“എന്തേലും ഒന്ന് പറ മനുഷ്യാ
ഞാൻ പറയുന്നത് കേട്ടോണ്ടിരിക്കാതെ.. !
അവളുടെ സംസാരം ശ്രദ്ധിച്ച് മിണ്ടാതിരിക്കുന്ന എന്റെ നോക്കിക്കൊണ്ട് അവൾ കുറുമ്പൊടെ പറഞ്ഞു..
“നീ പറഞ്ഞോ നിന്റെ സംസാരം കേട്ടോണ്ടിരിക്കാൻ നല്ല രസാണ്..!
ഞാൻ ചിരിയോടെ പറഞ്ഞു..
അതോടെ കക്ഷി ഫുൾ ഫ്ലോയിൽ ആയി. ഭക്ഷണവും കഴിച്ചു ഞങ്ങൾ വീട്ടിൽ എത്തിയപ്പോൾ സമയം ഒൻപതു മണിയായിരുന്നു. ഞങ്ങളുടെ അടുത്തിടപഴകിയുള്ള നടത്തവും സംസാരവും ആസ്വദിച്ചുകൊണ്ട് ലച്ചു ആൻഡ് ടീം ഉമ്മറത്തു തന്നെ ഇരിക്കുന്നുണ്ട്.
“ഞങ്ങള് പുറത്ത്‌ന്ന് കഴിച്ചു. നിങ്ങള് കഴിച്ചില്ലേ..?
ഞാൻ അവരെ ഫേസ് ചെയ്യുന്നതിലെ ചളിപ്പ് മാറ്റാൻ ചോദിച്ചു. ലച്ചു അപ്പോഴും എന്നെ അടിമുടി സ്കാൻ ചെയ്യുവാണ്.ആ കളി ഒഴിവാക്കാനായി ഞാൻ നേരെ ചെന്ന് നിലത്തിരുന്ന് ആ മടിയിലേക്ക് തലവെച്ചു.
“മസാജ് ചെയ്തേ ലച്ചൂ..
ഞാൻ തടിച്ചീടെ കൈ രണ്ടും എന്റെ തലയിൽ പിടിപ്പിച്ച് പറഞ്ഞു.
“കണ്ണേട്ടൻ അമ്മ മോനാല്ലേ…
എന്റെ പെരുമാറ്റം കണ്ട് ശ്രീക്കുട്ടി ചിരിയോടെ ചോദിച്ചു. എല്ലാരും ഞങ്ങളെ ശ്രദ്ധിക്കുവാണെന്ന് അപ്പോഴാണ് എനിക്ക് മനസ്സിലായത്.
“ആ ഇപ്പഴൊക്കെ അമ്മ മോനാണ് മോളെ കുറച്ചു കഴിയുമ്പോ എന്താവും ന്ന് അറിയൂല….
ലച്ചു ചിരിയോടെ പറഞ്ഞു.
“അല്ല അമ്മമാരേ സ്നേഹിക്കുന്നവർക്കേ ഭാര്യയെ സ്നേഹിക്കാൻ പറ്റൂ.. ”
ശ്രീക്കുട്ടി അർത്ഥം വെച്ചു പറഞ്ഞത് കേട്ട് എല്ലാരും പരസ്പരം നോക്കി.
അവിടെ നിൽക്കുന്നത് പന്തിയല്ലെന്ന് മനസ്സിലാക്കി എണീക്കാനൊരുങ്ങിയ എന്നെ മാമ തടഞ്ഞു. മൂപ്പര് തള്ള് തുടങ്ങുന്നതേ ഉണ്ടായിരുന്നുള്ളൂ ഗൾഫിലെ വിശേഷങ്ങൾ പൊടിപ്പും തൊങ്ങലും ചേർത്ത് പറഞ്ഞു പുള്ളി ചിരിയുടെ
മാലപ്പടക്കം തീർത്തു. അസാധ്യ തള്ള് വരുമ്പോൾ ശ്രീക്കുട്ടി മാമയുടെ പിറകിൽ നിന്ന് പുളുവാണെന്ന് സിഗ്നൽ തരുന്നുണ്ടായിരുന്നു. ലച്ചുവും മോശമൊന്നും ആയിരുന്നില്ല.
“സമയം പതിനൊന്നു മണിയായി
കിടക്കാം..!
ലച്ചു ഓര്മിപ്പിച്ചപ്പോഴാണ് മൂപ്പര് പരിപാടി നിർത്തിയത്.അതോടെ എല്ലാവരും എണീറ്റ് കിടക്കാൻ പോയി..
“ഗുഡ്.. നൈറ്റ്..
ആരും കാണാതെ ശ്രീക്കുട്ടി എന്റെ കാതിൽ വന്നു പറഞ്ഞു.
“ഗുഡ് നൈറ്റ്…
ഞാനും അവളെ നിരാശപ്പെടുത്തിയില്ല.
എല്ലാവരും ലൈറ്റ് അണച്ചു കിടന്നെങ്കിലും എനിക്ക് ഉറക്കം വന്നതേ ഇല്ലാ. എന്റെ പെണ്ണിന്റെ അവസ്ഥ എന്താണോ എന്തോ..?
ഞാൻ ഫോൺ എടുത്ത് അവൾക്ക് ഡയൽ ചെയ്തു.
ഹലോ…
“ഒറങ്ങീലെ പെണ്ണെ..?
അവൾ പതിവിലും കുറഞ്ഞ ശബ്ദത്തിൽ സംസാരിക്കുന്നത് കേട്ട് ഞാൻ ചോദിച്ചു..
“ഇല്ലെന്നേ.. എട്ടു മണിക്ക് കേറി കെടന്നതാ
. കണ്ണടച്ച് കിടക്കാൻ തുടങ്ങീട്ട് നേരം കുറെ ആയി.ഉറക്കം വരണ്ടേ..?
അവൾ ദൈന്യതയിലും ചിരിക്കാൻ ശ്രമിച്ചു.
“പുറത്തൂന്ന് എന്തൊക്കെയോ ശബ്ദം കേൾക്ക്ണ പോലെ. ചെലപ്പോ അത് തന്നെ ശ്രദ്ധിച്ചു കെടന്നിട്ടാവും. പൊന്നൂസ് കിടന്നില്ലേ..?
“ഉം.. ഞാൻ ഇപ്പൊ കെടന്നേ ഒള്ളൂ
. ഡീ നിനക്ക് പേടിയാവുന്നുണ്ടോ ?
“സത്യം പറഞ്ഞാൽ ചെറിയ പേടി ഒക്കെ.. ണ്ട്..
ഉമ്മറത്തു കൂടെ ആരോ നടക്ക്ണ പോലെ..
സാരല്ല ഇന്നൊരു രാത്രി അല്ലേ..
ഇനി അതോർത്തു കിടക്കണ്ടാ.പൊന്നൂസ് ഉറങ്ങിക്കോ ഗുഡ് നൈറ്റ്… ”
അവൾ ഫോൺ വെച്ചതും എന്റെ അസ്വസ്ഥത കൂടി. അവളാകെ പേടിച്ചു മരിച്ചിരിക്കുകയാണ്‌ എന്ന് ആ ശബ്ദം കേട്ടാൽ അറിയാം. എന്റെ അനുവാദത്തിനു കാത്തു നിൽക്കാതെ കാലുകൾ കിടക്കയിൽ നിന്നെണീറ്റ് നടന്നു തുടങ്ങി. ശബ്ദമുണ്ടാക്കാതെ വാതിൽ തുറന്നു. എവിടെയും ലൈറ്റ് ഒന്നും കാണാനില്ല എല്ലാരും ഉറങ്ങിക്കാണും.ഞാൻ പതിയെ ഉമ്മറവാതിൽ തുറന്ന് പുറത്തേക്കിറങ്ങി വാതിൽ പുറത്തു നിന്ന് ചാവി കൊണ്ട് പൂട്ടി.വണ്ടി എടുത്താൽ എല്ലാരും ഉണരും.പക്ഷെ ടാങ്ക് കവറിൽ നിന്ന് അവൾക്ക് മേടിച്ച ഫോൺ എടുക്കാൻ ഞാൻ മറന്നില്ല. ഉച്ചക്ക് തന്നെകൊടുക്കാൻ പറ്റീല. . പിന്നെ ഒന്നും നോക്കീല നേരെ ഒരോട്ടം വച്ചു കൊടുത്തു. അത് അവസാനിച്ചത് തറവാട്ടിലെ പിറകിലെ പറമ്പിൽ ആണ്. ഞാൻ തറവാടിന്റെ വടക്കേ മുറ്റത്തു എത്തിയതും ഉമ്മറത്ത് നിന്നും ഒരു രൂപം പുറത്തേക്ക് ചാടി കാവിനടുത്തേക്ക് ഓടി.ഒരു നിമിഷം അത് കണ്ട് ഞെട്ടിപ്പോയെങ്കിലും പൂർവാധികം ശക്തിയോടെ ഞാൻ ആ രൂപത്തിന് പിന്നാലെ കുതിച്ചു. ആകെ പരിഭ്രാന്തനായി ലക്ഷ്യമില്ലാതെയാണ് ആ മനുഷ്യൻ ഓടുന്നത്.ഇല്ലത്തൊടിയിൽ വേലിക്കകമ്പിക്കടുത്തത്ത്‌ ചാരി
വെച്ചിരുന്ന ഒരു മരക്കഷ്ണം എന്റെ ശ്രദ്ധയിൽ പതിഞ്ഞതും ഞൊടിയിടയിൽ ഞാനത് കയ്യിലാക്കി ആഞ്ഞു കുതിച്ചു. ഒറ്റക്കുതിപ്പിന് അവന്റെ അടുത്തെത്തി ഞാൻ ആ മരക്കഷ്ണം ആഞ്ഞു വീശി..
ആാാ…
തലക്ക് പിറകിൽ ശക്തിയായ അടിയേറ്റ് അവൻ കമിഴ്ന്നടിച്ചു മുന്നിലേക്ക് വീണു.പിന്നെ ഞരങ്ങിക്കൊണ്ട് മലർന്നു കിടന്നു!
“കുട്ടൻമാമ…!
തടിക്കഷ്ണം കൊണ്ട് ആ മുഖത്തിനു നേരെ ആഞ്ഞു വീശുന്നതിനിടെ ഒരു ഞെട്ടലോടെ മനസ്സ് മന്ത്രിച്ചു.
“തല്ലല്ലേ കണ്ണാ..
കുട്ടമ്മാമ കയ്യുയർത്തി അപേക്ഷിച്ചു.
പക്ഷെ എന്റെ മനസ്സ് എന്നെ അനുസരിക്കാൻ തയ്യാറല്ലായിരുന്നു.ഞാൻ തലങ്ങും വിലങ്ങും അയാളെ ആഞ്ഞു പ്രഹരിച്ചു.പാമ്പിനെ തല്ലുന്ന പോലെയാണ് ഞാൻ തല്ലികൊണ്ടിരുന്നത്. ഓരോ അടിക്കും അയാൾ അലറിക്കൊണ്ട് പുളഞ്ഞു.
“നിന്റെ വീട്ടില് ഒരെണ്ണം ഇല്ലേ മൈരാ. എന്നിട്ടെന്തിനാ നീയീ പാവത്തിന് പിന്നാലെ…
സങ്കടത്തോടെ അലറിക്കൊണ്ട് ഞാൻ ആ വടി വലിച്ചെറിഞ്ഞുകൊണ്ട് നിലത്തേക്കിരുന്നു. എന്ത് മൈര് കുടുംബമാണ് ദൈവമേ.ഞാൻ സങ്കടത്തോടെ ഓർത്തു.
“ഞാൻ അമ്മൂനെ മോഹിച്ചു വന്നതല്ല കണ്ണാ… !
തളർച്ചയോടെ എണീറ്റിരുന്ന് കൊണ്ട് കുട്ടമ്മാമ എന്നെ നോക്കി പറഞ്ഞു.
“പിന്നെ നീയെന്ത് പൂറിനാ മൈരേ അവടെ കെടന്ന് കറങ്ങിയേ.. ?
എന്റെ സകല നിയന്ത്രണവും വിട്ടിരുന്നു.
“എനിക്കൊന്നും തരാതെ എല്ലാം കെട്ടിപിടിച്ചു കിടക്കുന്നുണ്ടല്ലോ ആ തള്ള.അതിന്റെ പെട്ടിയിൽ പൂത്തിവെച്ചതൊക്കെ എടുത്തോണ്ട് പോവാൻ.. !
അയാൾ സങ്കടത്തോടെ പറഞ്ഞു.അത് കേട്ടപ്പോൾ ഞാനൊന്ന് അയഞ്ഞു.സംഗതി അച്ഛമ്മ ആ കാണിച്ചത് ചെറ്റത്തരം തന്നെയാണ്. എല്ലാം കുണ്ടൻ മോന് വേണ്ടി എഴുതി കൊടുത്തത്.അതോടെ എന്നെ കുറ്റബോധം വേട്ടയാടാൻ തുടങ്ങി.
“വാ എണീക്ക് മാമേ !
ഞാൻ മൂപ്പർക്ക് നേരെ കൈ നീട്ടി !
“വേണ്ടാ.. നീ പൊയ്ക്കോ ഒരുപകാരം ചെയ്യണം ആരോടും ഇതൊന്നും പറയരുത്.. !
അയാൾ കൈകൂപ്പി കൊണ്ട് പറഞ്ഞു.
പക്ഷെ ആ അവസ്ഥയിൽ അയാളെ അവിടെ വിട്ടിട്ട് പോവാൻ എനിക്ക് തോന്നീല.ഞാൻ മാമയെ പിടിച്ചെഴുന്നേൽപ്പിച്ച് തോളത്തു കൂടെ കയ്യിട്ട് താങ്ങി കൊണ്ട് നടന്നു.ഒരു കൈ എന്റെ തോളിലിട്ട് മൂപ്പര് അനുസരണയോടെ വെച്ചു വേച്ചു നടന്നു.
“നീയും അമ്മുവും തമ്മിലുള്ളതൊക്കെ എനിക്കറിയാം !
അവൻ കുണ്ടനാണെന്ന് എനിക്ക് പണ്ടേ അറിയാം. ആ പെണ്ണിനെ എങ്ങനേലും രക്ഷിക്കണം.
