മേൽ ചുണ്ടും താഴ് ചുണ്ടും മാറി മാറി നുണഞ്ഞു കൊണ്ടവൻ ചെറുനോവ് സമ്മാനിച്ചു കൊണ്ട് അവളുടെ അധരങ്ങൾ മുഴുവനായും അവന്റെ അധരത്തോട് ചേർത്തു… പെട്ടന്ന് ഉള്ള പ്രവർത്തി ആയത് കൊണ്ട് തന്നെ തറഞ്ഞ് നിൽക്കുക ആയിരുന്നു ഗായത്രി… അവളുടെ കൈകൾ അവന്റെ ഷിർട്ടിൽ മുറുകി…ആ ചുംബനം ആസ്വദിച്ചു കൊണ്ട് മെല്ലെ അവളുടെ കണ്ണുകളും കൂമ്പി അടഞ്ഞു.ഇരുവരും പരസ്പരം എല്ലാം മറന്നുകൊണ്ട് അധരങ്ങൾ കൈമാറി. പരസ്പരം വാരിപ്പുണർന്നു കൊണ്ടുള്ള അവരുടെ ചുംബനത്തിന് തടയിടുവാൻ എന്നവണ്ണം അങ്ങോട്ടേക്ക് ഒരു വണ്ടി വരുന്ന വെളിച്ചം അവർ കണ്ടു. പെട്ടന്ന് എവിടെയാണ് നിൽക്കുന്നതെന്ന് ഇരുവർക്കും മനസ്സിലായതുകൊണ്ട് ഒരു നാണത്തോടെ തന്നെ തന്റെ അസുരന്റെ കൈകളിൽ ചുറ്റിപ്പിടിച്ചുകൊണ്ട് അവൾ വണ്ടിക്കരികിലേക്ക് നടന്നു. എന്തോ ഈ ലോകത്തിൽ തന്നെ ഏറ്റവും സുരക്ഷിതമായ കരങ്ങളിലാണ് തന്നെ ചിറ്റ എല്പിച്ചിരിക്കുന്നതെന്ന് അവളപ്പോൾ തിരിച്ചറിയുകയായിരുന്നു. ഇത്രയും നാൾ നോവിച്ചതിനൊക്കെ പകരമായി ഇനി തന്റെ സ്നേഹം കൊണ്ട് പകരം ചെയ്യുമെന്ന് ഉറച്ചുകൊണ്ട് അവൾ അവന്റെ വണ്ടിയിൽ അവനെ കെട്ടിപ്പിടിച്ചുകൊണ്ട് ഇരുന്നു.
____________________________________❤️
തിരിച്ച് വീട്ടിലേക്ക് പോവുമ്പോൾ ഗായത്രിയുടെ കൈകൾ അവളുടെ അസുരനിൽ വട്ടം തീർത്തിരുന്നു… കണ്ണുകൾ അടച്ച് അവന്റെ പുറത്ത് ചായുമ്പോൾ ഏറ്റവും സുരക്ഷിതമായ കൈകളിൽ ആണ് മഹാദേവൻ തന്നെ എൽപ്പിച്ചിരിക്കുന്നത് എന്ന് അവൾക്ക് തോന്നി… റോവിന്റെ ഉള്ളിലും സന്തോഷം അല തല്ലുക ആയിരുന്നു സ്വന്തം ആയി ആരും ഇല്ലെന്ന് കരുതിയ അവന് ഇന്ന് തന്റെത് മാത്രം എന്ന് പറയാൻ ഒരാൾ വന്നിരിക്കുന്നു…
വീട്ടിൽ എത്തി ഫ്രഷ് ആയി പതിവ് പോലെ ഭക്ഷണം കഴിക്കാൻ എല്ലാവരും ടേബിളിൽ ഇരുന്നു…
“മോനെ നാളെ ഞങ്ങൾ ഇറങ്ങും കേട്ടോ…കൊച്ചച്ചൻ നാളെ ജോലിക്ക് പോവണം ഒരാഴ്ച്ച ആയില്ലേ വന്നിട്ട് “റോസമ്മ
“അയ്യോ… നാളെ പോവണോ എന്നാൽ ആനി ഇവിടെ നിന്നോട്ടെ രണ്ട് ദിവസം കൂടി ” ഗായത്രി പറഞ്ഞതും ആനിയുടെ കണ്ണുകളിൽ സന്തോഷം നിറഞ്ഞു… എന്നാൽ അവളെ നോക്കി പേടിപ്പിക്കുന്ന രണ്ട് കണ്ണുകൾ കണ്ടതും പേടിയോടെ അവൾ മുഖം തിരിച്ചു…
“ഇല്ലാ ചേച്ചി എനിക്ക് കുറച്ച് പ്രൊജക്റ്റ് വർക്ക് ഉണ്ട്… ഫ്രണ്ട്സും ആയി ഡിസ്കസ്സ് ഒക്കെ ചെയ്യണം ഇനി പിന്നീട് ഒരിക്കൽ വരാം” ഭക്ഷണത്തിൽ നിന്നും തല ഉയർത്താതെ അവൾ പറഞ്ഞു…
“എന്നാൽ ശെരി… വെക്കേഷന് ആയില്ലേ… അത് കഴിഞ്ഞ് ഇവിടെ കൂടാം ” റോവിൻ പറഞ്ഞതും അത് ശരി വെച്ച് കൊണ്ട് എല്ലാവരും സമ്മതം മൂളി….
രാത്രി കിടക്കാൻ നേരം ബെഡിൽ കാൽ കയറ്റി ചമ്രം പടിഞ്ഞ് ഇരുന്ന് ഉറങ്ങാതെ നിൽക്കുന്ന ഗായുവിനെ കണ്ടതും അവനിൽ സുന്ദരമായ ഒരു ചിരി വിടർന്നു.. എന്നും താൻ വരുന്ന സമയം ഉറക്കം നടിക്കുന്ന പെണ്ണാ!!!ചിരിയോടെ അവൻ ഓർത്തു…
“ഹ്മ്മ് എന്താ പതിവ് ഇല്ലാതെ നമ്മുടെ പത്നി ഇന്ന് ഉറങ്ങാതെ ഇരിക്കുന്നത്?? ” ബാത്ത് ടവൽ ഹാങ്ങറിൽ തൂക്കി ഇട്ട് അവൻ അവൾക്ക് അടുത്തായി ബെഡിൽ ചെന്നിരുന്നു…
“ഇച്ചായ… എനിക്ക് കുറച്ച് സമയം വേണം…. അപ്പുവേട്ടന്റെ ചില ഓർമ്മകൾ മായുന്നില്ല… അതുൽ എന്ന അധ്യായം മുഴുവനും ഒഴിവാക്കി വേണം നിക്ക് ന്റെ അസുരന്റെ മാത്രം പെണ്ണാവാൻ ” അവന്റെ നെഞ്ചോട് ചേർന്ന് കൊണ്ട് അവൾ പറഞ്ഞു…
ചെറുചിരിയോടെ അവളെയും ചേർത്ത് പിടിച്ച് അവൻ ബെഡിലേക്ക് കിടന്നു….
________________________________❤️
പാതിരാത്രി ആയതും ആനി കിടക്കുന്ന റൂമിന്റെ വാതിലിൽ ഒരു കൊട്ട് വീണു… പേടിച്ച് കൊണ്ടവൾ കതക് തുറന്നതും വഷളൻ ചിരിയോടെ അവൻ അകത്ത് കയറി കതക് അടച്ചു…
ഒരിക്കലും ചെയ്യാൻ പാടില്ലാത്തതാണെന്ന് അറിയാമായിരുന്നു എങ്കിലും അവനുമുന്നിൽ ആ പെൺകുട്ടി തികച്ചും നിസ്സഹായ ആയിരുന്നു.