“അതുമായി പക്കാ മാച്ചാകുന്ന ഒരു പേരുണ്ട്” അതും പറഞ്ഞ് വിക്കി ഗമയിൽ എഴുന്നേറ്റ് മുന്നോട്ട് കുറച്ച് നടന്ന ശേഷം ഞങ്ങൾക്ക് നേരെ തിരിഞ്ഞ് നിന്നു 🙂.
“ഓവർ ബിൽഡപ്പ് ഇടാണ്ട് പേര് പറയടാ പുല്ലേ 🤯” അപ്പോഴേക്കും ശ്രീയുടെ കൺട്രോൾ വിട്ടിരുന്നു.
“തോട്ടുമ്മൽ ബ്രദേർസ് , എപ്പടി?” ചിരിച്ചുകൊണ്ട് തന്നെ വിക്കി പറഞ്ഞു.
“ഡേയ് നിനക്ക് ഇവളോ ബുദ്ധിയാ!?” സച്ചിയുടെ കണ്ണുകൾ മിഴിഞ്ഞു.
ശ്രീയുടെ കാര്യമാണ് അതിലും രസം അവൻ ഒരുമാതിരി “അറിഞ്ഞില്ല , ആരും പറഞ്ഞില്ല” എന്ന റിയാക്ഷനോടെ നിൽപ്പാണ്. ഇതൊക്കെ കണ്ട് നിന്ന എന്റെ കിളികൾ നേരത്തെ പറന്ന് പോയിരുന്നല്ലോ 🥴.
“ങാ , അല്ലേലും ഇമ്മാതിരി വിഷയങ്ങളിൽ പണ്ടേ ഇവൻ കറക്റ്റ് റൂട്ടാ” എന്റെ പ്രശംസ കൂടി ആയപ്പോൾ ചെക്കന്റെ ഗമ ഒന്നുകൂടി കൂടി. പൊങ്ങി പൊങ്ങി ഭീമന്റെ കൊമ്പിൽ ്് തട്ടാതിരുന്നാൽ മതിയായിരുന്നു.
“ഹാവൂ , അങ്ങനെ ആ പ്രശ്നം കോംപ്ളിമൻസാക്കി” സച്ചി ചിരിച്ചു.
🎼🎼🎼🎼🎼 അപ്പോഴാണ് സച്ചിയുടെ ഫോൺ റിങ് ചെയ്യുന്നത്.
“കണ്ണനാണല്ലോ” പറഞ്ഞുകൊണ്ട് അവൻ കാൾ അറ്റന്റ് ചെയ്തു.
“ആഡാ പറ. ഏഹ് എവിടെവച്ച്?. ആ ഞാനിപ്പോ വരാം”
അവൻ പറയുന്നതെല്ലാം കേൾക്കുകയായിരുന്നു ഞങ്ങൾ.
“ഡാ , ആ ഷിയാസ് നമ്മടെ മൂങ്ങയെ തല്ലുന്നൂന്ന്”
കാൾ കട്ട് ചെയ്ത് അവൻ പറഞ്ഞത് കേട്ട് ഞാൻ ഞെട്ടി.
*****
ഗ്രാമത്തിലെ ഡ്രീംസ് ക്ളബ്ബിന് മുന്നിൽ കുറച്ച് ആളുകൾ കൂടിനിൽക്കുന്നുണ്ട്.
“എന്താ പ്രശ്നം , എന്തിനാ ഇവമ്മാര് തല്ല് കൂടണേ?” കൂട്ടത്തിൽ ഒരാൾ അടുത്ത് നിൽക്കുന്ന ആളോട് ചോദിച്ചു.
“്് പെങ്ങളോട് വേണ്ടാതീനം പറഞ്ഞത് ചോദിക്കാൻ പോയി അങ്ങനെ തൊടങ്ങിയതാ” “എന്റെ പൊന്ന് ചേട്ടാ , ഇല്ലാത്തത് പറയല്ലേ. ഇത് അവമ്മാര് ക്രിക്കറ്റ് കളിക്കുന്നതിന്റെ ഇടയില് വന്ന ഏതാണ്ട് കശപിശയാ” അവരുടെ സംസാരം കേട്ട് നിന്ന ഒരു ചെറുപ്പക്കാരൻ അത് ഇഷ്ടപ്പെടാതെ പറഞ്ഞു.
അപ്പോഴേക്കും അവർ നാല് പേരും അവിടെ എത്തിയിരുന്നു.
“നിർത്തെടാ” തല്ല് കൂടുന്ന രണ്ട് പേരേയും പിടിച്ച് മാറ്റി നവനീത് അവർക്ക് ഇടയിൽ കയറിനിന്നു.
“എന്താടാ പ്രശ്നം?” മനുവിനോടായി വിക്കി ചോദിച്ചു.
“കളി തോക്കാറായപ്പോ ഈ പന്നി സ്റ്റമ്പ് ഊരിക്കൊണ്ടുപോവാൻ നോക്കി. അത് ചോദിച്ച കണ്ണനെ ദാ അവൻ തള്ളിയിട്ടു” ഷിയാസിന്റെ കൂടെ നിന്നിരുന്ന വേറൊരു പയ്യനെ ചൂണ്ടിയാണ് മനു അവസാനത്തേത് പറഞ്ഞത്.
“ഡാ മൂങ്ങെ , സ്റ്റമ്പ് ഊരുന്നതും ഊരാത്തതും ഞങ്ങടെ സൗകര്യം. അതില് കേറി ചൊറിയാൻ നീയൊന്നും ആയിട്ടില്ല” ഞങ്ങളുടെ നേരെ ചീറുകയാണ് ഷിയാസ്.
“അല്ല ഷിയാസെ തോക്കാറാവുമ്പോ ഇമ്മാതിരി പണി കാണിച്ചാ ആരായാലും ചോദിക്കൂലെ?”
“ഫ്ഭ അത് പറയാൻ നീയേതാടാ” പറഞ്ഞതിന്റെ ഒപ്പം തന്നെ അവന്റെ കൈ മുന്നോട്ട് വന്ന ശ്രീയുടെ കവിളിൽ വീണിരുന്നു.
പ്രതീക്ഷിക്കാതെയുള്ള ആ അടിയിൽ അവൻ ചെറുതായി വേച്ചു പോയി.
“പട്ടി***_-#@” വിളിച്ചതിന്റെ കൂടെ സച്ചിയുടെ കാൽ ഷിയാസിന്റെ വയറിന്റെ മേൽ ശക്തമായി പതിച്ചു.
ഷിയാസ് വീണത് കണ്ട അവന്റെ കൂട്ടുകാർ മുന്നോട്ട് വന്നു.
പിന്നെ ഞങ്ങൾക്ക് നോക്കിനിൽക്കാൻ ആകുമോ? ഒന്നാമതെ ഒരു തെറ്റും ചെയ്യാത്ത നമ്മടെ പിള്ളാരെ തല്ലി , അതിനും പുറമെ ഒരു കാര്യവുമില്ലാതെ ശ്രീയുടെ ദേഹത്ത് കൈയ്യും വച്ചു 🥵😤🥵😤🥵
പിന്നീട് അവിടെ നടന്നത് ഒരു കൂട്ടത്തല്ലായിരുന്നു.
ഷിയാസിന്റെ ഒപ്പം അഞ്ചാറ് പേര് ഉണ്ടായിരുന്നു. ആദ്യമൊന്ന് പകച്ചെങ്കിലും സച്ചിക്ക് പുറകെ ഞങ്ങളും ഫോമിലേക്ക് വന്നതോടെ കണ്ണും കൈയ്യുമില്ലാത്ത രീതിയിലേക്ക് തല്ല് മാറി.
“ഡാ കിച്ചൂ , പിടിയടാ അവനെ” അതിന്റെ ഇടയിൽ ഓടാൻ നോക്കിയ ഷിയാസിന്റെ സുഹൃത്തിനെ ചൂണ്ടി വിക്കി വിളിച്ചുപറഞ്ഞു.
വയലിലിട്ട് കിട്ടിയ എല്ലാത്തിനേയും ഞങ്ങൾ ്് ചവിട്ടിക്കൂട്ടി.
സംഭവം കൈവിട്ട് പോവുമെന്ന് തോന്നിയപ്പോൾ ആരൊക്കെയോ ചേർന്ന് എല്ലാരേയും പിടിച്ചുമാറ്റി.
“ഡാ അവൻ രവിയേട്ടന്റെ മോനാ” സച്ചിക്ക് നേരെ ആക്രോശിച്ച് വന്ന ഒരാളോട് കൂട്ടത്തിലെ ഒരാൾ പറഞ്ഞു. അത് കേട്ട് അയാൾ പുറകിലേക്ക് വലിഞ്ഞു.
“പറയാനുള്ളത് പറഞ്ഞിട്ട് പോഡോ , അച്ഛന്റെ പേരില് മടിക്കണ്ടാ. ഞങ്ങളാരേയും ചുമ്മാ തല്ലിയതല്ല , കൂട്ടത്തിലുള്ളവനെ തൊട്ടാ മിണ്ടാതെ കൈയ്യും കെട്ടി നിൽക്കില്ല , അതിപ്പോ ആരോടായാലും”
സച്ചി കത്തിക്കയറുകയാണ്.
ഞങ്ങളുടെ പ്രകടനം കണ്ട് ചിന്നുവും , ശ്രീക്കുട്ടിയും , മാളുവുമെല്ലാം പേടിച്ച് നിൽപ്പാണ്.
ഒരുവിധത്തിൽ എല്ലാം ഒതുക്കി വീടുകളിലേക്ക് തിരിച്ചു..
ഞങ്ങൾക്ക് ഇത് പുത്തരി അല്ലാത്തതിനാൽ ്് വീട്ടുകാരുടെ വഴക്ക് ്് ഒന്നിലൂടെ കേട്ട് മറ്റേതിലൂടെ പുറത്ത് വിടാൻ ചെവികൾക്ക് പ്രത്യേകിച്ച് കഷ്ടപ്പാടൊന്നും ഉണ്ടായിരുന്നില്ല 😈.
****
“ഡാ ആ ഷിയാസിനിട്ട് കനത്തിലൊന്ന് കൊടുക്കേണ്ടിവരു” തോടിന്റെ കരയിലുള്ള കലുങ്കിന്റെ മേലെ ഇരിക്കുകയായിരുന്നു ഞങ്ങൾ.
“നീ അത് വിട്ടേക്ക് വിക്കി” ശ്രീ അങ്ങനെ പറഞ്ഞെങ്കിലും അവന്റെ ദേഷ്യം മാറിയിട്ടില്ല.
“ഡാ പ്രാക്റ്റീസ് തുടങ്ങണ്ടേ?” കുറച്ച് കഴിഞ്ഞപ്പോൾ സച്ചി ചോദിച്ചു.
“ആഹ് , ശരിയാ , എവിടെ വച്ച് നടത്തും?” ഞാൻ സംശയം ചോദിച്ചു.
“അതിനല്ലേ ക്ളബ്ബ് , അവിടെ പോരെ?”
“അത് മതി”
*****
ഒരാഴ്ച വളരെ പെട്ടന്ന് കടന്ന് പോയി. കാവും നാടും ഉത്സവത്തിന്റെ ലഹരിയിൽ മുഴുകിക്കഴിഞ്ഞു.
ഒരു വയലിന്റെ കരയിലാണ് കാവ്.
കുരുത്തോലയും , തോരണങ്ങളും കൊണ്ട് കാവും പരിസരങ്ങളും എല്ലാം അലങ്കരിച്ചിട്ടുണ്ട്.
ഉച്ച വരെയുള്ള പണികളും പ്രാക്റ്റീസുമെല്ലാം കഴിഞ്ഞ് വൈകീട്ടാണ് ഞാൻ അങ്ങോട്ട് പോവുന്നത്.
“ആഹാ , നിങ്ങള് നേരത്തെ എത്തിയോ?” ഞാൻ അവിടെ എത്തുമ്പോഴേക്കും ശ്രീയും , സച്ചിയും , വിക്കിയും അവിടെ ഉണ്ടായിരുന്നു.
“ആഹ് നിന്നെപ്പോലെ ആയാൽ പറ്റോ , എല്ലാടത്തും എന്റെ ഒരു കണ്ണെത്തണ്ടെ?” വിക്കി കുരുത്തോല കൈയ്യിലിട്ട് കറക്കിക്കൊണ്ട്.
“അയിന് നീ അല്ലല്ലോ , സജിയേട്ടനല്ലേ സെക്രട്ടറി?” ഞാൻ അതേ ടോണിൽ ചോദിച്ചു 😄.
“അല്ല മോനെ അപ്പോ നിന്റെ ്് മറ്റേ കണ്ണ് എവിടെപ്പോയി?” ശ്രീയുടെ ന്യായമായ സംശയം.
“അത് സ്നേഹയുടെ പുറത്തല്ലേ” സച്ചിയുടെ ചിരി കൂടി ആയപ്പോൾ വിക്കി അവിടെ നിന്ന് പതുക്കെ എസ്കേപ്പായി.
കുറച്ച് ചേട്ടന്മാർ അവിടെ ചന്ദകൾ കെട്ടുന്നതും നോക്കി അവിടെ കറങ്ങി നടന്നു.
(കളിപ്പാട്ടങ്ങളും , വളയും മാലയും പോലുള്ള സാധനങ്ങളും വിൽക്കുന്ന താൽകാലികമായ നിർമിതികളെയാണ് ഞങ്ങൾ ചന്ദകൾ എന്ന് വിളിക്കാറ്).
ഐസ്ക്രീം വിൽക്കുന്ന വണ്ടിയുടെ അടുത്ത് നിന്ന് അതിലെ ഒരു ചേട്ടനോട് സംസാരിക്കുകയായിരുന്നു ഞാൻ.
“ഡാ കിച്ചു , ബാക്കിയുള്ളവമ്മാരൊക്കെ എവിടെ?” സജിയേട്ടനാണ്.
