അത് കൊണ്ട് തന്നെ എന്റെ വീട്ടുകാരും നല്ല സന്തോഷത്തിലായിരുന്നു.
ഞങ്ങൾക്കാകെ ഒരു പ്രശ്നം ആയിരുന്നത് കുടിവെള്ളത്തിനായിരുന്നു.
.ഈ വീട്ടിൽ കുഴൽ കിണറാണ്. അത് കൊണ്ട് തന്നെ ചായ വെക്കാനും കുടിക്കാനും അത് ഉപയോഗിക്കാറില്ലായിരുന്നു.
അതിനു പരിഹരമായി അവളുടെ വീട്ടിൽ നിന്ന് വെള്ളം എടുക്കാൻ അവർ എന്റെ ഉമ്മാനോട് പറഞ്ഞിരുന്നു. (അവളുടെ വീട്ടിൽ കിണറുണ്ട്.ഇതിൽ കിണറിനു ചെറിയൊരു പ്രാധാന്യമുണ്ട്.)
പിറ്റേന്നു രാവിലെ ഞാൻ എഴുന്നേറ്റ് വീടും പരിസരവും ഒക്കെ ഒന്ന് വീക്ഷിച്ചു.
ചെറിയ വീടാണെങ്കിലും വിശാലമായ മുറ്റം. കൊള്ളാം.
ഉമ്മറത്തു നിന്ന് നോക്കിയാൽ അവളുടെ വീടിന്റെ സിറ്റൗട്ടും,
ഏകദേശ ഭാഗങ്ങളുമൊക്കെ കാണാമായിരുന്നു.
ഞാൻ ഉമ്മറത്തെ തിണ്ണയിലിരുന്ന് വെറുതെ അവളുടെ വീട്ടിലേക്ക് നോക്കി.
പെട്ടെന്ന് അവൾ എവിടെ നിന്നോ പ്രത്യക്ഷപ്പെട്ടപ്പോലെ ഒരു ചൂലുമായി അവിടെ ഒക്കെ അടിച്ചു വാരാൻ തുടങ്ങി.
അടിച്ചു വാരുമ്പോഴും അവളുടെ ശ്രദ്ധ ഞാനിരിക്കുന്ന ഭാഗത്താണെന്നു അവളുടെ അടിച്ചു വാരാലിൽ നിന്നും മനസ്സിലായി.
എനിക്ക് പ്രത്യേകിച്ച് ഒന്നും തോന്നിയില്ല.
അതിനിടെ ഉമ്മ വന്ന് ചായ കുടിക്കാൻ വിളിച്ചു.
ഞാൻ അടുക്കളയിൽ ചെന്നപ്പോൾ അനിയത്തി അവിടെ ചായ കുടിക്കുന്നുണ്ടായിരുന്നു.
ഞാനൊരു പുഞ്ചിരി നൽകി അവളുടെ അടുത്തിരുന്നു ചായ കുടിച്ചു.
(അനിയത്തിയെ പറ്റി പറയുകയാണെങ്കിൽ അവളിപ്പോ 4ാം ക്ളാസിലാണ് പഠിക്കുന്നത്.)
(ഞങ്ങൾ തമ്മിൽ അങ്ങനെ വഴക്കും അടിപിടിയുമൊക്കെപൊതുവെ കുറവാണ് ).
അങ്ങനെ പ്രാതൽ ഒക്കെ കഴിഞ്ഞു
സ്കൂളിൽ പോകേണ്ട കാര്യം ഉമ്മ ഓർമിപ്പിച്ചു.
അങ്ങനെ സ്കൂളിൽ പോയി.
വൈകീട്ട് സ്കൂൾ വിട്ട് വന്ന് കളിക്കാനും മറ്റുമൊക്കെ പോയി.
(സാധാരണയിൽ എന്റെ ഒരു ദിവസം എന്നത് രാവിലെ സ്കൂളിൽ പോകുന്നു. വൈകീട്ട് വരുന്നു. കളിക്കാൻ പോകുന്നു. ചില ദിവസം ചായക്ക് വെള്ളം എടുക്കാൻ അവളുടെ വീട്ടിൽ പോകുമായിരുന്നു. അങ്ങനെ കളി കഴിഞ്ഞു രാത്രി ഉമ്മറത്തിരുന്നു പഠിക്കും. പിന്നെ ഉറങ്ങാൻ പോകും മിക്ക ദിവസങ്ങളിലും ഇത് തന്നെയാണ്).
ദിവസങ്ങൾ കടന്ന് പോയി കൊണ്ടിരുന്നു
.9ാം ക്ലാസ് പരീക്ഷ കഴിഞ്ഞു വേനലാവധി ആയി.
ഇതിനിടക്ക് ഞാൻ അവളിൽ ചില കാര്യങ്ങൾ ശ്രെദ്ധിച്ചിരുന്നു…
ഞാൻ ഉമ്മറത്തിരിക്കുമ്പോൾ അവളും ഉമ്മറത്തു വന്നിരിക്കുക
, അടിച്ചു വാരാനെന്ന വ്യാജേനെ ഇട കണ്ണിട്ട് നോക്കുക, ചെടി നനക്കാനാണെന്ന വ്യാജേന എന്നെ കാണാൻ ശ്രമിക്കുക.
ഞാൻ ഇടക്ക് വെള്ളം എടുക്കാൻ അവളുടെ വീട്ടിൽ പോകുമ്പോൾ അവൾ എന്നെ കണ്ണുകളിൽ ഒരു പ്രേത്യേക സ്നേഹത്തിൽ നോക്കുന്നതും ഞാൻ ശ്രെദ്ധിച്ചിരുന്നു.
“അവളെ നോക്കി ഞാൻ ചെറുതായൊന്നു പുഞ്ചിരിക്കുമ്പോൾ ആ കണ്ണുകളിൽ ഞാൻ ഒരു തിളക്കവും മുഖത്തു സന്തോഷവും കണ്ടിരുന്നു.”
അത് എന്നിലും ചില മാറ്റങ്ങൾ സൃഷ്ടിച്ചു.
അവളെ എന്നും കാണാനും
ചെറിയൊരു ഇഷ്ടം അവളോട് ഉടലെടുക്കാനും തുടങ്ങി.😍
ദിവസങ്ങൾ നീങ്ങി കൊണ്ടിരുന്നു..
സ്കൂൾ തുറന്നു 10ാം ക്ളാസിലേക്കായി.
കുറച്ചു മാസങ്ങൾ ക്ക് ശേഷം ഒരു ഞായറാഴ്ച ഞാനും കൂട്ടുകാരും കുളത്തിൽ കുളിക്കാൻ പോയി.
അന്ന് കുറെ സമയം ഞങ്ങൾ കുളത്തിൽ ചിലവഴിച്ചു.
തൽഫലമായി എനിക്ക് അന്ന് രാത്രി ശക്തമായ തല വേദനയും കുളിരും അനുഭവപ്പെട്ടു.
പിറ്റേന്ന് എണീക്കാൻ പറ്റാത്ത രീതിയിൽ പനി വന്നു അങ്ങനെ രണ്ടു ദിവസം സ്കൂളിൽ പോകാനോ. പുറത്തിറങ്ങാനോ പറ്റിയില്ല.!!!
!!ഞാൻ പനിച്ചു കിടക്കുന്ന ഒരു ദിവസം!!
ഞാൻ റൂമിൽ വെറുതെ മേൽപോട്ടും നോക്കി കിടക്കുകയായിരുന്നു.
മുറ്റത്ത് നിന്നു ഷഹ്ലാ…ഷഹ്ലാ…
എന്ന വിളി കേട്ട് എന്റെ അനിയത്തി അങ്ങോട്ട് വരുന്നതും
എന്താ ഇത്താ എന്ന് മറുപടി കൊടുക്കുന്നതും ഞാൻ കേട്ടു.
എന്റെ വീടിന്റെ സിറ്റൗട്ടും ഞാൻ കിടക്കുന്ന മുറിയും അടുത്തടുത്തായിരുന്നു.
അത് കൊണ്ട് തന്നെ പുറത്തു നിന്ന് ആര് സംസാരിച്ചാലും റൂമിലേക്ക് വ്യക്തമായി കേൾക്കാമായിരുന്നു.