“ഇനി രാത്രീയിലും വേണോ…? നീ ഇന്ന് ഒന്നും കഴിച്ചില്ലേ..?” സുധി ചോദിച്ചു.
“പിന്നെ!! . ഞാൻ ഉച്ചയ്ക്ക് കഴിച്ചതാ. പിന്നെ ഒന്നും കഴിച്ചില്ല. ഭയങ്കര വിശപ്പ്. പിന്നെ ശ്യാമയെ പോലെ തന്നെ ശ്യാമയുടെ കറിയും നല്ലതാ. ”
“പിന്നെ ഒരു വല്ലാത്ത വിശപ്പ് തന്നെ. അല്ലേ ശ്യാമേ..?” സുധി തമാശയായി ശ്യാമയോട് ചോദിച്ചു
“അതിനെന്താ അപ്പു ഏട്ടാ. ചേച്ചിക്ക് വിശന്നിട്ടല്ലേ…? ചേച്ചി കഴിച്ചോട്ടെന്നെ..? ” ശ്യാമ പറഞ്ഞു.
“അങ്ങനെ പറഞ്ഞു കൊടുക്ക് ശ്യാമേ. അല്ലെങ്കിലും ഈ അപ്പു ഏട്ടൻ എപ്പോഴും ഇങ്ങനെയാ. തിന്നുകയും ഇല്ല. തീറ്റിക്കുകയും ഇല്ല. ഞാനും വരുന്നു പെണ്ണേ.. അപ്പു ഏട്ടന് വേണ്ടെങ്കിൽ നമുക്ക് ഇതെല്ലാം എടുത്തു താഴേക്കു തന്നെ പോകാം. ”
സുചിത്ര പറഞ്ഞു
“അപ്പു ഏട്ടന് വിശക്കുന്നില്ലേ..? ഞാൻ ഇനിയും ദോശ ചുട്ട് കൊണ്ട് വരാം. ചേച്ചി ഇവിടെ ഇരുന്ന് കഴിച്ചോ.”
അതും പറഞ്ഞു. ശ്യാമ താഴേക്ക് പോയി. കുറച്ചു ദോശ മാവും കൂടെ ബാക്കി ഉണ്ടായിരുന്നു അത് മുഴുവൻ ചുട്ട്. അതും എടുത്തു ശ്യാമ മുകളിലേക്ക് ചെന്നു.
അപ്പോൾ സുധിയും സൂചിത്രയും കിടക്കയിൽ ഇരുന്ന് എന്തോ പറഞ്ഞ് ചിരിക്കുകയായിരുന്നു. ശ്യാമ കയറി വന്നു. സൂചിത്രയുടെ പാത്രത്തിൽ ദോശ ഇട്ട് കൊടുത്തു.
“എനിക്ക് മതിയെടി പെണ്ണേ.. ഇനി നീ അപ്പു ഏട്ടന് കൊടുത്തോ.. കൂടെ നീയും കഴിച്ചോ.. അപ്പോഴേക്കും ഞാൻ കൈകഴുകിയിട്ട് വരാം. നീ കൊടുക്കുന്നതാ അപ്പു ഏട്ടന് ഇഷ്ട്ടം. എന്തായാലും കുറച്ചു നാൾ എന്റെ അപ്പു ഏട്ടനെ നീ നോക്കിയതല്ലേ. അതുകൊണ്ട് നിന്റെ ആ അവകാശം ഞാൻ കളയുന്നില്ല. ”
അതും പറഞ്ഞു സുചിത്ര താൻ കഴിച്ച പാത്രവുമായി കഴുകാനായി പോകാൻ നോക്കിയപ്പോൾ ശ്യാമ പറഞ്ഞു.
“അത് വേണ്ട ചേച്ചി. ചേച്ചി തന്നെ അപ്പു ഏട്ടന് കൊടുത്തോ.. പാത്രം ഞാൻ കഴുകിക്കോളും. എല്ലാം അവിടെ വെച്ചാൽ മതി. ഞാൻ എടുത്തോളാം.”
“എന്നിട്ട് വേണം നിന്റെ അപ്പു ഏട്ടൻ എന്നെ വഴക്ക് പറയാൻ ഞാൻ നിന്നെ ബുദ്ധിമുട്ടിച്ചെന്നു പറഞ്ഞു. അതുകൊണ്ട് അതൊന്നും വേണ്ട ശ്യാമ തന്നെ കൊടുത്താൽ മതി. പാത്രം ഞാൻ തന്നെ കഴുകിക്കോളാം”
ശ്യാമ സുധിയുടെ മുഖത്തേക്ക് നോക്കി. അത് കണ്ടു സുചിത്ര ശ്യാമയെ പിടിച്ചു സുധിയുടെ അടുത്ത് ഇരുത്തി. എന്നിട്ട് പറഞ്ഞു.
“എന്റെ ശ്യാമേ. നീ അപ്പു ഏട്ടന് ഭക്ഷണം വാരി കൊടുത്തെന്നു വെച്ചിട്ടോ കുളിപ്പിച്ചെന്ന് വെച്ചിട്ടോ എനിക്ക് ഒന്നും ഇല്ല. എനിക്ക് ഒന്നും തോന്നുകയും ഇല്ല. എന്റെ അപ്പു ഏട്ടനെ എനിക്ക് അറിയാം. എനിക്ക് വിശ്വാസവും ആണ്. അതുകൊണ്ട് മടിച്ചു നിൽക്കാതെ വാരി കൊടുത്തിട്ട് താഴെ വന്നാൽ മതി. ഞാൻ താഴെ അമ്മയുടെ മുറിയിൽ കാണും. കേട്ടല്ലോ..?”
അതും പറഞ്ഞു സുചിത്ര താഴേക്ക് പോയി.
” അപ്പു ഏട്ടാ. ” സുചിത്ര പോയപ്പോൾ ശ്യാമ വിളിച്ചു.
“മ്. എന്താ.?” സുധി ചോദിച്ചു.
“ആ ചേച്ചി പറഞ്ഞത് സത്യം ആണോ..? ”
“എന്ത് പറഞ്ഞത്..? സുചി എന്താ പറഞ്ഞത്..?”
“അപ്പു ഏട്ടനും ചേച്ചിയും വിവാഹം കഴിക്കാൻ പോവുകയാണെന്ന്..? ”
“മ്. സത്യമാണ്. ഞങ്ങളുടെ വിവാഹം ആണ്..”
അത് കേട്ട് ശ്യാമയുടെ കണ്ണുകൾ നിറഞ്ഞു. എന്നിട്ട് ചോദിച്ചു
“പിന്നെ എന്തിനാ . എന്നോട് അങ്ങനെയൊക്കെ പെരുമാറിയത്..? എന്നോട് എന്നെ ഇഷ്ട്ടം ആണെന്നും എന്നെയാണ് വിവാഹം കഴിക്കാൻ ആഗ്രഹം എന്നും പറഞ്ഞത്. അത് വെറും കള്ളം ആയിരുന്നോ. എന്റെ ശരീരം മാത്രം മോഹിച്ചു പറഞ്ഞതാണോ.. എന്റെ ശരീരം ആണോ അപ്പു ഏട്ടന് വേണ്ടത്..? ”
“ശ്യാമേ… എനിക്ക് നിന്നെ ഇഷ്ട്ടം ആണ്. വിവാഹം കഴിക്കാൻ ഇപ്പോഴും ആഗ്രഹിക്കുന്നത് നിന്നെ തന്നെയാണ്. പക്ഷെ നീ ഇപ്പോഴും എന്നോട് സമ്മതം പറയുന്നില്ലല്ലോ..? എനിക്ക് നിന്റെ ശരീരവും മനസ്സും രണ്ടും വേണം. നീ സമ്മതം പറഞ്ഞാൽ ഇപ്പോൾ ഇവിടെ വെച്ച് ഞാൻ നിന്നെ വിവാഹം കഴിക്കും. പറ നിനക്ക് സമ്മതം ആണോ..?”