“… മക്കളെ നിങ്ങൾ കഴിക്കുന്നില്ലേ…” ദേവന്റെ അമ്മ ഞങ്ങളോട് ചോദിച്ചു.
“… പിന്നെ കഴിക്കാതെ. ഭയങ്കര വിശപ്പ് അമ്മ വന്ന് വിളമ്പി തന്നെ…” ദേവൻ സ്നേഹത്തോടെ അമ്മയെ വിളിച്ചു.
“…ഞങ്ങളും സഹായിക്കാം അമ്മേ…” അപ്പുറത്ത് മാറിയിരുന്ന് ദേവൂനോട് സംസാരിച്ചോണ്ട് ഇരുന്ന ദേവുവിന്റെ കൂട്ടുകാരികളും ഓടി എത്തി.
ശേഷം എല്ലാരും കൂടി ഞങ്ങൾക്ക് വിളമ്പാൻ തുടങ്ങി കൂട്ടത്തിൽ ദേവൂവും അവർക്ക് ഒപ്പം ഉണ്ടായിരുന്നു. വിളമ്പുന്നതിന്റെ ഇടക്ക് കിച്ചു ഓരോ വളിപ്പ് അടിച്ചോണ്ടിരുന്നു അമ്മയും ദേവനും പെണ്ണ് പടകളും നിർത്താതെ ചിരിച്ചോണ്ടിരുന്നു. എന്നാൽ ഞാനും ദേവൂവും മുഖരായിരുന്നു. കഴിച്ചു കഴിഞ്ഞതും ഞങ്ങൾ എല്ലാരും അടുത്തുള്ള കുള പടവിലേക്ക് പോയി. പെണ്ണ് പടക്ക് കിച്ചുവിനെ നല്ലപോലെ ബോധിച്ചു എല്ലാരും അവന് ചുറ്റുമുണ്ട്. പടവിലെ തണലുള്ള ഇടത്തായി ഞങ്ങൾ എല്ലാരും ഇരുന്നു. മറ്റുള്ളവർ കാര്യമായ എന്തോ ചർച്ചയിൽ ആയിരുന്നു ഇടക്ക് ദേവനെ അവന്റെ അച്ഛൻ വിളിച്ചതും അവൻ വീട്ടിലേക്ക് പോയി. കിച്ചു ആണെങ്കിൽ കുളം ഒന്ന് മൊത്തത്തിൽ കാണാൻ പെൺപടകളെയും കൊണ്ട് പോയി. ഇപ്പൊ ആ കുളപടവിൽ ഞാനും ദേവൂവും മാത്രം.
“… നിരഞ്ജനെ നിനക്ക് അറിയാവുന്നത് അല്ലെ പിന്നെ എന്തിനാ ഈ കല്യാണത്തിന് സമ്മതിച്ചേ…” മൗനം വെടിഞ്ഞ് ഞാൻ ചോദിച്ചു.
“… സമ്മതം😏. എല്ലാർക്കും സ്വന്തം അന്തസ്സും അഭിമാനവും നേട്ടങ്ങളുമാണ് വലുത് അതിന്റെ ഇടയിൽ എന്റെ ഇഷ്ട്ടവും ഇഷ്ടക്കേടും ആര് നോക്കാൻ…” കൈയിലെ കുഞ്ഞ് കല്ലുകൾ ഓരോന്നായി കുളത്തിലേക്ക് എറിഞ്ഞ് ദേവു പറഞ്ഞു.
“… ദേവു നിന്റെ നല്ലതിന ഞാൻ പറയുന്നേ. അവന്റെ ഒപ്പം പോയാൽ നിന്റെ ജീവിതം നശിക്കും എങ്ങനേലും ഇതിൽ നിന്നും പിന്മാറാൻ നോക്ക്…”
“…ചേട്ടന്റെ ഒപ്പം അല്ലാതെ വേറെ ആരെക്കൂടെ ജീവിച്ചാലും എനിക്ക് അത് നരകം പോലെയാണ്…”
“… ദേവു പ്ലീസ് ഞാൻ പറയുന്നത് ഒന്ന് മനസ്സിലാക്ക്…” ഞാൻ എങ്ങനേലും നിരഞ്ജന്റെ കൈയിൽ നിന്നും ദേവൂനെ രക്ഷിക്കാൻ നോക്കി.
“…എന്നോട് അത്രക്ക് സ്നേഹം ഉണ്ടെങ്കിൽ ചേട്ടൻ ഈ കല്യാണം മുടക്കി എന്റെ കഴുത്തിൽ താലി കേട്ട്…” അത്രയും നേരം സംസാരിച്ചിണ്ടിരുന്ന തേജസിന്റെ വാ അടഞ്ഞു.
“… ഏട്ടൻ ഇത് കൂടി കേട്ടോ. എനിക്ക് ഈ കല്യാണം മുടക്കാൻ പറ്റില്ല പക്ഷെ ചേട്ടൻ ഈ നിമിഷം വിളിച്ചാൽ പോലും ചേട്ടന്റെ ഒപ്പം ഇറങ്ങി വരാൻ ഞാൻ തയ്യാർ ആണ്. ഇനി ചേട്ടൻ തീരുമാനിച്ചോ താലികെട്ടാൻ ഞാൻ ആ ദുഷ്ടന് കഴുത്ത് നീട്ടികൊടുക്കണോ അതോ ചേട്ടന് കഴുത്ത് നീട്ടി തരണോ എന്ന്…” ദേവു അതും പറഞ്ഞ് വീട്ടിലേക്ക് ഓടി പോയി. എന്ത് ചെയ്യും എന്ന് അറിയാതെ ഏകനായി ഞാൻ അവിടെ ഇരുന്നു.
ചങ്ക് പറിച്ച് കൂടെ നിൽക്കുന്ന കൂട്ടുകാരന്റെ വിശ്വാസം ഒരു വശത്ത്
എന്നെ പ്രാണനായി കരുതി സ്നേഹിക്കുന്നവൾ മറുവശത്ത്…
ജീവിതത്തിന്റെ തുലാസിൽ ഞാൻ ആർക്ക് മുൻതൂക്കം കൊടുക്കും..?
തുടരും…
**__________**_____________** ___________**
കഴിഞ്ഞ പാർട്ടിലെ അഭിപ്രായങ്ങൾ വായിച്ചു അതിൽ ഒരു കമന്റ് വളരെ interesting ആയി തോന്നി. തേജസിനെ single ആയി തന്നെ നിർത്തിക്കൂടെ എന്ന്. മനുഷ്യൻ അല്ലെ പുള്ളേ ഓനും ആഗ്രഹങ്ങൾ ഉണ്ടാവില്ലേ 🫣.
കിച്ചുവിനെ ഇഷ്ട്ടമായി എന്ന് അറിയിച്ചതിൽ ഒരുപാട് സന്തോഷം ഒപ്പം ബൈക്കിന്റെ സീൻ എഴുതിയത് കുറച്ചു കൂടിപ്പോയോ എന്ന് തോന്നിയിരുന്നു. പക്ഷെ നിങ്ങളിലേക്ക് അത് കണക്ട് ആയി എന്ന് അറിഞ്ഞതിൽ ഒരുപാട് സന്തോഷം.
നെഗറ്റീവ് പറയുന്നവൻ ഒരു സൈഡിൽ നിന്നോട്ടെ എങ്ങാനും ഭാവിയിൽ നന്നായാലോ 😁. തനു സമയം ആവുമ്പോൾ നിങ്ങളിലേക്ക് എത്തും അതുവരെ എല്ലാരും ഒന്ന് ക്ഷമിക്കുക.
വായിച്ചശേഷം അഭിപ്രായം പങ്കു വയ്ക്കാൻ മറക്കരുത് ഒപ്പം നിങ്ങളുടെ സംശയങ്ങളും തുറന്ന് ചോദിക്കുക. നിങ്ങളോട് ഇങ്ങനെ ഇൻട്രാക്ട് ചെയ്യുമ്പോൾ വല്ലാത്ത ഫീൽ ആണ് അതുകൊണ്ട് പറഞ്ഞതാ 🥰.