“ഇത് സുധാമണി ചന്ദ്രസേനൻ ഈ പാവം സൂചിത്രയുടെ അമ്മ. ”
ശ്യാമ വീണ്ടും ഞെട്ടി. പിന്നെ സുധാമണിയെ നോക്കി തൊഴുതു.
സുധ അവളെ ചേർത്ത് പിടിച്ചു.
പിന്നെ സുചിത്ര സുധയുടെ കൂടെ വന്ന മറ്റേ സ്ത്രീയെ കെട്ടിപ്പിടിച്ചിട്ട് പറഞ്ഞു.
” ഇത് പ്രഭാവതി സുന്ദരേശൻ. എന്റെ പ്രീയപ്പെട്ട അമ്മായി. ഈ സുന്ദരൻ അമ്മാവന്റെ ഭാര്യ. ”
അതും പറഞ്ഞു സുചിത്ര ശ്യാമയെ നോക്കി ചിരിച്ചു.
തനിക്കെതിരെ ഇവിടെ എന്തൊക്കെയോ ഗൂഢാലോചന നടക്കുന്നതായി ശ്യാമയ്ക്ക് തോന്നി.
പ്രഭാവതി ശ്യാമയെ ചേർത്ത് പിടിച്ചുകൊണ്ട് ചോദിച്ചു.
“മോള് എന്തെങ്കിലും കഴിച്ചായിരുന്നോ..?”
“കഴിച്ചു.” ശ്യാമ പറഞ്ഞു.
അപ്പോഴേക്കും ഒരു ഒരു വാക്കിങ് സ്റ്റിക്കും കുത്തി നടന്നു കൊണ്ട് ഒരാൾ കൂടെ ആ മുറിയിൽ വന്നു.
വന്ന ഉടനെ അയാൾ ശ്യാമയെ ഒന്ന് നോക്കി. പിന്നെ അവളെ നോക്കി ചിരിച്ചു. .
“എല്ലാവരും ഇവിടെ ഉണ്ടായിരുന്നോ..? അളിയൻ നേരത്തെ വന്നു അല്ലേ. പിന്നെ എന്തേ അതു വഴി വരാതിരുന്നത്..?”
അയാൾ ചോദിച്ചു.
“അത് അളിയാ ഞാൻ നേരെ ഇങ്ങോട്ട് പോന്നു. ഇവിടുത്തെ കാര്യം അറിഞ്ഞിട്ട് അവനെ വിളിക്കാൻ പറഞ്ഞിരുന്നു. അതാ ഞാൻ നേരെ ഇങ്ങോട്ട് വന്നത്. ” സുന്ദരൻ സാർ പറഞ്ഞു.
അയാൾ നടന്നു മെല്ലെ ശ്യാമയുടെ അടുത്ത് എത്തി. എന്നിട്ട് ശ്യാമയുടെ മുടിയിലൂടെ തഴുകികൊണ്ട് ചോദിച്ചു.
“മോൾക്ക് സുഖമാണോ..? ”
“. സുഖമാണ്. ” ശ്യാമ പറഞ്ഞു.
” ഇവർ കുറേ നാളായി മോളെ കുറിച്ച് പറയുന്നു. മോളെ വന്നൊന്ന് കാണണം എന്ന് കരുതിയതാ. പക്ഷെ ഇവർ ആരും സമ്മതിച്ചില്ല. അതാ ഞാൻ അങ്ങോട്ട് വരാതിരുന്നത്.. എന്നാലും മോളുടെ ഫോട്ടോ ഒക്കെ അമ്മു കാണിച്ചിരുന്നു. അതുകൊണ്ട് മോളെ അറിയാം. ” അയാൾ പറഞ്ഞു
“ഇത് ആരെന്ന് ശ്യാമയ്ക്ക് മനസ്സിലായോ..? ഇതാണ് എന്റെ അച്ഛൻ. മിസ്റ്റർ ചന്ദ്രസേനൻ.”
അങ്ങനെ പറഞ്ഞ ശേഷം സുചിത്ര ചന്ദ്രസേനനോടായി പറഞ്ഞു.
” അച്ഛാ ഇവിടെ ശ്യാമ മാത്രം അല്ല ഇവിടെ ഞങ്ങളും ഉണ്ട്. പിന്നെ! വേറെ ഒരു പ്രധാന പെട്ടയാൾ ആ കട്ടിലിൽ കിടന്ന് ഉറങ്ങുന്നും ഉണ്ട്. ”
ചന്ദ്രസേനൻ ചിരിച്ചു. എന്നിട്ട് പറഞ്ഞു.
“ഇവളെ ഞാൻ ആദ്യമായിട്ട് അല്ലേടി മോളെ കാണുന്നത്. പിന്നെ എന്റെ മോൻ കെട്ടാൻ പോകുന്ന പെണ്ണും കൂടെ അല്ലേ ശ്യാമ. അപ്പോൾ അവളെ ഞാൻ പ്രത്യേകം ശ്രദ്ധിക്കേണ്ടേ..?”
“അളിയാ അപ്പോൾ കല്ല്യാണക്കാര്യം അങ്ങ് ഉറപ്പിച്ചോ…?” സുന്ദരൻ സാർ ചോദിച്ചു.
“പിന്നെ ഉറപ്പിക്കാതെ. എന്റെ മോള് എന്നോട് ഒരു കാര്യം ആവശ്യപ്പെട്ടാൽ ഞാൻ അത് സാധിച്ചു കൊടുക്കേണ്ടേ..?”
അത് കേട്ട് ശ്യാമയ്ക്ക് താൻ തല കറങ്ങി ഇപ്പോൾ വീഴും എന്ന് തോന്നി. അപ്പോഴാണ് സുന്ദരൻ സാറിന്റെ ഫോൺ ബെൽ മുഴങ്ങിയത്.
സുന്ദരൻ സാർ ആ ഫോൺ എടുത്തു.
സംസാരിച്ച ശേഷം. എല്ലാവരോടും ആയി പറഞ്ഞു.
“ഒരുപാട് കാലം ആയി നമ്മൾ കാത്തിരുന്ന വാർത്തയുണ്ട് . ഇപ്പോൾ ആ വാർത്ത ലൈവ് ആയി കാണിക്കുന്നുണ്ട്. മോളെ ആ ടി വി ഒന്ന് ഓൺ ചെയ്തെ.”
സുചിത്ര ആ റൂമിൽ ഉള്ള ടി വി ഓൺ ചെയ്തു.
അപ്പോൾ ടി വി സ്ക്രീനിൽ തെളിഞ്ഞത് കുറേ മാധ്യമ പ്രവർത്തകരുടെ മുന്നിൽ നിന്ന് അവരുടെ ചോദ്യങ്ങൾക്ക് ഉത്തരം കൊടുക്കുന്ന യൂണിഫോം ഇട്ട് നിൽക്കുന്ന ഒരു പോലീസ് കാരൻ ആയിരുന്നു.
ശ്യാമ അതിലേക്ക് നോക്കി.
അപ്പോൾ സുചിത്ര പറഞ്ഞു.
“ശ്യാമ കുട്ടി ശരിക്കും നോക്കിക്കോ അതാണ് എന്റെ ഏട്ടൻ. . എന്റെ ശ്യാമ കുട്ടിയെ കെട്ടാൻ പോകുന്ന ആൾ. ”
ശ്യാമ ഒന്ന് കൂടെ ടി വി സ്ക്രീനിലേക്ക് ശ്രദ്ധിച്ചു നോക്കി. പിന്നെ ഞെട്ടി ബോധം കെട്ട് നിലത്ത് വീണു..
( തുടരും. )
ബൈ