“…അവനോട് ഇതെപ്പറ്റി സംസാരിക്കുന്നത് നടക്കണ കേസ് അല്ല…” അന്ന് ദേവന്റെ വീട്ടിൽ അവൻ അച്ഛനോട് സംസാരിച്ച ഓർമയിൽ പറഞ്ഞു.
“… ശെടാ ഇതിപ്പോ വല്ലാത്ത ഊരകുടുക്ക് ആയല്ലോ. എന്ത് ചെയ്യും എന്ന് ഒരു പിടിയും കിട്ടുന്നില്ലല്ലോ…” കിച്ചുവും ഈ വിഷയത്തെ കുറിച്ച് ഗാഡമായി ചിന്തിക്കാൻ തുടങ്ങി.
കിച്ചുവും തേജസും അറിയാവുന്ന പണി പതിനെട്ടു പയറ്റിയിട്ടും കല്യാണം മുടക്കാൻ കഴിഞ്ഞില്ല. നാളെയാണ് കല്യാണം അതിനാൽ തന്നെ പെണ്ണിന്റെ വീട്ടിലെ ഫങ്ക്ഷൻ താകൃതിയായി തന്നെ നടക്കുന്നുണ്ട്. എല്ലാത്തിനും തേജസിനെയും കിച്ചുവിനെയും ദേവൻ ഒപ്പം കൂട്ടി.
“… എടി ഇനി എന്താ ചെയ്യാ…” അണിനൊരുങ്ങി ക്യാമറക്ക് മുന്നിൽ നിന്ന ദേവൂനോട് കൂട്ടുകാരി പരിഭ്രാമത്തോടെ ചോദിച്ചു.
“… എനിക്ക് ഒന്നും അറിയില്ലടി…” വിഷമത്തോടെ ദേവു പറഞ്ഞു.
“…നിനക്ക് ഈ വിവാഹം വേണ്ടെന്ന് പറഞ്ഞാലോ…”
“…എന്റെ അച്ഛനെകുറിച്ച് നിനക്ക് അറിയാഞ്ഞിട്ട. കുടുംബത്തിന്റെ അന്തസ്സും അഭിമാനവും കഴിഞ്ഞേ അച്ഛന് അമ്മയും ഞാനും ചേട്ടനുമൊക്കെ ഉള്ളു. അങ്ങനെ ഉള്ളയാളെ അടുത്ത് ഞാൻ എന്ത് പറയാനാ…”
“… എന്നാ പിന്നെ നിനക്ക് നിന്റെ ഏട്ടന്റെ അടുത്ത് പറയായിരുന്നില്ലേ…”
“… ഏട്ടന്റെ അടുത്ത് എന്ത് പറയാനാ. തേജസ് ഏട്ടനോട് ഞാൻ എന്റെ ഇഷ്ട്ടം പറഞ്ഞത് അല്ലാതെ എന്നെ ഇഷ്ടമാണെന്ന് പുള്ളി എന്നോട് പറഞ്ഞിട്ടില്ല. പിന്നെയങ്ങനെ ദേവേട്ടനോട് ഞാനും തേജസ് ഏട്ടനും ഇഷ്ട്ടത്തിൽ ആണെന്ന് പറയും…”
“… പുല്ല് എല്ലാം കൊണ്ടും പണി ആണല്ലോ. ഇനി എന്ത് ചെയ്യാനാ…” കൈയിലെ നഖം കടിച്ചു തുപ്പി കൂട്ടുകാരി ചോദിച്ചു.
“…എനിക്ക് ഉറപ്പ് ഉണ്ട് തേജസേട്ടൻ എങ്ങനേലും ഈ വിവാഹം മുടക്കി എന്റെ കഴുത്തിൽ താലി കെട്ടും എന്ന്…” ദേവു ഉറച്ച വിശ്വാസത്തോടെ പറഞ്ഞു.
“…ആ ബെസ്റ്റ്. നിന്റെ വിശ്വസ്ഥനായ തേജസ് ഏട്ടൻ അവിടെ കാലവറയിൽ നിന്ന് നാളത്തേക്കുള്ള പായസം ഇളക്കുന്നുണ്ട്…” ദേവൂന്റെ കൂട്ടുകാരി പുച്ഛത്തോടെ പറഞ്ഞു.
“… ആശാനേ നാളത്തെ സാമ്പാറിൽ കുറച്ച് ബിം കലക്കിയല്ലോ…” കല്യാണം എങ്ങനെ മുടക്കാം എന്ന ചിന്തയിൽ നിന്ന കിച്ചുവിനെയും തേജസിനെയും ചിക്കൻ കറി എടുക്കാൻ ദേവൻ കലവറയിലേക്ക് പറഞ്ഞു വിട്ടതാ.
“… എടാ മണ്ട കല്യാണം കഴിഞ്ഞിട്ടാ സദ്യ കൊടുക്കുന്നെ. അപ്പൊ ആഹാരത്തിൽ ബിം കലക്കിയിട്ട് വല്ല കാര്യം ഉണ്ടോ…”
“…ഓ അതും ശരിയാണല്ലോ. എന്നാ വെൽക്കം ഡ്രിങ്കിൽ കലക്കിയല്ലോ…” എന്തോ വലിയ സംഭവം കണ്ട് പിടിച്ച മട്ടിൽ കിച്ചു തേജസിനെ നോക്കിയതും തേജസ് കിച്ചുവിനെ ഉഴപ്പിച്ചു നോക്കി.
“…വേണ്ടല്ലേ 😁. എന്നാ നമുക്ക് ചെക്കന് അവിഹിതം ഉണ്ടെന്ന് പറഞ്ഞ് പരത്തിയാലോ…”
“… ആഹ് ബെസ്റ്റ്. അവൻ ഒരു പെണ്ണ് പിടിയൻ ആണെന്ന് പറഞ്ഞിട്ട് ഇവിടെ ആർക്കും ഒരു കുലുക്കവും ഇല്ല അപ്പോഴാ അവിഹിതം 😏…” രണ്ടുപേരും ചർച്ച ചെയ്ത് നടന്ന് നടന്ന് പെണ്ണ് ഒരുങ്ങി നിൽക്കുന്ന വേദിയുടെ അടുത്തേക്ക് എത്തി.
“…അപ്പൊ അതും വേണ്ട. ദേ ആശാനേ ദേവു ചേച്ചി നോക്കുന്നു…” സംശത്തിന്റെ ഇടക്ക് കിച്ചുവിന്റെ കണ്ണ് പോയി പതിച്ചത് ദേവുവിന്റെ മുഖത്തേക്ക് ആണ്.
“… എടി ദേവു ഇവർ നിന്റെ കല്യാണം മുടക്കാനാണോ നടത്തനാണോ വന്നത്…” തേജസിന്റെ കൈയിലെ ചിക്കൻ കറി ഉള്ള തൊട്ടിനോക്കി കൂട്ടുകാരി ചോദിച്ചു. അത് കണ്ടതും ദേവുവിന് വല്ലാത്ത ദേഷ്യം വന്നു. തേജസിനെയും തൊട്ടിയിലേക്കും മാറി മാറി നോക്കി.
“… ആശാനേ ചേച്ചിടെ മൂഡ് അത്ര ശെരിയല്ല എന്ന് തോന്നുന്നു. തല്ക്കാലം നമുക്ക് ചേച്ചിടെ മുന്നിൽ പെടാതെ നടക്കാം…” ദേവുവിന്റെ സ്വഭാവം അറിയാവുന്ന കിച്ചു തേജസിനെയും കൂട്ടി അവിടെന്ന് മാറി.