💖മംഗല്ല്യധാരണം – 5 20അടിപൊളി 

“…ചാരു…” അമ്മുവിനെ നോക്കി നിന്ന ചാരു ഒന്ന് ഞെട്ടി എന്നെ നോക്കി.

“… ഇത് നിനക്ക…” പോക്കറ്റിൽ നിന്നും അടുത്ത ഡയറിമിൽക്ക് ഞാൻ അവൾക്ക് നേരെ നീട്ടി.

“… താങ്ക്സ് ആദി…” അവളുടെ കണ്ണിൽ ഒരു തിളക്കം ഞാൻ കണ്ടു

“… അവർക്ക് മാത്രമേ ഉള്ളോ…”കുശുമ്പി അമ്മയുടെ പരിഭവം.

“…കപ്പിൾസ് ഇന്ന് റൊമാന്റിക് മൂഡിൽ ആണല്ലോ അപ്പൊ പിന്നെ ഡയറിമിൽക്ക് ഇല്ലാതെ പറ്റില്ലല്ലോ…” അമ്മയ്ക്കും കൊടുത്തു.

എല്ലാരും ഡയറിമിൽക്ക് കഴിക്കാൻ തുടങ്ങി. അമ്മയും അച്ഛനും ഷെയർ ചെയ്തു. ഇതൊക്കെ കാണുമ്പോൾ ഉള്ളിൽ എന്തോ ഒരു സന്തോഷം.

“…നീ കഴിക്കുന്നില്ലേ…” കഴിക്കുന്നതിന്റെ ഇടക്ക് അമ്മ തിരക്കി.

“… ഏയ്യ് വേണ്ട…” സത്യം പറഞ്ഞാൽ എന്റെ കാര്യം ഞാൻ മറന്നു പോയി.

“… ഇത ആദി കഴിക്ക്…” കഴിച്ചോണ്ട് ഇരുന്ന ചോക്ലേറ്റ് ചാരു എനിക്ക് നേരെ നീട്ടി.

“… വേണ്ട ചാരു. നീ കഴിച്ചോ…”

“… അതെന്താ ഞാൻ തന്നാൽ നീ കഴിക്കില്ലേ…” വിഷമത്തോടെ ചാരു ചോദിച്ചു.

“… ഇങ്ങു താ…” വെറുതെ അവളെ വിഷമിപ്പിക്കണ്ട എന്ന് കരുതി അവളുടെ കൈയിൽ നിന്നും ചോക്ലേറ്റ് വാങ്ങി ഞാൻ ഒരു കടി കടിച്ചു തിരിച്ചു അവൾക്ക് കൊടുത്തു.

എന്റെ ഈ പ്രവർത്തി കണ്ട് എല്ലാരും പുഞ്ചിരിച്ചു. അമ്മുവിന്റെ ചിരി മാത്രം ഒരു ആക്കിയ ചിരിപോലെ . ഞങ്ങൾ ഓരോ ഷോപ്പിലേക്കായി നടക്കാൻ തുടങ്ങി. അമ്മയും അച്ഛനും അമ്മുവും മുന്നേ നടന്നു. ചാരുവും ഞാനും പിന്നാലെയും

ചാരു ഓരോ കടി കടിച്ചിട്ടു ഡയറിമിൽക്ക് എനിക്ക് തരും ഞാൻ തിരിച്ചും. നടന്നു പൊയ്‌കൊണ്ട് ഇരുന്ന പോക്കിൽ ഓപ്പോസിറ്റ് വരുന്നവർ എന്നെ നോക്കി ചിരിക്കുന്നുണ്ട്. കാര്യം എനിക്ക് മനസിലായില്ല. കാര്യം അറിയാൻ ചാരുവിനെ നോക്കിയപ്പോ അവളും എന്നെ നോക്കി ചിരി തുടങ്ങി.

“… അയ്യേ മുഖം മുഴുവൻ ചോക്ലേറ്റ് ആയി…” ചാരു ചിരിയോടെ പറഞ്ഞു.

“… അയ്യോ എവിടെ…” ഞാൻ സ്വയം തുടക്കാൻ നോക്കി.

“… ഞാൻ തുടച്ച് തരാം…” ചാരു എന്റെ ചുണ്ടിലും കവിളിലും ഉണ്ടായിരുന്ന ചോക്ലേറ്റ് തുടച്ച് കളഞ്ഞു.

“… ഓ അവിടെ രണ്ടുപേരുടെ റൊമാൻസ് സഹിക്കാൻ വയ്യാത്തോണ്ടാണ് ഇങ്ങോട്ട് വന്നേ. അപ്പൊ ഇവിടെയും റൊമാൻസ്…” അമ്മു സ്വയം തലയ്ക്കടിച്ചു

“… റൊ… റൊ… റൊമാൻസൊ…ഒന്ന് പോടീ കുരുപ്പേ…” അവളുടെ പെട്ടെന്നുള്ള ചോദ്യത്തിൽ ഞാൻ ഒന്ന് പതറി.

“… ചേച്ചി ഇങ്ങോട്ട് വന്നേ…” അമ്മു ചരുവിന്റെ കൈയ്യും പിടിച്ചോണ്ട് അമ്മയുടെ അടുത്തേക്ക് പോയി.

ആ പോകുന്ന പോക്കിൽ ചാരു തിരിഞ്ഞു എനിക്ക് പുഞ്ചിരി സമ്മാനിച്ചു. രാത്രി ഫുഡ്‌ ഒക്കെ കഴിച്ചു വീട്ടിൽ എത്തിയപ്പോൾ ഒരു സമയമായി. ഒരു കുളിയും പാസ്സാക്കി ബെഡിലേക്ക് മറിഞ്ഞു.

എന്ത് നല്ല ദിവസമായിരുന്നു എന്നും ഇതുപോലെ ഹാപ്പി ആയി ഇരിക്കാൻ പറ്റിയിരുന്നെങ്കിൽ നന്നായിരുന്നു. സംഭവിക്കാൻ ഇരിക്കുന്ന വരും വരായികയെകുറിച്ച് അറിയാതെ ഞാൻ ഉറക്കത്തിനു മുന്നിൽ കീഴടങ്ങി.

ഞായർ പ്രത്യേകിച്ച് പരിപാടി ഒന്നും ഇല്ലാത്തോണ്ട് വൈകിയാണ് ഉറക്കം ഉണർന്നത്. കാർത്തി ഏതോ കിടിലൻ പടം ഇറങ്ങിയിട്ടുണ്ട് എന്നും പറഞ്ഞു നട്ടുച്ചക്കുള്ള ഷോ ബുക്ക്‌ ചെയ്ത് എന്നെയും കൊണ്ട് പോയി. മോശം പറയരുതല്ലോ എന്റെ ജീവിതത്തിൽ ഇതുപോലെ ഒരു കൂതറ പടം ഞാൻ കണ്ടിട്ടില്ല. തിരിച്ചു വരുന്ന വരവിൽ കാർത്തിയെ അവരാതിച്ചു കൊന്നു. നല്ലൊരു ഞായർ മൈരൻ കാരണം പോയി കിട്ടി. അവന്റെ കൂടെ ഒരു ചായയും കുടിച്ചു തിരിച്ചു വീട്ടിൽ വന്നപ്പോ പരിചയം ഇല്ലാത്ത ഒരു ബൈക്ക് ഇരിക്കുന്നു.

അച്ഛന്റെ കൂട്ടുകാർ വല്ലതും വന്നോ ആവോ എങ്കിൽ ഇന്ന് ഉപദേശം കേട്ടു മടുക്കും. വല്യ താല്പര്യം ഇല്ലാതെ എന്റെ ബൈക്ക് പാർക്ക് ചെയ്തപ്പോ അരുൺ എന്റെ വീട്ടിൽ നിന്നും ഇറങ്ങി വരുന്നു. ഇവൻ എന്താ എന്റെ വീട്ടിൽ🤨.

“…ഹ ആദി നീ വന്നോ. എത്ര നേരായി നിന്നെയും കാത്തു നിൽക്കുന്നു. നിന്നെ കാണാത്തത്കൊണ്ട് ഞാൻ ഇറങ്ങാൻ തുടങ്ങിയതാ….” അരുൺ ചിരിച്ചോണ്ട് എന്റെ അടുത്തേക്ക് വന്നു.

“… നീ എന്താ ഇവിടെ 😡…”

“…ചാരു എന്റെ ക്ലാസ്‌മേറ്റ് അല്ലേടാ റെക്കോർഡ് വാങ്ങാൻ വന്നതാ…” നാണം അഭിനയിച്ചോണ്ട് അരുൺ പറഞ്ഞു.