💖മംഗല്ല്യധാരണം – 5 20അടിപൊളി 

“… എന്താ പിള്ളേരെ നമ്മളെ വിളിക്കാതെ ഒറ്റക്ക് ഐസ്ക്രീം കുടിക്കാണോ…”

“…നിങ്ങൾ സമയത്തിന് എത്താത്തത് നമ്മുടെ കുറ്റമാണോ…” ഐസ്ക്രീം കുടിക്കുന്ന അമ്മുവിന്റെ വക കൗണ്ടർ എത്തി.

“…നിന്നോട് തർക്കിക്കാൻ ഞാൻ ഇല്ലേ…” അമ്മ ആദ്യമേ ആയുധം വച്ച് കീഴടങ്ങി.

ഞാൻ അവർക്കും ഓരോ ഐസ്ക്രീം വാങ്ങി കൊടുത്തു. പിന്നെ കുറെ നേരം മ്യൂസിയത്തിലെ പുല്ല് തക്കിടുകളിൽ റസ്റ്റ്‌ എടുത്തു.

“… ഏട്ടാ അങ്ങോട്ട് നോക്കിയേ…” ഒരു ചെറിയ മരച്ചോട്ടിൽ കെട്ടിപിടിച്ചിരിക്കുന്ന കാമിതാക്കളെ ചൂണ്ടി അമ്മു ചിരിച്ചു.

“… അടങ്ങി ഇരിക്കും പെണ്ണെ…” അമ്മുവിനെ ഞാൻ ശാസിച്ചു

ഇപ്പൊ ഇവിടത്തെ സ്ഥിരം പരിപാടിയാണ് ഇത് എല്ലാ മുക്കിലും ഓരോ കാമിതാക്കൾ കാണും. ഇവർക്ക് വല്ല റൂമും എടുത്തൂടെ വെറുതെ മനുഷ്യനെ കൊതിപ്പിക്കാനായിട്ട്. വെർജിൻ ആയതോണ്ട് ഇതൊക്കെ കാണുമ്പോൾ എനിക്ക് വിഷമം ഒന്നും ഇല്ല കേട്ടോ. ഞാൻ ഇടക്ക് ഒളിഞ്ഞും തെളിഞ്ഞു അവരെ വീക്ഷിക്കാൻ തുടങ്ങി. ഇടക്ക് ഒന്ന് നോക്കിയിട്ട് തിരിഞ്ഞപ്പോ എന്നെ നോക്കി ഇരിക്കുന്ന ചാരുവിനെയാണ് കണ്ടത്. നല്ല രീതിയിൽ ചമ്മി. ഞാൻ ഒരു കാമക്കണ്ണൻ ആണെന്ന് കരുതി കാണുവോ ആവോ. പിന്നെ ആ ഭാഗത്തേക്ക്‌ നോക്കനെ പോയില്ല.

ഉച്ച ആയപ്പോഴേക്കും ഫുഡും കഴിച്ച് നേരെ ശംഖ്മുഖത്ത് പോയി. ഏറെ നാൾക്ക് ശേഷമാണ് ഞാൻ അവിടെ പോണേ. പണ്ട് ഉണ്ടായിരുന്ന ബീച് ഒന്നും കാണാൻ ഇല്ല. തിരമാല ഇപ്പൊ റോഡ് വരെ എത്തിയിട്ടുണ്ട്. ചെറുതിലെ ആ കടപ്പുറം വഴി ഓടി നടന്നത് എല്ലാം വെറുമൊരു ഓർമയായി. വഴിയോര കച്ചവടക്കാരുടെ കൈയിൽ നിന്നും ഉപ്പും മുളകും പുരട്ടിയ മാങ്ങയും പൈനാപ്പിളും വാങ്ങി കഴിച്ച് മത്സ്യകന്യകയുടെ അടുത്ത് എത്തി. പഴയ ആ എടുപ്പ് ഒന്നും പോയി പോയിട്ടില്ല.

“…നല്ല ഭംഗി ഉണ്ടല്ലേ…” മത്സ്യകന്യകയെ നോക്കി നിന്ന എന്റെ അടുത്തേക്ക് വന്ന് ചാരു പറഞ്ഞു.

“…അതേ. ഈ ശിൽപ്പം ഉണ്ടാക്കിയവനെ സമ്മതിക്കണം എന്താ സ്‌ട്രെക്ചർ…” ശിൽപ്പത്തിന്റെ ശാരീരിക വടിവിലൂടെ കൈയോടിച്ചു ഞാൻ പറഞ്ഞു.

ചോദിച്ച ചോദ്യത്തിന് ഒരു ഫ്ലോയിൽ ഉത്തരം നൽകിയതാ. പറഞ്ഞു കഴിഞ്ഞപ്പോഴാ ആരോടാ എന്താ പറഞ്ഞത് എന്ന് ബോധം വന്നത്.

“…അതേ അതേ നല്ല സ്‌ട്രെക്ടർ തന്നെയാ…” എന്നെ നോക്കി കളിയാക്കി ചിരിച്ചോണ്ട് അവൾ അമ്മയുടെ അടുത്തേക്ക് പോയി.

മൈര് മൂഞ്ചി. ഇന്നത്തെ ദിവസം ഇവളുടെ മുന്നിൽ നിന്നു പുഴുക്കുവാണല്ലോ. കുറച്ചു നേരം അവിടെ നിന്ന് വിമാനം പറന്നിറങ്ങുന്നതും ഉയർന്നു പറക്കുന്നതും ഒക്കെ കണ്ടു വൈകുനേരത്തോടെ ലുലുവിൽ പോയി. ചാരു ആദ്യമായിട്ടാണ് ലുലുവിൽ വരുന്നേ. അമ്മു അവളെയും കൊണ്ട് അവിടെ മുഴുവൻ കാണിക്കാൻ തുടങ്ങി. അമ്മ ആണെങ്കിൽ എന്തോ ഓഫർ ഉണ്ടെന്നും പറഞ്ഞു ബെഡ്ഷീറ്റും പുതപ്പും അങ്ങനെ എന്തൊക്കെയോ നോക്കാൻ പോയി. അമ്മയുടെ ക്യാരിബാഗ് ആണ് അച്ഛൻ പിന്നെ പറയണ്ടല്ലോ ടിപ്പിക്കൽ വീട്ടമ്മയായി അമ്മ മാറി. ഞാൻ ഇച്ചിരി കളക്ഷൻ എടുക്കാൻ ഹൈപ്പർമാർട്ടിൽ കേറി 😁. ഹൈപ്പർമാർട് മൊത്തം ഒന്ന് സ്കാൻ ചെയ്ത് കഴിഞ്ഞപ്പോഴാ അമ്മുവിന് സർപ്രൈസ് കൊടുക്കാം എന്ന് കരുതി. അവൾക്ക് ഏറ്റവും ഇഷ്ട്ടമുള്ള ഡയറിമിൽക്ക് ഒരെണ്ണം എടുത്തു ബില്ല് അടിക്കാൻ പോകുമ്പോൾ ആണ് ചരുവിന്റെ കാര്യം ഓർമ വന്നത്. വന്നത് പോലെ തിരിച്ചു പോയി 2 എണ്ണം കൂടി എടുത്തു. അവസാനം ഫുഡ്‌ കോർട്ടിൽ എല്ലാരും ഒന്നുകൂടി.

“…ഏട്ടൻ എവിടെ പോയതാ…” അമ്മു തിരക്കി.

“…അത് കൊള്ളാം. രണ്ടുംകൂടി എന്നെ ഒറ്റക്ക് ആക്കി എങ്ങോട്ടോ പോയിട്ടു കുറ്റം മുഴുവൻ എനിക്കോ…”

“… ഞാൻ കരുതി ഏട്ടൻ എന്റെ പിറകെ ഉണ്ടെന്നു…”

“… അതൊക്കെ പോട്ടെ. സർപ്രൈസ്…” ഞാൻ ഒരു ഡയറിമിൽക്ക് അമ്മുവിന് നേരെ നീട്ടി.

“…ഹായ് love you ഏട്ടാ…” അമ്മു ഓടിവന്ന് എന്നെ കെട്ടിപിടിച് ഡയറിമിൽക്ക് വാങ്ങി.

ഞങ്ങടെ പ്രവർത്തിയെല്ലാം ചാരു നോക്കി നിൽക്കുന്നുണ്ടായിരുന്നു. അമ്മുവിന്റെ കൈയിലെ ഡയറിമിൽക്ക് നോക്കി കൊണ്ടിരുന്ന ചരുവിന്റെ മുഖം ഒന്ന് വാടി.