വയറിലൂടെ കെട്ടിപിടിച്ച എന്റെ കൈയിൽ തഴുകികൊണ്ട് തനു ചോദിച്ചു.
“… അറിയില്ലേ…” അവളോട് കഴുത്തിലൂടെ മൂക്കുരച്ച് ഞാൻ തിരക്കി.
“… അറിയില്ല…” അത് പറഞ്ഞവൾ ആ ശബ്ദം ഇടറി കൈകൾ പിന്നിലേക്ക് കാണ്ട് വന്നെന്റെ തലമുടിയിൽ തഴുകി. കുറച്ചുനേരം എന്റെ പ്രവർത്തികളിൽ സ്വയം മറന്ന് കണ്ണുകൾ അടച്ച് അവൾ എന്നോട് ചേർന്ന് നിന്ന് ഞാൻ നൽകുന്ന ചുംബനങ്ങൾ ആസ്വദിച്ചു.
“… ആഹ്… ആാാഹ്… വിടെടി…” കുറച്ചു കഴിഞ്ഞപ്പോ ഓളെന്റെ തലമുടി വലിച്ചു പിടിച്ചു വേദനയിൽ അവളിൽ നിന്നും ഞാൻ അടർന്നു മാറി.
“… എന്ത് പണിയാടി പുല്ലേ കാണിച്ചത്. മനുഷ്യന്റെ നല്ല ജീവൻ അങ്ങ് പോയി. ഒന്ന് സുഖം പിടിച്ച് വരായിരുന്നു…” പിന്നിലേക്ക് മാറി തലയിൽ തടവികൊണ്ട് ഞാൻ പറഞ്ഞു.
“…എനിക്ക് അറിയാം മോൻ നല്ല പോലെ സുഖിച്ചു വരുവായിരുന്നെന്ന് അത്കൊണ്ട് ഇനിയും മുന്നോട്ട് പോയാൽ ശരിയാവില്ല…” എന്നെനോക്കി തനു കൊഞ്ഞനം കുത്തി.
“… എന്താ തനു. ഒരു കിസ്സ് എങ്കിലും താടി…” ഞാൻ അവളോട് കെഞ്ചി.
“…ഇത് ഒരു കിസ്സിൽ ഒന്നും നിക്കില്ല മോനെ അതുകൊണ്ട് എന്റെ ചെക്കൻ സ്ഥലം വിടാൻ നോക്ക്…” തനു എന്റെ പിന്നിൽ വന്ന് എന്നെ ഉന്തി തള്ളി ബാൽക്കണിയിലേക്ക് കൊണ്ടുപോയി.
“…ഒരുമ്മ മതിയെടി. എനിക്ക് വലിയ കണ്ട്രോൾ ആടി അതുകൊണ്ട് കൂടുതൽ ഒന്നും ചോദിക്കില്ല 🫣…”
“… ആണോടാ കുട്ടാ. എന്നാ എനിക്ക് അത്ര കണ്ട്രോൾ ഇല്ല. അതുകൊണ്ട് എന്റെ കുട്ടൻ വീട് പിടിക്കാൻ നോക്ക്…”
“… നിന്നോട് ദൈവം ചോദിക്കോടി പട്ടി…”
ഒന്നും നടക്കില്ലന്ന് മനസിലായതോടെ ബാൽക്കണിയിൽ നിന്നും സൺഷെയ്ഡ് വഴി മതിലിൽ ചാടി നേരെ അപ്പുറത്ത് പറമ്പിലേക്ക് ചാടി. അവിടെന്ന് വീണ്ടും റോഡിലെ മതിൽ ചാടി റോഡിൽ എത്തി. തിരിഞ്ഞു നോക്കിയപ്പോ ഞാൻ പോകുന്നത് കണ്ണിമ വെട്ടാതെ നോക്കി നിൽക്കാണ് തനു. ഞാൻ റോഡിൽ എത്തിയെന്ന് മനസ്സിലാതും പെണ്ണ് ഒരു ഫ്ലയിങ് കിസ്സ് തന്നു. അത് എന്റെ നെഞ്ചിൽ വന്ന് പതിക്കുന്ന പോലൊരു ആക്ഷനും നൽകി കുറച്ചു ദൂരയായി പാത്തുവച്ചിരുന്ന ബൈക്കിന്റെ അടുത്തേക്ക് തിരിച്ചു.
“…ഹെലോ നീ എവിടാ…” രാവിലെ തന്നെ ഉറക്കത്തിൽ ദേവന്റെ കാൾ വന്നു.
“… ഞാൻ വീട്ടിൽ ഉണ്ടടാ…” കിടക്കയിൽ നിന്നും എഴുനേൽക്കാതെ തന്നെ മറുപടി നൽകി.