അവിടെനിന്നും ഇറങ്ങിയ ശേഷം അവർ നേരെ പോയത് ഒരു ഹോട്ടലിൽ ആണ്. എല്ലാവരും ഭക്ഷണം കഴിക്കാൻ ആയി ഹോട്ടലിൽ കയറി ഇരുന്നു .
അപ്പോൾ സുചിത്ര പറഞ്ഞു.
“നിങ്ങൾ ഫുഡ് ഓർഡർ ചെയ്യുമ്പോഴേക്കും ഞാൻ വരാം. ഞാൻ ഒരു കാര്യം മറന്നു പോയി.”
സുചിത്ര ഇപ്പോൾ വരാം എന്ന് പറഞ്ഞു ഇറങ്ങിയത് ആ ഹോട്ടലിന് മുന്നിൽ ഉള്ള ഒരു ഫോട്ടോ ഫ്രെയിം ചെയ്യുന്ന പ്രിന്റിംഗ് സ്റ്റുഡിയോയിലേക്കാണ് .
കുറച്ചു കഴിഞ്ഞു തിരിച്ചു ഹോട്ടലിൽ വന്ന സുചിത്ര അവരോടൊപ്പം ഭക്ഷണം കഴിക്കാൻ ഇരുന്നു.. ശ്യാമയാണ് അപ്പോഴും സുധിക്ക് ഭക്ഷണം വാരി കൊടുത്തത്.
അവളുടെ അമ്മയുടെ മുന്നിൽ വെച്ച് അങ്ങനെ ചെയ്യാൻ ശ്യാമയ്ക്ക് നാണം തോന്നിയെങ്കിലും സുചിത്ര അങ്ങനെ ചെയ്യാൻ പറഞ്ഞത് കൊണ്ട് ശ്യാമയ്ക്ക് വേറെ വഴിയുണ്ടായിരുന്നില്ല. എന്നാൽ അത് കണ്ട് ശ്യാമയുടെ അമ്മ സുമിത്ര സന്തോഷിച്ചു.
അതിന് ശേഷം അവർ നേരെ പോയത് അവിടെയുള്ള ഒരു ബീച്ചിലേക്കാണ്. ബീച്ചിൽ എത്തിയപ്പോൾ സുചിത്ര ശ്യാമയുടെ കൈപിടിച്ച് വെള്ളത്തിൽ ഇറക്കുകയും ഓടിച്ചാടി കളിച്ചു രസിക്കുകയും ചെയ്തു. കൊച്ചു കുഞ്ഞുങ്ങളെ പോലെ.. തിരിച്ചു പോകുന്ന വഴിയിൽ സുചിത്ര ഒരിക്കൽ കൂടെ ആ പ്രിന്റിംഗ് സ്റ്റുഡിയോയിൽ കയറി. ഒരു കവറുമായി തിരിച്ചു വന്നു.. അന്ന് പകൽ മുഴുവനും അങ്ങനെ കഴിഞ്ഞു.
സന്ധ്യ കഴിഞ്ഞിരുന്നു തിരിച്ചു അവർ വീട്ടിൽ എത്തുമ്പോൾ. . ഒരു ഹോട്ടലിൽ കയറി രാത്രിയിൽ കഴിക്കാൻ ഉള്ള ഭക്ഷണവും വാങ്ങിയിട്ടാണ് അവർ വീട്ടിൽ തിരിച്ചു എത്തിയത്.
റൂമിൽ കയറിയ ഉടനെ സുചിത്ര കുളിക്കാൻ കയറി. കുളിച്ചു ഇറങ്ങിയ ഉടനെ അവൾ ശ്യാമയെ വിളിച്ചു.
” ഡി ശ്യാമേ ഒന്ന് ഇങ്ങ് വന്നേ.. ”
അത് കേട്ട് ശ്യാമ വേഗം റൂമിലേക്ക് വന്നു. എന്നിട്ട് ചോദിച്ചു.
“എന്താ ചേച്ചി. എന്താ വേണ്ടത്…?”
“നീ. ഒരു കവർ ഇങ്ങ് എടുത്തേ. ഇവിടെ നിന്ന് ചിലതൊക്കെ മാറ്റി ഈ റൂമും അതുപോലെ ഈ വീടും നിന്നെയും ഒന്ന് വൃത്തിയാക്കാൻ ഉണ്ട്.”
“ങ്ങേ!. എന്ത് വൃത്തി ആക്കാൻ ഉണ്ടെന്ന്..? ഞാൻ എന്നും എല്ലാം വൃത്തി ആക്കുന്നതാണല്ലോ..?””
“അതൊക്കെ ഉണ്ട് . അതു പറയില്ല. പക്ഷെ ഞാൻ എന്ത് ചെയ്താലും നീ സങ്കടപെടരുത്. എനിക്ക് അതേ പറയാൻ ഉള്ളൂ..”
“അപ്പോൾ എന്തോ കാര്യമായിട്ട് ഉണ്ടല്ലോ ചേച്ചി. എന്താ കാര്യം.?”
“ഒന്നും ഇല്ലെടി. ഞാൻ ചെയ്യാൻ പോകുന്നത് പണ്ടേക്ക് പണ്ടേ നീ ചെയ്യേണ്ടത് ആയിരുന്നു. ഇനി പറഞ്ഞിട്ട് കാര്യം ഇല്ലല്ലോ! എന്തായാലും നീ ഒരു കവർ ഇങ്ങ് എടുക്ക്. ”
ശ്യാമ ഒരു കവർ എടുത്ത് സൂചിത്രയുടെ നേരെ നീട്ടി.
“നീ തന്നെ ആ കവർ തുറന്നു പിടിക്ക് പെണ്ണേ. ”
സുചിത്ര പറഞ്ഞു. ശ്യാമ കവർ തുറന്ന് പിടിച്ചു. സുചിത്ര ശ്യാമയെ നോക്കി എന്നിട്ട് അവിടെയുള്ള മേശയിൽ വെച്ചിരുന്ന ശ്യാമയുടെ മരിച്ചുപോയ ഭർത്താവ് സുധിയുടെ ഫോട്ടോ എടുത്ത് ആ കവറിൽ ഇട്ടു. ശ്യാമ അത്ഭുതത്തോടെ സൂചിത്രയെ നോക്കി.
“എന്തിനാ ചേച്ചി അതെടുക്കുന്നത്..? അത് അവിടെ വെച്ചേക്ക് ചേച്ചി. പ്ലീസ് ചേച്ചി. പ്ലീസ് ചേച്ചി. ”
“ശു! ” അങ്ങനെ ശബ്ദം ഉണ്ടാക്കിയിട്ട് ചൂണ്ടു വിരൽ വായയുടെ കുറുകെ വെച്ചിട്ട് സുചിത്ര പറഞ്ഞു.
“മിണ്ടരുത്.
ഇനി ഇത് ഇവിടെ വേണ്ട. നിന്റെ മനസ്സിലും. ഇതിന്റെ സമയം കഴിഞ്ഞു. ഇവിടെ വെക്കാൻ ഉള്ളത് വേറെ ഉണ്ട്. അത് ഞാൻ കൊണ്ടു വന്നിട്ടുണ്ട്..”
ശ്യാമയുടെ കണ്ണ് നിറഞ്ഞു.
അങ്ങനെ പറഞ്ഞ ശേഷം അവിടെ ഉള്ള എല്ലാ ഫോട്ടോകളും ചുവരിൽ തൂക്കിയിട്ടത് ഉൾപ്പെടെ എല്ലാം എടുത്തു ആ കവറിലിട്ടു. അതിൽ ശ്യാമയുടെ വിവാഹ ഫോട്ടോ വരെ ഉണ്ടായിരുന്നു. വിവാഹ ഫോട്ടോ എന്ന് പറഞ്ഞാൽ ഒരു മുല്ല മാല രണ്ടാളും ഇട്ട് നിൽക്കുന്ന ഒരു ഫോട്ടോ അത്രയേ ഉള്ളൂ. അതൊക്കെ ശ്യാമ തന്നെ ഫ്രെയിം ചെയ്തു വെച്ചതാണ്.