“സായിപ്പായിട്ടോ ഞാനോ..? എവിടേക്ക്..? നീ എന്തൊക്കെയാ പറയുന്നത്. നിനക്ക് വട്ടായോ..”
“എടാ സഞ്ജു പൊട്ടാ. നീ എടുത്തു ചാടല്ലേ ഞാൻ പറയുന്നത് കേൾക്ക്. നീ കുറച്ചു മോഡേൺ ആയി. ഒരു കണ്ടം ട്രൗസറും മുറികയ്യൻ ബനിയനും ഒക്കെ ഇട്ട് ഒരു കൊച്ചു മോഡേൺ പയ്യനെ പോലെ. ഒരു സായിപ്പ് കുട്ടിയെ പോലെ എന്റെ വീട്ടിൽ പോകുന്നു..എന്നിട്ട് എന്റെ മമ്മയെ വളച്ചു കുപ്പിയിലാക്കി എന്റെ മമ്മയെ കൊണ്ട് നമ്മുടെ കല്യാണത്തിന് നീ സമ്മതിപ്പിക്കുന്നു. ”
“ഓഹ്! അങ്ങനെ അതുപോലെ നീ സാരിയും, പാവാടയും ബ്ലൗസും, ചൂരിദാറും, ഒക്കെ ഉടുത്ത് എന്റെ അച്ഛനെ ഇമ്പ്രെസ്സ് ചെയ്തു എന്റെ അച്ഛനേയും വളച്ചു കുപ്പിയിലാക്കി നമ്മുടെ കല്യാണത്തിന് സമ്മതിപ്പിക്കുന്നു. അങ്ങനെ അല്ലേ..?”
“അതേ. നിന്റെ ബുദ്ധി തെളിഞ്ഞു വരുന്നുണ്ട്..”
“പക്ഷെ അങ്ങനെ ഒക്കെ ചെയ്താലും നമ്മുടെ കല്യാണത്തിന് അവർ സമ്മതിക്കുമെന്ന് തോന്നുന്നുണ്ടോ ജൂലി..?”.
“നമുക്ക് ശ്രമിക്കാം. ഇതല്ലാതെ വേറെ വഴിയില്ല ”
“എന്നാൽ ശരി നമുക്ക് നോക്കാം.”
സഞ്ജുവും ജൂലിയും ചെന്നൈയിൽ ഒരു എൻജിനീയറിംഗ് കോളേജിൽ ഒരുമിച്ചു പഠിക്കുന്നവരാണ്. കൂടാതെ കമിതാക്കളും.
ഇതിൽ സഞ്ജു ഒരു നാടൻ പയ്യൻ ആണ്. അവന് അച്ഛൻ മാത്രമേ ഉള്ളൂ. ഒരു തനി നാടൻ ഗ്രാമവാസി പയ്യൻ. സഞ്ജുവിന്റെ അമ്മ അവന്റെ ചെറുപ്പത്തിൽ തന്നെ അവരെ വിട്ട് പോയതാണ്. ഇപ്പോൾ സഞ്ജുവിന്റെ അച്ഛൻ കേരളത്തിലെ ഒരു ഗ്രാമത്തിൽ ആണ് ജീവിക്കുന്നത്.
അത് പോലെ ആണ് ജൂലിയുടെ മമ്മയും. ജൂലിയുടെ മമ്മ. ബാംഗ്ലൂരിൽ ഏതോ ഒരു മൾട്ടി നാഷണൽ കമ്പനിയിൽ സി. ഒ ആണ്. കൂടാതെ അൾട്രാ മോഡേണും.
സഞ്ജുവിന്റെ അച്ഛൻ കൃഷിയും പശുക്കളും. യോഗയും. വ്യായാമവും അതിനിടയിൽ ഉള്ള ജോലിയുമൊക്കെ ആയി ഒരു സാധാരണ ജീവിതം നയിക്കുമ്പോൾ. ജൂലിയുടെ മമ്മ. ജോലിയും ഫാഷനും പബ്ബും പാർട്ടിയുമൊക്കെയായി മോഡേൺ ലൈഫ് ആയിട്ടാണ് പോകുന്നത്.
അച്ഛനെ പോലെ തന്നെ സഞ്ജുവും. ഒരു നാടൻ പയ്യൻ ആണെങ്കിൽ . ജൂലി അവളുടെ മമ്മയെ പോലെ ഇത്തിരി ഫാഷൻ ആണ്. അവളുടെ മമ്മ തന്നെയാണ് അവളെക്കൊണ്ട് ഫാഷൻ മോഡേൺ ഡ്രസ്സുകൾ ഇട്ട് പഠിപ്പിച്ചത്.
അച്ഛനെ കണ്ട് വളർന്ന സഞ്ജു അതുപോലെ നാടൻ പയ്യൻ ആയിപ്പോയി. അങ്ങനെ ആയത് കൊണ്ട് തന്നെ സഞ്ജുവിന് അച്ഛനോട് വലിയ സ്നേഹവും ബഹുമാനവും ആണ്. അച്ഛൻ ജീവിക്കുന്ന ചിട്ട കർശനം ആണ്. അത് സഞ്ജു അതേപടി പാലിക്കാറും ഉണ്ട്.
അതുപോലെ തന്നെയാണ് ജൂലിയുടെ മമ്മയും. പക്ഷെ ജൂലിയുടെ മമ്മയ്ക്ക് പ്രത്യേകിച്ച് ചിട്ടകൾ ഒന്നും ഇല്ലെന്ന് മാത്രം. ജൂലിയുടെ മമ്മ അവളോട് നല്ല ഫ്രണ്ട്ലി ആണ്. അവർ എന്തും തുറന്ന് സംസാരിക്കും. അങ്ങനെ ഒക്കെ ആണെങ്കിലും അവളുടെ എല്ലാ കാര്യത്തിലും തീരുമാനമെടുക്കുന്നത് അവളുടെ മമ്മയാണ്. മമ്മയെ എതിർത്ത് അവൾ ഇന്ന് വരെ ഒരു തീരുമാനവും എടുത്തിട്ടില്ല. ഒരു കാര്യവും ചെയ്തിട്ടില്ല.
അതുകൊണ്ട് ഇരുവർക്കും അവരെ എതിർത്തു ഒന്നും ചെയ്യാൻ മനസ്സില്ല അതാണ് സത്യം. അതുകൊണ്ടാണ് അവർ ഇങ്ങനെ ഒരു വഴി കണ്ടെത്തിയത്.
അന്ന് തന്നെ സഞ്ജു അച്ഛനെ വിളിച്ചു. അതിന് ശേഷം വീട്ടിലേക്ക് പുറപ്പെട്ടു. ജൂലി അവളുടെ മമ്മയുടെ അടുത്തേക്കും.
വീട്ടിൽ സഞ്ജു അച്ഛനോട് സംസാരിക്കുന്നതിനിടയിൽ. സഞ്ജു പറഞ്ഞു.
“അച്ഛാ എനിക്ക് ബാംഗ്ലൂരിൽ പോകണം.”
“ഉം. എന്തിന്..? നിന്റെ ചെന്നൈയിൽ ഉള്ള പഠിത്തം എല്ലാം കഴിഞ്ഞോ.?” . സഞ്ജുവിന്റെ അച്ഛൻ അവനോട് ചോദിച്ചു.
“ഉം. ഏതാണ്ട് കഴിയാറായി. പക്ഷെ അതിന് മുൻപ് എനിക്ക് ഒരു ഇന്റേണൽഷിപ്പ് ഉണ്ട് . അത് ബാംഗ്ലൂരിൽ ആണ്. അത് കൂടെ കഴിഞ്ഞാലേ കോഴ്സ് തീരൂ. അതുകൊണ്ട് എനിക്ക് നാളെ തന്നെ ബാംഗ്ലൂരിൽ പോകണം..” സഞ്ജു പറഞ്ഞു.
“നാളെ തന്നെ പോകണോ..? നാളെ തന്നെ ബാംഗ്ലൂരിൽ പോയിട്ട്. അവിടെ എവിടെയാ നീ താമസിക്കുക..? അവിടെ കോളേജ് വകയിൽ ഹോസ്റ്റൽ കിട്ടിമോ..?”