അങ്ങനെ ഇന്റെര്‍വല്‍ ആയി,ഫസ്റ്റ് ഇയര്‍സിന്‍റെ സെക്ഷനിലോട്ടു പോകുന്ന പ്രധാന വഴിയുടെ രണ്ട് വശങ്ങളിലുമായി ഞങ്ങള്‍ നിന്നു അവളെയും കാത്ത്,പിള്ളേരെല്ലാം പുറത്തേക്കു വന്നു കൊണ്ടേ ഇരുന്നു പക്ഷെ എന്‍റെ
കണ്ണ് ആ കൂട്ടത്തില്‍ അവളെ മാത്രം തേടുകയായിരുന്നു,അങ്ങനെ കുറച്ചു നേരത്തെ കാത്തിരുപ്പിന് ശേഷം എന്‍റെ മാലാഖ എന്‍റെ ഏയ്‌ഞ്ചല്‍ കൂട്ടുകാരികളുടെ ഒപ്പം നടന്ന് പുറത്തേക്കു വന്നു,അവളെ കണ്ടപ്പോള്‍ എന്‍റെ കണ്ണുകള്‍ വിടര്‍ന്നത് കണ്ടിട്ടാകണം എന്‍റെ മുഖത്തേക്ക്‌ നോക്കിക്കൊണ്ടിരുന്ന അഞ്ജലി എന്നോട് ചോദിച്ചു
“ആ വെള്ള ചുരിദാര്‍ ഇട്ട പെണ്ണാണോ”?
“അതെ”.ഞാന്‍ സ്വപ്നത്തിലെന്നപോലെ മൂളി.എല്ലാവരും അവളെ നോക്കി….
“ഉം അവള്‍ ശെരിക്കും മാലാഖ തന്നെയാട,നിന്‍റെ സെലക്ഷന്‍ സൂപ്പര്‍”.അഞ്ജലി പറഞ്ഞു,എല്ലാവരും അവള്‍ പറഞ്ഞതിനെ ഏറ്റു പിടിച്ചു.
അവള്‍ ഞങ്ങളുടെ അടുത്തേക്ക് നടന്നടുത്തുകൊണ്ടേ ഇരുന്നു,അതു കണ്ട ഞാന്‍ എല്ലാരോടുമായി പറഞ്ഞു
“എല്ലാരും കണ്ടു കഴിഞ്ഞല്ലോ,ഇനി മക്കളെല്ലാം കൂടി വീട്ടില്‍ പോയിന്,ഇനി നീയൊക്കെ ഇവിടെ നിന്നാല്‍ ആ പെണ്ണിന് എന്തേലും സംശയം തോന്നും”.
“ഡാ ഞങ്ങള്‍ രണ്ടും നിന്‍റെ കൂടെ നിന്നോട്ടെട ബാക്കി എല്ലാരും പൊക്കോട്ടെ”.അഞ്ജലിയും അലക്സും ആണ് അത് പറഞ്ഞത്.
“ശരി,പക്ഷെ രണ്ടും അലമ്പ് പരുപാടി ഒന്നും കാണിക്കരുത് കൂടെ നിന്ന്”.ഞാന്‍ പറഞ്ഞു
“ഇല്ലെട,ഒരു അലമ്പും ഉണ്ടാക്കില്ല”.അവര്‍ പറഞ്ഞു,ബാക്കി എല്ലാവരും ഞങ്ങളോട് യാത്ര പറഞ്ഞു പോയി.
ഞങ്ങള്‍ അവള്‍ വരുന്നതും നോക്കി കൊണ്ട് അവിടെ നിന്നു,എന്‍റെ ശ്രദ്ധ അവളുടെ കണ്ണിലേക്ക് മാത്രം ആയിരുന്നു,ആ മനോഹരമായ മാന്‍പേട കണ്ണുകളും നല്ല കറുപ്പ് നിറത്തില്‍ ഇടതൂര്‍ന്ന പുരികങ്ങളും മുഖത്തിന്‍റെ
സൌന്ദര്യത്തിനു മാറ്റ് കൂട്ടുന്നവയായിരുന്നു.ഞാന്‍ അവളെ തന്നെയാണ് നോക്കുന്നത് എന്ന് മനസ്സിലാക്കിയ അവള്‍ ഒരു മാത്ര എന്നെ നോക്കിയിട്ട് കൂട്ടുകാരികളുടെ കൂടെ ഞങ്ങളെ ക്രോസ് ചെയ്തു കടന്നു പോയി,പെട്ടന്ന് അവളുടെ കൂട്ടുകാരി കാവ്യാ എന്നെ തിരഞ്ഞു നോക്കി,അപ്പോഴും ഞാന്‍ ഏയ്‌ഞ്ചലിനെ തന്നെ ആണ് നോക്കിക്കൊണ്ടിരുന്നത്,അത് മനസ്സിലാക്കിയ കാവ്യാ ഏയ്‌ഞ്ചലിനോട് പതുക്കെ പറഞ്ഞു
“രാവിലെ നമ്മളെ റാഗ് ചെയ്ത ആ ചേട്ടന് ഇപ്പോഴും നിന്നെ തന്നെയാ പെണ്ണേ നോക്കിക്കൊണ്ടിരിക്കുന്നത്‌,രാവിലെ റാഗ് ചെയ്യുമ്പോഴും ഞാന്‍ ശ്രദ്ധിച്ചത ആ ചേട്ടന് നിന്‍റെ മേല് ഒരു കണ്ണ് ഉണ്ടെന്ന്,മിക്കവാറും നിന്നെ അങ്ങേരു വളക്കും”
“ഒന്ന് മിണ്ടാതിരിക്കെടി ആവിശ്യമില്ലാത്ത കാര്യം പറയരുത്,ഞാന്‍ ഇവിടെ പഠിക്കാന വന്നത്”.ഏയ്‌ഞ്ചല്‍ ദേഷ്യത്തോടെ അടക്കിപിടിച്ചു കാവ്യയോട്‌ പറയുന്നത് ഞങ്ങള്‍ കേട്ടു.അത് കേട്ട് കൊണ്ട് അഞ്ജലി എന്നോട് പറഞ്ഞു
“ഡാ ഇവളെ വളക്കാന്‍ നീ കുറച്ചു പാട് പെടും”
“ഇവളെ സ്വന്തമാക്കാന്‍ വേണ്ടി ഞാന്‍ എന്തും ചെയ്യും,കണ്ട മാത്രയില്‍ തന്നെ അവള്‍ എന്‍റെ മനസ്സില്‍ കയറിയത”.ഞാന്‍ പറഞ്ഞു
“ഡ നീ പേടിക്കെണ്ട ഇവളെ വളക്കാന്‍ എന്ത് സഹായത്തിനും ഞങ്ങള്‍ കാണും കൂടെ”.അലക്സ്‌ പറഞ്ഞു
“എനിക്ക് അത് കേട്ട മതി”.ഞാന്‍ പറഞ്ഞു,ഞാനും അവരും ഒരുമിച്ച് ചിരിച്ചു
“ഡി നീ ആദ്യം അവളോടും അവളുടെ കൂട്ടുകാരികളോടും പോയി കൂട്ടുകൂട്,എന്നിട്ട് നൈസ് ആയിട്ട് അവളെ കുറിച്ച് എല്ലാം ചോദിച്ചു മനസ്സിലാക്കണം,പിന്നെ എന്നെ അവള്‍ടെ കൂട്ടുകാരികള്‍ക്ക് പരിചയപ്പെടുത്തി കൊടുക്കുകയും വേണം,നീ ഇത്രയും എനിക്ക് വേണ്ടി ചെയ്ത മതി”.ഞാന്‍ പറഞ്ഞു
“ഇതിലും ഭേതം എന്നോട് അവളെ അങ്ങ് പ്രേമിക്കാന്‍ പറയുന്നതല്ലേ അഭി”?ഒരു കുസൃതി ചിരിയോടെ അഞ്ജലി പറഞ്ഞു.
“എന്‍റെ പൊന്ന് മോളല്ലേ എനിക്ക് വേണ്ടി ഇതു പോലും നീ ചെയ്യില്ലേ”?ഞാന്‍ ചോദിച്ചു
“അളിയാ ഇവള്‍ക്ക് ഇത്ര ജാഡ ആണെങ്കില്‍ ഞാന്‍ പോയാലോ ഇവള്‍ക്ക് പകരം”?.അലക്സ്‌ ചോദിച്ചു
“എന്‍റെ പൊന്നളിയ ശവത്തില്‍ കുത്തരുത്,ഒന്നിപിക്കുന്ന കാര്യമാ പറഞ്ഞെ അല്ലാതെ വെറുപ്പിക്കുന്ന കാര്യമല്ല,അതുകൊണ്ട് നീ പോകണ്ട അഞ്ജലി പോയാല്‍ മതി”.ഞാന്‍ പറഞ്ഞു
“ഞാന്‍ പോകാം പക്ഷെ നീ എന്തിനാ വളഞ്ഞു മൂക്കില്‍ പിടിക്കണേ,നേരിട്ടങ്ങ് പറഞ്ഞാല്‍ പോരെ?”.അഞ്ജലി ചോദിച്ചു
“ചില മൂക്ക് വളഞ്ഞു തന്നെ പിടിക്കണം,നീ തന്നെ കണ്ടതല്ലേ ഞാന്‍ ഒന്ന് നോക്കുനെന്നു അവള്‍ടെ കൂടുകാരി അവളോട് പറഞ്ഞപ്പോള്‍ തന്നെ കണ്ടതല്ലെ പെണ്ണ് ദേഷ്യപ്പെട്ട് അവളോട് പറഞ്ഞത്.അങ്ങനെ ഉള്ള പെണ്ണിനോട് ഞാന്‍ അങ്ങോട്ട്‌ ചെന്നു പറയണ്ട താമസമേ ഉള്ളു അവള്‍ അക്സപ്റ്റ് ചെയ്യാന്‍ പോവല്ലെ”
………………………
ഞങ്ങള്‍ മൂന്ന് പേരും കൂടി ചിരിച്ചു
“അപ്പോള്‍ ശരി നീ പറഞ്ഞ പോലെ ചെയ്യാം അല്ലെ”?
“ഉം നീ ഇപ്പഴെ പോയി മുട്ടിക്കോ അവരോട്,നീ എത്രയും പെട്ടന്ന് തന്നെ നൈസ് ആയിട്ട് അവളെ കുറിച്ച് എല്ലാ വിവരവും അറിഞ്ഞിട്ട് എന്നോട് വന്ന് പറയണം,ഞാന്‍ എന്റേതായ രീതിയില്‍ അവള്‍ടെ മനസ്സില്‍ എന്തെങ്കിലും ചലനം വരുത്താന്‍ പറ്റുമോ എന്ന് കൂടി നോക്കാം,പിന്നെ അവള്‍
ആരെയെങ്കിലും പ്രണയിച്ചിട്ടുണ്ടോ,ഇപ്പോള്‍ ആരോടേലും ഉണ്ടോ എന്നെല്ലാം തിരക്കണം,അതിന് ശേഷം നീ എന്നെ പരിചയപ്പെടുത്തണം സമയവും സന്ദര്‍ഭവും ഒത്തു വരുമ്പോള്‍ ഞാന്‍ അവളെ പ്രൊപോസ് ചെയ്യും”.ഞാന്‍ അത്രയും പറഞ്ഞു,അഞ്ജലി അവരെ പരിചയപ്പെടാനായി ക്യാന്റീന്‍ലേക്ക് അവരുടെ പുറകിനു പോയി.
“നിന്‍റെ ഐഡിയ ഒക്കെ കൊള്ളാം പക്ഷെ അവള്‍ക്ക് വേറെ ലവ് ഉണ്ടെങ്കിലോ”?അലക്സ്‌പറഞ്ഞു.എനിക്ക് അവനെ കൊല്ലാനുള്ള ദേഷ്യം ഉള്ളിലൊതുക്കി കൊണ്ട് ഞാന്‍ പറഞ്ഞു
“നീ കരുനാക്ക് വളച്ചു ഒന്നും പറയാതെ,അങ്ങനൊന്നും ആയിരിക്കില്ല എന്നാണ് എന്‍റെ വിശ്വാസം”.ഞാന്‍ പറഞ്ഞു.
“അതല്ലളിയ അതെല്ലാം അറിഞ്ഞിട്ട് അവളെ വായിനോക്കിയാല്‍ പോരെ നിനക്ക്”.അലക്സ്‌ ചോദിച്ചു,
“ഡാ പൊട്ടാ ലവ് ചെയ്യുമ്പോള്‍ നമ്മള്‍ ഫസ്റ്റ് ചെയ്യേണ്ടത് ഫീല്‍ഡ് വര്‍ക്ക്‌ ആണ്,അതാണ്‌ ഈ വായിനോട്ടം,അവള്‍ എവിടെ പോയാലും നമ്മള്‍ അവിടെ കാണണം എപ്പോഴും അവളെ തന്നെ ശ്രദ്ധിക്കണം,അപ്പോള്‍ അവര്‍ക്ക് നമ്മളോട് എന്തെങ്കിലും ഒരു ഫീല്‍ ഉണ്ടാകും,അത് ഇഷ്ടമോ വെറുപ്പോ ഭയമോ എന്തുമാകാം അതില്‍ നിന്നു വേണം നമ്മള്‍ പിടിച്ചു കയറാന്‍,അതുകൊണ്ടാണ് ഞാന്‍ അവളെ തന്നെ നോക്കി കൊണ്ടിരുന്നത്”.ഞാന്‍ പറഞ്ഞു
“അല്ലാതെ അവള്‍ടെ സൌന്ദര്യം കണ്ട് കണ്ണ് മഞ്ഞളിച്ചിട്ടല്ല അല്ലെ.”അലക്സ്‌ ഒരു വളിച്ച ചിരി ചിരിച്ചു കൊണ്ട് പറഞ്ഞു.
“അതും കൂടി കൊണ്ടാണ്,പിന്നെ നീ പറഞ്ഞില്ലേ അവള്‍ക്ക് വേറെ ലവ് ഉണ്ടെങ്കിലോ എന്ന്,നീ അവള്‍ടെ കൂട്ടുകാരി അവളോട് പറഞ്ഞത് കേട്ടാരുന്നോ?മിക്കവാറും ഞാന്‍ അവളെ വളക്കും എന്നല്ലെ അവള്‍ടെ കൂട്ടുകാരി അവളോട് പറഞ്ഞത്.അതിനര്‍ത്ഥം അവള്‍ക്ക് വേറെ ലവ് ഇല്ല എന്നല്ലെ?ഞാന്‍ ചോദിച്ചു
