വല്ലാത്തൊരു മാറ്റം തനിക്ക് വന്നിരിക്കുന്നു…..
ഞാൻ എന്തിനാ എന്നെ മാറ്റി മെഹർ മിസ്സിനെ സാർ ചെയ്യുന്നത് പോലെ ആലോചിച്ചത്,….
അങ്ങിനെ ആലോചിച്ചിട്ടും തനിക്ക് എന്തൊരു സുഖമാണ് ലഭിച്ചത്….
അതേ,…. അങ്ങിനെ ആലോച്ചതോടെ തന്റെ വികാരം കൂടുകയാണ് ചെയ്തത്….
സാറിനോട് പ്രണയമാണെകിൽ അങ്ങിനെയൊക്കെ ചിന്തിക്കാൻ പറ്റുമോ ?
പ്രണയമുള്ള ആളിന്റെ കൂടെ മറ്റൊരു പെണ്ണിനെ……… അതും ഇങ്ങനെയൊക്കെ……
അവൾ അവളോട് തന്നെ ചോദിച്ചു
അല്ലെങ്കിലും… ലക്ഷ്മി ആദ്യമായി മനു സാറിനെ ഇഷ്ടമാണെന്ന് പറഞ്ഞപ്പോഴും, ഇന്ന് അതേ ഇഷ്ടം മറ്റൊരു രീതിയിൽ മതി എന്ന് പറഞ്ഞപ്പോഴും, തനിക്ക് അവളോട് ദേഷ്യം ഒന്നും തോന്നിയിരുന്നില്ലല്ലോ…
എയ്ഞ്ചൽ അതാലോചിച്ചു.
സാധാരണ ഒരാൾക്ക് ഇഷ്ടമുള്ള ആളെ കുറിച്ച് മറ്റൊരാൾ അങ്ങനെ സംസാരിച്ചാൽ, ഒരുതരം അസൂയയെങ്കിലും തോന്നേണ്ടതല്ലേ…?
പക്ഷേ തനിക്ക് തോന്നിയത് അസൂയയായിരുന്നോ…
അല്ല
“അപ്പോൾ… എനിക്ക് സാറിനോടുള്ളത് പ്രേമമല്ലേ…?”
അവൾ സ്വയം ചോദിച്ചു.
ആ ചോദ്യം വന്നതോടെ അവളുടെ ഉള്ളിൽ എന്തോ ഒന്ന് മിണ്ടാതായി. കാരണം, അതിന്റെ മറുപടി പറയാൻ അവൾക്ക് ധൈര്യം വേണ്ടിവന്നു.
ഇതുവരെ ഒരു പുരുഷനോടും ഇങ്ങനെ തോന്നിയിട്ടില്ല. ഒരു നോട്ടം ഓർത്ത് ഇത്രയും നേരം കിടന്നിട്ടില്ല.
ഒരു ചിരി വീണ്ടും വീണ്ടും മനസ്സിൽ കണ്ടിട്ടില്ല.
ഒരു ഫോട്ടോ ഇത്രയും രാത്രികൾ ഉറക്കം കളയാൻ കാരണമായിട്ടില്ല.
അപ്പോൾ ഇത് പ്രണയം തന്നെയല്ലേ…?
അവൾ കണ്ണുകൾ അടച്ചു.
“അതെ… ഇത് പ്രണയം തന്നെയാണ്…” അവൾ സ്വന്തം മനസ്സിനെ ബോധ്യപ്പെടുത്താൻ ശ്രമിച്ചു.
പക്ഷേ അടുത്ത നിമിഷം തന്നെ, മറ്റൊരു ചോദ്യം അവളുടെ ഉള്ളിൽ മുളച്ചു.
പ്രണയം മാത്രമാണോ ഇത്…?
അല്ലെങ്കിൽ… അതിനപ്പുറം എന്തോ കൂടെയുണ്ടോ…?
ആ ചിന്ത വന്നപ്പോൾ, അവൾ തന്നെ ഒന്ന് ഭയന്നു.
മനു സാറിനെ കുറിച്ച് ആലോചിക്കുമ്പോൾ ഹൃദയം മൃദുവാകുന്നു… പക്ഷേ അതിനൊപ്പം, പറഞ്ഞറിയിക്കാൻ പറ്റാത്ത മറ്റൊരു ചിന്തയും ഉള്ളിൽ ഉണരുന്നു.
അത് സമ്മതിക്കാനും, നിഷേധിക്കാനും അവൾക്ക് കഴിഞ്ഞില്ല.
ആ രാത്രി, എയ്ഞ്ചൽ ആദ്യമായി മനു സാറിനെ മാത്രം സംശയിച്ചില്ല…
ലക്ഷ്മിയെയും സംശയിച്ചില്ല… മെഹർ മിസിനെയും സംശയിച്ചില്ല…
അവൾ സംശയിച്ചത് സ്വന്തം മനസ്സിനെയാണ്.
ആ സംശയം തന്നെ അവളുടെ ജീവിതത്തിലെ ഏറ്റവും വലിയ മാറ്റത്തിന്റെ തുടക്കമാകാൻ പോകുകയായിരുന്നു.
————————————-
ആ ഞായറാഴ്ചയുടെ അവസാനം, കഥയുടെ നിഴലുകളിൽ നാല് പേരുടെ പേരുകൾ പതിഞ്ഞുനിന്നു മെഹർ, ലക്ഷ്മി, എയ്ഞ്ചൽ, പിന്നെ ദേവശ്രീ.
ലക്ഷ്മിയുടെ ഉള്ളിൽ മനു സാറിനെ സ്വന്തമാക്കണമെന്ന വാശി പതിയെ ശക്തമാകുമ്പോൾ, എയ്ഞ്ചലിന്റെ മൗനത്തിനുള്ളിൽ പറയാതെ വളരുന്ന ഒരു ഇഷ്ടം കണ്ണുതുറക്കുകയായിരുന്നു.
മറുവശത്ത്, മെഹർ തന്റെ പ്രണയത്തെയും കുറ്റബോധത്തെയും തമ്മിൽ പൊരുത്തപ്പെടുത്താൻ ശ്രമിച്ചു കൊണ്ടിരുന്നു.
അതേസമയം, ഇതുവരെ അകലെ നിന്നിരുന്ന ദേവശ്രീ എന്നൊരു പുതിയ പേര്, മനു സാറിനെ ചുറ്റിപ്പറ്റിയ രഹസ്യവലയത്തിലേക്ക് പതിയെ കടന്നുവരാനുള്ള സൂചനയായി മാറി.
അങ്ങനെ, ഒരാളുടെ പ്രണയം, മറ്റൊരാളുടെ മൗനം, മറ്റൊരാളുടെ ഭയം, മറ്റൊരാളുടെ സാന്നിധ്യം എല്ലാം ചേർന്ന്, മനു എന്ന ഒരൊറ്റ പേരിനുചുറ്റും ഒരു പുതിയ ചുഴലി രൂപപ്പെടാൻ തുടങ്ങി.
ആ ചുഴലിയുടെ തുടക്കം മാത്രം ആയിരുന്നു ഇത്…
അവസാനം ഇനിയും ഏറെ ദൂരെയായിരുന്നു.
———————–
തുടരും