“ആ എനിക്ക് വെള്ളം കുടിക്കാൻ കൊറച്ചു സമയം വേണം
അല്ല കളിയെന്തായി ജയിച്ചോ??”
“പിന്നല്ലാതെ അടിച്ചവന്മാരുടെ അണ്ണാക്ക് പൊളിച്ചു വിട്ടിട്ടുണ്ട് ”
“എത്രണ്ണം അടിച്ചു??”
“4-0
നിന്റെ ചേട്ടൻ ഭയങ്കര കളിയായിരുന്നു അവനാണ് രണ്ടണ്ണം അടിച്ചത്
ആ നിധിൻ ഗ്രൗണ്ടിൽ കെടന്ന് പൊട്ടത്തരം കാണിച്ചുകൊണ്ടാ അല്ലെങ്കി അവന്മാരെകൊണ്ട് സെവൻ അപ്പ് കുടിപ്പിക്കരുന്നു ”
ആദ്യത്തെ കളിതന്നെ മൂക്കിനിടി കിട്ടി തിരിച്ചു കേറിയെങ്കിലും
കളി 4-0 സ്കോറിൽ ജയിച്ചതറിഞ്ഞപ്പോ വല്ലാത്ത സന്തോഷമായിരുന്നു
അപ്പൊ ശെരി ഞങ്ങളെ ആ മരത്തിന്റെ മൂട്ടിൽ കാണും അതും പറഞ്ഞ് ഞങ്ങളവിടെന്ന് പോയി
അപ്പുറത്തെ മരത്തിന്റെ ചോട്ടിൽ പോയിരുന്നു
ആ ഗ്രൗണ്ടിന്റെ ഭാഗത്ത് തണൽ കിട്ടുന്ന രണ്ട് സ്ഥലമേ ഉള്ളു
ഒന്ന് ഗ്രൗണ്ടിന്റെ സൈഡിലെ മതിലിന്റെ താഴെ
പിന്നെ ഈ മരത്തിന്റെ ചോട്ടിലും
ഇരിക്കാൻ സൗകര്യം മതിലിന്റെ താഴെയാണെങ്കിലും
അവിടെ മൊത്തം ആൺപിള്ളേരായത് കൊണ്ട് ഇവളെ അവിടെ കൊണ്ടേ ഇരുത്താനൊരു മടി
പിന്നേം രണ്ട് കളി കുടി അന്നത്തെ ദിവസം ഞങ്ങളുടെ ടീമിന് ബാക്കിയുണ്ടായിരുന്നു
രണ്ടാമത്തെ കളി ദൈവഭാഗ്യം കൊണ്ട് 1-0 സ്കോറിൽ വിജയിച്ചു
കളി നടന്ന സമയം മുഴുവനും റിയ എന്റെ കൂടെ തന്നെ ഉണ്ടായിരുന്നു
കളി നടക്കുമ്പോ ഞങ്ങൾ ഓരോരുത്തരുടെ കുറ്റം പറയും നന്നായിട്ട് കളിക്കുന്നവരെ അഭിനന്ദിക്കും
അല്ലെങ്കിൽ വീട്ടിലെ കാര്യം പറയും സ്കൂളിലെ കാര്യം പറയും പിന്നെ എന്തെങ്കിലും തമാശ പറയും
എന്റെ കൂടെ വന്ന എല്ലാവരും ഫുഡ് കഴിക്കാനായി ഹോട്ടലിൽ പോയപ്പോ ഞാൻ അവളുടെ വീട്ടിൽ പോയി കഴിച്ചു
സത്യം പറഞ്ഞാൽ ഇന്നത്തെ ദിവസം ഈ സമയം വരെ അവളെന്നെ എങ്ങോട്ടും വിട്ടിട്ടില്ല എപ്പോഴും എന്റെ കൂടെ ഉണ്ടാവും
അവളോട് മുൻപ് സംസാരിച്ചിട്ടുണ്ടെങ്കിലും സംസാരിക്കാറുണ്ടെങ്കിലും ആദ്യമായിട്ടാണ് ഇത്രയും ഓപ്പൺ ആയിട്ടും കമ്പനിയായിട്ടും സംസാരിക്കുന്നത്
സ്കൂളിൽ നിന്ന് തിരിച്ചു വരുന്നത് ഒരുമിച്ചാണെങ്കിലും
ഇവള് അതികം സംസാരിക്കാറില്ല സംസാരിക്കുവാണേൽ തന്നെ വളരെ കുറച്ച് അതും മസിലുപിടിച്ചുള്ള സംസാരം
പക്ഷെ ഇന്നത്തെ ദിവസം ആ മസിലുപിടിത്തം ഇല്ല
വളരെ കൂളായിട്ട് സംസാരിക്കുന്നു
അവളോട് അടുത്തപ്പോഴാണ് ഇതുവരെ കണ്ടാ റിയ അല്ലാത്തൊരു റിയ അവൾക്കുള്ളിൽ ഉണ്ടെന്ന് ഞാൻ തിരിച്ചറിഞ്ഞു
“എന്ന ഡാ ഇങ്ങനെ അന്തംവിട്ടിരിക്കുന്നത്”
ഓരോന്നും ചിന്തിച്ചോണ്ടിരിന്ന ഞാൻ അവളുടെ സ്വരം കേട്ടാണ് സ്വയബോധത്തിലേക്ക് വന്നത്
“ഏയ് ഒന്നുലടി ”
“ഹും എന്തോ കാര്യം ഉണ്ട് എന്നോട് പറയാൻ മടിയായത് കൊണ്ടല്ലേ
ഞാൻ നിന്റെ കൂട്ടുകാരിയല്ലാത്തത് കൊണ്ടാണോ പറയാത്തത് ”
അവള് കൊച്ചുപിള്ളേരെ പോലെ ചുണ്ട് കോട്ടി കുശുമ്പ് കുത്തി എന്റടുത്തെന്ന് മാറിയിരുന്നു
“ഓ ഇനിയതിന് പിണങ്ങേണ്ട ഞാൻ നിന്നെ പറ്റിയ ചിന്തിച്ചോണ്ടിരുന്നത്”
“എന്ത്??”
അവള് കണ്ണൊക്കെ മിഴിച് ആകാംഷയോടെ എന്റരുകിലേക് നീങ്ങിയിരുന്നു
“എടി അഞ്ച് പൈസേടെ ബോധോം വിവരോം ബുദ്ധിയും ഇല്ലാത്ത നിന്നെയാണല്ലോ ഭയങ്കര ജാടയാണെന്ന് ഞാൻ തെറ്റിദ്ധരിച്ചത് ”
പറഞ്ഞു തീർന്നില്ല ആർക്കടാ നാറി വിവരം ഇല്ലാത്തതെന്നും ചോദിച്ച് മുതുകിനിട്ട് രണ്ട് കൈയും കൊണ്ട് മാറി മാറി ഇടി തുടങ്ങി
“ഇതുകൊണ്ടാടി പൊട്ടി നിനക്ക് വിവരം ഇല്ലെന്ന് പറഞ്ഞത് ഈ കുഞ്ഞുപിള്ളേരുടെ പോലുള്ള കോപ്രായം കാണിക്കല് കാരണം ”
അവളെന്നെ ഇടിച്ച ആക്ഷൻ തിരിച്ചു കാണിച്ചുകൊണ്ട് ഞാൻ പറഞ്ഞു
പോടാ പട്ടീന്ന് പറഞ്ഞ് അവള് പിന്നേം നീങ്ങിയിരുന്നു
“എടി പൊട്ടി ഞാൻ സത്യത്തിൽ ചിന്തിച്ചോണ്ടിരുന്നത് വേറൊന്നുമല്ല
അനഘയും വേറെ കൊറേ പെൺപിള്ളേരും അവടെ വന്നിരുന്ന് കളി കാണുന്നുണ്ട് പക്ഷെ നീ എന്താ ഫുൾ ടൈം എന്റെ കൂടെ തന്നെ ഇരിക്കുന്നത്
അല്ലെങ്കിൽ തന്നെ ഞാൻ വന്നപ്പോഴും നീ ഇവിടെ ഒറ്റക്ക് തന്നെയാണ് ഇരുന്നത് അതെന്താ???
എന്റെ ചോദ്യം കേട്ടതും അത്രേം നേരം ചിരിച്ചോണ്ടിരുന്ന അവളുടെ മോന്ത മാറി ഒരു തരം നിരാശ നിറഞ്ഞ ഭാവമായി