“അതിനു കിടക്കുന്ന നേരമായില്ലല്ലോ…”ഞാൻ അവളെ നോക്കി പറഞ്ഞതും അവളെന്റെ കഴുത്തിലേക്ക് മുഖം പൂഴ്ത്തി.
“അതിന് ഇപ്പോൾ തന്നെ ഉറങ്ങണ്ടാന്നെ…”അവളുടെ നാണത്തോടെയുള്ള കുറുകൽ.
“അച്ചോടാ…ഇതൊന്നുമല്ലല്ലോ നേരത്തെ പറഞ്ഞെ…എന്നെ എന്തോ പിന്നാലെ നടത്തിക്കുമെന്നോ…ആരോ അത് കണ്ട് ആസ്വദിക്കുമെന്നോ…?”ഞാൻ അവളുടെ കളി കണ്ട് ചിരിയോടെ ചോദിച്ചു.
“എനിക്കതൊന്നും ഓർമയില്ല…എന്റെ പൊന്നല്ലേ…പ്ലീസ്…”മിസ്സ് കൊഞ്ചാൻ വരെ തുടങ്ങി.
“അല്ല…എന്താണ് ഇന്ന് ഇത്ര ഇളക്കം…ഏഹ്…എനിക്കൊന്നും മനസ്സിലാവുന്നില്ല എന്ന് കരുതണ്ട…”അവളുടെ ഇളക്കത്തിന്റെ കാരണം അറിയാൻ ഞാൻ ചോദിച്ചു അല്ലാണ്ട് അവളായിട്ട് പറയുമെന്ന് എനിക്ക് തോന്നണില്ല.
“ഇളക്കോ…എനിക്കോ…നീ എന്തൊക്കെയാട ചെക്കാ ഈ പറയണേ…?”അവളൊന്നുമറിയാത്ത മട്ടിൽ തിരിച്ചു ചോദിച്ചു.
“ഔഫ്…എന്തൊരു അഭിനയം ഇങ്ങനെ അഭിനയിച്ചാൽ അടുത്ത പഞ്ചായത്ത് അവാർഡ് പോലും നിനക്ക് കിട്ടൂല…അതോണ്ട് കൂടുതൽ കിണുങ്ങാണ്ട് കാര്യം പറ…”ഞാൻ അവളുടെ ഓസ്ക്കാർ അഭിനയം കണ്ട് പറഞ്ഞു.പക്ഷെ അവൾ കിടന്നു ചിണുങ്ങിയതല്ലാതെ ഒന്നും
പറഞ്ഞില്ല.പറയാതെ ഇനി ഒരുമിച്ചുള്ള കിടത്തമില്ല എന്ന് പറഞ്ഞതും ആ പൊട്ടി അത് വിശ്വസിച്ചു കൊണ്ട് പറയാൻ തുടങ്ങി.
“അതില്ലേ…”അവൾ പറഞ്ഞു തുടങ്ങി.
“ഏതില്ലേ…”ഞാൻ തിരിച്ചു ചോദിച്ചു.
“ആഹ് അടങ്ങ് ചെക്കാ…ഇങ്ങനെ ആണേൽ ഞാൻ പറയില്ല കേട്ടോ…”എന്നും പറഞ്ഞവൾ ആ അവസരം മുതലെടുക്കാൻ നിന്നു.
“ഞാൻ ഒന്നും പറയുന്നില്ലേ…”എന്ന് കൈ കൂപ്പി പറഞ്ഞതും അവൾ വീണ്ടും തുടങ്ങി.
“അതില്ലേ…നമ്മടെ റോഷ്ന മിസ്സില്ലേ…”അവളെന്നെ നോക്കി ചോദിച്ചതും ഞാൻ ഒന്ന് മൂളി കൊടുത്തു.
“മിസ്സില്ലേ…”വീണ്ടും അവളുടെ തത്തി കളി.
“മിസ്സെന്തേ നിന്നെ പിടിച്ചു കടിച്ചോ…?”അവളുടെ ആ കളിയിഷ്ട്ടപ്പെടാതെ ഞാൻ ചോദിച്ചു.
“ദേ ചെക്കാ അടങ്ങിയിരുന്നോ നീ…ഇങ്ങനെയാണെൽ ഞാൻ പറയില്ല കേട്ടോ…”എന്റെ ചോദ്യമിഷ്ട്ടപ്പെടാതെ അവൾ പറഞ്ഞു.ഇതിലും ബേധം ഇവൾ പറയാത്തെയായിരുന്നു,പക്ഷെ അത് ഞാൻ അവളോട് പറയാൻ നിന്നില്ല.
“ഓഹ്…ആയിക്കോട്ടെ…ഇനിയെങ്കിലും ഭവതി കാര്യമൊന്നു പറയുമോ…”ഞാൻ താഴ്മയായി ചോദിച്ചു.
“മിസ്സില്ലേ…മിസ്സ് പ്രെഗ്നന്റ് ആണെന്ന്…”അവളെന്നെ നോക്കി നാണത്തോടെ പറഞ്ഞു.അതിനു ഇവളിതെന്തിനാ ഇത്ര നാണിക്കണേ ഇനി ഇവളെങ്ങാനുമാണോ അതിനു ഉത്തരവാദി…ഏഹ് അതെങ്ങനെ…
“അല്ല അതിനിപ്പോ എന്താ…”ഞാൻ നിസാര മട്ടിൽ ചോദിച്ചു.അപ്പോളാണ് വേറെ പല കാര്യങ്ങളും എന്റെ മനസ്സിലൂടെ ഓടിയത്,ഞാൻ അവളെ നോക്കി കണ്ണ് കൊണ്ട് അത് ചോദിച്ചതും ശാലു അതേയെന്ന് തലയാട്ടി.ആദ്യം തുള്ളി ചാടാൻ തോന്നിയെങ്കിലും പിന്നെ
“ആഹ അതിനു വെള്ളമങ്ങു മോള് വാങ്ങി വെച്ചേരെ…”ഞാൻ അവളോട് പറഞ്ഞു.
“അതെന്താടാ ചെക്കാ…എന്നായാലും നമ്മക്കും വേണ്ടേ ഒന്ന്…”അതിഷ്ട്ടപ്പെടാതെ അവളും തിരിച്ചു പറഞ്ഞു.
“അതൊക്കെ ശരി തന്നെ പക്ഷെ ഇപ്പോൾ തന്നെ ഒരു കൊച്ചിന്റെ അച്ഛനാവ എന്ന് പറഞ്ഞാൽ ആലോചിക്കാൻ പോലും വയ്യാ…”ഞാൻ അവളുടെ ആവശ്യം വീണ്ടും തള്ളി.
“ഇപ്പോ അല്ലാതെ
പിന്നെ എപ്പോളാടാ…കുഴിലേക്ക് കാലും നീട്ടിയിരിക്കുമ്പോളോ…”അവളുടെ ചീറൽ.
“ഒന്നും പറഞ്ഞിട്ട് കാര്യമില്ല ഈ കാര്യത്തിൽ ഒരു മാറ്റവുമില്ല…”ഞാൻ കട്ടായം പറഞ്ഞു.
“എടാ നീ എന്താ എന്റെ കാര്യം ആലോചിക്കാത്തെ എനിക്ക് ഇത് പ്രായം എത്രയായിന്ന ഒപ്പമുള്ളവരൊക്കെ കെട്ടി പിള്ളേരായി…ഞാൻ മാത്രം ഇപ്പോളും…”അവൾ സെന്റിമെന്റ്സ് ഇറക്കാൻ തുടങ്ങി.
“ഓഹ് 28 അത്ര വലിയ പ്രായമൊന്നുമല്ല…പിന്നെ നിനക്ക് കൊച്ചായിട്ട് ഞാനില്ലേ…”ഞാൻ രംഗമൊന്നു ശാന്തമാക്കാൻ പറഞ്ഞു.
“അയ്യാ കണ്ടാലും മതി കൊച്ചിനെ…”അവളതിനെ പുച്ഛിച്ചു തള്ളി.
“അതെന്താടി എനിക്ക് ഒരു കുഴപ്പം…?”പുച്ഛം ഇഷ്ട്ടപ്പെടാതെ ഞാൻ ചോദിച്ചു.
“സിദ്ധൂ…കളിക്കല്ലേ…ഞാൻ സീരിയസായിട്ട് പറയണേ ആണ്…”അവൾ ഗൗരവത്തോടെ പറഞ്ഞു.