“… അച്ഛൻ എവിടെ…” വെപ്രാളത്തോടെ ദേവൻ ചോദിച്ചു.
“…അച്ഛൻ മുകളിൽ ഉണ്ട്. എന്താടാ കാര്യം…” അമ്മയോട് ഒന്നും വിവരിക്കാതെ ദേവൻ നേരെ മുകളിലേക്ക് പാഞ്ഞു.
“… അച്ഛാ…” ബാൽക്കണിയിലെ ചാരുകസേരയിൽ കണ്ണടച്ചിരുന്ന് സ്പീക്കറിലെ ഗാനത്തിന് ഒത്ത് മുറുക്കുകയാണ് അച്ഛൻ.
“… എന്താടാ…” കണ്ണ് തുറക്കാതെ തന്നെ അച്ഛൻ കാര്യം തിരക്കി.
“… അച്ഛാ നമ്മുടെ ദേവൂന് ഈ കല്യാണം വേണ്ട…”
മുറുക്കാൻ ചവച്ചോണ്ടിരുന്ന വായ നിഛലമായി. പെട്ടെന്ന് കണ്ണുകൾ തുറന്ന് ചാരുകസേരയിൽ നിവർന്നിരുന്ന് തറയിൽ വച്ചിരുന്ന കോളാമ്പി എടുത്ത് നീട്ടി തുപ്പിയ ശേഷം ദേവനോട് കാര്യം തിരക്കി.
“… അച്ഛാ ആ നിരഞ്ജൻ ആൾ അത്ര ശെരിയല്ല…”
“…മ്മ്…എന്ത് പറ്റി…”
“…അച്ഛാ അവൻ കുറച്ചുകാലം ആശുപത്രിയിൽ കിടന്നത് ആക്സിഡന്റ് പറ്റിയിട്ട് അല്ല. ഏതോ പെണ്ണിനെ കേറി പിടിച്ചതിന് കോളേജിലെ പിള്ളേർ എല്ലാം കൂടി എടുത്തിട്ട് പെരുമാറിയത…”
“…അത് അവന്റെ അച്ഛൻ എന്നോട് പറഞ്ഞിരുന്നു. കോളേജ് കലോത്സവത്തിന് എങ്ങാണ്ട് വെച്ച് ഏതോ പെണ്ണിനെ കണ്ട് അവന് ഇഷ്ട്ടപെട്ടെന്ന്. അവളോട് ആ ഇഷ്ട്ടം തുറന്നു പറഞ്ഞപ്പോ അവൾക്ക് അത് പിടിച്ചില്ല. അവളുടെ കൂട്ടുകാരോട് ചെന്ന് പറഞ്ഞ് ആകെ വിഷയം ഉണ്ടായെന്ന ഞാൻ അറിഞ്ഞേ…” മുറുക്കി തുപ്പിയ ശേഷം നിസാരമട്ടിൽ അച്ഛൻ പറഞ്ഞു.
“… പിന്നെ അവൻ മദ്യപിക്കും, കഞ്ചാവ് ഒക്കെ അടിക്കും എന്നാ ഞാൻ അറിഞ്ഞേ…”
“… ഹാ… ഹാ… ഈ കാലത്ത് ആരാടാ രണ്ടെണ്ണം അടിക്കാത്തത്. പിന്നെ കഞ്ചാവ് അവൻ അങ്ങനെ ഒരു പയ്യൻ ആണെന്ന് എനിക്ക് തോന്നുന്നില്ല…” അട്ടഹാസിച്ചോണ്ട് അച്ഛൻ പറഞ്ഞു.
“…എന്റെ ആയകാലത്ത് ഞാൻ ചെയ്തത് വെച്ച് നോക്കുമ്പോൾ അവൻ എന്ത് ഡീസന്റ് ആണെന്നോ. അതൊക്കെ പോട്ടെ നിനക്ക് നാട്ടുകാർ പറയുന്നത് ഒന്നും പ്രശ്നം അല്ല എന്ന് പറയുന്ന പുരോഗമന വാദി അല്ലെ. ഇപ്പോ എന്ത് പറ്റി…” ദേവനെ പരിഹസിച്ചോണ്ട് അച്ഛൻ ചോദിച്ചു.
“… നാട്ടുകാർ അല്ല തേജസ പറഞ്ഞത്…”
“…ആഹ് കൊള്ളാം. ദേവൂന് നല്ലൊരു ചെക്കനെ കിട്ടിയതിന്റെ കണ്ണുകടിയാ അവന്. ഞാൻ അന്ന് പറഞ്ഞത് തന്നെയാ കാര്യം എങ്ങനേലും അവന് ദേവൂനെ സ്വന്തമാക്കി ഈ വീട്ടിൽ കേറിപ്പറ്റണം. അതിന് വേണ്ടി കാണിച്ചു കൂട്ടുന്നത ഇതൊക്കെ…”
“…അച്ഛാ ഞാൻ നേരത്തെ പറഞ്ഞു തേജസ് അങ്ങനെയുള്ള ഒരുത്തൻ അല്ല😡…”
“… പിന്നെ എന്തിനാ എന്റെ കുടുംബ കാര്യത്തിൽ അവൻ ഇടപെടുന്നത്. ഇന്നലെ അവൻ നിച്ചയത്തിന് വന്നതേ എനിക്ക് തീരെ പിടിച്ചിട്ടില്ല. നല്ലൊരു ദിവസമായിട്ട് പ്രശ്നം ഉണ്ടാക്കേണ്ട എന്ന് കരുതിയ ഞാൻ ഒന്നും മിണ്ടാതെ ഇരുന്നത്…”
“… നിരഞ്ജന്റെ കാര്യത്തിൽ അച്ഛന്റെ നിലപാട് എന്താ…” ദേവൻ നേരെ കാര്യത്തിലേക്ക് കടന്നു.
“… ആര് എന്ത് പറഞ്ഞാലും നിച്ഛയിച്ച കല്യാണത്തിൽ നിന്നും ഒഴിയാൻ ഞാൻ തയ്യാർ അല്ല…”
“… അപ്പൊ ദേവുവിന്റെ ജീവിതമോ…” നിസ്സഹായനായി ദേവൻ ചോദിച്ചു.
“…നിനക്ക് അറിയാലോ നമ്മളെ പോലെ വലിയൊരു കുടുംബമാ അവരുടേതും. ഈ വിവാഹം നടക്കുന്നതിലൂടെ നമ്മുടെ ബിസിനസിനും ഉയർച്ച ഉണ്ടാവും. നിരഞ്ജന്റ അച്ഛനെ എനിക്ക് നല്ലപോലെ അറിയാം അതുകൊണ്ട് എന്റെ മോൾ അവിടെ സുരക്ഷിതയായിരിക്കും…”
“…അച്ഛൻ ആനപ്പുറത്ത് കയറിയെന്ന് പറഞ്ഞ് മോന്റെ കുണ്ടിക്ക് തഴമ്പ് വരില്ലല്ലോ 😡. ദേവൂനെ കെട്ടുന്നത് നിരഞ്ജൻ അല്ലെ അല്ലാതെ അവന്റെ അച്ഛൻ അല്ലല്ലോ. അപ്പൊ അവന്റെ സ്വഭാവം അല്ലെ നമ്മൾ നോക്കേണ്ടത്…”
“… എന്റെ കാഴ്ചപ്പാടിൽ അവന് ഒരു കുഴപ്പവും ഇല്ല. നാട്ടിലും നല്ല പേര് തന്നെയാ അവന്. ഇനി എന്തെങ്കിലും കുഴപ്പം ഉണ്ടെങ്കിൽ ഈ കല്യാണത്തോടെ അത് മാറിക്കോളും…”