” ഇത് അഴിക്കുന്നില്ലേ…? ” സുധി തന്റെ ഷഡിയിൽ നോക്കിക്കൊണ്ട് ചോദിച്ചു.
” അതഴിച്ചാൽ ഒരാൾ എന്നെ നോക്കി തലയാട്ടും. അപ്പോൾ അപ്പു ഏട്ടന് പലതും തോന്നും. പിന്നെ ഞാൻ പലതും ചെയ്യേണ്ടിവരും. ”
ശ്യാമ ചിരിയോടെ പറഞ്ഞു.
“ഇത് അഴിക്കാതെ പിന്നെ എങ്ങനെയാ കുളിക്കുന്നത്…?”
” അതൊക്കെ ഞാൻ അഴിച്ചോളാം. ഞാൻ കുളിപ്പിച്ചോളാം. അപ്പു ഏട്ടൻ അതോർത്ത് ടെൻഷൻ ആവേണ്ട. . ”
ശ്യാമ ഒരു തോർത്തെടുത്ത് സുധിയുടെ അരയിൽ ചുറ്റി. ഷഡ്ഢി അഴിച്ചു മാറ്റി.
” ഇങ്ങനെ കുളിപ്പിക്കാം. പോരേ..? ഇനി മുതൽ ഇങ്ങനെ തോർത്ത് ഉടുത്ത് കുളിച്ചാൽ മതി. ”
സുധി ചിരിച്ചു. ശ്യാമ സുധിയെ അവിടെ ഇരുത്തി കയ്യും കാലും പ്ലാസ്റ്റിക് കവറിനാൽ പൊതിഞ്ഞു. പിന്നെ കുളിപ്പിക്കാൻ തുടങ്ങി. അങ്ങനെ സുധിയെ കുളിപ്പിച്ച് തോർത്തി. ഒരു ട്രൗസറും ബനിയനും ഉടുപ്പിച്ച ശേഷം. അവിടെ കൊണ്ടുവെച്ച ചക്ക വാരി കൊടുത്ത് കൊണ്ട് ശ്യാമ ചോദിച്ചു.
“എപ്പോഴാ കല്യാണം…?”
” ആരുടെ കല്യാണം…? ”
” അപ്പു ഏട്ടന്റെയും ചേച്ചിയുടെയും…? ”
” എന്റെയും ശ്യാമയുടെയും കല്യാണം അല്ലേ…? ”
” അത് നടക്കില്ലല്ലോ അപ്പു ഏട്ടാ..? ”
” അതെന്താ നടക്കാത്തത്…? എന്നെ വിവാഹം കഴിക്കാൻ ശ്യാമിക്ക് ഇഷ്ടമല്ലേ…?”
ശ്യാമ ഒന്നും മിണ്ടിയില്ല.
” പറ ശ്യാമേ. നിനക്ക് ഇഷ്ടമല്ലേ എന്നെ.. എന്റെ കൂടെ കഴിയാൻ…? ”
ശ്യാമയുടെ കണ്ണുകൾ നിറഞ്ഞു. എന്നിട്ട് പറഞ്ഞു.
” ഒരുപാട്. ഒരുപാട് ഇഷ്ടമാണ്. പക്ഷേ ചേച്ചി.”
” ചേച്ചിയുടെ കാര്യം നീ നോക്കേണ്ട. അത് ഞാൻ നോക്കിക്കൊള്ളാം. നീ സമ്മതിച്ചാൽ ചേച്ചി പറഞ്ഞ ദിവസം നമ്മുടെ കല്യാണം ആകും നടക്കുക.”
” ചേച്ചി എന്ത് കരുതും. ചേച്ചിക്ക് സങ്കടം ആവില്ലേ…? എന്നെ മോശം ആയി കാണില്ലേ..? ”
“ഞാൻ പറഞ്ഞില്ലേ അതോർത്തു നീ ടെൻഷൻ ആകേണ്ട. അതൊക്കെ ഞാൻ നോക്കിക്കൊള്ളാം. എന്റെ ശ്യാമ കുട്ടി ഹാപ്പി ആയിട്ട് ഇരുന്നാൽ മതി.”
സുധിക്ക് ഭക്ഷണവും കൊടുത്തു സുധിയുടെ നെറ്റിയിൽ ഒരു ഉമ്മയും കൊടുത്തു ശ്യാമ താഴേക്ക് പോയി. ഭക്ഷണവും കഴിച്ച് ബാക്കിയുള്ള ജോലികളും തീർത്ത് വേഗം കിടന്നു.
പിറ്റേന്ന് രാവിലെ.
” എടി ശ്യാമേ. ഞാൻ ഇന്ന് തിരിച്ചു പോകും. എന്റെ കല്യാണത്തിന് മുൻപ് ഞാൻ വരും. നിന്നെയും അമ്മയെയും എന്റെ വീട്ടിലേക്ക് കൊണ്ടുപോകാൻ. അവിടെനിന്നും ഒരുമിച്ചായിരിക്കും നമ്മൾ കല്യാണ പന്തലിലേക്ക് പോകുന്നത്. ”
” അതൊന്നും വേണ്ടേ ചേച്ചി ഞാനും അമ്മയും ചേച്ചിയുടെ കല്യാണത്തിന് വന്നോളാം. കല്യാണദിവസം എന്നാണെന്ന് എന്നെ വിളിച്ച് അറിയിച്ചാൽ മതി.. ഞങ്ങൾ തീർച്ചയായും വരും.”
സുചിത്ര ഇന്നലെ കൊണ്ടുവച്ച കവറിൽ നിന്നും ഒരു സ്വർണമാലയെടുത്ത് ശ്യാമയുടെ കഴുത്തിൽ കെട്ടി. എന്നിട്ട് പറഞ്ഞു.
” ഇത് എന്റെ വക നിനക്ക് ഒരു സമ്മാനം. .നിന്റെ കഴുത്തിലുള്ള ഈ മുക്ക് മാലയും താലിയും എല്ലാം അഴിച്ചുമാറ്റിയേക്കണം. ഇനി അതൊന്നും നിന്റെ കഴുത്തിൽ കണ്ടു പോകരുത് . പിന്നെ ഈ കാതിലുള്ള മുക്കിന്റെ കമ്മൽ അഴിച്ച് മാറ്റ്. അവിടെ ഇടാൻ ഉള്ളതും ഞാൻ കൊണ്ടുവന്നിട്ടുണ്ട്. ”
അങ്ങനെ പറഞ്ഞശേഷം ശ്യാമ മറ്റൊരു കവറിൽ നിന്നും ഒരു ജിമിക്കി കമ്മൽ എടുത്ത് ഇട്ടു കൊടുത്തു. പിന്നെ കയ്യിൽ ഒരു വളയും ഇട്ട് കൊടുത്ത ശേഷം ശ്യാമയുടെ നെറ്റിയിൽ സുചിത്ര ഉമ്മ വെച്ചു.. അതിന് ശേഷം പറഞ്ഞു.
” ഇപ്പോൾ ഇത്രയും. ബാക്കി എന്റെ ഏട്ടന്റെ പെണ്ണായി വരുമ്പോൾ ഞാൻ തന്നെ ഇട്ടുതരും. ”
ശ്യാമ സുചിത്രയെ കെട്ടിപ്പിടിച്ച് കരഞ്ഞു.