അന്ന് വൈകുന്നേരം തന്നെ പൊന്നു സൂരജിന കാണാൻ ആയി ഇറങ്ങി .. അച്ഛൻ എവിടെ പോണ് പൊന്നൂ,ഞാൻ കൊണ്ടാക്കാംഎന്ന് ചോദിച്ചപ്പോൾ ടൌൺ വരെ പോണെന്ന് പറഞ്ഞ് നൈസ് ആയി എസ്കേപ്പ് ആയി ..
സൺറൈസ് ഹോസ്പിറ്റലിന്റെ മുന്നിൽ ഓട്ടോ ഇറങ്ങി പൊന്നു അകത്തേയ്ക്ക് കയറി ..റിസപ്‌ഷനിൽ ചോദിച്ച് സൂരജ് കിടക്കുന്നത് മുകളിലത്തെ വാർഡ് ആണെന്ന് മനസ്സിലാക്കി അവൾ പടവുകൾ മെല്ലെ കയറാൻ തുടങ്ങി ..എന്താണെന്ന് അറിയില്ല ഹൃദയം വല്ലാണ്ട് മിടിയ്ക്കണൂ ..
അകത്തേയ്ക്ക് കയറിയപ്പോൾ സൂരജ് കിടക്കുവാണ് ..
സൂരജും പെട്ടെന്ന് പൊന്നുവിനെ കണ്ടു ..
രണ്ട് പേരും കുറച്ച് നേരം അങ്ങനെ നോക്കി നിന്നു ..എന്നിട്ട് പയ്യെ അകത്തേയ്ക്ക് കയറി വന്നു ..
മനുവേട്ടാ, വല്ലതും പറ്റിയോ ? ആന വല്ലോം ചെയ്തോ ?
ഏയ് ഇല്ല ..ആന കെട്ടി പിടിയ്ക്കാൻ വന്നതാരുന്നു ..ഒന്ന് പോടീ ..ഓടി വന്ന ആനയ്ക്ക് കുത്താൻ നോക്കിയാ ടാർജെറ്റിൽ ഒരു ചെറിയ പാളിച്ച പറ്റിയതാ ..കുത്ത് കൊണ്ട് പോസ്റ്റ് ഒടിഞ്ഞ് ആനയ്ക്കും ഷോക്ക് അടിച്ചു..ഹോ അല്ലെങ്കിൽ അത് ഓടിച്ചിട്ട് കുത്തിയേനെടി..ഹി ഹി സത്യം ..
പൊന്നുവിനും ചിരി വന്നു..പിന്നെയും അവർ കൊറേ നേരം സംസാരിച്ചിരുന്നു ..
പൊന്നു ,ഞാൻ നാളെ തിരിച്ച് പോകുവാണ്
പെട്ടെന്ന് എന്തോ പൊന്നുവിൻ്റെ സന്തോഷം മാഞ്ഞു ..ഇരുവർക്കും ഇഷ്ടം ആണെങ്കിലും അതങ്ങോട്ട് പറയാൻ പറ്റാത്ത ആ ഒരു അവസ്ഥ ..
അതെ സൂരജേട്ടൻ എന്തിനാ എന്നെ കാണാൻ കോളേജിൽ വരുമെന്ന് പറഞ്ഞെ ?
അത് പിന്നെ .. സൂരജ് എന്ത് പറയണം എന്നറിയാൻ വയ്യ ..
അപ്പൊ ഒന്നും ഇല്ലലോ ..ഞാൻ എങ്കിൽ പോവട്ടെ എന്നും പറഞ്ഞ് പൊന്നു എഴുന്നേറ്റു ..
അതെ ,പൊന്നു…
എന്താപ്പാ .. പൊന്നൂന്ന് ..അതെ എനിക്ക് ഒരു കൂട്ടം പറയാനുണ്ട് ..വീട്ടിൽ തിരിച്ചു ചെല്ലുമ്പോൾ അമ്മയെ സഹായിക്കാൻ ഒരാൾ ഉടനെ വരും എന്ന് പറഞ്ഞോട്ടാ ..എന്നും പറഞ്ഞ് കണ്ണിറുക്കി കാണിച്ചിട്ട് ഓടി പോവാനായി ഇറങ്ങി..
ഡി ഡി പൊന്നു നമ്പർ എങ്കിലും തന്നിട്ട് പോടീ ..അയ്യടാ ചെക്കാ…നാളെ കോളേജിൽ വരുമ്പോ നേരിട്ട് തരാംട്ടോ മോനെ ..എന്ന് പറഞ്ഞ് ആ വെള്ളിപാദസരവും കിലുക്കി ഹോസ്പിറ്റലിന്റെ പടികളിറങ്ങി ചാടി തുള്ളി പോകുമ്പോൾ എന്റെ മനസ്സിൽ പ്രണയത്തിന്റെ പുതുമഴ പെയ്യുകയായിരുന്നു ..
പൊന്നുവിൻ്റെയും സൂരജിൻ്റെയും പ്രണയം അവിടെ തുടങ്ങുവായിരുന്നു ..ഒരുപക്ഷെ ,അമ്പലത്തിലെ ദൈവത്തിന്റെ ശക്തിയാണോ
അതോ കുത്താൻ വന്ന ആനയുടെ ടൈമിങ്ങ് തെറ്റിയത് കൊണ്ടാണോ എന്നറിയില്ല .. അവസാനം കൂട്ടുകാരന് പെണ്ണ് കിട്ടാൻ പ്രാർത്ഥിക്കാൻ പോയ ഈ എനിക്കും കിട്ടി ഒരു അഡാറ് പെണ്ണിനെ ..
അതേയ് പൊന്നു നീ ഉറങ്ങിയോ ?
ഇല്ല ഏട്ടാ
കഥ എങ്ങനുണ്ട് ?
അയ്യട …എല്ലാം ഓർത്ത് വച്ചിരിക്കുവാരുന്നല്ലേ ..ദുഷ്ടാ ..
അതേല്ലോ ..അപ്പോഴേ ഞാൻ നേരത്തെ പറഞ്ഞ കാര്യം ?
എന്ത് ?
നമുക്ക് അനുവിന് ഒരു അനിയനെ കൊടുക്കണ്ടേ…
ഛീ ..വൃത്തികെട്ടവൻ .. മനുവേട്ടാ വേണ്ടാട്ടോ …
ഇതും പറഞ്ഞ് ചിണുങ്ങുമ്പോൾ എന്റെ ചുംബനങ്ങൾ കൊണ്ട് അവളുടെ മിഴികൾ അടയുകയായിരുന്നു ..
****************************************************
