“…രാവിലെ മുതൽ ഞാൻ നിന്നെ വിളിക്കുന്നത് അല്ലെ എന്നിട്ട് ഇപ്പോഴാണോ വരുന്നേ. ഇവിടെ എല്ലാരും ഇറങ്ങാൻ നില്കാണ് 😡…” ഞാൻ വരാൻ വൈകിയതിന്റെ ദേഷ്യം തീർക്കുന്നത് ആണ്.
“… ദേ അതാണ് നമ്മുടെ ദേവൂന്റെ ചെക്കൻ…” ആൾക്കൂട്ടത്തിന്റ ഇടയിലെ ഒരാളെ ചൂണ്ടി ദേവൻ പറഞ്ഞു.
പയ്യനെ കണ്ടതും എന്റെ ചങ്കിടിപ്പ് കൂടി അറിയാതെ എന്റെ ചുണ്ടുകൾ മന്ത്രിച്ചു “… നിരഞ്ജൻ…”
“… തേജസെ…” ഞാൻ അവനെ കണ്ട അതെ വേളയിൽ അവൻ എന്നെയും കണ്ടു. അപ്പൊ തന്നെ കൈകൾ ഉയർത്തി അവൻ എന്നെ വിളിച്ചു.
“…നിനക്ക് പയ്യനെ അറിയോ…” കൗതുകത്തോടെ ദേവൻ അത് ചോദിച്ചതും ഞാൻ അറിയാമെന്ന മട്ടിൽ മൂളി.
“…നിങ്ങൾ സംസാരിച്ചു നില്ക്ക് എനിക്ക് കുറച്ച് പണിയുണ്ട്. കിച്ചു വന്നെടാ…” എന്റെ അടുത്തേക്ക് വരുന്ന നിരഞ്ജനെ കണ്ടതും എന്നെ എവിടെയാക്കി ദേവൻ കിച്ചുവിനെയും കൂട്ടി പോയി.
“… നീ എന്താ ഇവിടെ 😡…” നിരഞ്ജൻ എന്റെ അടുത്തേക്ക് വന്നതും ദേഷ്യത്തോടെ ഞാൻ ചോദിച്ചു.
“…കൂട്ടുകാരൻ പറഞ്ഞില്ലായിരുന്നോ ഞാനാ ദേവൂനെ കെട്ടാൻ പോകുന്ന കല്യാണ ചെക്കൻ…” കുറച്ചു അഹങ്കാരത്തോടെയാണ് നിരഞ്ജൻ അത് പറഞ്ഞത്.
“…പണ്ട് ഞാൻ അവളുടെ കൈക്ക് പിടിച്ചെന്ന് പറഞ്ഞല്ലേ നീ എന്നെ തല്ലിയത് ഇനി പൂർണ അധികാരത്തോടെ അവളുടെ ദേഹത്ത് ഇഷ്ട്ടമുള്ളയിടത്ത് ഞാൻ തൊടും നീ എന്ത് ചെയ്യും…” കത്തുന്ന കണ്ണുകളോടെ നിരഞ്ജൻ എന്നോട് ചോദിച്ചു.
“… ഇത് കണ്ട അവൾ ചാർത്തിയ മോതിരമാണ്. ഇത് ഇപ്പൊ ഒരു ലേർണർസ് ആയി കരുതിയാൽ മതി ലൈസൻസ് കിട്ടുമ്പോൾ ആ വണ്ടി ഞാൻ നല്ലപോലെ ഓടിച്ചു പദം വരുത്തും…” നിച്ഛയ മോതിരത്തിൽ ഉമ്മവെച്ചുകൊണ്ട് അവൻ പറഞ്ഞു.
“…എന്നെ തല്ലി ഹോസ്പിറ്റലിൽ ആക്കിയിട്ട് നീയും അവളും പുറത്ത് ആർമാതിക്കായിരുന്നല്ലേ. നാലഞ്ചു മാസം എടുത്തു ഹോസ്പിറ്റലിൽ നിന്നും ഇറങ്ങാൻ. പുറത്ത് വന്നപ്പോ കാണുന്നതൊ നീയും അവളും തിയേറ്ററിലും പാർക്കിലും ചുറ്റി നടക്കുന്നത്. എന്റെ സന്തോഷം കളഞ്ഞിട്ട് നീയൊന്നും അങ്ങനെ സുഖിക്കണ്ട…” നിരഞ്ജൻ കത്തി കേറി.
“… നിന്നെ തല്ലി തോല്പിക്കാനുള്ള കഴിവൊന്നും എനിക്ക് ഇല്ല. പക്ഷെ ഞാൻ ശരീരികമായി അനുഭവിച്ച വേദനയുടെ പത്ത് മടങ്ങ് മാനസികമായി നിനക്ക് ഞാൻ തിരിച്ചു തരും. പിന്നെ അവളുടെ കാര്യം അത് കല്യാണം കഴിഞ്ഞ് വേണ്ടപോലെ ഞാൻ കൈകാര്യം ചെയ്യുന്നുണ്ട്…”
“… ടാ😡…” ദേഷ്യത്തിൽ അവനെ തല്ലാനായി കൈ മുറുക്കിയതും
“…എന്താടാ നിനക്ക് ദേഷ്യം വരുന്നുണ്ടോ. എന്നെ തല്ലാൻ തോന്നുന്നുണ്ടോ എന്നാ തല്ലിക്കോ…” ഇടി കൊള്ളാനായി അവൻ എനിക്ക് നേരെ മുഖം നീട്ടി.
“… നീ എന്നെ ഇടിക്കുന്ന ഓരോ ഇടിയിലും ഈ കല്യാണം നടക്കാനുള്ള സാധ്യത കൂടും…” വീടിന്റെ ഉമ്മറത്ത് നിൽക്കുന്ന ദേവൂന്റെ അച്ഛനെ നോക്കി നിരഞ്ജൻ പറഞ്ഞു. അത് കേട്ടതും ഞാൻ കൈകൾ ലൂസ് ആക്കി.
“…ആഹാ എനിക്ക് നിന്നെ നല്ലപോലെ ബോധിച്ചു. ഞാൻ ഉദ്ദേശിച്ചത് എല്ലാം നിനക്ക് മനസിലാവുന്നുണ്ട്. ഇനി ഞാൻ പറയുന്നത് നീ ഒരു വെല്ലുവിളിയായി തന്നെ കൂട്ടിക്കോ നിന്നെക്കൊണ്ട് കഴിയുമെങ്കിൽ നീ ഈ കല്യാണം ഒന്ന് മുടക്കി കാണിക്ക് ഞാൻ കാണട്ടെ നിന്റെ ചങ്കൂറ്റം.ഇല്ലെങ്കിൽ അതെ കല്യാണ പന്തിയിൽ നിനക്ക് ഞാൻ ഒരു ഇല ഇടും അതും വടിച്ചു നക്കിയിട്ട് പൊയ്ക്കോണം😏…” എന്റെ തോളിൽ തട്ടി അത്രയും പറഞ്ഞ് അവൻ എന്റെ പക്കൽ നിന്നും നടന്നകന്നു. ഒന്നും ചെയ്യാൻ കഴിയാതെ ദേഷ്യം കടിച്ചമർത്തി ഞാൻ അവിടെത്തന്നെ നിന്നു.
ദേവന്റെ ബന്ധുക്കൾ ഏറെ സന്തോഷത്തോടെ നിരഞ്ജനെയും കൂടെ ഉള്ളവരെയും യാത്രയാക്കി. ഞാൻ ഇതിലൊന്നും പങ്കുചേരാതെ മാറിനിന്നു. എങ്കിലും പോകുന്ന വേളയിൽ വിജയി ഭാവത്തിൽ നിരഞ്ജൻ എന്നെ നോക്കാൻ മറന്നില്ല. അവർ പോയ ശേഷം ദേവന്റെ ബാക്കി ബന്ധുക്കൾക്ക് വിളമ്പി കൊടുക്കാൻ ദേവൻ എന്നെയും കിച്ചുവിനെയും കൂട്ടി. കഴിച്ചു കഴിയുന്ന വിധം ഓരോരുത്തരായി സ്ഥലം കാലിയാക്കി. അവസാനം കഴിക്കാൻ ഞാനും കിച്ചുവും ദേവനും ബാക്കിയായി.