അതങ്ങനെ ഒരു സൈക്കോ മമ്മി !
നേരെ തറവാട്ടിലേക്ക് വിട്ടു. അവിടെ ചെല്ലുമ്പോൾ എല്ലാരും വല്യമ്മെടെ തള്ള് കേട്ട് ഉമ്മറത്തിരിപ്പുണ്ട്. ഒരു ലോഡ് സാധനവുമായി വരുന്ന എന്നെ കണ്ട് എല്ലാവരും സൂക്ഷിച്ചു നോക്കി. അമ്മു എന്നെ നോക്കി നഖം കടിക്കുന്നുണ്ട്. ഞാൻ ഉമ്മറത്തെക്ക് കയറി ഔപചാരികതയോടെ പറഞ്ഞു.
“ഇതാ മേമെ സാരി…..”
അവൾ അതും വാങ്ങി ഉള്ളിലേക്ക് പോയി.
“അത് സാരി മാത്രം ഒന്നും അല്ലല്ലോ..? വല്യമ്മ സംശയഭാവത്തിൽ എന്നെ നോക്കി ചിരിച്ചുകൊണ്ട് പറഞ്ഞു.
“സാരി മാത്രേ ഒള്ളൂ. പിന്നേ കൊറച്ചു മുല്ലപ്പൂ വാങ്ങാനും പറഞ്ഞെന്നു മേമ.. ”
ഞാൻ പരുങ്ങലോടെ പറഞ്ഞു.
“അമ്മു കാര്യായിട്ടാണല്ലോ?
വല്യമ്മ അവളെ നോക്കി താടിക്ക് കൈ കൊടുത്ത്കൊണ്ട് പറഞ്ഞു.
അത് കേട്ടതും അമ്മു അന്തം വിട്ട് എന്നെ ഒന്ന് നോക്കി. പിന്നേ റൂമിലേക്ക് പോയി സാരിയുടെ കവർ മാത്രം മാത്രം തിരിച്ചു കൊണ്ടു വന്നു. ഇന്നേറെല്ലാം അവൾ എടുത്ത് മാറ്റി വെച്ചിട്ടുണ്ടെന്ന് അവളുടെ വരവിൽ എനിക്ക് മനസ്സിലായി.
അവൾ കവർ ഉമ്മറത്തു കൊണ്ടു വന്ന് തിണ്ടിൻമേൽ വെച്ചു. എന്നെ ഒന്ന് നോക്കി. ഞാൻ പൊട്ടിച്ചോളാൻ കണ്ണുകൾ കൊണ്ട് അനുവാദം നൽകി.
ഞാൻ ചുമരിൽ ചാരി നിന്ന് അത് കണ്ടു. ഇഷ്ടപ്പെട്ടവർക്ക് ഗിഫ്റ്റ് വാങ്ങി കൊടുത്ത് അവർ അത് പൊട്ടിക്കുന്നത് നോക്കി നിന്നിട്ടുണ്ടോ? വല്ലാത്ത ഒരു ഫീൽ ആണത്.അവൾ കളിപ്പാട്ടം കിട്ടിയ കുട്ടിയുടെ കൗതുകത്തോടെ കവർ ഓരോന്നായി പൊട്ടിച്ചു. മറ്റുള്ളവർ ആരും അവിടെ ഇല്ലായിരുന്നേൽ എന്റെ കവിളിൽ സ്നേഹത്തോടെ ഒരു കടി തന്നേനെ പെണ്ണ്.അവൾ ബോക്സിൽ നിന്ന് ഡ്രസ്സ്‌ എടുത്ത് മടക്ക് നിവർത്തി.
“അമ്മോ….. ഇത് ഉഷാറായി ”
വല്യമ്മ ആണത് പറഞ്ഞത്.
അമ്മു അവിശ്വസനീയതയോടെ സാരി വിടർത്തി ഇരുപുറവും നോക്കി. അവളുടെ കണ്ണിൽ വന്ന തിളക്കം ഞാൻ ശ്രദ്ധിച്ചെങ്കിലും പെട്ടന്നവൾ എന്നെ ഒന്നിരുത്തി നോക്കി. അപ്പോൾ അവളുടെ മുഖത്തെ ഭാവം എന്താണെന്ന് എനിക്ക് യാതൊരു പിടിയും കിട്ടിയില്ല.
ഇതിനെത്ര ആയി….?
കണ്ണിൽ പടർന്ന നനവ് മറ്റാരും കാണാതെ കൈ കൊണ്ട് തുടച്ചുകൊണ്ട് അവൾ എന്നോട് ചോദിച്ചു.
അതിനാകെ എണ്ണൂറ് രൂപ ആയുള്ളൂ..
ഞാൻ ചിരിച്ചു കൊണ്ട് ഉത്തരം നൽകി. എന്തോ പറയാനായി അവളുടെ ചുണ്ട് വിറച്ചെങ്കിലും ഒന്നും പറയാതെ അവൾ അതിൽ പ്രൈസ് ടാഗ് പരതി.
“എണ്ണൂറുപ്പ്യക്ക് ഇത് നല്ല കിട്ടലാട്ടോ, കണ്ണന് തുണി ഇട്ക്കാൻ അറിയാ “
വല്യമ്മ കൗതുകത്തോടെ ലെഹങ്ക തിരിച്ചും മറിച്ചും നോക്കിക്കൊണ്ട് പറഞ്ഞു.
അമ്മു ഒന്നും മിണ്ടാതെ അതെടുത്തു മടക്കി വെച്ച് ഒന്നും മിണ്ടാതെ അകത്തേക്ക് പോയി.
ചോറുണ്ടപ്പോഴും അവൾ വിളമ്പി തന്നതല്ലാതെ ഒന്നും മിണ്ടിയില്ല.
“അച്ഛമ്മാ നാളെ നമ്മളെല്ലാരും ഒരുമിച്ചാണ് പോണത് !സെറ്റും മുണ്ടും ഒക്കെ തേച്ചു വെച്ചത് ഇല്ലേ?
ഞാൻ അച്ഛമ്മയോടായി പറഞ്ഞു. വല്യമ്മക്കും അത് വല്യ സന്തോഷം ആയി.
ആവൂ.. ബസിന് കേറി മറിയണ്ടല്ലോ !
വല്യമ്മ നെടുവീർപ്പോടെ പറഞ്ഞു.
ഉവ്വോ. കാറ് കിട്ട്യോ?
അച്ഛമ്മ അത്ഭുതത്തോടെ ചോദിച്ചു.
അതൊക്കെ ഞാൻ റെഡി ആക്കീട്ട്ണ്ട്.. ഞാൻ സ്വല്പം ഗൗരവം നടിച് പറഞ്ഞു. അമ്മു അപ്പോഴും ചോറിൽ ചിത്രം വരച്ചോണ്ടിരിക്കാണ്.
ഭക്ഷണം കഴിച്ച് കിടക്കാനുള്ള തയ്യാറെടുപ്പിൽ വല്യമ്മ എന്നോട് ചോദിച്ചു.
ഇയ്യെവെടെയാ കെടക്കല്?
“ഞാൻ മേമേന്റെ റൂമിൽ നിലത്ത്…. ”
ഞാൻ പരുങ്ങലോടെ പറഞ്ഞു.
“ന്നാ അവടെത്തന്നെ കെടന്നോ ഹാളിൽ കെടന്നാൽ എലി തൊള്ളേക്ക് മൂത്രം ഒഴിക്കും അതറിയാനാ ഞാൻ ചോയിച്ചത്.”
വല്യമ്മ ചിരിയോടെ പറഞ്ഞു.
സത്യമായിരിക്കും. കാരണം റൂമുകൾ മരത്തടി കൊണ്ട് സീലിംഗ് ചെയ്തിട്ടുള്ളത് കൊണ്ട് എലി ശല്യം ഇല്ല.
“അപ്പൊ വല്യമ്മ എവടെ കെടക്കും?.
മനസ്സിൽ നുരഞ്ഞു പൊന്തിയ സന്തോഷം പുറത്ത് കാണിക്കാതെ ഞാൻ ചോദിച്ചു.
“ഞാൻ അമ്മേന്റെ ഒപ്പം കെടന്നോളാ !
“അയ്യോ അത് ചെറിയ കട്ടിലല്ലേ?
അമ്മു അത് കേട്ട് വല്യമ്മയോടായി ചോദിച്ചു.
“അതോ അത് ഇങ്ങക്കല്ലേ ചെറ്ത്, ഞങ്ങള് അഞ്ച് മക്കളും അമ്മേം ഒരുമിച്ച് കെടന്നിട്ടിൻഡ് അതിൽ.. വല്യമ്മ വലിയ കാര്യത്തിൽ പറഞ്ഞു.
“അവർ റൂമിൽ കേറി വാതിലടച്ചതോടെ ഞാനും ആവേശത്തോടെ റൂമിലേക്ക് കയറി
“ഞാൻ ചെല്ലുമ്പോ അമ്മു സ്വല്പം കുനിഞ്ഞ് , നിന്ന് ബെഡ്ഷീറ്റ് വിരിക്കുകയാണ്.
അവളുടടെ കെട്ടഴിഞ്ഞ മുടി ചുരിദാറിനു മുകളിലൂടെ അവളുടെ നിതംബ ഭാഗത്ത്‌ പനങ്കുല പോലെ കിടന്നാടുന്നത് കണ്ടതും എനിക്ക് മൂഡായി.
പിറകിലൂടെ ചെന്ന് അവളെ കെട്ടിപിടിച്ചുകൊണ്ട് പിൻ കഴുത്തിൽ ഉമ്മ വെച്ചതും പെണ്ണോന്ന് പിടഞ്ഞു.
വിട്ടേ വിരിക്കട്ടെ…..
അവൾ എന്നെ നോക്കാതെ കൈ വിടുവിച്ചു..
“എന്താടോ ഒരു തെളിച്ചം ഇല്ലാത്തെ?
“ഞാൻ അവളെ തിരിച്ചു നിർത്തി താടിയിൽ പിടിച്ചുയർത്തിക്കൊണ്ട് ചോദിച്ചു !”
“എന്തിനാ അത്ര നല്ലതൊക്കെ വാങ്ങിയേ….. ”
അവൾ പരിഭവത്തോടെ പറഞ്ഞു കൊണ്ട് കട്ടിലിൽ ഇരുന്നു.
ഇഷ്ടയില്ലേ?
“ഇഷ്ടാവാഞ്ഞിട്ടല്ല… കൊറേ പൈസ ആയീലെ…
വെറും 800 രൂപ…
ഞാൻ അവളുടെ മടിയിൽ ചെന്ന് കിടന്നുകൊണ്ട് ചിരിയോടെ പറഞ്ഞു.
“എന്നെ പറ്റിക്കണ്ടാ.. ശരിക്ക് എത്ര ആയി അതിന്….
“അറിഞ്ഞിട്ടിപ്പൊ എന്തിനാ…..?
“ചോദിച്ചൂന്നെ ഒള്ളൂ….
അവൾ പതിയെ പറഞ്ഞു കൊണ്ട് എന്റെ മുടിയിൽ തലോടി.
“അതിന് മൂവായിരം രൂപയേ ആയുള്ളൂ….. “
എന്തിനാ അത്രയൊക്കെ….
“മങ്ങിയ നിറങ്ങളിലല്ലാതെ നിന്നെ ഞാൻ കണ്ടിട്ടില്ല അമ്മൂ .എന്റെ പെണ്ണിനെ ഒരു ദിവസമെങ്കിലും രാജകുമാരിയായി കാണാൻ എനിക്കൊരു മോഹം അതുകൊണ്ട് വാങ്ങിയതാ… “
ഞാൻ അവളുടെ കൈത്തലം അമർത്തി ചുംബിച്ചു കൊണ്ട് പറഞ്ഞു.
“എനിക്കങ്ങനെ വല്യ ആഗ്രഹങ്ങളൊന്നും ഇല്ല പോന്നൂസേ… പിജിക്ക് പഠിക്കണ സമയത്ത് ആകെ രണ്ട് ചുരിദാറെ ണ്ടായിരുന്നുള്ളൂ… കുട്ടികളൊക്കെ എന്നെ കളിയാക്കുമായിരുന്നു . ഇന്ന് പച്ച അല്ലെ അപ്പൊ നാളെ നീല തന്നെ എന്നൊക്ക പറഞ്ഞ് !ഓണത്തിന് ഉടുത്തോണ്ട് പോവാൻ സെറ്റ് സാരി പോലും ണ്ടായില്ലാ… അന്നും ഞാൻ ഈ പച്ചയോ നീലയോ തന്നെ….
മുഖത്തു ചിരി വരുത്തിക്കൊണ്ടാ ണവളത് പറയാൻ ശ്രമിച്ചതെങ്കിലും അവളുടെ കണക്കു കൂട്ടൽ തെറ്റിച്ചോണ്ട് രണ്ട് തുള്ളി ചുടു കണ്ണീർ എന്റെ കവിളിൽ വീണു.
എനിക്കാകെ വല്ലാതായി കല്യാണം കഴിഞ്ഞ ഒരു പെണ്ണിന്റെ അവസ്ഥ ആണിത്. ഞാൻ അവളുടെ മടിയിൽ കിടന്നോണ്ട് തന്നെ കയ്യുയർത്തി അവളുടെ കണ്ണ് തുടച്ചു പിന്നേ കഴുത്തിനു പിറകിലൂടെ കൈ ഇട്ട് മുഖം പിടിച്ചു താഴ്ത്തി അവളുടെ കവിളിൽ അമർത്തി ഉമ്മവെച്ചുകൊണ്ട് അങ്ങനെ കിടന്നു.അവളപ്പൊഴും ചെറുതായി വിതുമ്പുന്നുണ്ടായിരുന്നു.
“കഴിഞ്ഞതോർത്ത് വിഷമിക്കണ്ട..
ഇനി ഞാനുണ്ട്.. ”
ഞാൻ അവളുടെ കാതിൽ പറഞ്ഞു.