” പിന്നേ…. ആർക്കറിയാം….എത്ര പേര് കോണ്ടാക്റ്റ് ലിസ്റ്റിൽ ഉണ്ടെന്ന്… ”
ഇത്തവണ കൊഞ്ചലിൽ ഇത്തിരി ആക്കലിൻ്റെ ടേസ്റ്റ് കൂടി ഉണ്ടായിരുന്നു…
” വേണ്ടാട്ടോ…മോളെ ദിനേശാ…ഊതല്ലേ… ”
ഞാൻ അതിന് ചിരിച്ചുകൊണ്ട് മറുപടി കൊടുത്തു…പിന്നേയും ഞങ്ങളിങ്ങനെ ഓരോന്ന് പറഞ്ഞു കൊണ്ടേ ഇരുന്നു… അങ്ങനെ ഒടുക്കം ഞാൻ റൂമിനടുത്തേക്ക് എത്തിയപ്പോൾ പിന്നെ വിളിക്കാം എന്ന് പറഞ്ഞ് കട്ടാക്കി…അതിന് ശേഷമാണ് റൂമിൽ കേറിയത്…
” ഹാ വന്നോ…ഇന്നെന്താ ഇങ്ങ് വരാം എന്ന് കരുതിയത്… ”
റൂമിൽ കേറിയതും നന്ദുവിൻ്റെ ആക്കിയുള്ള ഒരു ചോദ്യം…
” അതെന്താടാ അങ്ങനൊരു ടെല്ലിഗ്… ”
ഞാൻ അവനെ നോക്കി ഒന്ന് പുരികം ഉയർത്തിയ ശേഷം ശ്രീയുടെ അടുത്തായിരുന്നു…
” അല്ല ഇയാൾക്ക് വേണ്ടപെട്ടവർ ഇന്ന് ലീവ് ആയത് കൊണ്ട് ചോദിച്ചതാണേ… ”
നന്ദു വീണ്ടൂം ഇളിച്ചുകൊണ്ട് കാര്യം വ്യക്തമാക്കിയപ്പോഴായിരുന്നു എനിക്കങ്ങ് കത്തിയത്…അതോടെ ഞാനവനെ എപ്പോഴത്തേയും പോലെ തലയണ വെച്ചൊരു ഏറ് കൊടുത്തു…ഇതിപ്പൊ പതിവായ സ്ഥിതിക്ക് നടയടി എന്ന് പറയുന്ന പോലെ നമ്മുകിതിനെ നടയേറ് എന്ന് വിളിച്ചാലോ…??
” എന്നാലും എൻ്റെ ആക്സിഡന്റ് കാരണം ഇവിടൊരാക്ക് ജീവിതം കിട്ടി…നന്ദി വേണം മൈരേ… നന്ദി… ”
അതുല് കൂടി എന്നെ ഊക്കാൻ ഉള്ള രീതിയിൽ മുന്നോട്ട് വന്നു…
” കാലത്ത് പോയി വാങ്ങിച്ച് കൊണ്ടുതന്നാ മതിയോ മൈരേ നിനക്ക് നന്ദി…?? മിണ്ടാതിരുന്നോണം അല്ലേൽ ആ മറ്റേ കാലും ഞാൻ അടിച്ചൊടിക്കും… ”
ഞാൻ അവനെ നോക്കി ഇളിച്ചു കൊണ്ട് പറഞ്ഞതും അവിടൊരു കൂട്ട ചിരി മുഴങ്ങി…അങ്ങനെ കളി ചിരിയും ഒക്കെ ആയി ഭക്ഷണവും ഒക്കെ കഴിച്ച് സമയം തള്ളി നീക്കി…ദിവ്യയെ പിന്നെ വിളിക്കാൻ പറ്റിയില്ല… ഒടുക്കം രാത്രി ഒരു 12:15 അങ്ങനെ ആയപ്പൊ അവൾടെ കോൾ വന്നു…അതോടെ ഞാൻ ഫോണും എടുത്ത് വരാന്തയിലേക്കിറങ്ങി..അപ്പോഴേക്കും അതുവും നന്ദുവും ഒഴിച്ച് ബാക്കി രണ്ടും കിടന്നിരുന്നു…
” ന്താ… പിന്നെ വിളിക്കാഞ്ഞെ… “
ഫോണെടുത്തതും മറുതലയ്ക്കൽ നിന്നും ഒരു ചീറൽ ആയിരുന്നു…
” ഹോ…അത് പിള്ളാരുടെ എടയിൽ നിന്ന് ഇപ്പാടൊ ഒന്ന് മാറിയത് അതാ…നീ കിടന്നില്ലായിരുന്നോ… ”
ഞാൻ എൻ്റെ ഭാഗം അവൾക്ക് മുന്നിൽ വ്യക്തമാക്കി…
” ഓ…അല്ലേലും കൂട്ടുകാരെ ഒക്കെ കിട്ടായാ നമ്മളെ ഒന്നും വേണ്ടാലോ… ”
എൻ്റെ മറുപടി കേട്ടതും മറുതലയ്ക്കൽ ഒരു ചിണുങ്ങൽ ആയിരുന്നു…
” ദേ ഒരെണ്ണം തരും കേട്ടോ കുഞ്ചൂസെ… പിള്ളാരുടെ മുന്നീന്ന് ഇങ്ങനെ കൊഞ്ചാൻ പറ്റുവോ…അതോണ്ടല്ലേ…നീ ക്ഷമി… ”
ഞാൻ അവളെ കയ്യിൽ എടുക്കാൻ ഇത്തിരി റൊമാന്റിക് മോഡിൽ സംസാരിച്ചു…
” ഓ പിന്നേ…അല്ലാതെ എന്നോട് സ്നേഹം ഇല്ലാതോണ്ടല്ല… ”
അവൾ വീണ്ടും പിള്ളാരെ പോലെ സംസാരിക്കുന്നത് കേട്ടതും എനിക്ക് ചിരിയാണ് വന്നത്…
” എൻ്റെ പെണ്ണേ…നിന്നെയല്ലാതെ വേറാരയാ ഞാൻ സ്നേഹിക്കണ്ടേ…നിനക്ക് ഇത് ഇപ്പോഴും വിശ്വാസമില്ലേ… ”
ചിരിയടക്കി പിടിച്ച് ഞാൻ കപട സങ്കടം കലർന്ന രീതിയിൽ മറുചോദ്യം ചോദിച്ചു…
” അയ്യോ…ഉണ്ട്…ഞാൻ ചുമ്മാ പറയുന്നതല്ലേ…ൻ്റെ ചെക്കൻ്റെ വായീന്ന് അങ്ങനെ ഇടയ്ക്ക് ഇടയ്ക്ക് കേൾക്കുന്നത് ഒരു സുഖമല്ലേ…അതിന് വേണ്ടിയാ… ”
മറുപടി പറഞ്ഞ ശേഷം പെണ്ണിൻ്റെ കുണുങ്ങി ചിരി കൂടി ഉയർന്നതോടെ എൻ്റെ അവസ്ഥ മറ്റേതായി…ഏത്… നമ്മുടെ ” വരുന്നടാ റൊമാന്റിക് വരുന്നടാ…ൻ്റെ പെണ്ണിനെ ഇപ്പൊ കാണണം… ” അതെന്നെ…
” നീ ഇങ്ങനെ ഓരോന്ന് പറഞ്ഞെന്നെ പിരി കേറ്റല്ലേ…എനിക്ക് കാണാൻ തോന്നുവാ…ഞാൻ ഇപ്പൊ അങ്ങോട്ടേക്ക് വരും… ”
ഞാൻ ചിരിച്ചുകൊണ്ട് എൻ്റെ അവസ്ഥ അവളോട് പറഞ്ഞു…
” മ്മ് പിന്നേ…ഇപ്പൊ വരും… അന്ന് ഞാൻ വെയിറ്റിട്ട് നിന്നോണ്ട് ഈഗൊ അടിച്ച് സഹിക്കാൻ പറ്റാണ്ട് വന്നതല്ലേ…അല്ലാണ്ട് കാണാൻ കൊതിയായിട്ട് വന്നതൊന്നും അല്ലല്ലോ… ”
എൻ്റെ പറച്ചില് കേട്ടതും അവളൊരു അടക്കി ചിരിയോടെ പറഞ്ഞു…
” എന്ന് വെച്ചാൽ ഇപ്പൊ ഞാൻ വരത്തില്ലാന്നല്ലേടി അതിൻ്റെ ഉള്ളടക്കം… അത്രയ്ക്കായോ…ന്നാ വിത്തിൻ മിനിറ്റ്സ് നിന്റെ വീടിന്റെ മുറ്റത്ത് ഉണ്ടാവും ഈ ഞാൻ… “
ഞാൻ ഒടുക്കം അതൊരു വെല്ലുവിളിയായി ഏറ്റെടുത്തു…ആഹാ…അങ്ങനങ്ങ് വിട്ടാൽ പറ്റത്തില്ലല്ലോ…
” വേണ്ടാട്ടോ…ഞാൻ ചുമ്മാ പറഞ്ഞതാ…ഇയാളൊന്നു പോയെ…എനിക്ക് പേടിയാ… ”
എൻ്റെ ആവേശം കണ്ടതും മറുതലയ്ക്കൽ അവൾക്ക് പരിഭ്രമം തുടങ്ങി…പക്ഷെ ഞാൻ അതൊന്നും കാര്യമാക്കിയില്ല…
” ഒന്നും പറയാണ്ടാ…ഞാൻ വരുവാ…പിന്നെ വന്നാൽ ഇയാൾ എന്ത് തരും… ”
ഞാൻ ഒരു ആക്കിയ രീതിയിൽ ചോദിച്ചു…
” ഒരു ഒലക്ക തരാം… എന്നെ കൊണ്ട് പറയിപ്പിക്കണ്ടാ…. ”
എൻ്റെ ചോദ്യം കേട്ടതും ഒരു ചിരിയോടെ അവൾ മറുപടി പറഞ്ഞു…
” അത് നിന്റെ തന്തയ്ക്ക് കൊടുത്തേക്ക്…എനിക്ക് വേണ്ട…എന്താലും അവിടെ എത്തി കാണാം… ”
ഞാൻ നൈസ് ആയി ലവൾടെ തന്തയ്ക്ക് ഒരു കൊട്ട് കൊടുത്ത ശേഷം ഫോണ് കട്ടാക്കാൻ തീരുമാനിച്ചു…
” ദേ…വേണ്ടാ… ”
അവൾ എന്തോ മറുപടി പറയാൻ തുടങ്ങുമ്പോഴേക്കും ഞാൻ ഫോൺ കട്ടാക്കി…എന്നിട്ട് നേരെ റൂമിലേക്ക് നടന്നു… വേറെന്തിന് നമ്മുടെ മുത്തിനെ തൂക്കാൻ തന്നെ…നന്ദു സാർ ഇല്ലാതെ നമ്മുക്ക് എന്ത് പരിപാടി…
” അളിയാ നന്ദു… ഞാനൊരു കാര്യം പറഞ്ഞാ നീ എന്നെ തല്ലരുത്… ”
റൂമിൽ തിരിച്ചെത്തുമ്പോൾ പെസ്സും കളിച്ചിരിക്കുന്ന നന്ദുവിൻ്റെ അടുത്ത് പോയി ഞാൻ ഒരു ചിരിയോടെ പറഞ്ഞു…അപ്പോഴേക്കും ബാക്കി ഉള്ളവന്മാരൊക്കെ കിടന്നിരുന്നു…
” എഴുതിയ ഇന്റേണലിൽ ഞാൻ തോറ്റ് നീ ജയിച്ച് എന്നാണ് പറയാൻ വരുന്നതെങ്കിൽ തല്ലില്ല.. കൊല്ലും മൈരേ… ”
അവൻ കളിയിൽ നിന്ന് ശ്രദ്ധ മാറ്റാതെ എനിക്ക് മറുപടി തന്നു…
” അയ്യേ…അതൊന്നുവല്ല…നീ ഇങ്ങോട്ട് നോക്ക്… ”
ഞാൻ അവൻ്റെ ഫോണ് തട്ടി പറിച്ച് എൻ്റെ പിന്നിലായി വെച്ചു…
” എന്തോന്ന് മൈരേ കുടുതൽ ഷോ ഇടാണ്ട് കാര്യം പറ… ”
എൻ്റെ കോപ്രായം കണ്ടവൻ പല്ല് കടിച്ചു…
” അത്പിന്നെ… നമ്മുക്ക് ഒരു നൈറ്റ് റൈഡിന് പോയാലോ… ”
ഞാൻ ഇളിച്ചു കൊണ്ട് കാര്യം ചോദിച്ചതും…
” പഫാ….നിന്റെ മറ്റവൾടെ വീട്ടിലേക്കായിരിക്കും…നിന്റെ തന്തയെ വിളിച്ചോ മൈരേ…ഞാനില്ല…ൻ്റെ ഫോണിങ്ങ് താ… “
അത് കറക്റ്റായിട്ട് കത്തിയ ലവൻ നിന്ന് കാറി…
” നായിൻ്റെ മോനല്ലെ…ച്ഛെ…. നല്ല മോനല്ലെ ഒന്ന് വാടാ…ഈ ഒരൊറ്റ തവണ കൂടി… ”
ഞാൻ ലവനെ നോക്കി ഒരു ഉളുപ്പും ഇല്ലാണ്ട് കെഞ്ചി…
” ഒന്ന് വേഷം കെട്ടെടുക്കാതെ പോടേയ്… ഫോണ് താ… ”
എൻ്റെ കെഞ്ചൽ ഒന്നും അവന് ഏശുന്നേ ഇല്ലാന്നുള്ള രീതിയിൽ ആയിരുന്നു അവൻ്റെ മറുപടി…പക്ഷെ നമ്മളോടാണോ കളി ഞാൻ ഒരുളുപ്പും ഇല്ലാണ്ട് കെഞ്ചി കെഞ്ചി അതിൻ്റൊപ്പം എല്ലാതവണെയും പോലെ ഇത്തിരി ഇമോഷണൽ ഡയലോഗ്സ് ഇട്ട് ഒടുക്കം ആശാൻ വരാന്ന് സമ്മതിച്ചു…അങ്ങനെ അവനെയും കൂട്ടി അവൾടെ വീട്ടിലേക്ക് വിട്ടു…വണ്ടി അവനായിരുന്നു ഓടിച്ചത്…ദിവ്യ അതിനിടയ്ക്ക് ഒന്ന് രണ്ട് വട്ടം വിളിച്ചിരുന്നു പക്ഷെ ഞാൻ കട്ടാക്കി കളഞ്ഞു…
