“കിടന്ന് കിളിക്കാതെ വിളിച്ച കാര്യം പറ പോത്തേ.” വാഹിദ് ഇടയിൽ കേറി പറഞ്ഞു.
“ഒരുമ്മ തരോന്നു ചോദിക്കാൻ വിളിച്ചതാ.. മൂഡ് ആയിട്ട് വയ്യ.. അതൊരു തെറ്റാണോ ഹെർകുലിക്കുട്ടാ.. ആണോ ന്ന്..” അവളും വാഹിദിന്റെ അതേ രീതിയിൽ ചോദിച്ചു.
“എന്റെ കൈയിൽ നിന്ന് കിട്ടുമ്പോ മനസ്സിലാകും തെറ്റായിരുന്നു ന്ന്.” അവൻ മുരണ്ടു.
“ഓഹ് ലോകത്ത് വേറെ ആർക്കും ഇല്ലാത്ത കുന്തം ആണല്ലോ മൂടിപ്പുതച്ചു ചുരുട്ടി വച്ചേക്കുന്നത്.. വല്യ ജാഡ.. ഇഷ്ടല്ല നിന്നെ..” എലിസബത്തിന്റെ നിരാശയുടെ സ്വരം അവന് തിരിച്ചറിയാൻ കഴിഞ്ഞു.
“എന്തോന്നാടെ.. ഞാൻ പറഞ്ഞില്ലേ നല്ലൊരു സുഹൃത്തായി എന്റെ ഉള്ളിൽ എന്നും ഉണ്ടെന്ന്. അപ്പൊ പിന്നെ ഈ വക ചിന്തയും കൊണ്ട് നടക്കണോ.” അവൻ അവളെ ശാസിക്കുന്ന സ്വരത്തിൽ പറഞ്ഞു.
“ഒരു സുഹൃത്തും അല്ല, എന്റെ ഏറ്റവും പ്രിയപ്പെട്ട മനുഷ്യനാണ്. അത് കൊണ്ട് തന്നെയാ എന്റെ ജീവിതം വെല്ലുവിളിയിൽ ആണെന്ന് അറിഞ്ഞിട്ടും എല്ലാ സത്യങ്ങളും നിന്നോട് തുറന്ന് പറഞ്ഞത്. നീ എവിടെയും തോൽക്കുന്നത്, എവിടെയും അപകടത്തിലാവുന്നത് എനിക്ക് ഇഷ്ടല്ല. വാഹിദ്, നിന്നെയല്ലാതെ ഒരാളെയും ഞാൻ സ്നേഹിച്ചിട്ടില്ല.. പലരോടും ഒപ്പം കിടന്നുട്ടുണ്ട്, ബട്ട് ഞാൻ എന്നെ മനസ്സിലാക്കിയത് നിന്നോട് ക്രഷ് തോന്നിത്തുടങ്ങിയതിൽ പിന്നെയാണ്. എന്റെ സുഹൃത്തായി തത്കാലം മോൻ കഷ്ടപ്പെടണ്ട.”അവൾ അൽപ്പം ശുണ്ഠിയോടെ തുരുതുരാ സംസാരിച്ചു.
“ആ ഒലക്ക.. അങ്ങനെ എങ്കിൽ അങ്ങനെ. ഇപ്പൊ ന്താ വിഷയം. അത് പറ.” അവൻ എലിസബത്തിനെ വിഷയത്തിലേക്ക് കൊണ്ട് വരാൻ വേണ്ടി ചോദിച്ചു.
“ഒന്നൂല്ല, ഒന്ന് വിളിക്കണമെന്ന് തോന്നി. ഒരു കാര്യം അറിയാനും.” അവൾ പറഞ്ഞു.
“എന്താ, ചോദിക്കൂ.”
“ശാരീസ് ഗ്രൂപ്പ് തന്റെ പേരിലേക്ക് രജിസ്റ്റർ ചെയ്തോ.?” അവൾ ഗൗരവത്തിൽ ചോദിച്ചു.
“അതേ, കല്യാണം കഴിഞ്ഞു ഏതാണ്ട് ഒരു മാസം ആയപ്പോഴേക്കും ഫിഫ്റ്റി വൺ പേർസന്റാജ് എന്റെ പേരിലും നാൽപത്തി ഒമ്പത് ശതമാനം ശാരിയുടെ പേരിലും. ഞാൻ അറിഞ്ഞില്ല, അവരാണ് തീരുമാനിച്ചതും ഫോർമാലിറ്റി ചെയ്തതും ഒക്കെ. അവൾ വാശിപിടിച്ച കൊണ്ട് ഞാൻ സൈൻ ചെയ്തു കൊടുത്തു. എന്താ കാര്യം.” വാഹിദ് അവളോട് ചോദിച്ചു.
“ഹേയ് ഒന്നൂല്ല. ടാ, ഒന്ന് ശ്രദ്ധിക്കണേ. മുമ്പത്തെ പോലല്ല, ഇനി എല്ലാ കാര്യത്തിലും മുടിഞ്ഞ ബുദ്ധിയോടെ മാത്രേ മുന്നോട്ട് പോകാൻ പാടുള്ളൂ.. അപ്പൊ ശരി.. ഒരുമ്മ കിട്ടിയാൽ എനിക്ക് സുഖമായി ഉറങ്ങായിരുന്നു. വേഗം തരൂ.. വേഗം വേഗം..” അവൾ ചിരിച്ചു.
“വച്ചിട്ട് പോ കഴുതേ..” അവൻ കോൾ കട്ട് ചെയ്തു. ഉടൻ തന്നെ വീണ്ടും വിളി വന്നു.
“എന്താടാ തെണ്ടീ കോൾ കട്ട് ചെയ്യുന്നേ.” അവൾ ചൂടായി.
“എന്താ എലീ നിനക്ക് വേണ്ടത്. നീ അത് ചോദിക്കാൻ അല്ലേ വിളിച്ചത്. അത് ഞാൻ പറഞ്ഞു കഴിഞ്ഞല്ലോ, അതാ കട്ട് ചെയ്തത്.” വാഹിദ് അൽപ്പം നിസ്സഹായത കലർന്ന സ്വരത്തിൽ പറഞ്ഞു.
“ടാ അപ്സെറ്റ് ആവല്ലെടാ. നിന്നോട് സംസാരിക്കുമ്പോ എനിക്കൊരു സമാധാനമാണ്. എനിക്ക് നിന്നെ ശരിക്കും ഇഷ്ടായത് കൊണ്ടാ അത്. ടാ, നിന്നെ വിളിക്കുമ്പോ വല്ലാത്തൊരു സേഫ്റ്റി ഫീൽ ഉണ്ട്. ബുദ്ധിമുട്ട് ഇല്ലെങ്കിൽ കുറച്ചു നേരം കൂടി എന്നോട് മിണ്ടിക്കൊണ്ട് ഇരിയെടോ.” അവളുടെ പതിഞ്ഞ സംസാരം കേട്ടപ്പോൾ വാഹിദിന് അൽപ്പം സഹതാപം തോന്നി.
“എടോ ഞാനും അത്ര നല്ല മൂഡിൽ അല്ല. എന്നെ കിഷോർ വിളിച്ചിരുന്നു. എന്തോ അത്യാവശ്യം ഉണ്ട്, കാണണം എന്ന് പറഞ്ഞു. അവൻ എന്റെ സുഹൃത് മാത്രമല്ല ഒരു പോലീസുകാരൻ കൂടിയാണെന്ന് ഓർക്കണം. ഞാൻ അതിന്റെ ഒക്കെ ഓരോ ചിന്തയിൽ ആയിരുന്നു.” വാഹിദ് ക്ഷമാപണം പോലെ അവളോട് തന്റെ അവസ്ഥ വ്യക്തമാക്കി.
“എനിക്കറിയാം നിന്റെ അവസ്ഥ. ഏതായാലും ആ പാർട്ണർഷിപ് നിനക്ക് വേണ്ടായിരുന്നു. നാളെ മൂപ്പരെ ഒന്ന് കാണാൻ സമയം കണ്ടെത്തൂ. എന്നിട്ട് നേരെ എന്റെ അടുത്തേക്ക് വന്ന് എന്നെ ആ ബുള്ളറ്റിന്റെ പിന്നിൽ ഇരുത്തി ഞങ്ങടെ റസ്റ്റ് ഹൗസിലേക്ക് കൊണ്ട് പോകൂ. ഞാനും എന്റെ ഹെർകുലീസ് ചെക്കനുംആത്രം.. ആഹാ, മൂഡ് ഒക്കെ മാറിക്കോളും ട്ടാ..” അവൾ ചിരിക്കുന്നത് കേൾക്കാം.