ആദിയെ കളിപ്പിക്കുന്നതോടൊപ്പം, ഓഫീസിൽ ഇന്ന് കണ്ട, ഉണ്ടായ കാര്യം രേവതിയോട് അതേ പോലെ പറഞ്ഞു ഹരി……
എല്ലാം കേട്ട് കഴിഞ്ഞ് രേവതി ഒന്ന് നീട്ടി ശ്വാസം വിട്ട് പറഞ്ഞു : ഹാവൂ…. ഞാനങ്ങട് പേടിച്ചു. അച്ചായൻ എവിടേം പോണില്ലല്ലോ… ഭാഗ്യം….
……………………………………………………………..
ജെറിൻ ഹരിക്ക് ആരാണെന്നു നന്നായി അറിയാവുന്നതിന് പുറമെ, ജെറിന്റെ ഭാര്യ സ്റ്റെഫിയുമായി നല്ല ചങ്ങാത്തത്തിൽ ആയിരുന്നു രേവതി.
അവധി ദിവസങ്ങളിൽ ഒന്നിച്ചു കൂടിയും, ഫാമിലി ടൂറും, എന്തിനേറെ,, വെറും മെഡിക്കൽ റെപ് മാത്രം ആയ ഹരിയേയും ഭാര്യ രേവതിയെയും ബാംഗ്ലൂർ വച്ച് നടന്ന കമ്പനി സൗത്ത് ഏരിയ ഫാമിലി പ്രോഗ്രാമിലേക്ക് ജെറിനെ കൊണ്ട് ചരട് വലിപ്പിച്ച്, കൂടെ കൊണ്ട് പോയതും സ്റ്റെഫിയുടെ നിർബന്ധ പ്രകാരം ആയിരുന്നു.
കാലുകൾക്ക് ചലന ശേഷി ഇല്ലാത്ത ജെറിന്റെയും സ്റ്റെഫിയുടെയും മകൾ ഷെറിനും ജീവനായിരുന്നു ഹരിയെയും കുടുംബത്തെയും.
……………………………………………………………..
ഹരി തുടർന്നു : ഞാനാകെ ടെൻഷൻ അടിച്ച് ഇല്ലാതായി.. പെട്ടെന്ന് അങ്ങിനെ കണ്ടപ്പോൾ….
രേവതി ഒന്ന് മൂളി, പിന്നെ മുഖം തങ്ങളുടെ വീടിന്റെ മുന്നിലെ വീടിനെ ചൂണ്ടുന്ന പോലെ ഉയർത്തി താഴ്ത്തി രേവതി പറഞ്ഞു : മ്മ്മ്മ്…. പിന്നെ…. ആന്റിയും അങ്കിളും മറ്റന്നാൾ പോവും…
തങ്ങളുടെ നേർ മുന്നിലുള്ള വീട്, അല്ലെങ്കിൽ അയൽവാസികൾ……. സുമിത്ര ആന്റിയുമായി നല്ല കൂട്ടാണ് രേവതി എന്ന് അറിയാവുന്ന ഹരി, രേവതിയുടെ സങ്കടം മനസ്സിലാക്കി പറഞ്ഞു : അവർ അവരുടെ മകന്റെ അടുത്തേക്ക് അല്ലെ പോവുന്നെ… മകനും പേര കുട്ടികളും, ഈ പ്രായത്തിൽ അതല്ലേ വേണ്ടത്…… അതും കാനഡ… ജീവിതത്തിൽ എല്ലാവർക്കും കിട്ടുന്ന അവസരം അല്ലല്ലോ അത്…..
രേവതിയിൽ നെറ്റിയിൽ ചുംബിച്ച ശേഷം, ഹരി തുടർന്നു : നിനക്ക് അറിയാവുന്നതല്ലേ, ആദിയെ കാണുമ്പോൾ ഉള്ള നമ്മുടെ വീട്ടുകാരുടെ സന്തോഷം…..
രേവതി പുഞ്ചിരിച്ചു കൊണ്ട് പറഞ്ഞു : മ്മ്മ്മ്… അങ്കിളിന് വലിയ താല്പര്യം ഇല്ല… മകൻ കുറേ നിർബന്ധിച്ചപ്പോൾ ആണത്രേ സമ്മതിച്ചേ…
ഹരി ചിരിച്ചു കൊണ്ട് : അത് പണ്ടത്തെ ആണുങ്ങൾ അങ്ങിനെ ആടീ… നാടും വീടും ഒന്ന് വിട്ട് മാറി നിൽക്കാൻ അവർക്ക് ഇഷ്ടമാവില്ല. എന്റെ അച്ഛനെ നിനക്ക് അറിഞ്ഞൂടെ, വീട് അച്ഛന്റെ ഫ്രണ്ട്സ്… ലൈബ്രററി…. ഇവിടെ വന്ന് ഒരു ദിവസം നിക്കാൻ പോലും ഇഷ്ടമല്ല….
രേവതി : മ്മ്മ്മ്….വീട് വാടകക്ക് കൊടുക്കുന്നുണ്ട് അവർ പോയാലും…. ഏതേലും ഫാമിലി വന്നാൽ മതിയായിരുന്നു.
സംസാരം തുടരുന്നതിനിടയിൽ ഹരിയുടെ ഫോൺ റിങ് ചെയ്തു. ജെറിന്റെ കാൾ ആയിരുന്നു അത്…
ഫോണിൽ സംസാരിക്കുന്നതിനിടയിൽ ഹരി പറയുന്നത് രേവതി കേട്ടു” ഇന്നോ…. ഇന്നെങ്ങിനെ…. അത്….. “…
ഫോൺ കട്ട് ആയ ശേഷം രേവതിയെ നോക്കി ഹരി പറഞ്ഞു : രേവൂ…. ഞാൻ പോയി അച്ചായനെ കണ്ടിട്ട് വരാം…
രേവതി പതിയെ മൂളി കൊണ്ട് പറഞ്ഞു,: എവിടെക്കാ…….. വീട്ടിലേക്കാണോ?… എന്നാൽ ഞങ്ങളും വരാം…
ഹരി : അല്ല പെണ്ണെ…… ബാറിലേക്കാണ് വരാൻ പറഞ്ഞെ…
രേവതി ഒന്ന് നീട്ടി മൂളിയ ശേഷം പറഞ്ഞു : മ്മ്മ്മ്………. ശരി….
രേവതിയുടെ കൂർപ്പിച്ചു പിടിച്ച മുഖഭാവം കണ്ട ഹരി, രേവതിയുടെ ഇടുപ്പിൽ പിടിച്ച് തന്നിലേക്ക് അടുപ്പിച്ചു പറഞ്ഞു : എന്താടോ….. അച്ചായൻ എന്തെങ്കിലും വിവരം അറിഞ്ഞു കാണും. അത് പറയാൻ ആവും… പിന്നെ ഞാൻ എന്നും കുടിച്ച് വരാറൊന്നുമില്ലല്ലോ… പിന്നെ ഓവറാക്കി ചളം ആക്കാറും ഇല്ല….
രേവതിയുടെ മുഖത്ത് വീണ്ടും പുഞ്ചിരി വിടർന്നു : എന്നെ കൊണ്ട് പറയിപ്പിക്കണ്ട….. കുടിച്ചാൽ വള വള സംസാരിച്ച് ചെവി തിന്നുന്നതോ….
ഹരി സങ്കടം അഭിനയിച്ചു കൊണ്ട് : എന്നാൽ ശരി ഞാൻ പോണില്ല……
ഈ വട്ടം ഹരിയിലേക്ക് കൂടുതൽ ചേർന്ന് നിന്നത് രേവതി ആയിരുന്നു. ഒപ്പം ഹരിയുടെ കവിളിൽ നല്ലൊരു കടി കൊടുത്തു കൊണ്ട് പറഞ്ഞു : നിന്ന് അഭിനയിക്കാതെ പോയി വാടാ…. തെണ്ടി ചെക്കാ…..
” തെണ്ടി നിന്റെ “………..ഹരി വാക്കുകൾ പൂർത്തി ആക്കാതെ, തന്റെ ചുണ്ടുകൾക്കിടയിലേക്ക് രേവതിയുടെ ചുണ്ടുകൾ കോർത്തു കൊണ്ട് നുണയാൻ തുടങ്ങി…