💖മംഗല്ല്യധാരണം – 5 20അടിപൊളി 

“…കുഴപ്പം ഇല്ല ആദി ഞാൻ കിടക്കാൻ പോവാ. ഒരുപാട് യാത്ര ചെയ്തോണ്ട് ക്ഷീണം പോലെ…” അത് പറഞ്ഞു അവൾ റൂമിലേക്ക് നടന്നു പോകുന്ന വഴി എന്നെ തിരിഞ്ഞൊരു നോട്ടം നോക്കി.

“…ആരാ ആദിയേട്ടാ…” ഗായു ഫോണിലൂടെ തിരക്കി.

“… ചാരു ആയിരുന്നു…”

“… ചാരു ചേച്ചിയോ ഫോൺ ഒന്ന് കൊടുത്തേ…”

“…ഇല്ല അവൾ ഉറങ്ങാൻ പോയി…”

“… എന്ത് പറ്റി ഞാൻ സ്വർഗ്ഗത്തിലെ കട്ടുറുമ്പ് ആയോ…”

“… കട്ടുറുമ്പോ നീ എന്തൊക്കെയാടി പറയുന്നേ…” മനസ്സിലാവാതെ തിരക്കി.

“…എനിക്ക് അറിയാം നിങ്ങൾക്ക് രണ്ടുപേർക്കും പരസ്പരം ഇഷ്ടമാണെന്നോക്കെ…”

“… നീ ചുമ്മാ ഇല്ലാത്തത് പറഞ്ഞുണ്ടക്കരുത് കേട്ടോ…” എനിക്ക് ദേഷ്യം വരാൻ തുടങ്ങി

“…വേണ്ട മോനെ അദികുട്ടാ എനിക്ക് എല്ലാം മനസ്സിലാവും…” ഒരു ആക്കിയ ചിരിയോടെ ഗായു പറഞ്ഞു

“… കോപ്പ്. എഴുതാപുറം വായിക്കാനാ എല്ലാരും നോക്കുന്നെ….” ഞാൻ ഫോൺ കട്ട്‌ ആക്കി സൈലന്റ് മോഡ് ഇട്ടു.

ബാൽകണിയിൽ തന്നെ നിലാവിനെ നോക്കി നീണ്ടു നിവർന്നു കിടന്നു.

എന്റെ മനസ്സിൽ ഉള്ളത് ഗായുവിന് എങ്ങനെ മനസിലായി. ഞാൻ ഇതേ പറ്റി ഒന്നും അവളോട് സൂചിപ്പിച്ചിട്ടില്ലല്ലോ. ഒരാൾക്ക് മാത്രം ഇഷ്ടം ഉണ്ടായിട്ടു കാര്യം ഇല്ലല്ലോ. ചാരുവിന് അരുണിനെ അല്ലെ ഇഷ്ട്ടം 😒. ഞാൻ അപ്പൊ അതിൽ നിന്നും മാറി കൊടുക്കുന്നത് ആണ് നല്ലത്. ഇത്രയും നാൾ ബോക്സിങ് ഉള്ളത് കൊണ്ട് ചാരുവിനെ ഒരു പരിധി വരെ മറക്കാൻ കഴിഞ്ഞു. ഇനി അതും ഇല്ല നോക്കാം. എങ്ങനെ ഓരോ ചിന്തയും മിന്നി മറഞ്ഞു. കുറച്ചു നേരം കൂടി അങ്ങനെ കിടന്നതിന് ശേഷം ഞാൻ റൂമിലേക്ക് പോയി. ഗായുവിന്റെ റൂമിന്റെ വാതിലിനിടയിൽ നിന്നും വെളിച്ചം വരുന്നുണ്ടായിരുന്നു.

ഇവൾ ഇതുവരെ ഉറങ്ങിയില്ലേ. ചിലപ്പോ അരുണിന്റെ കൂടെ സംസാരിക്കയായിരിക്കും😏.അധികം അവിടെ നിന്നുതിരിയാൻ തോന്നിയില്ല നേരെ റൂമിൽ പോയി കിടന്നു. ഗായു ഒരുപാട് മിസ്സ്ഡ്കാൾ ചെയ്തിട്ടുണ്ട് രാവിലെ സംസാരിക്കാം എന്ന് വാട്സ്ആപ്പ് ചെയ്ത് ഞാൻ ഉറങ്ങി.

പിറ്റേന്ന് ശനിയാഴ്ച ആയത് കൊണ്ട് ഞാൻ ജയിച്ചതിന്റെ ഭാഗമായി ഒരു ചെറിയ ഔട്ടിങ് പ്ലാൻ ചെയ്തു. പ്ലാനിങ് എല്ലാം അമ്മു തന്നെയാ. ഒരുപാട് നേരത്തെ ചർച്ചക്ക് ശേഷം അമ്മു ഒരു പ്ലാൻ ഉണ്ടാക്കി.

ആദ്യം zoo പോവാം. പിന്നെ ശംഖ്‌മുഖം വഴി ലുലുവിൽ. എല്ലാരും ആ പ്ലാനിൽ കൈകോർത്തു. ഒരു കംപ്ലീറ്റ് ഫാമിലി ട്രിപ്പ്‌ തന്നായിരുന്നു. സൂവിൽ എത്തിയപ്പോ 2 ഗാങ് ആയി പിരിഞ്ഞു. അച്ഛനും അമ്മയും കപ്പിൽ ആയി പയ്യെ പയ്യെ വരുന്നുണ്ട്. എന്റെ ഗാങ്ങിൽ അമ്മു ഉണ്ട് പിന്നെ പറയണ്ടല്ലോ. എന്റെ കൈയ്യും പിടിച്ചു അവിടെ മുഴുവൻ ഓടി നടക്കൽ തന്നെ പിന്നാലെ ചാരുവും.

“…ചേച്ചി ആ കുരങ്ങനെ കാണാൻ ചേട്ടനെ പോലെ ഇല്ലേ…” അവിടെ ഉണ്ടായിരുന്ന ഒരു കുരങ്ങനെ ചൂണ്ടി പറഞ്ഞു.

“…ആണോ അപ്പൊ അതിന്റെ വാലിൽ തൂങ്ങി നടക്കുന്നത് നീ ആയിരിക്കും…” കൂടെ ഉണ്ടായിരുന്ന കുരങ്ങനെ നോക്കി ഞാൻ പറഞ്ഞു ചാരു ചിരിക്കാൻ തുടങ്ങി.

അങ്ങനെ അമ്മുവിന്റെ ഓരോ കുറുമ്പും കളിയാക്കലും ആയി നമ്മൾ ഓരോ മൃഗങ്ങളെ കണ്ടു നടന്നു. കുറെ ദൂരം ഓടി ചാടി നടന്നത് കൊണ്ട് അവിടെ ഒരു സ്ഥലത്തു ഇരുന്നു. അപ്പോഴേക്കും ദാ വരുന്നു കപ്പിൾ ടീംസ്.

“… എന്താ പിള്ളേരെ തളർന്നോ…” അമ്മുവിന്റെ അവസ്ഥാ കണ്ട് ചോദിച്ചു.

“…നമ്മൾ ഓരോ മൃഗങ്ങളെ കാണാൻ ഓടി ചാടി വന്നത് അല്ലെ അല്ലാതെ നിങ്ങളെ പോലെ പ്രണയിക്കാൻ വന്നത് അല്ലല്ലോ അപ്പൊ തളർന്നന്ന് വരും…” അമ്മു നൈസ് ആയിട്ടു അണ്ണാക്കിൽ അടിച്ചു.

“… ശോ ഈ പെണ്ണ് മനുഷ്യനെ നാണം കെടുത്തോലൊ…” അമ്മ ചുറ്റും നോക്കി പറഞ്ഞു.

“…എന്നാ നിങ്ങളുടെ പ്രണയസല്ലാവം നടക്കട്ടെ…” ഞാനും നൈസ് ആയിട്ടു ഒരു കൊട്ട് കൊടുത്തു അമ്മുവിനെയും ചരുവിനെയും കൂട്ടി അടുത്ത ഇടത്തേക്ക് നീങ്ങി.

അമ്മുവിന്റെ ഫോട്ടോ എടുപ്പ് കണ്ടാൽ ഇന്ന് ഫോൺ സ്റ്റോറേജ് ഫുൾ ആവും എന്നാ തോന്നുന്നേ. ചാരുവും ഓരോ മൃഗങ്ങളെ കൗതുകത്തോടെ നോക്കുന്നുണ്ട്. എല്ലാം കണ്ട് അവസാനം പാമ്പിനെ കാണാൻ എത്തിയപ്പോ അമ്മുവിന്റെ വിധം മാറി. പാമ്പിനെ കണ്ടാൽ പുറം പെരുക്കുന്നു എന്ന് പറഞ്ഞു എന്റെ മറവിൽ ഒളിച്ചാണ് എല്ലാം കാണുന്നെ. ഇവൾക്ക് പേടി എന്നൊരു സാധനം ഉണ്ടെന്നു ഇന്നാണ് എനിക്ക് മനസ്സിലാവുന്നേ. അവിടന്ന് ഇറങ്ങി മയിലിനെ കണ്ടതും അമ്മു വീണ്ടും ഓൺ ആയി.പിന്നെ ഫോട്ടോ എടുത്ത് താ എന്ന് പറഞ്ഞു ഒരേ ബഹളം. അവിടന്ന് പുറത്ത് ഇറങ്ങി ഓരോ ഐസ്ക്രീം കുടിക്കുമ്പോഴേക്കും അച്ഛനും അമ്മയും എത്തി.