സാരമില്ല. ഇനി ഒരു ജന്മം ഉണ്ടെങ്കിൽ നോക്കാം അല്ലേ അപ്പു ഏട്ടാ. അപ്പോഴെങ്കിലും നേരത്തെ എന്റെ അടുത്തേക്ക് വരണേ. നമുക്ക് ഒരുമിക്കാൻ.”
ശ്യാമയുടെ കണ്ണ് നിറഞ്ഞു. ശ്യാമ വീണ്ടും ആ ഫോട്ടോയിൽ ഉമ്മ വെച്ചു.
പിന്നെ സുചിത്രയുടെ അടുത്തേക്ക് പോയി. സുചിത്ര അമ്മയുടെ മുറിയിൽ ആയിരുന്നു. ശ്യാമയെ കണ്ടപ്പോൾ സുചിത്ര ശ്യാമയേയും കൊണ്ട് അടുക്കളയിലേക്ക് പോയി എന്നിട്ട് ചോദിച്ചു.
“നീ ഇത് എവിടെ ആയിരുന്നു ഇത്രയും സമയം. ? നീ എന്തിനാ വേഷം മാറിയത്.?. ഇന്നും കണ്ണിൽ സോപ്പ് പത ആയോ..?”
“പോ ചേച്ചി. അവിടെ അപ്പു ഏട്ടന്റെ തൂണി നനച്ചിടാൻ ഉണ്ടായിരുന്നു. ഞാൻ അത് നനച്ചിട്ടത അപ്പോൾ ഞാൻ നനഞ്ഞു. അത് കൊണ്ട് വേഷം മാറിയതാ.”
“എന്നിട്ട് അപ്പു ഏട്ടൻ എവിടെ..? ”
“വരുന്നു എന്ന് പറഞ്ഞു. അപ്പു ഏട്ടൻ…?”
“എന്നാൽ വാ വന്നു ചായ കുടിക്കാം. എന്നിട്ട് നിന്നെ കൊണ്ട് കുറച്ചു പണി ഉണ്ട്..”
“എന്ത് പണിയാ ചേച്ചി. ചേച്ചിയുടെ തുണി നനച്ചിടാൻ അല്ലേ..? അതൊക്കെ ഞാൻ നനച്ചിട്ടോളാം”
“അതൊന്നും അല്ലെടി പെണ്ണെ. അതൊക്കെ പറയാം. നീ വാ.”
അപ്പോഴേക്കും സുധി താഴേക്കു വന്നു. എല്ലാവരും ഒരുമിച്ചു ഇരുന്ന് ചായ കുടിച്ചു. അതുകഴിഞ്ഞു സുചിത്ര ശ്യാമയേയും കൂട്ടി റൂമിലേക്ക് പോയി. എന്നിട്ട് പറഞ്ഞു.
“ഇന്നലെ വാങ്ങിയതിൽ നിനക്ക് ഇഷ്ട്ടം ഉള്ളത് എടുത്തു ഉടുക്ക്. ”
“എന്തിനാ ചേച്ചി ഞാനും വരണോ ചേച്ചിയുടെ കൂടെ..? ”
“ഇന്ന് വരേണ്ട. ഇന്ന് ഞാനും അപ്പു ഏട്ടനും കൂടെ പോയിക്കൊള്ളും. ”
“പിന്നെ എന്തിനാ ചേച്ചി ഞാൻ പുതിയത് ഉടുക്കുന്നത്..?”
“എടി പെണ്ണേ ഞാൻ പറഞ്ഞത് അനുസരിക്കാതെ നീ എന്നെ ചോദ്യം ചെയ്യാൻ നിൽക്കുന്നോ..? വേഗം വേഷം മാറി വരാൻ ആണ് ഞാൻ നിന്നോട് പറഞ്ഞത്.” അതും പറഞ്ഞു സുചിത്ര പുറത്തേക്ക് പോയി.
പിന്നെ ഒന്നും ചോദിക്കാൻ നിൽക്കാതെ ശ്യാമ ഒരു പുതിയ ചൂരിദാർ എടുത്തു ഉടുത്തു പുറത്തേക്ക് പോയി. അവിടെ സുധിയും സൂചിത്രയും എന്തോ പറഞ്ഞു ചിരിക്കുകയായിരുന്നു. അത് കണ്ട് സുചിത്ര പറഞ്ഞു.
“നീ ഉടുത്തപ്പോൾ ആണെന്ന് തോനുന്നു ശ്യാമേ ഈ ചൂരിദാറിന് കൂടുതൽ ഭംഗി. അല്ലേ അപ്പു ഏട്ടാ..?”
സുധി ചിരിച്ചു.
” ഇങ്ങോട്ട് വാ പെണ്ണേ ഞാൻ നിന്റെ ഒരു ഫോട്ടോ കൂടെ എടുക്കട്ടെ..”
സുചിത്ര പറഞ്ഞു.
“ഇനിയും എന്തിനാ ചേച്ചി ഫോട്ടോ..?. ഇപ്പോൾ തന്നെ ഈ വീട് നിറയെ എന്റെ ഫോട്ടോ ആയല്ലോ…?”
“അതിന് ഇത് നിനക്കല്ല പെണ്ണേ. എന്റെ ഏട്ടന് ആണ്. ഏട്ടനാ പറഞ്ഞത് നിന്റെ ഫോട്ടോ എടുക്കാൻ. ഏട്ടന്റെ മുറിയിൽ വെക്കാൻ.”
അത് കേട്ട് ശ്യാമയുടെ മുഖം വാടി. അത് കണ്ട് സുചിത്ര പറഞ്ഞു
“അപ്പോഴേക്കും ഫ്യൂസ് പോയോ.. മുഖം വാടിയല്ലോ..? എടി പെണ്ണേ ഇത് എനിക്ക് ആണ്. എന്റെ ആൽബത്തിൽ സൂക്ഷിക്കാൻ ആണ്. നീ വന്നു നിന്നെ. ”
സുചിത്ര പറഞ്ഞു. പിന്നെ ശ്യാമയെ പിടിച്ചു നിർത്തി. ഫോട്ടോ എടുക്കാൻ തുടങ്ങി.
“ഇവൾക്ക് കുറേ മോഡേൺ ഡ്രെസ്സ് കൂടെ എടുക്കായിരുന്നു. അല്ലേ അപ്പു ഏട്ടാ….? അതിന് എങ്ങനെയാ ഇവൾ സമ്മതിക്കണ്ടേ.. ഇങ്ങനെ ഒരു നാണക്കാരി..” സുചിത്ര പറഞ്ഞു.
അത് കേട്ട് ശ്യാമ ചിരിച്ചു.
“നീ ചിരിക്കേണ്ട നിന്റെ നാണം ഒക്കെ ഞാൻ മാറ്റുന്നുണ്ട്. ഞങ്ങൾ ഇപ്പോൾ പോയി വരുമ്പോൾ കുറേ കുട്ടി കുപ്പായം പോലുള്ള ഡ്രെസ്സ് ഞാൻ വാങ്ങി വരും. എന്നിട്ട് അതൊക്കെ നിന്നെ കൊണ്ട് ഉടുപ്പിച്ച ശേഷം ഇങ്ങനെ അപ്പു ഏട്ടന്റെ കൂടെ നിർത്തി ഫോട്ടോ എടുക്കും ഞാൻ. ”
“അങ്ങനെ ഉള്ള ഡ്രെസ്സ് വാങ്ങിയാൽ ചേച്ചി തന്നെ ഉടുക്കേണ്ടി വരും ഞാൻ ഉടുക്കില്ല. ”