റാഷിദ് അബുവിന്റെ തോളിൽ കയ്യിട്ടു കൊണ്ട് പറഞ്ഞു:
“ഡാ അബു… നമ്മുടെ ഈ സൗഹൃദം എന്നും ഇതുപോലെ ഉണ്ടാവണം…
പ്രവാസത്തിന്റെ ഈ മടുപ്പിൽ എനിക്ക് ആകെയുള്ള ആശ്വാസം നിങ്ങളൊക്കെയാണ്.”
റാഷിദിന്റെ ആ ആത്മാർത്ഥത നിറഞ്ഞ വാക്കുകൾ കേട്ട് അബുവിന്റെ കൈയിലെ ഗ്ലാസ് ഒരു നിമിഷം വിറച്ചു…
താൻ ചതിക്കുന്നത് ആത്മാർത്ഥമായി തന്നെ സ്നേഹിക്കുന്ന പ്രാണസ്നേഹിതനെയാണെന്ന തിരിച്ചറിവ് അവന്റെ ഉള്ളിൽ ഒരു നിമിഷം തണുത്ത കാറ്റായി കടന്നുപോയി…
എന്നാൽ, പാർട്ടിയുടെ ചൂടുപിടിച്ച നിമിഷങ്ങളിൽ, റാഷിദ് വാഷ്‌റൂമിലേക്ക് പോയ സമയത്ത് അബു പതുക്കെ സിനുവിന് മെസ്സേജ് അയച്ചു:
”എടി പെണ്ണേ നിന്റെ ഇക്ക എന്റെ മുന്നിലിരുന്ന് മദ്യപിക്കുന്നുണ്ട് …
പക്ഷേ എന്റെ ഉള്ളിൽ നിന്റെ ഓർമ്മകളുടെ ലഹരിയാണ്…”
നാട്ടിൽ റാഷിയുടെ മുറിയിൽ മുറിയിൽ കിടന്ന് സിനു ആ
മെസ്സേജ് വായിച്ചപ്പോൾ അവളുടെ നെഞ്ചകം പടപടാ ഇടിച്ചു…
സ്വന്തം ഭർത്താവും അവന്റെ കൺമുന്നിലിരിക്കുന്ന കാമുകനും തമ്മിലുള്ള ആ അപകടകരമായ കളി ഒരു വലിയ പ്രളയത്തിലേക്ക് വഴിമാറുകയായിരുന്നു…
ആ രാത്രി ആഘോഷം അതിന്റെ കൊടുമുടിയിലെത്തിയപ്പോൾ, ഭക്ഷണ സാധനങ്ങളും ബാക്കി സാധനങ്ങളും വാങ്ങാനായി രാജേഷും ഫൈസലും പുറത്തേക്ക് പോയി….
മുറിയിൽ അബുവും റാഷിദും മാത്രമായി.
റാഷി ഫോൺ എടുത്തു നോക്കിയപ്പോൾ wallpaper ൽ ചിരിച്ചു ഇരിക്കുന്ന തന്റെ ഭാര്യ സിനു വിനെ കണ്ട അവന്റെ ഉള്ള് പിടച്ചു…
പാട്ടിന്റെ ശബ്ദം കുറച്ചു വെച്ചപ്പോൾ, ആ മുറിയിൽ ഒരു നിശ്ശബ്ദത പടർന്നു…
മദ്യത്തിന്റെ ലഹരി തലയ്ക്കു പിടിച്ച റാഷിദ്, ഗ്ലാസിലെ ബാക്കി മദ്യം ഒറ്റവലിക്ക് കുടിച്ചുതീർത്ത് തല തലയിണയിലേക്ക് ചാരിവെച്ചു.
അവന്റെ കണ്ണുകൾ ചുവന്നിരുന്നു, മുഖത്ത് സന്തോഷത്തിന് പകരം വലിയൊരു മാനസിക വിഷമം നിഴലിച്ചു നിന്നു..
അബു പതുക്കെ അവന് അടുത്തേക്ക് നീങ്ങിയിരുന്ന് ചോദിച്ചു, “റാഷിദ്… നിനക്ക് എന്തു പറ്റിടാ? കുറെ നേരമായി ശ്രദ്ധിക്കുന്നു,.
നീ പഴയപോലെ അല്ലല്ലോ.
എന്തോ വലിയൊരു വിഷമം ഉള്ളിലൊതുക്കുന്നത് പോലെ…”
റാഷിദ് കുറച്ചുനേരം അബുവിന്റെ കണ്ണുകളിലേക്ക് തന്നെ നോക്കിയിരുന്നു…
അവന്റെ കൈകൾ വിറയ്ക്കുന്നുണ്ടായിരുന്നു.
പതുക്കെ അബുവിന്റെ തോളിൽ കയ്യിട്ട്, ഇടറിയ ശബ്ദത്തിൽ അവൻ സംസാരിച്ചു തുടങ്ങി:
”അബൂ… എനിക്ക്… എനിക്ക് ആകെ ഭ്രാന്ത് പിടിക്കുന്നത് പോലെ തോന്നുവാടാ…
ആരോടും പറയാൻ പറ്റാത്ത ഒരു സങ്കടം എന്റെ ഉള്ളിൽ കിടന്ന് പുകയുന്നുണ്ട്.”
അബുവിന്റെ നെഞ്ചൊന്ന് പടപടാ ഇടിച്ചു.
അവന്റെ കള്ള കളി കണ്ട് പിടിച്ചോ?? അബു ഭയന്നു…
എന്നാലും പുറമേ ഭാവവ്യത്യാസമൊന്നും കാണിക്കാതെ അവൻ ചോദിച്ചു, “എന്താടാ
കാര്യം? നീ എന്നോട് പറ…”
”സിനു… സിനുവിനെക്കുറിച്ചാണ് അബൂ,” റാഷിദ് നീളത്തിലൊരു ശ്വാസമെടുത്ത് പറഞ്ഞു. “അവൾ… അവൾ എന്നിൽ നിന്ന് ഒളിച്ചോടുന്നത് പോലെ.
പണ്ടൊക്കെ ഞാൻ നാട്ടിലേക്ക് വിളിച്ചാൽ മണിക്കൂറുകളോളം സംസാരിക്കുന്നവളാണ്.
ഇപ്പോൾ ഞാൻ വിളിക്കുമ്പോൾ ‘തിരക്കാണ്’, ‘ഉറങ്ങാൻ പോകുവാ’ എന്ന് പറഞ്ഞ് ഒഴിഞ്ഞുമാറും.
അവളുടെ ശബ്ദത്തിൽ പണ്ടത്തെ ആ സ്നേഹമോ അടുപ്പമോ ഒന്നുമില്ല.”
എന്നെ ഒഴിവാകുന്ന പോലെ തോനുന്നു.
അബുവിന്റെ ഉള്ളിൽ തണുത്ത ഒരു ഭയം പടർന്നു…
അവന്റെ കൈപ്പത്തികൾ വിയർക്കാൻ തുടങ്ങി.
റാഷിദ് തുടന്നു: “അതുമാത്രമല്ലടാ… ഈയിടെയായി അവളുടെ ഫോൺ എപ്പോഴും ബിസിയാണ്.
പാതിരാത്രിയിൽ പോലും വാട്ട്സാപ്പിൽ ഓൺലൈനിൽ കാണാം.
ഞാൻ ചോദിച്ചാൽ കൂട്ടുകാരികളോട് സംസാരിക്കുകയായിരുന്നു എന്ന് പറയും.
പക്ഷേ, എന്റെ മനസ്സ് അത് വിശ്വസിക്കുന്നില്ലടാ…
അവൾക്ക് വേറെ ആരോടെങ്കിലും… ഏതെങ്കിലും അവിഹിത ബന്ധമുണ്ടോ എന്ന് എനിക്ക് വലിയ സംശയമാണ് അബൂ.
സ്വന്തം ഭാര്യ എന്നെ ചതിക്കുകയാണോ എന്ന് ഓർക്കുമ്പോൾ എനിക്ക് ജീവനൊടുക്കാൻ തോന്നുന്നുടാ…”
റാഷിദിന്റെ കണ്ണുകളിൽ നിന്ന് കണ്ണീർ തുള്ളികൾ വഴുതി വീണു.