“എന്താ പറയ്”.ഞാന്‍ പറഞ്ഞു
“ഞാന്‍ എന്‍റെ അപ്പച്ചന്‍ പറയുന്ന ആളെ മാത്രമേ കല്യാണം കഴിക്കു,ഞാന്‍ ആരെയും പ്രേമിക്കില്ല എന്നാ ഒറ്റ ഒറപ്പിലാണ് എന്നെ ഇവിടെ പഠിക്കാന്‍ തന്നെ വിട്ടത്,അതുകൊണ്ട് ഇച്ചായന്‍ ഇനി മുതല്‍ എന്‍റെ പുറകിനു വരരുത്”.അവള്‍ പറഞ്ഞു കൊണ്ട് പോകാന്‍ തുടങ്ങി
“അവിടെ നിന്നെ എനിക്ക് ഉള്ള മറുപടി തന്നിട്ട് പോയാല്‍ മതി നിനക്കെന്നെ ഇഷ്ട്ടമാണോ അല്ലെയോ”.ഞാന്‍ പറഞ്ഞു,അവള്‍ ഒന്നും മിണ്ടിയില്ല അവിടെ നിന്നതെ ഉള്ളു
“എനിക്ക് രണ്ടിലൊന്ന് ഇപ്പോള്‍ അറിയണം പറയടി”.ഞാന്‍ പറഞ്ഞു,അവളുടെ കണ്ണുകള്‍ നിറഞ്ഞു തുളുമ്പി കണ്ണുനീര്‍ കവിളിലുടെ ഒലിക്കുന്നുണ്ടായിരുന്നു,ഞാന്‍ അവളുടെ വലതു കയ്യില്‍ പിടിച്ചു കുലുക്കി കൊണ്ട് വീണ്ടും ചോദ്യം ആവര്‍ത്തിച്ചു.
“അല്ല”.അവള്‍ അതും പറഞ്ഞു കരഞ്ഞു കൊണ്ട് ഓടി പോയി,എന്‍റെ ഹൃദയം വെട്ടി പോളര്‍ക്കുന്ന വേദനയോടെ ഞാന്‍ ഒരു കല്ല്‌ പോലെ അവിടെ നിന്നു.ആ നിന്ന നില്‍പ്പില്‍ അങ്ങ് ചത്ത്‌ പോയാല്‍ മതി എന്ന് വരെ വിചാരിച്ചു.അപ്പോള്‍ ഞാന്‍ ആദ്യമായിട്ട് കരയുകയും ചെയ്തു വലുതായതിനു ശേഷം അതും അവള്‍ കാരണം.ഞാന്‍ കുറച്ചു നേരം അവിടെ ഉള്ള ബെഞ്ചില്‍ വിഷമിച്ചു ഇരുന്നു,പിന്നെ ആലോചിച്ചപ്പോഴാണ് മനസ്സിലായത്‌ അവള്‍ക്ക് എന്നെ ഇഷ്ടം അല്ലെങ്കില്‍ എന്തിന് അവള്‍ കരയണം?,എന്തിന് അല്ല എന്ന് പറയാന്‍ അത്ര താമസിക്കണം?,അവള്‍ക്ക് എന്നെ ഇഷ്ടമാണ് പക്ഷെ അവള്‍ടെ അച്ഛനെ ഭയന്ന് ആണ്,അവള്‍ അത് പുറത്ത് പറയാത്തത് ആണ് എന്ന് ഞാന്‍ മനസ്സിലാക്കി.അവള്‍ടെ വായിന്നു
തന്നെ എന്നെ ഇഷ്ടമാണ് എന്ന് പറയിപ്പിക്കാന്‍ ഉള്ള എന്‍റെ അവസാനത്തെ മാര്‍ഗം ആയ ആ അറ്റകൈ പ്രയോഗം നടത്താന്‍ ഞാന്‍ തീരുമാനിച്ചു,ഞാന്‍ കണ്ണ് തുടച്ചു കൊണ്ട് ക്ലാസ്സിലേക്ക് കയറി ചെന്നു,എന്‍റെ മുഖ ഭാവം കണ്ടിട്ട് അഞ്ജലിയും അലക്സും ചോദിച്ചു
എന്താടാ എന്തുപറ്റി?
അവള്‍ എന്നെ ഇഷ്ടമല്ലെന്ന് പറഞ്ഞു.
ഡാ നീ വിഷമിക്കാതെ,നിന്നെ വേണ്ടത്തവളെ നീ മറന്നുകള.അഞ്ജലി പറഞ്ഞു
ആര് പറഞ്ഞു എന്നെ വേണ്ടാത്തവള അവളെന്ന്?,അവള്‍ക്ക് എന്നെ ഇഷ്ടമാണ് പക്ഷെ അവള്‍ടെ അച്ഛനെ ഭയന്ന് അവള്‍ അത് സമ്മതിക്കാത്തതാണ് .ഞാന്‍ പറഞ്ഞു
അത് നിനക്ക് എങ്ങനെ മനസ്സിലായി?അലക്സ്‌ ചോദിച്ചു
അവളുടെ മുഖത്തൂന്നു തന്നെ എനിക്ക് അത് മനസ്സിലാക്കാന്‍ പറ്റി,അവളെ കൊണ്ട് തന്നെ എന്നെ ഇഷ്ടമാണ് എന്ന് പറയിക്കാന്‍ ഉള്ള വഴി എനിക്ക് അറിയാം.ഞാന്‍ പറഞ്ഞു
എങ്ങനെ.രണ്ടു പേരും ആകാംഷയോടെ ചോദിച്ചു
നിങ്ങള്‍ രണ്ടു പേരും പിന്നെ കാവ്യയും എന്‍റെ കൂടെ നില്‍ക്കണം എങ്കിലേ ഇത് ചെയ്യാന്‍ പറ്റു.ഞാന്‍ പറഞ്ഞു
ഞങ്ങള്‍ ഉണ്ടാകും നിന്‍റെ കൂടെ,പിന്നെ കാവ്യയെ കൊണ്ട് ഞാന്‍ സമ്മദിപ്പിച്ചോളാം.അലക്സ്‌ പറഞ്ഞു
“എങ്കില്‍ ഇന്റെര്‍വല്ലിനു നീ കാവ്യയെ വിളിച്ചോണ്ട് ലൈബ്രറിയിലോട്ട്,അവിടെ വെച്ച് നിങ്ങളോട് ഞാന്‍ പറയാം എന്ത നെക്സ്റ്റ് പ്ലാന്‍ എന്ന്”.ഞാന്‍ പറഞ്ഞു
“ശരി” അലക്സ്‌ പറഞ്ഞു
അങ്ങനെ ഇന്റെര്‍വല്‍ന് ഞങ്ങള്‍ നാല് പേരും കൂടി ലൈബ്രറിയില്‍ ഒത്തു കൂടി,ഞാന്‍ അവരോട് എന്‍റെ പ്ലാന്‍ ഇങ്ങനെ വിവരിച്ചു പറഞ്ഞു
“ഞാന്‍ ആത്മഹത്യാശ്രമം ചെയ്തു ഹോസ്പിറ്റലില്‍ കിടക്കുന്നതായിട്ടു അഭിനയിക്കുന്നു,കാവ്യാ ഇപ്പോള്‍ ഇന്റെര്‍വല്‍ കഴിഞ്ഞു വിഷമിച്ച മുഖത്തോടെ വേണം ക്ലാസ്സില്‍ ചെല്ലാന്‍ അപ്പോള്‍ അവള്‍ നിന്നോട് ചോദിക്കും എന്താണ് പ്രശ്നം എന്ന്,അപ്പോള്‍ നീ പറയണം ഇപ്പോള്‍ അലക്സ്‌ ചേട്ടന്‍ വിളിച്ചിരുന്നു നിന്നെ ഇഷ്ടമാണെന്ന് പറഞ്ഞ ആ ചേട്ടന്‍ ആത്മഹത്യാ ശ്രമം നടത്തി ഹോസ്പിറ്റലില്‍ ആണെന്ന്,പിന്നെ ഇതു കൂടി നീ പറയണം അവള്‍ എന്‍റെ പ്രേമാഭ്യര്‍ത്ഥന നിരസിച്ചതിലുള്ള സങ്കടം കൊണ്ടാണ് ഞാന്‍ അങ്ങനെ ചെയ്തതു എന്ന് അലക്സ്‌ പറഞ്ഞെന്നു.പിന്നെ അലക്സും അഞ്ജലിയും എന്‍റെ കൂടെ ഹോസ്പിറ്റലില്‍ ഉണ്ടായിരിക്കണം,വിഷമിച്ചു നില്‍ക്കുന്നതായിട്ടു അഭിനയിക്കണം ഹോസ്പിറ്റലില്‍,അലക്സിനോട് ഒന്നേ പറയാന്‍ ഉള്ളു ഓവര്‍ ആക്കി കുളമാക്കരുത് എല്ലാം ആവിശ്യത്തിന് മാത്രം മതി.പിന്നെ ഈ കാര്യം മറ്റാരും അറിയാന്‍ പാടില്ല ഏയ്‌ഞ്ചലിനോട് മാത്രമായിട്ടേ നീ ഇതു പറയാവു”.ഞാന്‍ പറഞ്ഞു നിര്‍ത്തി
“ഉം,എല്ലാം കൊള്ളാം പക്ഷെ ഹോസ്പിറ്റലില്‍ എങ്ങനെ ആണ് അഡ്മിറ്റ്‌ ആകണേ”?അലക്സ്‌ ചോദിച്ചു
“എന്‍റെ ഫ്രണ്ട് അഷറഫ് സിറ്റി ഹോസ്പിറ്റലിലെ ഡോക്ടര്‍ ആണ്,അവനോട് വിളിച്ച് ഞാന്‍ രാവിലെ കാര്യങ്ങള്‍ എല്ലാം സെറ്റ് ചെയ്തു വെച്ചിട്ടുണ്ട്,അവന്‍റെ പ്രേമ വിവാഹം ആയിരുന്നു അതിനു ഞാനും എന്‍റെ കുറച്ചു ഫ്രണ്ട്സും കൂടിയ അവനെ സഹായിച്ചത്,അതുകൊണ്ട് അവന്‍ മറിച്ചൊന്നും പറഞ്ഞില്ല,അങ്ങ് ചെല്ലാന്‍ ബാക്കി എല്ലാം അവന്‍ നോക്കി കൊള്ളാം എന്ന് പറഞ്ഞു”.
“എട ഇതു ഏക്കുമൊ”?അഞ്ജലി ചോദിച്ചു
“തീര്‍ച്ചയായും,നമ്മള്‍ ചെയ്യാന്‍ പോകുന്നത് ചെറ്റത്തരം തന്നെ ആണ്,പക്ഷെ അവളെ സ്വന്തമാക്കാന്‍ എനിക്ക് വേറെ വഴി ഇല്ല,കാവ്യാ നീ ക്ലാസ്സിലോട്ടു പൊയിക്കോ,ഞാന്‍ പറഞ്ഞ പോലെ തന്നെ നീ ചെയ്യണം,ഞങ്ങള്‍ ഇപ്പോള്‍ തന്നെ ഹോസ്പിറ്റലിലോട്ട് പോവാ”.ഞാന്‍ പറഞ്ഞു
“ശരി”.കാവ്യാ തലയട്ടികൊണ്ട് പറഞ്ഞിട്ട് ക്ലാസ്സിലേക്ക് പോയി
ഞങ്ങള്‍ ബൈക്കില്‍ കയറി ഹോസ്പിറ്റലിലേക്ക് വിട്ടു,അവിടെ ചെന്നപ്പോള്‍ അഷറഫ് പറഞ്ഞപോലെ എല്ലാം റെഡി ആക്കിയിട്ടുണ്ടായിരുന്നു,എന്നെ ഗ്ലുകോസ് കുത്തി അവിടെ ഒരു ബെഡ്ഡില്‍ കിടത്തി അവന്‍,എന്നിട്ട് അവന്‍ അങ്ങ് പോയി,എന്‍റെ കിടപ്പ് കണ്ടിട്ട് അലക്സ്‌ വാ പൊത്തി ചിരിക്കുന്നുണ്ടായിരുന്നു,ഇവന്‍ എല്ലാം കുളമാക്കും എന്ന് ഞാന്‍ മനസ്സില്‍ കരുതി
“ദയവ് ചെയ്തു നീ ഈ കാര്യത്തില്‍ മാത്രം തമാശ എടുക്കരുത്,ഇതു എന്‍റെ ജീവിത പ്രശ്നമാണ്,നീ കരയാന്‍ ഒന്നും ഞാന്‍ പറഞ്ഞില്ലെല്ലോ ഒരു ഭാവവും ഇല്ലാതെ അങ്ങ് നിന്ന മതി,അവര്‍ ഇപ്പോ വരും”.ഞാന്‍ പറഞ്ഞു അലക്സ്‌ ചിരി നിര്‍ത്തി സീരിയസ് ആയി തലയാട്ടി
ഞാന്‍ പ്രതീക്ഷിച്ചത് പോലെ തന്നെ ഏയ്‌ഞ്ചല്‍ കരഞ്ഞു കലങ്ങിയ കണ്ണുകളുമായി ഓടി എന്‍റെ അടുത്തേക്ക് വന്നു,അവളുടെ കണ്മഷി പടര്‍ന്നിരുന്നു,അവള്‍ എന്‍റെ അടുത്ത് വന്നു നിന്നു കരയുന്നത് കണ്ടപ്പോള്‍ അഞ്ജലിയും അലക്സും കാവ്യയും അവളുടെ പുറകില്‍ നിന്നു ഓകെ എന്ന് കൈ കൊണ്ട് സിംബല്‍ കാണിച്ച്,ഞാന്‍ ഏയ്‌ഞ്ചല്‍ കാണാതെ അവരോട് പുറത്ത് പോകാന്‍ എന്ന് കണ്ണ് കൊണ്ട് കാണിച്ച്,ഏയ്‌ഞ്ചല്‍ അപ്പോഴും തലകുനിച്ചു നിന്നു കരയുകയായിരുന്നു.
“ഞങ്ങള്‍ പുറത്ത് നില്‍ക്കാം നീ തന്നെ അവനോട് സംസാരിക്ക്”. എന്ന് ഏയ്‌ഞ്ചലിനോട് പറഞ്ഞിട്ടു അഞ്ജലി അലക്സിനെയും കാവ്യയെയും വിളിച്ച് കൊണ്ട് റൂമിന് പുറത്ത് ഇറങ്ങി ഡോര്‍ അടച്ചു
എന്തിനാ ഇങ്ങനെ കരയുന്നെ.ഞാന്‍ ചോദിച്ചു
എന്തിനാ ഇങ്ങനെ ഒക്കെ ചെയ്തെ?അവള്‍ കണ്ണ് തുടച്ചു കൊണ്ട് ചോദിച്ചു
എന്നെ നിനക്ക് ഇഷ്ടമാല്ലെല്ലോ പിന്നെ ഞാന്‍ ചത്താലും ജീവിച്ചാലും നിനക്ക് എന്ത?ഞാന്‍ ചോദിച്ചു
ഇഷ്ടമാണ്.അവള്‍ കണ്ണുനീര്‍ തുടച്ചു കൊണ്ട് പറഞ്ഞു
എന്താ ഒന്ന് കൂടി പറഞ്ഞെ.ഞാന്‍ പറഞ്ഞു
അതിനു മറുപടി ആ കരഞ്ഞു വാടിയ മുഖത്തൊരു ചെറു പുഞ്ചിരി ആയിരുന്നു,അത് കണ്ട് ഞാന്‍ ഈശ്വരനോട് ഞാന്‍ മനസ്സില്‍ ഞാന്‍ നന്ദി പറഞ്ഞു.
അപ്പോള്‍ നീ രാവിലെ ഇഷ്ടമല്ലെന്ന് പറഞ്ഞത് നിന്‍റെ അച്ഛനെ ഭയന്നല്ലേ?ഞാന്‍ ചോദിച്ചു
ഉം.അവള്‍ മൂളി
ആ കണ്ണ് തുടച്ചു എന്‍റെ അടുത്ത് വന്നിരിക്ക്‌.ഞാന്‍ ബെഡ്ഡിന്‍റെ സൈഡില്‍ തൊട്ട് കൊണ്ട് അവളോട് പറഞ്ഞു
അവള്‍ കണ്ണ് തുടച്ചു എന്‍റെ അടുത്ത് വന്നിരുന്നു.
എന്ത് പറഞ്ഞു ക്ലാസ്സില്‍ നിന്നു പുറത്ത് ചാടിയത്?ഞാന്‍ ചോദിച്ചു
ഫ്രണ്ടിനു അപകടം പറ്റി എന്ന് പറഞ്ഞു.അവള്‍ പറഞ്ഞു
