“നിഷയല്ലേ മാഡം?”
അനിരുദ്ധന് ചോദിച്ചു.
“നിഷാ ആന്ഡ്രൂസ്?”
സമീറ പുഞ്ചിരിയോടെ തല കുലുക്കി.
“എഹ്?”
ജെയിംസും വിനായകനും അദ്ഭുതത്തോടെ സമീറയെ നോക്കി.
“സൂപ്പര് ആക്ട്രസ് നിഷ മാഡത്തിന്റെ ഫ്രണ്ടാണോ?”
“അവളുടെ ഡ്രൈവര് കം മാനേജര് ഒരു സോനം വാങ്ങ്ച്ചുക് ഭൂട്ടാനിയാണ്…”
സഹപ്രവര്ത്തകരുടെ അദ്ഭുതഭാവങ്ങള് അവഗണിച്ചുകൊണ്ട് സമീറ തുടര്ന്നു.
“അയാള് പുരോഹിത കുടുംബത്തില് ജനിച്ചയാളാ…അല്പ്പം താന്ത്രികവും നമ്മള് അതിന്ദ്രീയമെന്ന് വിചാരിക്കുന്ന ചില കാര്യങ്ങളില് അസാമാന്യ കഴിവുള്ളയാളുമാണ്… സോനം നല്കിയ വിവരങ്ങളുടെ അടിസ്ഥാനത്തില് മകരം നക്ഷത്രത്തില് ജനിച്ച അഞ്ചു ആണ്കുട്ടികളെ ബലികൊടുത്താല് ആഗ്രഹിക്കുന്ന പെണ്ണിനെ അല്ലെങ്കില് പുരുഷനെ നേടാം..അല്ലെങ്കില് ജെയിംസ് പറഞ്ഞത് പോലെ സെക്ഷ്വല് പൊട്ടന്ഷ്യാലിറ്റി വീണ്ടെടുക്കാം…അങ്ങനെ ബലികൊടുക്കുന്നതിനു, അല്ലെങ്കില് കില്ലിംഗ് നടത്തുന്ന സ്പോട്ടിന് ഒരു പ്രത്യേകത വേണം….”
വിനായകനും അനിരുദ്ധനും ജെയിംസും സമീറയെ ആകാംക്ഷയോടെ നോക്കി.
“ലവ്വിന്റെ സിംബലില്ലേ?”
എഴുന്നേറ്റ് മുമ്പിലെ ഇന്റെറാക്റ്റീവ് ബോഡില് പ്രണയതിന്റെ ചിഹ്നമായ “ഹാര്ട്ട്” വരച്ച് അവള് സഹപ്രവര്ത്തകരെ നോക്കി.
“കില്ലിംഗ് നടത്തുന്ന അഞ്ചു സ്പോട്ടും ഒരു രേഖയില് യോജിപ്പിക്കുമ്പോള് ഈ ഹാര്ട്ടിന്റെ ഷേപ്പ് കിട്ടണം…ആദ്യ കൊല നടന്നത് ഇവിടെ, വെസ്റ്റ് ഹില്ലില് ആണ്…”
അവള് ഹാര്ട്ട് ചിഹ്നത്തിന്റെ അടിയിലെ പോയിന്റില് ഒരു ബിന്ദു രേഖപ്പെടുത്തി.
“മാനാഞ്ചിറ ഇവിടെയാണ് എന്ന് സങ്കല്പ്പിക്കുക…”
സമീറ പ്രണയചിഹ്നത്തിന്റെ വലത് വശത്ത് മറ്റൊരു ബിന്ദു രേഖപ്പെടുത്തി.
“പക്ഷെ മാഡം, അത്…”
അനിരുദ്ധന് സംശയം പ്രകടിപ്പിക്കാന് കൈ ഉയര്ത്തി.
“അനിരുദ്ധന് പറയാന് പോകുന്നത് എനിക്ക് മനസ്സിലായി…”
സമീറ പറഞ്ഞു.
“മാനാഞ്ചിറ വലത് വശത്ത് രേഖപ്പെടുത്തിയാല് എന്താ എന്നല്ലേ?”
“അതെ, മാഡം…”
“വെല്….”
അവള് വിശദീകരണം തുടര്ന്നു.
“സോനം പറഞ്ഞത് പ്രകാരം കില്ലിംഗ് നടത്തേണ്ട സ്പ്പോട്ട് ലവ്വ് സിമ്പലില് ക്ലോക്ക് വൈസ് ആയാണ് മൂവ് ചെയ്യേണ്ടത്…അഞ്ചു സ്പോട്ടും ഇക്വിഡിസ്റ്റന്റ്റ് ആയിരിക്കണം…സെയിം ഡിസ്റ്റന്സ്….അവിടെ ചെത്തിപ്പൂക്കള് വേണം…ഇക്സോറാ അല്ലെങ്കില് ഫ്ലെയിം ഓഫ് ദ വുഡ്സ് ഫാമിലിയില് പെട്ട ഏതെങ്കിലും ടൈപ്പ് പൂക്കള് … അടുത്ത് ഏതെങ്കിലും ദേവീക്ഷേത്രങ്ങള് വേണം… വേസ്റ്റ്ഹില്ലിലെ സ്പോട്ടിനടുത്ത് ചെത്തിപ്പൂക്കള് ഉണ്ടായിരുന്നു….വളയനാട് ദേവി ക്ഷേത്രം അടുത്താണ് അവിടെ…ഇനി മാനാഞ്ചിറയ്ക്കടുത്ത് ആണ് വരക്കാളി ദുര്ഗാ ദേവി ക്ഷേത്രം… അത് ക്ലോക്ക് വൈസില് പോയാല് ചെത്തിപ്പൂക്കള് ഉള്ളതും ദേവി ക്ഷേത്രമുള്ളതുമായ അടുത്ത സ്പോട്ട് നടക്കാവ് ആണ്. അവിടെ ഒരു ഓപ്പണ് ഏരിയ ഉണ്ട്..കാട് പിടിച്ചു കിടക്കുന്ന ഭാഗം…അപ്പോളോ ടെയേഴ്സിന്റെ ബില്ഡിങ്ങില്ലേ? അതിന്റെ തെക്ക് ഭാഗത്ത്….”
“യെസ്, യെസ്…”
ജെയിംസ് പറഞ്ഞു.
“അവിടെ അങ്ങനെ ഒരു സ്പോട്ട് ഉണ്ട് മാഡം…”
അപ്പോള് ഓടിക്കിതച്ച് ദീപ്തിയുടെ രൂപം വാതില്ക്കല് പ്രത്യക്ഷമായി.
“എന്താ ദീപ്തി…?”
സമീറ ഉദ്വേഗത്തോടെ ചോദിച്ചു.
“ഐ കോള്ഡ്…യൂ എ നമ്പര് ഓഫ് ടൈംസ്….”
കിതച്ചുകൊണ്ട് ദീപ്തി പറഞ്ഞു.
“എവിടെ മാഡത്തിന്റെ ഫോണ്…?”
“ഇതല്ലേ?”
സമീറ ജീന്സിന്റെ പോക്കറ്റില് നിന്നും തന്റെ മൊബൈല്ഫോണ് എടുത്തു.
“ഷിറ്റ്!”
ഡിസ്പ്ലേയില് നോക്കി അവള് മുരണ്ടു.
“ഇത് മ്യൂട്ടില് ആണ്…ഞാന് ഒരിക്കലും ഫോണ് മ്യൂട്ടില് ഇടാറില്ലല്ലോ! പിന്നെങ്ങിനെ?”
മറ്റുള്ളവര് പരസ്പ്പരം നോക്കി.
“മാഡം ഫിലിപ്പ് എവിടെ? ഫിലിപ്പ് സാര് എവിടെ?”
“ഇപ്പോള് വരും…മോന്റെ സ്കൂളില് അവനെ വിട്ടോളാം എന്ന് പറഞ്ഞ് കൊണ്ടുപോയി…”
അപ്പോള് സമീറയുടെ മൊബൈല് റിങ്ങ് ചെയ്തു.
“ഡോക്റ്റര് പ്രശാന്ത്…”
ഡിസ്പ്ലേയില് നോക്കി അവള് മന്ത്രിച്ചു.