സച്ചു: ആ … (സച്ചു ചിരിച്ചുകൊണ്ട് മറുപടി പറഞ്ഞു ശേഷം അവർ രണ്ടാളും അമ്മുവിൻ്റെ വീട്ടിലേക്ക് പോയി)
അച്ചു : അമ്മൂ അമ്മൂ
അമ്മു : എന്തിനടി പെണ്ണേ വിളിച്ച് കാറുന്നെ ഇങ്ങു കയറിപ്പോര്
(ആരാ അത് അകത്ത് നിന്നും കേട്ട ചോദ്യത്തിന് ഇത് ഞാനാ ശാരദേച്ചി അച്ചു ( ശാരദ അമ്മുവിൻ്റെ അമ്മ അച്ഛൻ കുമാരൻ ) )
ശാരദ : അകത്തേക്ക് കയറിപ്പോര് പുറത്തങ്ങനെ നിൽക്കാതെ
അച്ചു : ആ ചേച്ചി കുമാരേട്ടൻ എവിടെ
അമ്മു : അച്ഛൻ വന്നിട്ടില്ല മോളെ ചിലപ്പോൾ ആടി ആടി വരുന്നുണ്ടാവും
അച്ചു : കുമാരേട്ടൻ ആടി വന്നാലും ആടാതെ വന്നാലും നിന്നെയും അമ്മയെയും നേരെ നോക്കുന്നില്ലേ പെണ്ണേ
അമ്മു : നീ ഇനി ഓരോന്ന് പറഞ്ഞു സെൻ്റി ആവല്ലെ വാ ഡ്രസ്സ് ഏതാ വേണ്ടത് എന്ന് നോക്ക്
( അങ്ങനെ അവർ ഡ്രസ്സ് നോക്കാൻ തുടങ്ങി സച്ചു അവിടെ ടിവിയിൽ കാർട്ടൂൺ കാണാനും തുടങ്ങി)
അച്ചു : ഡീ എനിക്ക് ഈ വെള്ള പാവാട തരുമോ എൻ്റെ കയ്യിൽ ഒരു ബ്ലാക്ക് ടോപ് ഉണ്ട് അപ്പോ ഇത് രണ്ടും ഇട്ടു വരാലോ നാളെ
അമ്മു : നിനക്ക് ഏതാ വേണ്ടത് എന്നുവച്ചാൽ എടുത്തോ ഇത് മതിയെങ്കിൽ നിൽക്ക് ഞാൻ ഇസ്തിരി (അയേൺ) ഇട്ടു തരാം
അച്ചു : വേണ്ടെടി ഞാൻ വീട്ടിൽ പോയി ചെയ്തോളാം
അമ്മു : നീ ഒന്ന് പോയെ അവിടെ പോയി ആ ടിവി കണ്ടിരിക്ക് ഇത് ഞാൻ ഇപ്പൊ ചെയ്തു തരാം ( അമ്മു അയേൺ ചെയ്യാൻ തുടങ്ങി അച്ചു സച്ചുവിൻ്റെ കൂടെ ടിവി കാണാനും)
ശാരദ : മോളെ അച്ഛൻ വന്നോ
അച്ചു: ഇല്ല ശാരദേച്ചി അച്ഛന് വരാനുള്ള സമയം ആവുന്നെ ഉള്ളൂ ( ഉള്ളിലെ വിഷമം പുറത്ത് കാണിക്കാതെ അച്ചു പറഞ്ഞു)
ശാരദ : അല്ല എന്താ നാളെ അമ്പലത്തിലൊക്കെ പോണേ എന്തെങ്കിലും വിശേഷം ഉണ്ടോ
അച്ചു : എനിക്ക് അറിയില്ല ചേച്ചി നിങ്ങളുടെ മോളോട് ചോദിക്ക് അവളാണ് അമ്പലത്തിൽ പോവാൻ തിരക്ക് കൂട്ടുന്നത്
അമ്മു : എൻ്റെ അമ്മേ കുറേ ആയില്ലേ അമ്പലത്തിൽ പോയിട്ട് അപ്പോ ഒന്ന് പോവാം എന്ന് കരുതി എന്താ അമ്പലത്തിൽ പോവുന്നത് അത്ര വലിയ തെറ്റാണോ
ശാരദ : തെറ്റൊന്നുമല്ല വല്ല ചുറ്റിക്കളിയും ആണെങ്കിൽ നിൻ്റെ തല ഞാൻ അടിച്ചു പൊട്ടിക്കും
അമ്മു : എൻ്റമ്മേ അതൊന്നുമ്മല്ല നാളെ എൻ്റെ ഈ കൊച്ചിൻ്റെ പിറന്നാൾ ആണ് (അച്ചുവിനെ ചേർത്ത് നിർത്തി അമ്മു അത് പറഞ്ഞപ്പോൾ അച്ചുവും സച്ചുവും ഒരുപോലെ ഞെട്ടി അച്ചു കരച്ചിലിൻ്റെ വക്കിൽ എത്തിയിരുന്നു)
ശാരദ : ആണോ മോളെ നാളെ നിൻ്റെ പിറന്നാൾ ആണോ
അച്ചു : ചേച്ചി എനിക്ക് അതൊന്നും ഓർമ്മ ഇല്ലായിരുന്നു അമ്മു പറഞ്ഞപ്പോഴാ ഞാൻ തന്നെ ഓർക്കുന്നത് ( കവിളിലൂടെ ഒഴുകിയിറങ്ങിയ കണ്ണീർ തുടച്ചു കൊണ്ട് അച്ചു പറഞ്ഞു ശേഷം അമ്മുവിനെ കെട്ടിപ്പിടിച്ചു ഒരു കരച്ചിലായി കൂടെ സച്ചുവും കരഞ്ഞു പോയി ഇതെല്ലാം കണ്ട് ശാരദയുടെ കണ്ണും നിറഞ്ഞിരുന്നു )
അച്ചു : നിനക്ക് എങ്ങനാടി എൻ്റെ പിറന്നാള് ഓർമ വന്നേ
അമ്മു : ഡീ നീ എൻ്റെ ബെസ്റ്റ് ഫ്രണ്ട് മാത്രം അല്ല എനിക്ക് എൻ്റെ കൂടെ പിറപ്പുകൂടിയാണ് അങ്ങനെ ഉള്ള നിൻ്റെ പിറന്നാള് ഞാൻ മറക്കെ നോ വേ (അമ്മു പുഞ്ചിരിച്ചു കൊണ്ട് പറഞ്ഞു)
അച്ചു : താങ്ക്സ് ഡീ…. ഉമ്മാ (അമ്മുവിനെ കെട്ടിപ്പിടിച്ചു ഒരു ഉമ്മകൊടുത്താണ് അച്ചു ആ സന്തോഷം തീർത്തത്)
അമ്മു : ഓ മതി പെണ്ണേ ഉമ്മ വച്ചത് ഇതേ എന്നെ കെട്ടാൻ പോകുന്നവന് ഉമ്മവക്കാൻ ഉള്ള കവിലുകളാ ( ഒരു തമാശ പോലെ അമ്മു പറഞ്ഞു)
അച്ചു : ഓ അവളുടെ ഒരു തമാശ ഒന്ന് പോടി പെണ്ണേ
സച്ചു : ചേച്ചി വീട്ടിൽ പോവാം വിശക്കുന്നു
( സച്ചുവിൻ്റെ സംസാരം കേട്ട് കയ്യിൽ ഉള്ള ഫോണിൽ സമയം നോക്കിയപ്പോൾ 8 മണി കഴിഞ്ഞിരുന്നു )
അച്ചു : അമ്മു ഞാൻ ഇറങ്ങട്ടെ ട്ടോ
ശാരദേച്ചി ഞങ്ങൾ ഇറങ്ങുവാണെ
ശാരദ : നോക്ക് മോളെ ഇത് കൊണ്ട് പൊയ്ക്കോ
അച്ചു : എന്താ ചേച്ചി അത്
ശാരദ : ഇതിൽ കുറച്ച് മീൻകറിയാ സച്ചുവിന് ഇഷ്ടമല്ലേ മീൻകറി ഇത് കൊണ്ടുപോയ്ക്കോ എൻ്റെ കുട്ടി
(ശാരദ ചേച്ചിയുടെ ആ സംസാരത്തിൽ അമ്മയില്ലാത്ത അച്ചുവിനോടും സച്ചുവിനോടും ഉള്ള മാതൃസ്നേഹം കൂടി ഉണ്ടായിരുന്നു )
അച്ചു : എന്നാ ശരി ഞങ്ങൾ ഇറങ്ങട്ടെ
അല്ല രാവിലെ എപ്പോഴാ അമ്പലത്തിൽ പോണേ