പിന്നെ ഈ ടൂർണമെന്റ് കളിക്കാൻ വന്നതിന് വേറൊരു ഉദ്ദേശം കൂടിയുണ്ട് ഇത് ജയിച്ചാൽ ജേഴ്സി അടിക്കാനുള്ള കാശുകുടി കിട്ടും അത് കൊണ്ടാണ്
ഈ കളിക്ക് ഇത്രേം ഇമ്പോർട്ടൻസ് “”
“എടാ അപ്പൊ……..”
“ഒന്ന് മിണ്ടാതിരിയെടി ഈ കളിയൊന്ന് കണ്ട് തീർത്തോട്ടെ ”
അവള് എന്തോ പറയാൻ വന്നതും ഞാൻ ഇടക്ക് കേറി പറഞ്ഞു
ഞാനങ്ങനെ പറഞ്ഞകൊണ്ടാണെന്ന് തോന്നുന്നു അവള് എന്റടുത്തെന്ന് നീങ്ങിയിരുന്നു
പിന്നെ കുറച്ച് നേരത്തേക്ക് ഞങ്ങള് രണ്ടുപേരും പരസ്പരം ഒന്നും മിണ്ടിയില്ല കളിയിൽ തന്നെ ശ്രദ്ധിച്ചിരുന്നു
കളി തുടങ്ങി ഒരു 16മിനിറ്റ് ആയിക്കാണും സനൂപ് ചേട്ടനും അമ്പാടി ചേട്ടനും റൈറ്റ് വിങ്ങിൽ കൂടെ പന്ത് പാസ്സ് ചെയ്ത് എതിർ ടീമിന്റെ ഹാഫിലെത്തി
അവിടെന്ന് അമ്പാടി ചേട്ടന്റെ പാസ്സും എന്റെ ചേട്ടന്റെ ഷോട്ടും പന്ത് മൂളി പറന്നു നേരെ വലത്തേ മൂലയിലെ ക്രോസ്സ് ബാറിൽ ഇടിച്ച് വലയിലേക്ക്
ആ ഗോളിന് ഞാനും അവളും ഉൾപ്പടെ കളിക്കണ്ടിരുന്ന എല്ലാവരും കയ്യടിച്ചു
28ആം മിനിറ്റിൽ എതിർ ടീമിലെ ഗോളിയുടെ മണ്ടത്തരം കാരണം ഒരു ഗോളും കൂടി വീണു അങ്ങനെ 2-0 എന്ന ഡീസന്റ് സ്കോർ ലൈനിൽ ഞങ്ങൾ സെമിയിലേക്ക് ക്വാളിഫൈ ആയി
കളി തീർന്നതും ഞാൻ എഴുന്നേറ്റ് ഗ്രൗണ്ടിലേക് ചെന്നു
പുറകെ അവളും വന്നു
“ഡാ നീയടിച്ച ഗോൾ പൊളിയായിരുന്നു ”
ഞാൻ ചേട്ടന്റെ പുറത്തൊരു ഇടി കൊടുത്തിട്ട് പറഞ്ഞു
“മ്മ് നിന്റെ മൂക്കിനിപ്പോ എങ്ങനെയുണ്ട് ”
“ആ വേദന കുറവുണ്ട്
പക്ഷെ ആരോ മൂക്കിൽ പിടിച്ചേക്കണ പോലൊരു ഫീലാണ് ”
“ആ അത് കൊഴപ്പമില്ല മാറിക്കോളും……..
എടാ അച്ചു അത് നമ്മട റോയ്ച്ചന്റെ മോളല്ലേ???”
“ആ റിയ
അവൾക് നിന്നെ അറിയാന്ന് പറഞ്ഞാരുന്നു
പിന്നെ നിനക്ക് മനസിലായികാണുല എന്നോർത്ത അവള് മിണ്ടാണ്ടിരുന്നത് ”
“ആ നമുക്ക് വീട്ടിൽ പോകാം??”
“വാ പോകാം ”
ഞാൻ അവളോട് പോകുവാന്നു പറഞ്ഞിട്ട് ചേട്ടന്റെ ബൈക്കിനടുത്തേക്ക് നടന്നു
പെട്ടെന്ന് അവളോടി എന്റടുത്തു വന്നു
“എന്താടി???”
“എടാ നിനക്ക് ഫോണുണ്ടോ???”
“സ്വന്തയിട്ട് ഇല്ല ചേട്ടന്റേം അമ്മേടേം ഫോണാണ് ഞാൻ യൂസ് ചെയ്യണത്
എന്താടി കാര്യം???”
“എന്റെ നമ്പർ തരാനായിരുന്നു!!!”
“അതിനാണോ ഞാൻ പോയി ചേട്ടന്റെ ഫോൺ മേടിച്ചോണ്ട് വരാം ”
ചേട്ടന്റെ ഫോണിൽ അവളുടെ നമ്പറും മേടിച് ഒരു മിസ്കാളും അടിച്ച് ഞങ്ങൾ അവിടെന്ന് യാത്ര ആരംഭിച്ചു
നേരെ പോയത് വീട്ടിലേക്കായിരുന്നു
പോകുന്നവഴി മുഴുവൻ അഭിലാഷേട്ടൻ എന്നെ റിയയുടെ പേരും പറഞ്ഞു കളിയാക്കുവായിരുന്നു…..
പുള്ളി വിചാരിച്ചിരുന്നത് ഞാനും അവളും തമ്മിൽ
എന്തോ പ്രേമത്തിലാണെന്നാണ്
പുള്ളി കളിയാക്കിയപ്പോ ഞാൻ ചെറിയ എതിർപ്പ് കാണിച്ചെങ്കിലും ആ കളിയാക്കലുകൾ
എനിക്ക് കുറച്ച് സന്തോഷം നൽകി എന്നതാണ് സത്യം
ഞങ്ങൾ വീട്ടിലെത്തി നേരെ ഒരു കുളിയും കഴിഞ്ഞ് ഞാൻ ഹാളിൽ വന്നിരുന്നു
അമ്മയും അച്ഛനും ടീവി കാണുവായിരുന്നു
ഞാനും അവരുടെ കൂടെ പോയിരുന്നു
“ഡാ അച്ചു കളിക്കാൻ പോയിട്ട് എങ്ങനെ ഉണ്ടായിരുന്നു ”
അച്ഛൻ എന്റെ നേരെ തിരിഞ്ഞിരുന്നിട്ട് ചോദിച്ചു
“നല്ല കളിയായിരുന്നു എല്ലാ കളിയും ജയിച്ചു
പിന്നെ അപ്പുവായിരുന്നു ഏറ്റോം സൂപ്പർ ആയിട്ട് കളിച്ചത് ”
“കളിച്ചിട്ട് പരിക്കൊന്നും പറ്റിയില്ലല്ലോ???”
അച്ഛൻ സംശയത്തോടെ ചോദിച്ചു
“ഏയ്യ് ഇല്ല ”
ഞാനിത്തിരി പരുങ്ങിക്കൊണ്ട് പറഞ്ഞു
“അപ്പൊ ആരോ നിന്റെ മൂക്കിടിച്ചു പൊളിച്ചു എന്ന് ഞാനറിഞ്ഞതോ??”
“അത് പിന്നെ ചെറുതായിട്ടൊന്ന് കൂട്ടിയിടിച്ചതാ
കാളിയാവുമ്പോ ഇതൊക്കെ സാധാരണയല്ലേ ”
“നിന്റെ മൂക്കിനിട്ട് ഇടി കിട്ടിയിട്ട് അരമണിക്കൂർ മൂക്കും പൊത്തിപിടിച്ചു ഇരുന്നു കരഞ്ഞന്നാണല്ലോ ഞാൻ അറിഞ്ഞത്!!!!”
“ഏയ്യ് അതൊക്കെ ചുമ്മാ പറയണതാണ്
എനിക്കിപ്പോ കൊഴപ്പൊന്നും ഇല്ല ”
“എന്നിട്ട് നാളെ നീ കളിക്കാൻ പോണുണ്ടോ??”
അമ്മയാണ് ചോദിച്ചത്
“പിന്നല്ലാണ്ട് ഞാൻ പോകും!!!”
“നാളെ നീ എങ്ങോട്ടും പോണില്ല
ആകെ ഒരിത്തിരി ശരീരമേ ഉള്ളു അതും വെച്ച് വല്യവരുടെ കൂടെ പോയി കളിച് ഇടിം മേടിച് നടക്കണ്ട ”