ഇന്ന് വെളുപ്പിന്
എന്നിട്ട് ഇപ്പോഴാണോ വിളിച്ചു പറയണേ
നീ ഓടിയിങ് വരുവൊന്നും വേണ്ടാ നിന്റെ പരീക്ഷ കഴിഞ്ഞിട്ട് വന്നാ മതി
ഞാൻ വെള്ളിയാഴ്ച്ച വരാമേട്ടാ
വേണ്ട..വേണ്ട നീ മര്യാദക്ക് അവിടിരുന്നു പഠിക്ക് അവളും കുഞ്ഞും വീട്ടിലേക്കു തന്നാ വരുന്നേ നീ പരീക്ഷ കഴിഞ്ഞു വന്നാ മതി
ഞാൻ വെള്ളിയാഴ്ച്ച വരും
എടാ അവളും കൊച്ചും സുഖമായിട്ടിരിക്കുന്നു നീ ആധി പിടിച്ചു വരേണ്ട മോനെ
മ്മ്മ്മ്…….ശരി
ഫോൺ കട്ടായി
ഉണ്ണിയേട്ടാ എന്നെക്കൂടി കൊണ്ടുപോകുമോ വീട്ടിൽ പോകുമ്പോൾ
രണ്ട് ദിവസം എന്റെ കൂടെ നിന്നെ വിടുമോ പെണ്ണെ നിന്റുമ്മച്ചി
ഞാൻ ചോദിച്ചാ സമ്മതിക്കില്ല ഉണ്ണിയേട്ടൻ ചോദിച്ചാ ചിലപ്പോൾ സമ്മതിക്കും എനിക്ക് ഉണ്ണിയേട്ടന്റെ നാടും വീടുമൊക്കെ കാണാനൊരു മോഹം
ഞാൻ ചോദിച്ചു നോക്കാം വല്ല്യ പ്രതീക്ഷ ഒന്നും വെക്കേണ്ട
അവൾ ഒന്നും മിണ്ടാതെ തിരിഞ്ഞു തുണി കഴുകാൻ ഇട്ടത് നോക്കാൻ പോയി
എങ്ങനെ ഇവളെ പറഞ്ഞു മനസിലാക്കും എന്റെ കൂടെ കൊണ്ടുപോയാൽ ആ നാട്ടിലുള്ളവർക്ക് പാടി നടക്കാൻ ഒരു കഥയാവും
തനി നാട്ടിൻപുറമാണ് ഞാനറിയാത്തവർക്ക് പോലും എന്നെ അറിയാം എന്തൊക്കെ കഥകളാ പിന്നീട് പ്രചരിക്കുക എന്ന്
പറയാൻ പറ്റില്ല
ഗുരുജിയുടെ ആശ്രമത്തിലേക്കു കൊണ്ടു പോയാലോ അതാവുമ്പൊ വല്ല്യ പ്രശ്നമില്ല പോയിട്ട് അന്ന് തന്നെ തിരിച്ചിങ്ങു വരാമെന്നു പറഞ്ഞാൽ ഇത്തയും സമ്മതിക്കും
ഈ പെണ്ണിത് എങ്ങോട്ട് പോയി
അടുക്കളയിലില്ല വാഷിംഗ് മെഷീനിന്റെ അടുത്തുമില്ല ഞാൻ വീടാകെ നോക്കി ആളെ കാണാനില്ല
സമീ…….ഞാൻ ഉറക്കെ വിളിച്ചു
അവൾ അടുക്കള വാതിലിന്റെ പുറത്ത് നിന്നു കയറി വന്നു കണ്ണുകൾ കരഞ്ഞു കലങ്ങിയിരിക്കുന്നു
എന്താ മോളെ…..
ഒന്നുമില്ല ഉണ്ണിയേട്ടാ ഒരു എങ്ങലടിയോടൊപ്പം ചിലമ്പിയ മറുപടി
എന്റെ തൊട്ടാവാടി പെണ്ണെ നിന്നെ കൊണ്ടു പോവില്ല ന്നു പറഞ്ഞോ ഇല്ലല്ലോ പിന്നെ എന്തിനാ ഇങ്ങനെ സങ്കടപെടണെ ഇനി സൈനബ താത്ത സമ്മതിച്ചില്ലേലും ഞാൻ മോളെ കൊണ്ടു പോകും പോരെ
മ്മ്മ്മ്മ്മ്……
എന്നാലൊന്നു ചിരിച്ചേ
പോടാ……അവൾ കണ്ണീരിനിടയിൽ ചിരിതൂകി
നമുക്ക് സ്വാമിയുടെ അടുത്ത് പോവാൻ പറ്റുമോ ഉണ്ണിയേട്ടാ
പിന്നെന്താ പോവാലോ എന്തിനാടി
എനിക്കൊന്നു കാണണം സ്വാമിയേ
എന്തിനാ പോലും
അത് രഹസ്യമാ പറയൂല
ഓഹോ ഞാനറിയാത്ത എന്ത് രഹസ്യമാടി നിനക്ക്
അത് ഞാൻ അവിടെ പറഞ്ഞോളാം ഉണ്ണിക്കതറിയാനുള്ള പ്രായമായിട്ടില്ല
എടി…….
അവളോടി ഹാളിലൂടെ എന്നെ വട്ടം കറക്കി ഓടിച്ചിട്ട് ഓടി ബെഡ്റൂമിൽ കയറി വാതിലടച്ചു
ഞാനാ വാതിൽ തള്ളി തുറന്നു
പറയെടി എന്താടി നിങ്ങടെ രഹസ്യ ഇടപാട്
പറയൂലാടാ
അവളെന്നെ തള്ളി മാറ്റി പുറത്ത് ചാടാൻ നോക്കി
ഞാനവളുടെ കക്ഷത്തിനിടയിലൂടെ വട്ടം ചുറ്റി പിടിച്ചു എടുത്തൊന്നു കറക്കി അവളുടെ കാൽ കട്ടിലിന്റെ സൈഡിൽ ചെന്നു തട്ടി
അയ്യോ എന്റെ കാല്……. അവൾ നിലവിളിച്ചു
ഞാനവളെ നിലത്തു നിർത്തി
അവൾ കട്ടിലിലേക്കിരുന്നു
ഉണ്ണിയേട്ടാ എന്റെ കാല് തട്ടി ഭയങ്കര വേദന
എന്റെ ഉള്ളിൽ ഒരു വിറയലുണ്ടായി
എവിടാ മോളെ തട്ടിയെ കാണിച്ചേ നോക്കട്ടെ
ദാ അവിടാ അവൾ കണംകാലിനു തൊട്ടു മുകളിൽ ചൂണ്ടി കാണിച്ചു
ഞാനാ പാവാട ഉയർത്തി നോക്കി
ചതഞ്ഞ പോലുള്ള പാടൊന്നും കാണുന്നില്ല
എവിടാ തട്ടിയെ ഇവിടാണോ
കാലിൽ തൊട്ടു കൊണ്ടു ചോദിച്ചു
അല്ല കുറച്ചൂടെ മുകളിൽ
ഇവിടാണോ
അല്ലന്നെ കുറച്ചൂടെ മുകളിൽ
പിന്നെവിടാ ഇവിടെയോ
പാവാട മുട്ടു വരെ പൊക്കി മുട്ടിനു താഴെ
തൊട്ടു
അവളെന്റെ കൈ പിടിച്ചു തുടകളിക്കിടയിലേക്ക് വെച്ചിട്ട് ഒരു കള്ള ചിരിയോടെ പറഞ്ഞു
ഇവിടാ……
എടി കൊരങ്ങേ നിന്നെയുണ്ടല്ലോ ഞാനവളെ തല്ലാനായി കൈ ഓങ്ങി
എന്റെ ജീവൻ കത്തിപ്പോയി ഒരു സെക്കന്റ് കൊണ്ട്
അതെന്തിനാടാ
നിനക്കെന്തേലും വന്നാ എനിക്ക് സഹിക്കാൻ പറ്റുമോടി പോത്തേ
അത്രക്കിഷ്ട്ടാണോ എന്നെ
അതറിയില്ലെടി
ഞാനവളുടെ അടുത്ത് കട്ടിലിൽ ഇരുന്നു
നിന്നോടുള്ള ഇഷ്ട്ടം അത് എത്രയുണ്ടെന്നോ എന്ത് തരമാണെന്നോ എനിക്കറിയില്ല പക്ഷെ നിന്റെ കണ്ണൊന്നു നിറഞ്ഞാൽ ഞാനാ നിമിഷം ഇല്ലാതെയായി പോവും