വല്ലാത്ത ഒരു അടുപ്പം ആയിരുന്നു റോവിന് വർഗീസും ആയി… ഏത് കാര്യവും അവൻ തുറന്ന് പറഞ്ഞിരുന്നത് അയാളും ആയി ആയിരുന്നു… പേരറിയാത്ത ആരുടെയോ കൂടെ അവന്റെ അമ്മച്ചി നാട് വിട്ടപ്പോൾ അവന്റെ കൊച്ചച്ചൻ ആയിരുന്നു പിന്നീട് അവന് എല്ലാം!!! എങ്കിലും അവൻ പോറ്റി വളർത്തിയ അവന്റെ അമ്മച്ചിയോട് യാതൊരു വിധ ഇഷ്ട്ടക്കേടും ഉണ്ടായിരുന്നില്ല…
ഗായത്രിയും ആയി വിവാഹം നടക്കുമ്പോൾ വർഗീസ് അയാളുടെ കുടുംബത്തോടൊപ്പം ബാംഗ്ലൂരിൽ ആയിരുന്നു…. എന്നാൽ അപ്രതീക്ഷിതമായി നടന്ന വിവാഹത്തിന്റെ വിവരങ്ങൾ എല്ലാം റോവിൻ വിളിച്ച് പറഞ്ഞിരുന്നു… വിവരം അറിഞ്ഞത് മുതൽ അയാൾക്കും ഭാര്യക്കും മക്കൾക്കും ഗായത്രിയെ കാണാൻ തിടുക്കം ആയിരുന്നു… മക്കൾക്ക് ലീവ് ഇല്ലാത്തത് കൊണ്ട് തന്നെ ഒരാഴ്ച്ച കഴിഞ്ഞ് വരാം എന്ന് പറഞ്ഞു…. ഇന്നാണ് എല്ലാവരും കൂടെ വീട്ടിലേക്ക് ലാൻഡ് ആവുന്നത്….
________________________________❤️
“ഗായു ഇന്ന് കോളേജിൽ പോവണ്ടാ… കൊച്ചച്ചനും അമ്മയും ഒക്കെ ബാംഗ്ലൂരിൽ നിന്നും വരുന്നുണ്ട്… ” പുറത്തേക്ക് പോവാൻ നിക്കുമ്പോൾ റോവിൻ അവളോടായി പറഞ്ഞു…
“എപ്പോഴാ വരുന്നത്?? ”
“ഉച്ചഭക്ഷണത്തിന് എത്തും എന്നാ പറഞ്ഞത്” അതും പറഞ്ഞ് കൊണ്ടവൻ ബുള്ളറ്റും സ്റ്റാർട്ട് ചെയ്ത് കവലയിലേക്ക് പോയി… അവൻ പോവുന്നതും നോക്കി കൊണ്ടവൾ വാതിൽ അടച്ച് അടുക്കളയിലേക്ക് ചെന്നു…. ആ സംഭവത്തിന് ശേഷം രണ്ട്പേരും അതികം സംസാരിക്കാറുപോലും ഇല്ലായിരുന്നു… റോവിൻ അവളെ കണ്ടാൽ ഒഴിഞ്ഞ് പോവും അവൾക്കും അത് വല്ലാത്ത ആശ്വാസം ആയിരുന്നു…
കാളിങ് ബെൽ അടിക്കുന്നത് കേട്ട് കൊണ്ടാണ് ഗായത്രി വാതിൽ തുറന്നത്.. മുന്നിൽ നിൽക്കുന്ന റോവിനെയും അവന് പിറകിൽ നിൽക്കുന്ന ഒരു മദ്ധ്യവയസ്ക്കനും കൂടെ തന്നെ ഒരു അൻപത് വയസ്സ് തോന്നിക്കുന്ന സ്ത്രീയും റോവിന്റെ സമപ്രായക്കാരൻ ആയ ഒരു പയ്യനും ഒരു പെൺകുട്ടിയെയും കണ്ടതും പുഞ്ചിരിച്ച് കൊണ്ടവൾ കതക് തുറന്നു…
“ഇതാണ് ഞാൻ പറയാറുള്ള എന്റെ ബ്യൂട്ടി ക്വീൻ ” ഗായത്രിയുടെ തോളിൽ കയ്യിട്ട് കൊണ്ട് റോവിൻ അവളെ പരിചയപ്പെടുത്തി കൊടുത്തു…കാൽ മുതൽ തല വരെ ഒരു തരിപ്പ് കയറി അവൾക്ക്…. റോവിനെ നോക്കിയതും കൊച്ചച്ചനും ആയി സംസാരിക്കുന്ന അവനെ കണ്ടതും കണ്ണിമ വെട്ടാതെ അവനിലേക്ക് അവൾ നോക്കികൊണ്ടിരുന്നു…. ചിരിക്കുമ്പോൾ വെട്ടി ഒതുക്കിയ നീളൻ താടിയിലൂടെ ഒളിഞ്ഞു നോക്കുന്ന നുണക്കുഴികൾ കണ്ടതും കൊച്ച് കുഞ്ഞിനെ പോലെ അവൾ അതിലേക്ക് തന്നെ നോക്കി നിന്നു…
ഏതോ ലോകത്ത് എന്ന പോൽ അവളുടെ മുഖത്ത് ഒരു പുഞ്ചിരി മൊട്ടിട്ടു…. അവളുടെ കണ്ണിമ വെട്ടാതെ ഉള്ള നോട്ടം ഇടം കണ്ണാലെ അസുരൻ കണ്ടിരുന്നു… അത് കൊണ്ട് തന്നെ സംസാരത്തിൽ ശ്രദ്ധ കൊടുക്കാൻ അവന് ആയില്ല ചേർത്ത് പിടിച്ച കൈകൾ അവളുടെ തോളിൽ ഒന്ന് അമർന്നതും ഞെട്ടി കൊണ്ടവൾ അവനിൽ നിന്നും നോട്ടം മാറ്റി….
“അമ്മാ അകത്തോട്ട് ഇരിക്കൂ ഞാൻ കുടിക്കാൻ എടുക്കാം ” പതർച്ച മറച്ച് വെച്ച് കൊണ്ടവൾ അകത്തേക്ക് കയറി…
“മോനെ എങ്ങനാടാ കൊച്ച്?? ” ഒറ്റ നോട്ടത്തിൽ ഗായുവിനെ കണ്ടതും ഇഷ്ട്ടപ്പെട്ടിരുന്നു റോസമ്മക്ക്(കൊച്ചച്ചന്റെ ഭാര്യ -റോവിൻ അമ്മാ എന്ന് വിളിക്കും) അവളെ കുറിച്ച് അറിയാൻ ഉള്ള ആകാംഷ കൊണ്ട് ചോദിച്ചു…
“അതൊരു പാവാ അമ്മാ… കുറച്ച് നാവ് കൂടുതലാ എന്നൊള്ളു ” അവൾ പോയ വഴിയേ നോക്കി കൊണ്ടവൻ പറഞ്ഞു…
“ആഹാ ചേട്ടായിക്ക് നല്ലം പിടിച്ച മട്ട് ഉണ്ടല്ലോ?”
“അതേലോ ആനി കൊച്ചേ ” അവളുടെ താടി തുമ്പിൽ പിടിച്ച് കൊഞ്ചിച്ചു കൊണ്ട് അവൻ പറഞ്ഞു…
“അല്ലാ ഈൗ ആൽബി എന്നാത്തിനാ എന്നെ ഇങ്ങനെ തുറിച്ച് നോക്കുന്നെ?? ”
“അവന് അസൂയ ആണ് ചേട്ടായി വന്നിട്ട് അവനെ നോക്കിയതും പോലും ഇല്ലല്ലോ… അല്ലേലും ന്നേയാ ചേട്ടായിക്ക് കൂടുതൽ ഇഷ്ട്ടം ” ചിണുങ്ങി കൊണ്ട് ആൻ മരിയ റോവിനോട് പറ്റി നിന്നു…
“ഓഹ് വല്യ കാര്യം ആയിപോയി അത് നീ കൊച്ച് കുഞ്ഞ് ആയത് കൊണ്ടാ നിന്നെ ക്കാളും മുന്നേ ചേട്ടായിക്ക് എന്നെയാ ഇഷ്ട്ടം” ആൽബിൻ
“ഒന്ന് നിർത്തുവോ രണ്ടും ഏത് സമയവും അടിയും കൂടി….. ഇനിയും കൊച്ച് കുഞ്ഞുങ്ങൾ ആണെന്നാ വിചാരം ” ശാസനയോടെ വർഗീസ് പറഞ്ഞു…
“ചായ ” അപ്പോഴേക്കും ചായയും ആയി ഗായത്രി വന്നു…. റോസമ്മ ഗായത്രിയെ പിടിച്ച് റോവിന്റെ അടുത്ത് ഇരുത്തിയിരുന്നു.. അവർക്ക് ഒന്നും തോന്നേണ്ട എന്ന് കരുതി അവൾ ഭാവവ്യത്യാസം ഒന്നും കാണിക്കാതെ അവന്റെ ഒപ്പം ഇരുന്ന് അവരോടൊപ്പം സംസാരിച്ചു… പെട്ടന്ന് തന്നെ അവൾ എല്ലാവരും ആയി കൂട്ട് കൂടിയിരുന്നു… ആരെക്കൊയോ സ്വന്തമായി കിട്ടിയത് പോലെ ആയിരുന്നു അവൾക്ക്….
എല്ലാവരും ഒരുമിച്ച് ഇരുന്ന് ഭക്ഷണം കഴിക്കുമ്പോഴും സംസാരിക്കുമ്പോഴും ഒരാളുടെ കണ്ണുകൾ മാത്രം ഗായത്രിയിൽ മാത്രമായിരുന്നു… കാമക്കണ്ണുകളോടെ അവളുടെ ശരീരത്തിലെ ഓരോ അണുവും അവൻ കണ്ണുകളാൽ ഉഴിഞ്ഞെടുത്തു….
_________________________________❤️
“നല്ല കിളുന്ത് മേനി… ആ സ്നേഹയെ പോലെ അല്ല നല്ല ചോരയും നീരും ഉള്ള പെൺകൊടി…. സ്വന്തം ആക്കണം എന്ന് കരുതിയത് എന്തും നേടിയിട്ടേ ഉള്ളു ഞാൻ ആര് എതിർത്താലും അത് നേടിയിരിക്കും ഞാൻ!!! ആ റോവിൻ ഇത് വരെ അവളെ രുചിച്ചിട്ടില്ലെന്ന് തോന്നുന്നു!!! ഹ്മ്മ് എനിക്ക് സ്വന്തം ആവാനാ അവളുടെ വിധി ” പുച്ഛിച്ച് കൊണ്ടവൻ കിട്ടാൻ പോവുന്ന മറ്റൊരു ഇരയെ ഓർത്ത് കൊണ്ട് കോട്ടി ചിരിച്ചു…
_____________________________________❤️
കല്യാണം കഴിഞ്ഞ് ഒരാഴ്ച്ച ആയിരിക്കുന്നു… ആദ്യ രണ്ട് നാളുകൾ ഒഴികെ വേറെ ഒരു ദിവസവും അവൾ അപ്പുവിനെ കുറിച്ച് ആലോചിച്ചിരുന്നില്ല…. എന്നാൽ റോവിൻ അരികിൽ വരുമ്പോൾ എല്ലാം അവന്റെ സാനിധ്യം അവളെ മറ്റൊരു ലോകത്തേക്ക് കൊണ്ടുപോയി… ഏത് പേരിട്ട് ആ വികാരത്തെ വിളിക്കണം എന്ന് അറിയാതെ അവൾ കുഴങ്ങി…. ആനിയും ആൽബിനും അമ്മയ്ക്കും കൊച്ചച്ഛനും ഒത്ത് അവളും കൂടി….. ആ പഴയ കളിചിരികൾ ഉള്ള പന്ത്രണ്ട് വയസ്സ് കാരിയിലേക്ക് അവൾ മാറുകയായിരുന്നു…
റോവിനെ കാണുമ്പോൾ ഉള്ള അവളുടെ പരവേശവും നേത്രഗോളങ്ങൾ വികസിക്കുന്നതും എല്ലാം റോവിൻ ആസ്വദിച്ച് കൊണ്ടിരുന്നു… പതിവ് പോലെ റോവിൻ ഓഫീസിലേക്ക് പോയി കൂടെ തന്നെ ഗായുവിനെ കോളേജിലും ഇറക്കി കൊടുത്തു…
“വൈകുന്നേരം ഞാൻ വരില്ല… വർക്ക് ഇന്ന് ഇച്ചിരി കൂടുതൽ ഉണ്ട്… ആൽബിനെ വേണമെങ്കിൽ അയക്കാം ”
“വേണ്ടാ ഞാൻ ബസ്സിൽ വന്നോളാം”
“മ്മ്മ് ” മൂളി കൊണ്ടാവൻ ബൈക്ക് സ്റ്റാർട്ട് ചെയ്ത് പോയി… അവൻ മറയുന്നത് വരെ നോക്കി കൊണ്ടവൾ അവിടെ നിന്നു… ക്ലാസ്സിലേക്ക് നടക്കുമ്പോഴും അവളുടെ ചിന്തകൾ റോവിനിൽ ചുറ്റിപറ്റി ആയിരുന്നു… അവനെ കുറിച്ച് ഓർക്കും തോറും ഉള്ളിൽ ഒരു ആശ്വാസം ലഭിക്കുന്നത് അവൾ അറിഞ്ഞു….