അവിഹിതത്തിന്റെ മുല്ലപ്പൂക്കൾ – 4 23

 

നേഹ: മമ്മി ദേ സൂസൻ മിസ്സിന്റെ മെസ്സേജ്..

 

അവൾ അത് വായിച്ചു

 

നേഹ: അരഞ്ഞാണം നാലര പവൻ..

 

എന്നിട്ട് അവൾ എന്റെ മുഖത്തേക്ക് നോക്കി. സൂസൻ എന്നത് സ്കൂളിലെ എന്റെ അടുത്ത കൂട്ടുകാരി ടീച്ചറാണ്, അവൾക്ക് ആ ടീച്ചറിനെ നന്നായി അറിയാം. സൂസൻ മിസ്സിന്റെ രണ്ടാമത്തെ നമ്പർ എന്ന പേരിലാണ് ഞാൻ എന്റെ ഫോണിൽ മനുവിന്റെ നമ്പർ സേവ് ചെയ്തിട്ടുള്ളത്.

 

നേഹ: സൂസൻ മിസ്സ് എന്തിനാണ് അരഞ്ഞാണം പണയം വെച്ചതിന്റെ ഫോട്ടോ മമ്മിക്ക് അയച്ചുതന്നത്.

 

ഞാൻ: ആ… ഫോട്ടോയോ.. പണയം വെച്ചതിന്റെ രസീത് ആണോ.. കാണിച്ചേ..

 

വണ്ടി ഓടിക്കുന്നതിന്റെ ഇടയിൽ ഒരു കൈകൊണ്ട് ഞാൻ അവളുടെ കയ്യിന്ന് ഫോൺ വാങ്ങി നോക്കി. ഉള്ളിൽ മനുവിനെ കൊല്ലാനുള്ള ദേഷ്യമാണ് എനിക്കിപ്പോൾ തോന്നിയത്.

 

ഞാൻ: മിസ്സിന് ഇത് എന്നാ പറ്റി.. അവിടെ ഇറങ്ങിയിട്ട് ഒന്ന് വിളിച്ചു നോക്കാം.

 

ഇത് പറഞ്ഞു ഫോൺ ഞാൻ എന്റെ ഡോറിന്റെ സൈഡിലേക്ക് ഇട്ടു.. ഹോ ഒരു നീർ കുമളയുടെ ആയുസിലാണ് രക്ഷപെട്ടു പോയത്. പക്ഷേ അപ്പോഴും എന്റെ പുത്രിയുടെ സംശയം തീർന്നില്ല.

 

നേഹ: അല്ല മമ്മി, സൂസൻ മിസ്സിന് അരഞ്ഞാണം ഉണ്ടോ..

 

ഞാൻ: ആ ഉണ്ടാവും, പിന്നെ നിനക്ക് മാത്രമേ അരഞ്ഞാണം ഉള്ളെന്നു കരുതിയോ..

 

നേഹ: അത് അല്ല.. നാലര പവന്റെ ഒക്കെ അരഞ്ഞാണം സൂസൻ മിസ്സ് ഇടുമോ. മിസ്സ് അത്രയ്ക്ക് റിച്ച് ഫാമിലി ഒന്നുമല്ലല്ലോ.

 

ഇച്ചായനെ പോലെയല്ല ഇവൾ, എന്റെ കുറെ സ്വഭാവങ്ങൾ ഒക്കെ ഉണ്ട് എന്തെങ്കിലും തലയിൽ കയറിയാൽ സംശയം മുഴുവനും മാറണം അതുവരെ ഇങ്ങനെ കുത്തി കുത്തി ചോദിക്കും.

 

ഞാൻ: അതിന് മിസ്സിന്റെ ആവണം എന്നില്ലല്ലോ..

 

നേഹ: മമ്മിയുടെ അരഞ്ഞാണം എന്തിയെ..

 

അവൾ എന്റെ ഇടുപ്പിൽ തപ്പി നോക്കാൻ തുടങ്ങി.

 

ഞാൻ: ഹാ, അടങ്ങിയിരിക്ക് നീ.. ഞാൻ വണ്ടി ഓടിക്കുവല്ലേ വല്ലോടത്തും പോയി കേറും… ഞാൻ അരഞ്ഞാണം ഇടാറില്ലല്ലോ അത് വീട്ടിൽ തന്നെയല്ലേ..

 

നേഹ: ആ അതേ.. അല്ലെങ്കിലും പിള്ളേരല്ലേ അരഞ്ഞാണം മമ്മിയെ പോലെ കിളവിമാരെ എവിടുന്ന് അരഞ്ഞാണം ഇടുന്നത്..

 

ഇടക്ക് എന്നെ കിളവി എന്നൊക്കെ വിളിച്ച് കളിയാക്കുന്നത് ഇവളുടെ ഒരു പരിപാടിയാണ്. ഉള്ളിൽ വിഷയം മാറുന്നതിന്റെ സന്തോഷം എനിക്കുണ്ടായിരുന്നു.

 

ഞാൻ: ആ ഇപ്പോ ഞാൻ കിളവി ആയി അല്ലെ. കുറച്ചു കഴിയുമ്പോൾ എന്റെ മോള് ഇതുതന്നെ പറയണം കേട്ടോ.

 

നേഹ: പറയാതെ പിന്നെ.. കോളേജ് പഠിക്കുന്ന പെൺകൊച്ചിന്റെ അമ്മ പിന്നെ കൊച്ചു പെണ്ണാകുമോ.. മമ്മി കിളവി തന്നെയാണ് പക്ഷേ നടക്കുമ്പോൾ കിളവിയായിട്ടല്ലല്ലോ നടക്കുന്നത്. ബോഡിയും maintain ചെയ്ത് ഒരുങ്ങി നടന്ന് പിന്നെങ്ങനെ കിളവി ആയിട്ട് ബാക്കിയുള്ളവർക്ക് തോന്നുക..

 

ഞാൻ: നീ പോടീ കുശുമ്പി.. സാധാരണ പെൺപിള്ളേർക്ക് ഒക്കെ അമ്മമാരെ കുറച്ച് സുന്ദരിയായിട്ട് നടക്കണമെന്ന് ആഗ്രഹം. പക്ഷേ എനിക്ക് കിട്ടിയതാണെങ്കിൽ ദേ ഇങ്ങനെ ഒരണ്ണം..

 

നേഹ: കുറച്ച് സുന്ദരിയായിട്ട് നടക്കുന്നതൊന്നും എനിക്ക് പ്രശ്നമില്ല. ഇതുപക്ഷേ റോഡിലൂടെ നടക്കുമ്പോൾ എന്നെ നോക്കുന്നതിന് പകരം മമ്മിയെ നോക്കുന്നതെങ്കിൽ… പിന്നെ ഞാൻ എന്നാ ചെയ്യും..

 

ഞാൻ: സുന്ദരി മമ്മിയുടെ സുന്ദരി മോളായിട്ട് നീ കൂടെ നടക്കണം..

 

നേഹ: അതിന് കൂടെ നടക്കുമ്പോൾ മോളായിട്ട് ആരെങ്കിലും കാണുമോ… ചേച്ചിയാണോ അനിയത്തി ആണോ എന്നൊക്കെയല്ലേ ചോദിക്കുന്നത്..

 

ഞാൻ: അതാരാ അങ്ങനെ ചോദിച്ചത്..

 

നേഹ: സ്കൂളിൽ പിന്നെ ടീച്ചറുടെ മോളായിട്ടാണോ ഒന്നാം ക്ലാസ് തൊട്ട് പഠിച്ചത് അതുകൊണ്ട് അവിടെ ആരും അങ്ങനെ ചോദിച്ചിട്ടില്ല. കോളേജിൽ അങ്ങനെയല്ലല്ലോ.. ഞങ്ങളുടെ പുതിയ ഐടി ഡിപ്പാർട്ട്മെന്റ് സാർ ഉണ്ട്, കഴിഞ്ഞമാസം അയാൾ മമ്മിയുടെ കൂടെ ഞാൻ കാറിൽ പോകുന്നത് കണ്ടു. അത് കഴിഞ്ഞ് പിന്നെ എപ്പോഴോ പറഞ്ഞപ്പോൾ സാറ് പറയുകയാ, നേഹയും ചേച്ചിയും കാണാൻ ഒരുപോലെ ഉണ്ടല്ലോ എന്ന്.. അതും എന്റെ ഫ്രണ്ട്സിന്റെ ഒക്കെ മുമ്പിൽവെച്ച്..