💖മംഗല്ല്യധാരണം – 5 20അടിപൊളി 

“… അമ്മേടെ മോൻ വന്നോ…” ചെന്നപ്പോഴേ കെട്ടിപിടിച് അമ്മ സ്നേഹ പ്രകടനം നടത്തി.

“… ഏട്ടാ ഇന്ന് ചേട്ടന്റെ ചിലവ് ആണ് കേട്ടോ…” അമ്മു കൂടെ കൂടി.

“…ഇന്ന് ചിലവ് ഒന്നും ഇല്ല. വൈകാതെ നമുക്ക് ഒരു ഔട്ടിങ് പോവാം…”

“… സത്യം…” അത് പറഞ്ഞു ഓടിവന്നു അമ്മു എനിക്ക് ഒരു ഉമ്മ തന്നു.

“… ആാാാ. പയ്യെ കവിൾ ഒക്കെ നീര് ആയി ഇരിക്ക…” കവിൾ തടവി ഞാൻ പറഞ്ഞു.

“… നല്ല നീര് ഉണ്ടല്ലോടാ. നല്ലപോലെ കിട്ടിയെന്നു തോന്നുന്നു…” മുഖം മുഴുവൻ നോക്കിക്കൊണ്ട് അമ്മ പറഞ്ഞു.

“…രണ്ടെണ്ണം കിട്ടിയാൽ അല്ലെ അമ്മക്കുട്ടി തിരിച്ചുകൊടുക്കാൻ ഒരു ഗും ഉള്ളു…” അമ്മയുടെ കവിളിൽ പിച്ചിക്കൊണ്ട് ഞാൻ കൊഞ്ചി.

“…ഒന്ന് പോ ചെക്കാ കളിക്കാതെ…”

ഞാൻ കുളിക്കാനായി റൂമിലേക്ക് പോയി. പോകുന്ന പോക്കിൽ ചരുവിന്റെ റൂം നോക്കിയെങ്കിലും വാതിൽ അടഞ്ഞു തന്നെ കിടപ്പുണ്ട്. കുളിച്ചു താഴെ എത്തിയപ്പോഴേക്കും അമ്മ ചായ തന്നു കൂടെ അമ്മുവും കൂടി.

“… ചാരു ചേച്ചി എവിടെ പോയി…” ഞാൻ ചോദിക്കാൻ ഉദ്ദേശിച്ച ചോദ്യം അമ്മു ചോദിച്ചു.

“… അവൾക്ക് എന്തോ വയ്യായ്ക. ഒന്ന് കിടക്കട്ടെ എന്ന് പറഞ്ഞു റൂമിലേക്ക് പോയതാ…”

ഇവൾക്ക് ഈ ഇടയായി ഓരോ അസുഖങ്ങൾ ആണല്ലോ. എന്ത് പറ്റിയാവോ. ചായകുടിക്കുമ്പോഴും എന്റെ ചിന്ത അത് തന്നായിരുന്നു.വൈകിട്ട് അച്ഛൻ വന്നു അച്ഛനോടും കുറച്ചു നേരം സംസാരിച്ചു ഞാൻ ബാൽകണിയിലേക്ക് പോയി. ഗായുവിനെ മാച്ച് കഴിഞ്ഞപ്പോതൊട്ട് വിളിക്കാൻ ശ്രമിക്കുന്നതാ പക്ഷെ പുള്ളിക്കാരി ഫോൺ എടുക്കുന്നില്ല. ഞാൻ നിലാവിനെ നോക്കി അവിടെ ഇരുന്നു. മാച്ച് കഴിഞ്ഞതോടെ ഒരു വലിയ ഭാരം കുറഞ്ഞത് പോലെ.

“… ആദി….congrats…” ശബ്ദം കേട്ട ഭാഗത്തേക്ക്‌ നോക്കിയപ്പോ ചാരുവിനെയാണ് കണ്ടത്.

“… താങ്ക്സ്…”എന്തോ ഇന്ന് ഞാൻ ഉടക്ക് ഉണ്ടാക്കാൻ പറ്റിയ മൂഡ് അല്ലായിരുന്നു.

“…ഞാൻ അവിടെ ഇരുന്നോട്ടെ…” എന്റെ അടുത്തേക്ക് നോക്കി അവൾ ചോദിച്ചു.

ഞാൻ ചെറിയ ചിരിയോടെ നീങ്ങി ഇരുന്നു ചാരു എന്റെ ഒപ്പം ഇരുന്നു.

“…നീ ഇന്ന് മാച്ച് കാണാൻ വന്നായിരുന്നോ…”എന്റെ തോന്നൽ ആയിരുന്നോ അത് എന്ന് എനിക്ക് ഉറപ്പിക്കണമായിരുന്നു.

“…വന്നിരുന്നു…”

“… ഓ. നിന്നെ അവിടെ കണ്ടപോലെ തോന്നി…”

“…hmm. മുഖം നീരായല്ലോ…” എന്നെ നോക്കി അവൾ ചോദിച്ചു.

“… അതൊക്കെ ശെരിയാവും…” ഞാൻ പുഞ്ചിരിച്ചു.

“…വേദന ഉണ്ടോ എന്റെ കൈയിൽ ഒരു ഓയ്ലമെന്റ് ഉണ്ട് ഞാൻ വേണമെങ്കിൽ അത് പുരട്ടി തരാം…” നീരുവച്ച ഭാഗത്തു ചെറുതായി തടവികൊണ്ട് ചാരു ചോദിച്ചു. ഞാൻ ചെറുതായി എരിവ് വലിച്ചു.

“… സോറി…. സോറി..വേദനിച്ചോ…” ആശങ്കയോടെ ചാരു തിരക്കി.

“… സാരമില്ല. അമ്മ തൈലം ഒക്കെ ഇട്ടുതന്നു. നാളെ ശെരിയാകും…”

“… ആദി നിനക്ക് ഇപ്പോഴും എന്നോട് ദേഷ്യം ആണോ…”

“… എന്തിന്…”

“… ഞാൻ അരുണിനോട് സംസാരിക്കുന്നതിൽ…” ഭയത്തോടെ ചാരു ചോദിച്ചു. എന്റെ പക്കൽ അതിനുള്ള മറുപടി ഇല്ലായിരുന്നു. കുറച്ചു സമയം രണ്ടുപേരും നിശബ്ദമായി.

“… നിനക്ക് ഈ ഇടയായി ഓരോ അസുഖങ്ങൾ ആണലോ എന്ത് പറ്റി…” നിശബ്ദത വെടിഞ്ഞു ഞാൻ തന്നെ ചോദിച്ചു.

“…അത് ആദിക്ക് പറഞ്ഞാൽ മനസ്സിലാവില്ല…” എന്നെ ഫേസ് ചെയ്യാതെ അവൾ പറഞ്ഞു.

“… ആദിക്ക് ഒരു കാര്യം അറിയാമോ…”

എല്ലാ തവണ പോലെ ഇത്തവണയും ഫോൺ ഒരു വില്ലനായി അവതരിച്ചു. ഇത്തവണ ഗായു ആണ് എന്നെ വിളിച്ചേ.

“… Helo എന്താ മാഷേ ഇടിവാങ്ങി കൂട്ടിയെന്നാണല്ലോ കേട്ടെ…”

“… കിട്ടിയെങ്കിൽ അതനുസരിച്ചു കൊടുത്തിട്ടും ഉണ്ട്…”

“… ആർക്ക് അറിയാം…” ഗായു എന്നെ പുച്ഛിച്ചു.

“… അതൊക്കെ പോട്ടെ കപ്പ്‌ കിട്ടിയിട്ട് ചിലവ് ഒന്നും ഇല്ലേ കുട്ടാ…” ഗായു ചോദിച്ചു.

“…അയ്യടാ ഇത്രയും നേരം എന്നെ കളിയാക്കിയ നിനക്ക് ചിലവ് വേണം അല്ലെ. നോക്കി ഇരിക്കത്തെ ഉള്ളു…”

“… എന്താ ആദിയേട്ടാ ഇങ്ങനെ. ഞാൻ ചുമ്മാ പറഞ്ഞത് അല്ലെ…”

“… ഗായു ഒരു മിനിട്ട്…” അവൾ അതിനു മൂളി.

“… ചാരു ഒരു 10 മിനിറ്റ്…” ഫോൺ മൈക്ക് പൊത്തിപിടിച്ചു എന്നെ നോക്കിയിരുന്ന ചരുവിനോട് ഞാൻ പറഞ്ഞു.