തേജാത്മികം 7

Thejathmikam Part 7 | Author : Nishinoya

[ Previous Part ] [ www.kambi.pw ]

---

 

വീട്ടിൽ വന്ന് ഉറങ്ങാൻ കിടക്കുമ്പോൾ മനസ് നിറയെ ദേവു ആയിരുന്നു. അവളുടെ ഇഷ്ട്ടം എന്നോട് തുറന്നുപറഞ്ഞിരിക്കുന്നു. ഞാൻ എന്താ അവളോട് പറയേണ്ടത് ഇഷ്ട്ടം ആണെന്നോ അല്ലെന്നോ. ആലോചിച്ചിട്ട് ഒരു എത്തും പിടിയും കിട്ടുന്നില്ല. ദേവു നല്ല കുട്ടിയ ഒരു വീഴ്ചയിൽ എന്റൊപ്പം നിന്നവൾ.

ഇന്ന് എന്റെ ജീവന്റെ പാതിയാവാൻ ആഗ്രഹിക്കുന്നവൾ. എനിക്ക് അവളെ ഇഷ്ട്ടാണോ….? ഇഷ്ട്ടപെടാതിരിക്കാൻ കാരണങ്ങൾ ഒന്നും ഇല്ലല്ലോ. എന്തായാലും നാളെ ദേവൻ വരുമല്ലോ അവനോട് സംസാരിക്കാം. കാടുകയറിയ ചിന്തകളെ തല്കാലം ഒരു മൂലയിലേക്ക് മാറ്റി ഞാൻ ഉറങ്ങാൻ തയാറെടുത്തു. പിറ്റേന്ന് രാവിലെ ഇതുവരെ ഇല്ലാത്തൊരു സന്തോഷത്തോടെയാണ് എഴുന്നേറ്റത്.

 

“… എന്താടാ ഇന്ന് പതിവില്ലാതെ ഒരു മൂളിപ്പാട്ട് ഒക്കെ…” നല്ല ഡ്രസ്സ്‌ ഇട്ട് കണ്ണാടിക്ക് മുന്നിൽ നിന്നും മുടി ചീകി ഒതുക്കുന്ന എന്നോട് അമ്മ ചോദിച്ചു.

 

“…അയ്യേ ഈ ചെക്കൻ. വിടെടാ എന്നെ…” സന്തോഷത്തിൽ കൈയിലെ സ്പ്രേ അടുത്ത്‌ അമ്മയുടെ ദേഹത്ത് അടിച്ചു ശേഷം മൂളിപ്പട്ടിനൊത്ത് അമ്മയുടെ കൈകൾ പിടിച്ച് ചുവട് വച്ചു.

 

“… എങ്ങനെ ഉണ്ട് അമ്മേ എന്നെ കാണാൻ…” രണ്ട് കൈയ്യും വിരിച്ച് ഞാൻ അമ്മയോട് ചോദിച്ചു.

 

“… എന്റെ മോൻ സൂപ്പർ അല്ലെ…” അത് കേട്ടതും ഞാൻ അമ്മയെ കെട്ടിപ്പിടിച്ച് ഒരു ഉമ്മ കൊടുത്തു.

 

“… ഈ ചെറുക്കന് ഇത് എന്ത പറ്റിയെ. ടാ വല്ലതും കഴിച്ചിട്ട് പോടാ…” സന്തോഷത്തിൽ ഡാൻസും കളിച്ച് പുറത്തേക്ക് ഇറങ്ങിയ എന്നോട് അമ്മ വിളിച്ചു പറഞ്ഞു.

 

“… ഞാൻ ഒരു ഇമ്പോർട്ടന്റ് കാര്യത്തിന് പോവാ. തിരിച്ചു വന്നിട്ട് കഴിക്കാം…” ബൈക്ക് സ്റ്റാർട്ട്‌ ചെയ്യുന്ന സമയം ഞാൻ വിളിച്ചു പറഞ്ഞു.

 

ഏറെ നാൾക്ക് ശേഷമാ തേജസ്‌ ഇങ്ങനെ സന്തോഷത്തോടെ ചിരിച്ചു കാണുന്നത്. ദേവൻ എന്തായാലും എന്റെയും ദേവൂന്റെയും ആഗ്രഹത്തിന് എതിര് പറയില്ല. അല്ലെങ്കിലും ഇത്രയും നല്ല അളിയനെ അവന് വേറെ എവിടെന്നു കിട്ടാനാ അതൊക്കെ ചിന്തിക്കുമ്പോൾ ഉള്ളിൽ ഒരു കള്ളച്ചിരി തെളിഞ്ഞു. ദേവനെ കണ്ട് കാര്യങ്ങൾ പറയാനുള്ള തിടുക്കത്തിൽ അവന്റെ വീട്ടിലേക്ക് ബൈക്ക് പറപ്പിച്ച് വിട്ടു. ദേവനെ കാണാനാണ് പോകുന്നത് ആണെങ്കിലും തേജസിന്റെ മനസ് മുഴുവൻ ദേവു ആയിരുന്നു.

 

“… നീ ഇത് എങ്ങോട്ട…” രാവിലെ തന്നെ ഡ്രസ്സ്‌ മാറി ഇറങ്ങുന്ന ദേവനോട് ഹാളിൽ ഇരുന്ന് tv യിലെ വാർത്ത കണ്ടിരുന്ന അവന്റെ അച്ഛൻ തിരക്കി.

 

“…തേജസിനെ ഒന്ന് കണ്ടിട്ട് വരാം…”

 

“…നീ ഒന്ന് ഇരുന്നേ എനിക്ക് നിന്നോട് കുറച്ച് കാര്യങ്ങൾ സംസാരിക്കാൻ ഉണ്ട്…” Tv ഓഫ്‌ ചെയ്ത് അവന്റെ അച്ഛൻ പറഞ്ഞതും. ദേവനും അതനുസരിച്ച് പുള്ളിയുടെ മുന്നിൽ ഇരുന്നു.

 

“… ഉടനെ ദേവൂന്റെ കല്യാണം നടത്തണം…” അച്ഛൻ നേരെ കാര്യത്തിലേക്ക് കടന്നു.

 

“…ദേവൂന്റെ കല്യാണമോ. അച്ഛൻ ഇത് എന്തൊക്കെയാ പറയുന്നേ. അവൾ പഠിക്കയല്ലേ…” ഒരു ഞെട്ടലോടെയാണ് ദേവൻ ചോദിച്ചത്.

 

“…പഠിപ്പ് ഒക്കെ മതി. കണ്ണിക്കണ്ട തെണ്ടി ചെക്കന്മാരുടെകൂടെ കറങ്ങി നടന്ന് കുടുംബത്തിന് ചീത്തപ്പേര് ഉണ്ടാക്കുന്നത് മുന്നേ കെട്ടിക്കുന്നതാ നല്ലത്…”

 

“… ചീത്ത പേരോ.? അച്ഛൻ ഇത് എന്തൊക്കെയാ പറയുന്നേ…” ഒന്നും മനസ്സിലാവാതെ ദേവൻ ചോദിച്ചു.

 

“… എന്നെകൊണ്ട് ഒന്നും പറയിപ്പിക്കണ്ട. നിന്റെ പുന്നാര കൂട്ടുകാരൻ ഉണ്ടല്ലോ അവന്റൊപ്പമാ നിന്റെ പെങ്ങളുടെ കറക്കം. ആ ജ്വലെറിയിലെ തോമസ് വിളിച്ചു പറഞ്ഞപ്പോ എന്റെ തൊലി ഉരിഞ്ഞു പോയി…”

 

“…അങ്ങേര് എന്തോന്നാ പറഞ്ഞെ 😡…”

 

“…എടുത്തവായിലെ സ്വന്തം മോളെ ഇങ്ങനെ അഴിഞ്ഞാടാൻ വിട്ടേക്കുവാണൊന്ന തോമസ് ചോദിച്ചത്…”

 

“… ഇങ്ങേരെ ഇന്ന് ഞാൻ…” ദേഷ്യത്താൽ കൈ ചുരുട്ടി ദേവൻ എഴുനേറ്റു.

 

“… നീ ഇത് എങ്ങോട്ടാ…”