എനിക്ക് മാത്രം കാമുകിയില്ല എന്നാ അപകർഷധാ ബോധവും
അവർക്കിടയിൽ ഞാനൊരു അധികപറ്റായിരിക്കും എന്നൊരു തോന്നൽ കൂടി തോന്നി തുടങ്ങിയപ്പോ ഞാൻ അവരുടെ കൂടെന്ന് ഒഴിവായി നടക്കാൻ തുടങ്ങി
എങ്കിലും അവന്മാരെടക്ക് എന്റടുത്തുവരും എന്താടാ ഒന്നും മിണ്ടാത്തതെന്നും ചോദിച്ച്
കുറച്ചുനാൾ കഴിഞ്ഞതും അവന്മാർക്കും കാര്യം മനസിലായതോടെ അവന്മാരും എന്നെ ഒഴിവാക്കി തുടങ്ങി
എങ്കിലും എന്നും സ്കൂളിൽ നിന്ന് തിരിച്ചു വീട്ടിലേക്ക് പോകുന്നത് ഞാനും അഖിലും റിയയും അനഘയും ഒരുമിച്ചായിരുന്നു
ആ സമയം കൊണ്ട് ഞാനും റിയയും അത്യാവിശം കമ്പനിയുമായി
അങ്ങനിരുന്നപ്പോഴാണ് ഒരു ദിവസം അനഘയുടെ വീടിനടുത്തുള്ള സ്പോർട്സ് ക്ലബ് ഒരു അണ്ടർ-18
ഫുട്ബോൾ ടൂർണമെന്റ് വെച്ചത്
നാട്ടിലെ ടീമിന്റെ കൂടെ ഞാനും പോയി
കളിക്കാനല്ല കളികാണാൻ!!
ഞങ്ങളുടെ ഗ്രൗണ്ടിൽ ഞാൻ നന്നായിട്ട് കളിക്കുമെങ്കിലും ടൂർണമെന്റിനു പോയാൽ ഞാൻ
തനി മാൻഡ്രേക്ക് ആവും ഞാൻതന്നെ എന്തെങ്കിലും മണ്ടത്തരം കാണിച്ച് കളിതോല്പ്പിക്കും മൂന്ന് നാല് ടൂർണമെന്റിനു പോയി തോൽപിച്ചതോടെ
എന്നെ കളിക്കാനിറക്കാതെയായി
പിന്നെ പിന്നെ എനിക്കും ടൂർണമെന്റ് കളിക്കാൻ മടിയായി
ഗ്രൗണ്ടിൽ ചെന്നതും ആദ്യത്തെ കളിതന്നെ ഞങ്ങളുടേതാണെന്ന് കമ്മറ്റിക്കാരിൽ ഒരാള് വന്ന് പറഞ്ഞു
ഞാൻ ഗ്രൗണ്ടിൽ ചെന്ന് വാമപ്പ് ചെയ്യാൻ തുടങ്ങി
കാര്യം ഞാൻ കളിക്കാൻ ഇറങ്ങാറില്ലെങ്കിലും ചുമ്മാ ഗ്രൗണ്ടിൽ ചെന്ന് വാമപ്പ് ചെയ്യും
ചുമ്മാ ഒരു പട്ടി ഷോ
വാമപ്പ് ചെയ്തോണ്ടിരുന്നപ്പോളാണ് ഗ്രൗണ്ടിന്റെ സൈഡിൽ
കളികാണാൻ കൂട്ടുകാരികളുടെ കൂടെ വന്നിരിക്കുന്ന അനഘയെ കണ്ടത്
അവളെ കണ്ടതും ഞാൻ കൈപൊക്കി കാണിച്ചു
പക്ഷെ അവള് ഒന്ന് ചിരിച്ചുപോലും കാണിച്ചില്ല
ഞാൻ അങ്ങനെ ഒരു റിയാക്ഷൻ പ്രതീക്ഷിച്ചിരുന്നുന്നില്ല
കാരണം ഒരേ ക്ലാസ്സിൽ പഠിക്കുന്നവർ
പോരാത്തതിന് ഞങ്ങളൊരുമിച്ചാണ് സ്കൂളിൽ നിന്ന് വീട്ടിലേക്ക് വരുന്നത് തന്നെ
അത്രേം നല്ലൊരു റിലേഷൻഷിപ് ഉണ്ടായിട്ടും അവളെന്നെ മൈൻഡ് ചെയ്യാതിരുന്നത് എനിക്ക് നല്ലരീതിക് നാണക്കേടായി
പത്തു നുറുപേരുടെ ഇടയിൽ ഇങ്ങനെ ചമ്മി മൂഞ്ചി നിന്നിട്ടുള്ളവർക്കേ അതിന്റെ വേദന അറിയൂ
ഞാൻ തിരിഞ്ഞുനോക്കിയതും എന്റെ ചേട്ടനുൾപ്പെടെ കൂടെ വന്നവരെല്ലാം എന്നെ നോക്കി ചിരിക്കുന്നു
അതോടെ അവരെല്ലാം കണ്ടു എന്നെനിക്ക് മനസിലായി
ഞാൻ ഒന്ന് പുഞ്ചിരിച്ചതും അവടെ കൂട്ടച്ചിരിയായി
പോരാത്തതിന് കളിക്കാൻ വന്ന വേറെ ടീമിലുള്ളവരും
കളികാണാൻ വന്നവരുൾപ്പടെ ഏകദേശം എല്ലാവരും കണ്ടെന്നു മനസിലായതോടെ
അവിടെന്ന് തിരിച്ചുപോയാമതിയെന്നായി
തിരിച്ചു വീടുവരെ നടക്കണം എന്ന് മനസിലായതും
ആ ശ്രമവും പാതിവഴിയിൽ ഉപേക്ഷിച്ചു
നാണക്കേടും സഹിച്ചു ഞാൻ ഒരു മൂലക്ക് പോയിരുന്നു
ഒരു 5മിനിറ്റ് കഴിഞ്ഞതും കളിതുടങ്ങി എല്ലാവരും കളിയിൽ ശ്രദ്ധിക്കാൻ തുടങ്ങി എന്ന് മനസിലായതും
ഞാൻ എന്റെ കൂടെവന്നവരുടെ അടുത്തുപോയിരുന്നു
“അക്ഷയ്…….. അക്ഷയ്……… ഡാ പൊട്ടാ”
ഏതോ ഒരു പെണ്ണ് കിടന്ന് എന്റെ പേര് വിളിക്കുന്നു
നല്ല പരിജയം ഉള്ള ശബ്ദം
എങ്കിലും ഞാൻ തിരിഞ്ഞുനോക്കാനോ വിളി കേൾക്കുവാനോ പോയില്ല
ഇപ്പൊ തന്നെ ഒരു പെണ്ണ് കാരണം നാണം കേട്ടതാണ്
ഒരണ്ണം കൂടി താങ്ങാനുള്ള ത്രാണി എനിക്കില്ല
“അക്ഷയ്………………… ഡാ അച്ചു…………..”
അച്ചുന്ന് വിളിക്കണ കേട്ടതും ഞാൻ തിരിഞ്ഞുനോക്കി
ഞാൻ നോക്കുമ്പോൾ കാണണത് ഒരു മതിലിന്റെ മോളിലിരുന്ന് എന്നെ വിളിക്കണ റിയയെ ആണ്
ഞാൻ തിരിഞ്ഞു നോക്കിയതും അവളെന്നെ കൈപൊക്കി കാണിച്ചു
അവള് കൈപൊക്കി കാണിച്ചതും
ഞാൻ അവളുടെ അടുത്തേക്ക് നടന്നു
“നീ കളിക്കുന്നുണ്ടോ ???”
മതിലിൽ ഇരുന്നുകൊണ്ടവൾ ചോദിച്ചു
“ഇല്ലടി ഞാൻ അവരുടെ കൂടെ വന്നതാ…..”
“അതെന്ന നീ കളിക്കാത്തത്????’
“ഏയ്യ് എനിക്ക് വയ്യ
ഒരു ചെറിയ ശരീരം വേദനയും പനിയും
(അവര് കളിക്കാൻ ഇറക്കില്ല എന്നവളോട് പറയാൻ ഒരു മടി)
“എന്നിട്ട് കുറവുണ്ടോ???”
“രാവിലെ തുടങ്ങിയതാ ഇപ്പൊ കൊഴപ്പം ഇല്ല
രാത്രിയാവുമ്പോളാണ് കുടണത്…..”
“ഇപ്പൊ നടക്കണത് നിന്റെ ടീമിന്റെ കളിയാണോ???”
“ആ ഞങ്ങടെ ടീമിന്റെ കളിയാണ്….
അല്ല നീയെന്ന ഇവിടെ ഒറ്റക്കിരിക്കണത് അപ്പുറത്ത്
അനഘയും കൂട്ടുകാരികളും വന്നിരുപ്പുണ്ടല്ലോ???”
“ആ ഞാൻ കണ്ട് എനിക്കങ്ങോട്ട് പോകാൻ തോന്നിയില്ല
നീയിവിടെ ഇരി നമുക്ക് മിണ്ടീം പറഞ്ഞും ഇരുന്ന് കളികാണാം”
അവള് മതിൽ ഇത്തിരി നീങ്ങിയിരുന്നുകൊണ്ട് പറഞ്ഞു പറഞ്ഞു”
ഞാനും മതിലിൽ കേറിയിരുന്നു
ഞങ്ങളോരോന്നും മിണ്ടിയും പറഞ്ഞും ഇരുന്നു കാളികാണുമ്പോഴായിരുന്നു ഞങ്ങളുടെ ടീമിൽ കളിക്കുന്ന സനൂപ് ചേട്ടൻ എന്റടുത്തേക്ക് ഓടി വന്നു
“ഡാ നിന്റെകൈയിൽ ബൂട്ട് ഉണ്ടോ??”
പുള്ളി എന്റടുത്തുവന്ന് ചോദിച്ചു
“മ്മ് എന്റെ ബൂട്ട് ആ കല്ലിന്റെ ചോട്ടിലിരുപ്പൊണ്ട്
എടുത്തോ ”
എന്റെ ബൂട്ടിട്ട് പുള്ളിക് കളിക്കാനായിരിക്കും എന്നോർത്തു ഞാൻ പറഞ്ഞു
“ബൂട്ട് എനിക്കല്ല ബാ ബൂട്ടിട്
നീയും കളിക്കണം പെട്ടെന്ന് ബൂട്ട് കേട്ട് ”
പുള്ളി പറയണതും കേട്ട് ഞാൻ അന്തംവിട്ടിരിക്കുവായിരുന്നു
“ഡാ നീ എന്ന നോക്കിയിരിക്കണത് പോയി ബൂട്ട് കേട്ട് ”
ഞാൻ മതിലിൽ നിന്ന് ചാടിയിറങ്ങി
നേരെ ബൂട്ട് വെച്ചിരുന്നിടത്തേക്ക് ഓടി ചെന്നു
നിമിഷ നേരം കൊണ്ട് ബൂട്ടും കെട്ടി ടച്ച്‌ ലൈനിന്റെ അടുത്ത് പോയി നിന്നു ചുറ്റും നോക്കി
എല്ലാവരും നോക്കിയിരിക്കുന്നു കളിക്കാനിറങ്ങി എന്തേലും മണ്ടത്തരം കാണിച്ചാൽ നല്ലരീതിക്ക് കളിയാക്കൽ കേൾക്കണ്ടിവരും
പോരാത്തതിന് റിയയും അനഘയും എല്ലാരും വന്നിരുപ്പുണ്ട് കോപ്പ് കളിക്കാനിറങ്ങേണ്ടായിരുന്നു
ചിന്തിച്ചോണ്ട് നിന്നതും എന്റെ ചേട്ടൻ വന്ന് തോളിൽ തട്ടി
“ഡാ നീ റൈറ്റ് വിംഗ് നോക്കിയാമതി പിന്നെ ഒരുപാട് കേറിക്കളിക്കരുത്
ഡിഫെൻസീവ് ആയെ കളിക്കാവു”
അത്രേം പറഞ്ഞിട്ട് പുള്ളി ഗ്രൗണ്ടിലേക്കിറങ്ങി
കൊറേ നാൾ ടൂർണമെന്റ് കളിക്കാത്തത് കൊണ്ടുള്ള പേടിയും പോരാത്തതിന് എന്തെങ്കിലും മണ്ടത്തരം കാണിച്ചാൽ റിയെടെ കൈയ്യിൽ നിന്നുൾപ്പടെ കളിയാക്കൽ സഹിക്കേണ്ടിവരുമല്ലോ
എന്ന് വിചാരിച്ച്
പിന്നാലെ ഞാനും ഗ്രൗണ്ടിലേക്കിറങ്ങിയതും
റിയ ഓടി എന്റടുത്തുവന്നു
“ഡാ നന്നായിട്ട് കളിക്കണേ ”
അതും പറഞ്ഞു അവൾ ഞങ്ങളുടെ ടീം ഇരുന്ന സൈഡിൽ വന്നിരുന്നു
നേരത്തെ എന്നെ കളിയാക്കിയവർ ഇതൊക്കെ കണ്ട് അസൂയപ്പെടുന്നത് ഞാൻ കണ്ടു
രണ്ട് ടീമും പൊസിഷൻ എടുത്തതോടെ പന്ത് ടച്ച്‌ ചെയ്ത് കളിതുടങ്ങി
രണ്ട് മൂന്ന് ടച്ച്‌ കഴിഞ്ഞതും
വലത്തേ വിങ്ങിൽ കളിയും കണ്ടുനിന്ന എന്റെ കാലിലേക് ആരോ ഒരു പാസ്സിട്ടു
ഞാൻ കാലിൽ പന്ത് കണ്ട്രോൾ ചെയ്ത് മുന്നോട്ട് ഓടിയതും
എതിർ ടീമിലെ ഒരുത്തൻ എന്റെ നേരെ ഓടി വന്നോരൊറ്റ ഇടി…..
