“അതിനെന്താ അത്രയല്ലേ ആയുള്ളൂ. അതിനാണോ നീ ഇങ്ങനെ ചൂടാവുന്നത്.?”
“ചൂടാവാതെ പിന്നെ! ഇപ്പോൾ തന്നെ എന്റെ മമ്മ എനിക്ക് വീട്ടിൽ കല്ല്യാണം ആലോചിക്കുന്നുണ്ടാകും ”
“ഇപ്പോൾ തന്നെ കല്ല്യാണമോ..? നീ നിന്റെ മമ്മയോട് പറ. നിനക്ക് ഇപ്പോൾ കല്ല്യാണം ഒന്നും വേണ്ടെന്ന്. അതിനൊക്കെ ഇനിയും ഒരുപാട് സമയം ഉണ്ടെന്ന്.” ”
“പിന്നെ ! ഒരുപാട് സമയം. ഒന്ന് പോ സഞ്ജു. ഞങ്ങൾക്ക് ഇപ്പോൾ ആഘോഷിക്കേണ്ട സമയം ആണ്. അത് കഴിഞ്ഞാൽ ഞങ്ങൾ പെണ്ണുങ്ങൾക്ക് അധികം സമയം ഇല്ല. ”
“ഞങ്ങൾ പെണ്ണുങ്ങൾക്ക് സമയം ഇല്ലെന്നോ..?
നിങ്ങളുടെ സമയം എവിടെ പോകും..? എല്ലാവർക്കും ഒരു സമയം തന്നെയാണ് ഉള്ളത്.”
“എടാ. മണ്ടൻ സഞ്ജു. ഞങ്ങൾ പെണ്ണുങ്ങൾക്ക് മെൻസസ് എന്നൊരു കാര്യം ഉണ്ട്. ഒരു അമ്പത് വയസോടെ അത് നിൽക്കും. പിന്നെ സെക്സ് എന്നത് ആഘോഷിക്കാനും ആസ്വദിക്കാനും പാടാണ്. വെള്ളം അങ്ങ് വറ്റും. എന്നാൽ നിങ്ങൾ ആണുങ്ങൾക്ക് അങ്ങനെ അല്ല. തൊണ്ണൂറ് വയസ്സായാലും നൂറ് വയസ്സായാലും പൈപ്പിൽ നിന്നും വെള്ളം വരുന്നത് പോലെ വന്നുകൊണ്ടിരിക്കും . ആണുങ്ങൾക്ക് അതൊന്നും ഒരു പ്രശ്നമേ അല്ല. നിങ്ങൾ ആണുങ്ങൾക്ക് സെക്സ് എപ്പോഴും ആസ്വദിക്കാം. അതുപോലെ അല്ല ഞങ്ങൾ പെണ്ണുങ്ങൾ മനസ്സിലായോ..?” .”
“ഒന്ന് പോടി അവിടുന്ന് നിന്റെ ഒരു കാര്യം. ഇതിന് മാത്രം ആണല്ലോ ആളുകൾ കെട്ടുന്നത്. സെക്സ് ആണോ ജീവിതം.?.”
“പിന്നെ അല്ലാതെ. ഇവിടുത്തെ രീതിയൊക്കെ അങ്ങനെ ആണ് മോനെ. വെറുതെ അല്ല നീ ഒരു പഴങ്കഞ്ഞി ആയിപ്പോയത്.. ഇവിടെ ഒരു ചെറുക്കനും പെണ്ണിനും സെക്സ് ചെയ്യാനും സുഖിക്കാനും കുട്ടികളെ ഉണ്ടാക്കാനും നിയമവും സമൂഹവും കൊടുക്കുന്ന ലൈസൻസ് ആണ് വിവാഹം. അത് കഴിയാതെ എന്തെങ്കിലും നടന്നാലോ അതൊക്കെ അവിഹിതവും. മറ്റ് ഏത് കാര്യവും പോലെ സെക്സും ഒരു മനുഷ്യന് പ്രധാനം ആണ്.. അത് ഇവിടുത്തെ സമൂഹം ഇനിയും മനസ്സിലാക്കിയിട്ടില്ല. ”
“നീ എന്താ പറഞ്ഞു വരുന്നത് ജൂലി.? അത് ഒന്ന് തെളിച്ചു പറ. ”
“നിനക്ക് ഇനിയും മനസ്സിലായില്ലേ സഞ്ജു…? നമ്മുടെ വിവാഹം വേഗം നടക്കണം എന്ന്. അല്ലാതെ പിന്നെ.!”
” അതിന് ഇപ്പോൾ ഞാൻ എന്ത് വേണം എന്നാ നീ പറയുന്നത്…? നിന്നെ ഇങ്ങനെ കൊണ്ട് പോയി എന്റെ അച്ഛനെ കാണിച്ചാൽ നമ്മുടെ വിവാഹം നടക്കില്ല. അച്ഛൻ ഓടിക്കും. ”
‘”നിന്നേയും. അങ്ങനെ തന്നെ. നീ അത് വിട്.. പക്ഷെ നമ്മുടെ വിവാഹം നടക്കാൻ ഒരു വഴിയുണ്ട്. നീയും കൂടെ മനസ്സ് വെച്ചാൽ നടക്കും.”
“എന്ത് വഴി..?.”
“വഴിയൊക്കെ ഞാൻ പറയാം. നീ എന്റെ കൂടെ നിൽക്കുമോ..? ”
“നിൽക്കാം. നീ വഴി പറ. ”
“എടാ. നമ്മൾ ഇപ്പോൾ ഉള്ളത്. ചെന്നൈയിൽ. നിന്റെ അച്ഛൻ കേരളത്തിൽ. എന്റെ മമ്മ ബാംഗ്ലൂർ. ”
“അതിന്..?”
“അതിന് ഞാൻ പറയെട്ടെ. നീ കേൾക്ക്. നീ തോക്കിൽ കേറി വെടി വെക്കാതെ. ”
“എന്നാൽ നീ പറ എന്താ നിന്റെ ഐഡിയ. എന്താ നിന്റെ പ്ലാൻ…”.
“ഐഡിയ ഒക്കെ പഴയത് തന്നെയാ. പക്ഷെ നമ്മൾ മനസ്സ് വെച്ചാൽ കാര്യം നടക്കും. ”
“എങ്ങനെ. നീ ഒന്ന് തെളിച്ചു പറ.’”
“ഞാൻ പറയാം. നീ കേൾക്ക്. നിന്റെ ഇന്റേണൽഷിപ്പ് എവിടെയാ.?”
” ബാംഗ്ലൂർ. .. അതും നമ്മുടെ കല്യാണവും തമ്മിൽ എന്താ ബന്ധം.?. ”
“എന്റെ മണ്ടൂസേ സഞ്ജു. ഞാൻ പറയെട്ടെടാ. നീ ഒന്ന് അടങ്ങ്. എന്നിട്ട് ഞാൻ പറയുന്നത് മുഴുവനും നീ കേൾക്ക്. ”
“ആ. എന്നാ നീ പറ. ഞാൻ കേൾക്കാം”
“നിനക്ക് ഇന്റേണൽഷിപ്പ് ബാംഗ്ലൂർ. എനിക്ക് കേരളത്തിൽ. അതും നിന്റെ നാട്ടിൽ. അപ്പോൾ ഞാൻ നിന്റെ നാട്ടിലേക്ക് പോകുന്നു. നിന്റെ വീട്ടിൽ. നിന്റെ അച്ഛന് ഇഷ്ട്ടമായ വേഷത്തിൽ. അതുപോലെ നീയും പോകുന്നു. ഒരു കൊച്ചു സായിപ്പായി.എന്താ..?”