🍃 ഇതൾ 🍃- 5 Likeഅടിപൊളി  

അനു കുറച്ചുനേരം നിശബ്ദയായി ഇരുന്നു. അവളുടെ കിതപ്പ് പതിയെ അടങ്ങി വരുന്നുണ്ടായിരുന്നു. വിരലുകൾ പരസ്പരം കോർത്തുപിടിച്ച്, ഓർമ്മകളുടെ ഏതോ കറുത്ത കയത്തിലേക്ക് നോക്കിക്കൊണ്ട് അവൾ വീണ്ടും സംസാരിച്ചു തുടങ്ങി. അവളുടെ ശബ്ദം വളരെ നേർത്തതായിരുന്നു, എന്നാൽ ഓരോ വാക്കിനും വല്ലാത്ത ഭാരമുണ്ടായിരുന്നു….

​”കല്യാണം കഴിഞ്ഞ ആദ്യത്തെ കുറച്ചു നാളുകളിൽ… സത്യത്തിൽ എനിക്ക് വലിയ കുഴപ്പമൊന്നും തോന്നിയിരുന്നില്ല ഹരി. അതുവരെ എനിക്ക് ആരോടും പ്രണയമോ ഇഷ്ടമോ ഒന്നും തോന്നിയിട്ടുമില്ലായിരുന്നു… അങ്ങനത്തെ സാഹചര്യത്തിലല്ലല്ലോ ഞാൻ വളർന്നത്……അതുകൊണ്ട് കിരണിനെ പതിയെപ്പതിയെ ഞാൻ ഇഷ്ടപ്പെട്ടു തുടങ്ങുകയായിരുന്നു. ആ സമയത്താണ് കിരണിന്റെ ജോലി ആവശ്യത്തിന് തിരുവനന്തപുരത്തേക്ക് മാറേണ്ടി വരുന്നത്. അങ്ങനെ ഞാനും അവനും കൂടി ട്രിവാൻഡ്രത്തേക്ക് വന്നു. അവിടെയൊരു ചെറിയ വാടകവീട്ടിലായിരുന്നു ഞങ്ങളുടെ താമസം.”

​അനുവിന്റെ കണ്ണുകൾ ചെറുതായി നനഞ്ഞു.

​”ഞാൻ ഇത്രയുമൊക്കെ കഷ്ടപ്പെട്ട് ഡിഗ്രി പാസ്സായതല്ലേ… വെറുതെ വീട്ടിലിരിക്കാതെ ഞാനും എന്തെങ്കിലും ഒരു ജോലിക്കായി നോക്കട്ടെ എന്ന് ഞാൻ അവനോട് ചോദിച്ചു. ‘നീയെന്തിനാ കഷ്ടപ്പെട്ട് ജോലിക്ക് പോകുന്നത്, നിന്നെ നോക്കാൻ ഞാൻ ഇല്ലേ’ എന്നായിരുന്നു അവന്റെ മറുപടി. എന്നോടുള്ള സ്നേഹം കൊണ്ടാണെന്നാണ് വിഡ്ഢിയായ ഞാൻ ആദ്യം കരുതിയത്. പക്ഷേ… ദിവസങ്ങൾ കഴിഞ്ഞപ്പോഴാണ് ഞാൻ തിരിച്ചറിഞ്ഞത്, എന്നോടുള്ള സ്നേഹമല്ലായിരുന്നു അത്… എന്നെ ആ നാലു ചുവരിനുള്ളിൽ അടച്ചിടാനുള്ള അവന്റെ തന്ത്രമായിരുന്നു. അവിടെ ഞാൻ ഒരു ഭാര്യയായിരുന്നില്ല ഹരി, അവന്റെ എച്ചിൽപ്പാത്രങ്ങൾ കഴുകാനും, തുണികൾ നനയ്ക്കാനും, അവൻ പറയുന്ന നേരത്ത് ഭക്ഷണം

വെച്ചുവിളമ്പാനും മാത്രമുള്ള വെറുമൊരു വേലക്കാരി…… ഒരടിമ!”

​അനുവിന്റെ തൊണ്ട വല്ലാതെ വിറച്ചു. എന്തോ പറയാൻ ശ്രമിച്ച്, വല്ലാത്തൊരു സങ്കോചത്തോടെ അവൾ വാക്കുകൾ കിട്ടാതെ പതറി…..

​”പിന്നെപ്പിന്നെ… ദിവസവും കള്ളുകുടിച്ച് ബോധമില്ലാതെ അവൻ വരും. രാത്രികളിൽ അവൻ എന്റെ ദേഹത്തേക്ക് വീണ് കാമം തീർക്കുമ്പോൾ… ഒരൊറ്റ തവണ പോലും എന്റെ ഇഷ്ടമോ എന്റെ മനസ്സിന്റെ അവസ്ഥയോ അവൻ നോക്കിയിട്ടില്ല. മൃഗത്തെപ്പോലെ എന്നെ കടിച്ച് കീറുകയായിരുന്നു… വേദന സഹിക്കാൻ വയ്യാതെ ഞാൻ കരഞ്ഞുവിളിക്കുമ്പോൾ കൂടുതൽ ക്രൂരതയോടെ എന്നെ വേദനിപ്പിക്കാൻ അവനൊരു പ്രത്യേക ഇഷ്ട്ടമായിരുന്നു….. പല രാത്രികളിലും… ഈ ജീവിതം തന്നെ അവസാനിപ്പിച്ചാലോ എന്ന് ഞാൻ ചിന്തിച്ചിട്ടുണ്ട് ഹരി. ആ ഫാനിൽ ഒരു തുണ്ട് കയറിൽ എല്ലാം തീർക്കാൻ പലതവണ ഞാൻ നോക്കിയതാ… പക്ഷേ, ആ സമയത്തൊക്കെ എന്റെ കൺമുന്നിൽ അച്ഛന്റെയും അമ്മയുടെയും മുഖം വന്നുനിൽക്കും. അവർക്കിത് താങ്ങില്ലെന്ന ചിന്തയിലാ ഞാൻ അവിടെ പിടിച്ചുനിന്നത്.”

​പെട്ടെന്ന് അനു തലയുയർത്തി എന്റെ കണ്ണുകളിലേക്ക് നോക്കി. ആ കണ്ണുകളിൽ ഭ്രാന്തമായൊരു വേദന തിളച്ചുനിൽക്കുന്നുണ്ടായിരുന്നു.

​”അതുമാത്രമായിരുന്നെങ്കിൽ ഞാൻ ഒരുപക്ഷേ സഹിച്ചേനെ ഹരി… പക്ഷേ, ഇടയ്ക്കൊക്കെ കള്ളുകുടിച്ച് കൂട്ടുകാരെയുമായി അവൻ അർദ്ധരാത്രിയിൽ വീട്ടിൽ വരും. കുടിച്ച് ലക്കുകെട്ട് അവൻ ബോധമില്ലാതെ കിടക്കുമ്പോൾ… അവന്റെ കൂട്ടുകാർ… എന്റെ മുറിയിലേക്ക് വന്ന്……. എന്നെ…..മാന്തിക്കീറിയിട്ടുണ്ട് ഹരി!”

​ആ വാക്ക് എന്റെ കാതുകളിൽ വന്നുപതിച്ച നിമിഷം, തലച്ചോറിലേക്ക് ഒരു കൊള്ളിയാൻ ആഞ്ഞുവെട്ടി. എന്റെ നെഞ്ച് ഒരു നിമിഷം നിശ്ചലമായിപ്പോയി.

​ഒരു സ്ത്രീയുടെയും നാവിലൂടെ കേൾക്കാൻ പാടില്ലാത്ത ഭീകരമായ വാക്ക് കേട്ട് ഞാൻ തരിച്ചിരുന്നുപോയി. എന്റെ കണ്ണുകൾ വിറച്ചു, കൈവിരലുകൾ മരവിച്ചു. എന്റെ മുന്നിലിരിക്കുന്ന

ഈ പെൺകുട്ടി…ഒരു കൊടിയ നരകത്തിലൂടെയാണ് കടന്നുപോയത് എന്ന ചിന്ത എന്റെ സകല ഞരമ്പുകളെയും ചുട്ടുപൊള്ളിക്കുകയായിരുന്നു.