ഗോഹുലിന്റ യൂണിഫോമിലെ അഴിക്കും, മുഖത്തും, കൈയ്യിലുമുള്ള ചുവന്ന പാടും കണ്ട് നിരുപമ ആദിയോടെ കാര്യം തിരക്കി ” എന്നാ പറ്റിയെ..? ആരാ ഇത് ചെയ്തേ..? ” വീക്കം വച്ച ഭാഗത്ത് തടവികൊണ്ട് അവൾ ചോദിച്ചു.
” വേറെ ആർക്കാ എന്നോട് ഇങ്ങനൊക്കെ കാണിക്കാൻ ഇവിടെ ധൈര്യം ഉള്ളത്.. ”
” ഷിജുവാണോ..? ” നിരുപമ ഉറപ്പ് വരുത്താനായി ചോദിച്ചു.
” അതെ.. ആ തെണ്ടി തന്നെ.. എന്നെ പിള്ളേരുടെ മുന്നിലിട്ട് പട്ടിയെ പോലെ തല്ലി, എന്നിട്ട് നിങ്ങളെയൊക്കെ വെല്ലുവിളിച്ചു. അവനെ എനി വെറുതെ വിടരുത് അമ്മാ.. ഇപ്പൊ തന്നെ പ്രിൻസിപ്പലിനോട് ഇത് റിപ്പോർട്ട് ചെയ്യണം.. ” അവൻ ദേഷ്യവും, വിഷമവും സഹിക്കാനാവാതെ പറഞ്ഞു.
ഷിജു എന്തിനാ ഇപ്പൊ ഇങ്ങനൊക്കെ ചെയ്യാൻ പോയത്..? അവന്റെ ആവിശ്യങ്ങളൊക്കെ ഞാൻ സെറ്റിൽ ചെയ്തതല്ലേ..
” അമ്മ എന്ത് ആലോചിച്ചു നിക്കുവാ..? ഇപ്പൊ തന്നെ റിപ്പോർട്ട് ചെയ്യണം. ” ഗോഹുൽ ധൃതി കൂട്ടി.
ഒരു വിധത്തിലാ ഷിജുവുമായിട്ടുള്ള പ്രശ്നം താൻ ഒതുക്കി തീർത്തത്, ഈ വിഷയത്തിന്റെ പേരിൽ അത് വീണ്ടും കുത്തി പൊക്കാൻ അവൾ ആഗ്രഹിച്ചിരുന്നില്ല. മകനെ സമാധാനിപ്പിക്കാനായി അവന്റെ തലയിൽ പതിയെ തലോടി ” നീ തല്ക്കാലം വീട്ടിലേക്ക് ചെല്ല്. ക്ലാസ്സ് ടീച്ചറോട് ഞാൻ സംസാരിച്ചോളാം.. ”
” അവന്റെ കാര്യം…? ”
” അത് ഞാൻ നോക്കിക്കോളാം.. നീ ഇപ്പൊ വീട്ടിലേക്ക് ചെല്ല്.. ” നിരുപമ ഒരു വിധത്തിൽ അവനെ സാധാനിപ്പിച്ച് വീട്ടിലേക്ക് അയച്ചു.
” ഷിജുവിതെന്ത് ഭാവിച്ചാ..? ” നിരുപമക്ക് ആകെ തല പെരുത്തു.
വൈകുന്നേരം വീട്ടിൽ വന്നപ്പോഴാണ് മാളവിക കാര്യം അറിയുന്നത്. ഗോഹുലിന്റെ കവിളിലും, കൈയ്യിലുമൊക്കെ ചുവന്ന പാടുകൾ കണ്ട് അവൾക്ക് സങ്കടമായി.
” എന്നാലും ആ ദുഷ്ടൻ എന്തിനാ ചേട്ടനോട് ഇത്ര ദ്രോഹം ചെയ്തത്.. ” മാളവിക വിഷമത്തോടെ പറഞ്ഞു.
” അവന്റെ കഞ്ചാവ് വിഷയം പുറത്തു കൊണ്ടുവന്നതിന്റെ ദേഷ്യം തീർത്തതാ.. ” ഗോഹുൽ മറുപടി നൽകി.
” അമ്മയെന്താ പറഞ്ഞത്..? ”
” അറിഞ്ഞൂട.. അവന്റെ കാര്യത്തിൽ മുന്നേയുള്ള ദേഷ്യമൊന്നും അമ്മക്കിപ്പോ ഇല്ല.. ”
” ചേട്ടനോട് ഇത്രയൊക്കെ ചെയ്ത ഒരുത്തനെ അമ്മയെന്തായാലും വെറുതെ വിടത്തില്ല.. അതുറപ്പാ.. ചേട്ടൻ സമാധാനായിട്ടിരിക്ക്.. ” മാളവിക അവനെ ആശ്വസിപ്പിച്ചു.
അൽപ്പം കഴിഞ്ഞ് നിരുപമ അവിടേക്ക് എത്തി. ഗോഹുൽ പ്രതീക്ഷയോടെ കാര്യം തിരക്കി ” ഷിജുന്റെ കാര്യം എന്തായി..? അവനെ MEI ന്ന് പുറത്താക്കാൻ തീരുമാനിച്ചോ..? ”
” ഇല്ല.. ” നിരുപമ അവന്റെ മുഖത്ത് നോക്കാതെ മറുപടി നൽകി.
” അതെന്താ..? അമ്മ ഈ കാര്യം പ്രിൻസിപ്പലിന്റെ അടുത്ത് റിപ്പോർട്ട് ചെയ്തില്ലേ..? ”
” ഷിജുവിനോട് ഞാൻ സംസാരിച്ചോളാം, വേണ്ടതെന്താണെന്ന് വച്ചാ ഞാൻ ചെയ്തോളം.. തൽക്കാലം നീ റസ്റ്റ് എടുക്ക്. ”
” അമ്മ എന്തൊക്കെയാ ഈ പറയുന്നേ..? ഇപ്പൊ അവനോടെന്താ ഇത്ര സോഫ്റ്റ്കോർണർ..? എന്നെ തല്ലി ചതച്ച അവനെ ഉപദേശിച്ചു നേരെയാക്കാന്ന് കരുതുന്നുണ്ടോ.? ”
ഓരോന്നു ചിന്തിച്ചു ചിന്തിച്ച് ഒന്നാമതേ അവൾ frustrated ആണ്, അതിന്റെ കൂടെ മകന്റെ പിടിവാശി കൂടെ കേട്ടപ്പോൾ അവൾക്ക് സ്വയം ബോധം നഷ്ടപ്പെടുന്ന പോലെ തോന്നി. ഒരു നിമിഷം ദീർഘ ശ്വാസം എടുത്ത ശേഷം അവൾ പറഞ്ഞു ” നീ എന്റെ മകനാ.. ഷിജു എന്റെ സ്റ്റുഡന്റും, നിങ്ങൾ രണ്ട് പേർക്കും ഭാവിയിൽ ബുദ്ധിമുട്ട് ഉണ്ടാകരുത് എന്ന ചിന്തായാ ഒരു ടീച്ചർ എന്ന നിലയ്ക്ക് എന്റെ ഉത്തരവാദിത്തം. അതുകൊണ്ട് നീ ഈ വിഷയം ഊതി പെരുപ്പിച്ച് അവസ്ഥ വഷളാക്കണ്ട.. ”
” ഞാൻ എന്ത് ഊതി പെരുപ്പിച്ചൂന്നാ അമ്മയീ പറയുന്നേ..? എന്നെ മാത്രല്ല, കൂടെയുണ്ടായിരുന്ന ജിനുവിനെയും അവൻ തല്ലി. ”
” ഗോഹുലെ, എനി നീ ഈ വിഷയത്തെ കുറിച്ച് മിണ്ടെണ്ട. എങ്ങനെ കൈകാര്യം ചെയ്യണമെന്ന് എനിക്ക് അറിയാം.. ” അതും പറഞ്ഞ് നിരുപമ തന്റെ മുറിയിലേക്ക് പോയി.
അമ്മയുടെ ഈ അസാധാരണമായ പെരുമാറ്റം കണ്ട് ഗോഹുലിനെ പോലെ തന്നെ മാളവികക്കും അതിശയമായി. അവൾ ഉടനെ നിരുപമയുടെ മുറിയിലേക്ക് ചെന്നു. ” ചേട്ടനെ ഇത്രയൊക്കെ ഉപദ്രവിച്ച ഒരാളോട് അമ്മയെന്തിനാ ഇത്ര സോഫ്റ്റ് ആയിട്ട് പെരുമാറുന്നെ..? ”
Super story classile oru girl koodi set aaki threesom part koodi venam
ith pole vera story suggest cheyo ee pagil
pls vegam continue cheyane
Continue
Continue bro